عنوان الموضوع : في حاله لايعلمها الا الله مجابة
مقدم من طرف منتديات نساء الجزائر

في حاله لايعلمها الا الله



السلام عليكم ورحمة الله وبركاته


بنات انا تعبانه كثير وقليل علي كثير انا لي سنتان و9شهور لم أرزق بالذريه والحمدلله على قضاء الله وقدره بس المشكله اني اتعب في عملية الإيلاج ادري بتقولون الله من صجك منزمان متزوجه والى الآن بتعانين وزوجي مل مني لانه يبقى يجامع مثل الناس وتصدقون حتى أول ماتزوجت ماانفتحت إلا بعمليه جراحيه وكانت مؤلمه بالنسبه لي وانا وزوجي نبقى اطفال زوجي يقولي وبيجرحني كثير يقول لاتحلمين تحملين وانتي كذا وانا اقول مافي شي على الله سبحانه
زوجي وانا بنحب بعض كثييييييير والله يشهد ع حبنا وحتى ابوه وامه بيقولون انتي غيرتيه كثير وانا الصراحه اذا جلست لحالي افكر بالانفصال لاني تعبت كثير من هالشي وخايفه انهم يسون لي عملية توسيع متعقده من اللي قبلها والله ودي اسعد زوجي بالحمل او بإيلاج عدل
ريحوني مالحل الصحيح ولكم مني دعوه
بس امانه لاتجرحوني بكلمه اللي فيني مكفيني احس اني بجن حطو نفسكم نفسي والله تعبانه الاكل ماآكله من التفكير ونحفت كثير ردو علي

>>>>> ردود الأعضـــــــــــــــــــاء على الموضوع <<<<<
==================================


والله ماالى خبرة فى هذه مواضيع

ولكن اتمنى لك ياااارب الذريه الصالحه
ياااارب ان شاء الله ترزقى بالذريه الصالحه عاجلا ليس اجلا
باذن الله


__________________________________________________ __________

الله يرزقك بالذريه الصالحه

حاسه فيك يالغلا وادري انه شئ صعب عليك

حبيبتي اتبعي نصيحتي اول شئ توكلي على الله سبحانه

ثاني شئ كثري من الاستغفار وصلاه الليل وفي السجود قولي ربي لاتذرني فردا الخ

قولها 40 مره يعني في كل سجده 10 ولا تنسين الصدقه بنيه الحمل

ترى انا ماحملت الا لما سويت هالشئ

وبعدها اذا خلصتوا من الجماع لاتقومين بسرعه خليك منسدحه على ظهرك ورافعه رجوالك ربع ساعه

او نص ساعه اجلسي سولفي مع زوجك او اقرئ شئ

بعدها قومي عادي تروشي لكن لاتغسلين المنطقه بالمطهرات او بالغسول المعقم

لاتغسلينه بالغسول الا اليوم الثاني

وابعدي عن المشروبات الغازيه والوجبات السريعه وكثري من الفواكهه والخضار

واتمنى لك التوفيق


__________________________________________________ __________

السلام عليكم اول شي توكلي علي الله وبعدين روحي دكتورة نساء ترا العلم تطور اكيد تلقي حل ربي يفرج كربك ويفرحك بذرية الصالحه بس لا تخلي روحك شوفي دكتوره


__________________________________________________ __________

هلا حبيبتي اخبارك لاتشلين في بالك انشاءالله ربي بيحل لك ومن كان قلبه مع الله كان الله معاه صلي واستغفري بنية الحمل وانشاءالله ربي بيرزقك

وفيه حل ثاني:

اختي لما تزوجت قعدت 5 سنوات ماحملت راحت للمستشفيات ودورت العلاج حبوب وابر وتعب ومافاد
وراحت للمطاوعه تقراء ومافاد وحتى لدرجة انها سافرت للخارج الاردن والامارات ومالقت العلاج وبعد الله واذنه ورحمته راحت لطبيبه شعبيه دلتنا عليها جارتنا اسمها ام براهيم بالخرج الله يوفقها ويرزقها ويسعدها انشاءالله وعطتها تحاميل تحطها بعد الدوره شهر وبعدين حملت الحمدلله رزقها الله بتؤام
وعطتها دخون تحطه 5 الدوره وماشاءالله عليها على طول حملت



ماابي منكم شي الا تدعون لي ربي يرزقني بالولد ويقومني بالسلامه ويفرح قلبي واذا تبين رقمها مستعده اعطيك اياه بس بشرط ادعي لي بظهر الغيب وادعي لها


والله ولي التوفيق


__________________________________________________ __________

حبيبتي ما لي خبره بالموضوع
بس نصيحه اعملي العمليه او الجراحه وارتاحي اذا مافيها مخاطر او اثار جانبيه تضر فيك .
مثل ما يقولو وجع ساعه ولا وجع كل ساعه

وراجعي الطبيبه المختصه لمعرفة سبب تاخر الحمل واعملي الفحوصات اللازمه

موفقه باذن الله