عنوان الموضوع : زوجى والحرام -لصحتك
مقدم من طرف منتديات نساء الجزائر

زوجى والحرام



السلام عليكم ...
انا متزوجة منذ سنتين وعمري 28 سنه ولدى بنت عمرها سنه
من بداية زواجنا كان هناك مشاكل بينى وبين زوجي مرة بسبب اهله ومرة بسبب عدم احترامه وتقديره لى وفي كل مرة كان يتدخلون اهلى ويصلحون بينا وهو يعتذر ويتاسف وقبل شهر فكرت احط لزوجى جهاز تسجيل في غرفة النوم يسجل مكالمته وانا فى العمل وبعدها بيومين استمعت لجهاز التسجيل واكتشفت انه يكلم بنات ويواعدهن ويطلع معهن ويقابلهن واجهته واعترف واعتذر ووعدني انه يتغير للافضل ( مع العلم انه يعترف انه انا ماني مقصرة معه في شئ) بعدها بفترة زراونا اهله وصار مشكلة بيني وبين اخته ( سوالف حرايم ) وقام يرفع صوته على ويشتم ويسب طلبت الطلاق منه وطلقني طلقة واحدة وطلبت منه انه يطلق بالثلاث وطلق بالثلاث ورحت لبيت اهلى وصار بعدها يجي ينزل اغراضى واغراض بنته في حوش اهلى ويرسل رسالة لاهلى خذوا اغراض بنتكم
هالحين لى اكثر من الشهر وانا بيت اهلى ولاجاء ولاسال عن بنته وجاء عن ابوى يعتذر ويتاسف بس ابوي ماكلمه
انا مصممه اني ماارجعله بس اخاف اظلم بنتى بعدين ... ياليت تعطونى الحل اولوفيه وحدة نفس مشكلتى تقولى وش سويت
بالنسبة لاهله مافيه امل يتدخلون لانهم شيفيني ولدهم رجال لانهم معتقدين انه طلقني علشان المشكله اللى صارت مع اخته

>>>>> ردود الأعضـــــــــــــــــــاء على الموضوع <<<<<
==================================


الله يصلح حالك يارب

بس حبيبتي انت تطلقتي 3 طلقات يعني ما حدا رح يقدر يفيدك هون لازم تسألي شيخ لأنه يمكن ترجعيله وتكون علاقتكو بالحرام لا سمح الله

والله يهدي بالك


__________________________________________________ __________

المشكله مو مشكلة اهله او خواته والمشاكل اللي بينكم الله يهديك انتي تسرعتي بقرارك ومهما كانت المشاكل ممكن تتجنبينها وتتغاضين عنها مو عشان شي عشان بنتك بس انتي طلبتي الطلاق واللي اعرفه انه لو طلقك بالثلات ابد ماتحلين له الا بعد ماتزوجين من شخص اخر وطلقك هالشخص ممكن بعدها لو زوجك يبي يرجعك ترجعين و لو طلقه وحده ممكن يرجعك بس هذا اللي سمعته واللي اعرفه والله اعلم انتي لازم تستشيرين اهل الاختصاص وتعرضين مشكلتك عليهم يمكن يختلف وضعك بس انتبهي ترجعين له من غير شور القضاه بالنسبه للطلاق هم اعلم وادرى ولاتاخذين بإي راي غير المختصين تراها مو سهله والله يكون بعونك


__________________________________________________ __________

اختي قدر الله وماشاء فعل

خلاص انتي عيشي حياتك وبنتك معاكي وربيها ولا تتعبي نفسك وتفكري في طليقك

الله يستر عليكي ويعوضك خير

تحياتي


__________________________________________________ __________

حبيبتي ما دامه طلقك بالثلاث ما يصير ترجعيله إلا لو تزوجتي من رجال ثاني ودخل عليك وبعدها لو طلقك أو توفى لا سمح الله ممكن يرجعلك أبو بنتك

بس الأحسن لا ترجعيله ولا تفكري بهالإسلوب خليه أحسن إنتي ارتحتي منه واحد خاين وش تبين الله يساعدك حبيبتي عيشي حياتك ولا تفكرين فيه


__________________________________________________ __________

ياقلبو خلاص
مافيه رجعه على ما اعتقد
اسئلي الشيخ وهو بيقولك
اكثري من الاستغفار
والله تشوفين العجايب برزق وسعاده
قل مايصيبنا الا ماكتبه الله لنا
لاحول ولا قوة الابالله