عنوان الموضوع : صدمتي كبيرررره -لصحتك
مقدم من طرف منتديات نساء الجزائر

صدمتي كبيرررره



بنات أنا متزوجـه من 4شهـور وعندي اخة اصغر مني وتزوجت بعدي بشهـر هي من يوم مانخطبت وهي شااايفه نفسها على الكل فترة خطبتها كان تقولي انتي تغارين مني وماحطيت كلامها في بالي قلت صغيره وبكره بتكبر وتعرف الدنيا زين المهم تزوجت وانفطر قلبي عليها رغم اني تزوجت قبلها بس فقدتها حيل علاقاتي كانت معها بعد زواجنا عايديـه بين فتره وفتره ادق او هي تدق او رسايل بس علاقتها مع اختي الي اكبر مني حييل قويـه انا ماركزت بهل امـرقبل يومين قررت اسافر لها هي ساكنه في الشرقيـه وانا في الرياض وانا كنت طالبه لها هديـه من بره ووصلت يوم السبت فحبيت اوصلها يـآهـ فماصدقت زوجي يفضى الى قلت له خلنا نروح نتمشا وفي طريقي اوصل الهديه طبعاا ماقلت لحد اني بسافر ويوم وصلت هناك علمت ماما بعدين دقيت على اختي ماردت ارسلت لها رساله اني انا بالشرقيه وبمرها ومريوم كامل ماردت لي خبر وبعدها دقت وقالت لي انا عند اهل زوجي قلت لها مومشكله بمرك المهم اسلم عليك قبل اسافر رحت بيت اهل زوجهـآ ماكانت موجودهـ انتظرتها ربع ساعه بعدين جت قالت كنت في بيتي البس هذه اول صدمـه لي كيف كنتي في بيتك وانتي قاله لي انك عند اهل زوجك طنشت وقلت خليني احسن الظن اسلوبها معي جدا زفت انتي لي شكلك كذه وليه شعرك كذه وليه وليه والله احرجتني قدام اهل زوجها تضايقة حيل فارسلت لي زوجي مرني اذا فاضي قعدت اقل من ساعه وطلعت وانا منهـآآآرهـ والله يابنات احس الدنيا صاكه فيني لاتقولون عادي اول شي توقعتها تعزمني في بيتها لاني ماقد شفته حتى يوم جيت امشي ام زوجها قالت لي اذا بقعدين بكره لازم تجين تزورينا وهي ولافتح معي الموضوع والله من يوم ماطلعت من عندها وانا ابكي زوجي يحسب لاني بفارقها قالي عادي اذا تبغين تقعدين يوم بعد معها مومشكله وانا الناار بداخلي تحرقني ماقلت له السبب مقهوره على كل شي على التعب الي تعبته عشانها والله كرفت زوجي يروح يستلم الهديه من الجمارك وجبتها بذاك المبلغ وهي ولاهمها.. زوجي بعد كذه حس ان السالفه موسالفة فراق وقالي قالت لك شي لانه يعرفها من قبل دايم تجرحني ماقلت له ايش فيني بس النفسيه شاينـه..
مصدوومـه ليش الغرور معقوله الى الان حاطه ببالها اني انا اغار منها.؟؟
وعلى ايش غار والله انها بمشاكل هي وأهل زوجها الله يعلم بها ودايم ادعيلها ...بجد موعارفه كيف اتصرف معها حابه افضفض لزوجي بس اخاف يمسكها علي..
انتوا شو رايكم

>>>>> ردود الأعضـــــــــــــــــــاء على الموضوع <<<<<
==================================


عزيزتي

اولا الف مبروك الله يجمع بينكما بخير ويوفقكم ويسعدكم انت وزوجك

واختك الله يهديها

كم عمرها يعني ممكن تكون صغيرة الله يصلحها

وبعدين على اي اساس قررت انك تغارين منها الله المستعان

المهم عزيزتي انت ماقصرتي الله ياجرك واحتسبي الاجر عند الله ووكلي امرك اليه

ونصيحة لاتقولي لزوجك خلاص يقول لك المثل

خليها بالقلب تجرح ولاتطلع برا وتفضح

خلي اللي بالقلب بالقلب واتصبري وحاولي تشوفي مع امك او اختك ليش تتعامل اختك معاك بهالشكل

