عنوان الموضوع : الاستراحه....سرقت زوجي...هل من حل ؟؟؟؟ الطبيب يجيب
مقدم من طرف منتديات نساء الجزائر

الاستراحه....سرقت زوجي...هل من حل ؟؟؟؟



بسم الله ابداثم احب اشكر جميع مشرفات واعضاء هالمنتدى المميز
مشكلتي زوجي مايجلس في البيت الا ساعات قليلة متعلق بالاستراحة (الله يقطعها)رغم اني اسوي كل مابوسعي عشان يسهرليلة وحده في البيت..اسوي اجواء واضبطلة سهرة ومع كذا يتفلت ويتنصل مني ويقدملي حجج بس عشان يروح...قلتلة مو لازم تسهر كل الليل عندي اجلس عندنا شوي بعدين روح اسهر يقول اصلا انا آخر واحد يجي للاستراحه ولا تحاولين تمنعيني ..طبعآ الاستاذ يجي من الدوام الساعه 3 يتغدى وينام يصحى 8 على طول يلبس ويطلع ماينتضر حتى يتقهوى معاي يجي اخر الليل الساعه 2 وينام مقدر اتكلم معه ولا شي كل الاساليب استخدمتها معاه مافي فايده درجة حتى بالخميس والجمعه يتغدى ويطير اقوله مين يروح الظهر الاستراحه يقول الحين الاقيها فل مالي مكان اجلس..طبعا هو يروح عشان يعسل بس يقول مو كل يوم اعسل
والله اني ماعاد اشوفه الا اخر الليل واذا جيت كلمته بموضوع قال :داايخ ابي انام وعلى هالمنوال بس انا واثقه في الله اولا ثم من صاحبات الخبره في هالمجال والعضوات العزيزات انهم يلاقونلي حل

>>>>> ردود الأعضـــــــــــــــــــاء على الموضوع <<<<<
==================================


الله يفرج همك ويوفقك ويسعدك
ويحقق امانيكـــــــــ ,,,,ويسر امرك ويستر عليك
الله يفرح قلبك ويتمم فرحتكـــــــــــــــــــــــــــــــــــــــ
حيااااااااااك غناااااااااااتي
تمنين ذريه..زواج,,,نجاح...توبه...حياك ان شاء الله ماتندمين


__________________________________________________ __________

خليه يركض ويعد التواني لشوفك اغرى زوجك خلي يوم بس بالاسبوع يقضيه مع اصحابه شوفي متلا اليوم الاول ارسلي له رساله انك مشتاقه ليك ومسويا لك مفجاءه فى الليل اطبخي الي يحبه قلبه" وبعدين زيني روحك واسدلي شعرك والبسي احلي الملابس الي تغريه غيري روتين استقبالك له استنيه عند الباب واحضنيه وقولي له اتوحشتك ياعمري اعملي له مساج ودلعيه بالي يبغيه وشوفي ادا قدر يطلع لاصحابه


__________________________________________________ __________

والله انا كان طليقي كذا وابتلشت به بعدين قلتله جيب لك شيشه بالبيت وجاب وصار يقعد هو صحيح ريحتها قلق ومغثه بس يعني ممكن تخفف من روحاته شوي


الله يسخره لك قلبه وعقله يارب

دعواتك ان الله يفرج كربتي


__________________________________________________ __________

شوفي حبيبتي

انا مثلج زوجي كله مع ربعه

بس عرفت له قولي شلون ؟؟؟؟

ما أقعد أحن عليه ليش وليش؟

اخليه على راااااااحته

ومنها فرصة اقعد مع نفسي واسوي كل الشغلات اللي ابيها

لان بوجوده ماقدر اسوي شي

عودت نفسي على هالشي والحين الحمدلله

صرت ارتاح لما يطلع

وحتى هو صار يحب يقعد وياي لانه يحس بجو هادي مايحس انه قاعد مع المحقق كونان

وترى الريال فيهم مايداااااااني المرة الحناااانة

يعني لو قعدتي تحنين عليه يشرد منج

ولو خليتيه براحته يرجع لج

نصيحتي اتركي عنج الاهتمام الزايد فيه وراح ترتاحين انتي وهو بعد يرتاح


__________________________________________________ __________

اللللللللللللللللللللللللللللللللله يعينك
تصدقين كانك تتكلمين عن دادي
اول كان يجلس معنا ويستهبل والحين كل حياته للاستاحه حتى إذا طلعنا لسوبر ماركت يخذ اغراض للاستراحه وما ياخذ لنا
وانا حياتي كله على اللابتوب وماما من بعد دادي وطلعاته للاستراحه صارت تزعجني وتقول تعالي اجلسي معي واحنا كل يوم على الحاله هذي بس من جد تقطع قلبي ماعندها احد تجلس معه