وخليكي طيبة معاها واخلاق وماعليكي منها

ياالايام بتغيرها والحياة يااما بتظل كذا الله يهديها لكن اذا هي بهاالاخلاق اعتقد صعب تتعامل مع الناس وتتعايش معاهم وصعب تعيش حياتها حتى مع زوجها والاهل

الله يعينها على نفسها

دام هي بمكان وانت بمكان الحمد لله وادعيلها الله يهديها

بالتوفيق

وعلى فكرة فيه اخوات زي كذا عندي صديقة دائما تقول لي عندها مشاكل مع اخواتها

انا ماعندي اخوات بنات لكن اتمنى والحمد لله على كل حال

الله يوفق الجميع


__________________________________________________ __________

انشاء الله ربي يهديها


__________________________________________________ __________

الله يهديها ويهدي الجميع لطريق الخير0000معليش عادي ياما في اخوات يتناقرون ويتزاعلون الليل والنهار ولما يجي وقت الجد تلاقين قلوبهم على بعض000ولا تخافين00بيجي يوم تحتاجك فيه وذيك الساعه بتعرف ان مالها صديق صدوق يحبها ويخاف عليها غير اختها حبيبة قلبها


__________________________________________________ __________

ياحبيبتي لاتقهرين نفسك أنتي لسى عرووس عيشي حياتك وأنبسطي لاتخلين الهم يدخل حياتك
ويأثر عليك
وبالنسبة لأختك بجد حالتها صعبة ..! يمكن هي تكون اللي غايرة منك لأنها تشوف أن حياتك أحسن من حياتها وزوجك أفضل من زوجها ..؟
أهم شيء أنتي أوصليها لاتقطعينها أبد لاتبدين بالقطيعة وخليك معها عادية مرره لاتحاولين تبدين لها أنك مهتمة من كلامها وإذا جرحتك بكلمة أسمعي وطنشي وسوي نفسك ماسمعتي كلمتها لاتخلينها تشوفك منجرحة أو مقهورة من كلامها لأن هذا يساعدها .. وصدقيني إذا شافتك كذا راح تتندم على كل شي سوته فيه وترجع علاقتكم أحسن من أول.. وزوجك لاتشكين له أمور أهلك أبد لأن الزوج مهما كان يحبك ويعزك يمسك ماينسى حتى لو بعد سنين دايم بيني له أن وضعك مع أخواتك حلوو ومافي خلاف ومع أهلك كلهم عموما

والله يسعدك ويوفقك في حياتك ويصلح شأنك أنتي وأختك يارب


__________________________________________________ __________

شوفي حبيبتي انتي شكله طيبه وحبوبه ..
......وصدقيني اللي يعيب فيك وفي شكلك .....هو الغيراااااااان منك.......
....وانا ماابي اشبها بينك وبين اختك.......بس نصيحتي لك /
انك اطنشينها واعتبري انها مو موجوده بالدنيا......
وقوي علاقتك في اختك اللي اكبر منك.....وقولي لها عن السالفه اللي صارت....
ولاتخلينها في خاطرك كلمي اختك الصغيره وقوليلها وصارحيها وشوفي وش عذرها....
وإذا عيبت اختك الصغيره فيك ردي عليها الصاع صاعين ....وفهميها إن مافيك شي يستاهل عشان اغار منك وانها عاديه .....
وقللي إتصلاتك لها.واثقلي عليها.......عشان تعرف تحترمك قدام الناس وتعدل اسلوبها معك......
....وزوجك لاتقوليله ابدااااااااااا لانه اكيد بيمسكها عليك ويعيرك فيها بعدين..
..وفي النهايه تبقون خواااات مالكم إلا. بعض وهذا اهم شي.....بس لابد من الإحتراااااااااااااام....