عنوان الموضوع : ممكن مساعده !! مجابة
مقدم من طرف منتديات نساء الجزائر

ممكن مساعده !!



اولا السلام عليكم ورحمة الله
ثانيه بدي احكي مشكلتي ويا ريت انكم تسعدوني

انا فتاه عمري 19 سنه عايشه في مجتمع منفتح جدا
عاداتنا وتقاليدنا تضع لنا خط احمر امام هذا الانفتاح

المهم انا باول مراهقتي ووقت كان عمري 15 سنه حبيت شخص
وهو اكبر مني بسنتين .. المهم كنا نحب بعض حب طفولي ومراهقه يعني
واستمرينا بهالحب حوالي 4 سنين و كم شهر وصرنا نكبر و حبنا يكبر
بس كل علاقتنا كانت سريه بس انا وهو .. كنا نحكي مع بعض كتير وكل يوم بيمرق انا بتعلق في وهو بيتعلق فيني اكتر .. بالمناسبه .. مع كل هالغراميات بس ولا مره طلعنا مع بعض
ولا عملنا شي يغضب رب العالمين
المهم كبرنا واليوم صرنا بعمر الشباب وخلصنا مراهقه ..
كلو كان تمام لحد قترة قريبه من اليوم .. ابتديت احس انه حبه ل الي
عم يتغير .. صار يظهرلي انو حبه ل الي ك جسد اكتر من ما هو حب جوهري وعشق عذري .. وصرنا كتير نتخانق على اي شغله نعمل قصه كبيره .. لحتى مره طفح الكيل معي و قررت انو نترك .. الا انه كتير عارض و اكدلي انو لساته بحبني وما رح يتركني طول عمره .. بس انا مع هيك ما قدرت اتحمل و خلص انفصلنا .. بس ما الحب الا للحبيب الاول ..
بعد 6 شهور من الانفصال حنينا ورجعنا متل اول ..
المهم بعد ما تصالحنا مرقت فتره صغيره ورجعنا اتخانقنا ولليوم انا مش راضيه احكي معه مع انه حاول كتير كتير معي ..
بعدين هو متل الي كرامته حسسته انو خلص بكفي .. وقرر يبعد عني ..
ولكن من فترة للتانيه بيرجع يحكي معي ويحسسني اني دمرت له حب حياته
وانه لازم نرجع سوى ..

على فكره هو عصبي كتير و مره بعد خناقه كبيره راح ما يموت حالو والعياذ بالله .. وبيضل يحكيلي انت او بتكوني مرتي او ما بتكوني لحدا

وحاليا نحنا منفصلين بس هو رجع يلمح و يظهرلي انو ما نسي
بس انا ماشيه فيها عناد وما بدي خلص .. بس لما بشوفه عم يعمل هالعمايل بحن قلبي وبتذكر ايام زمان ..
مو عارفه شو اعمل ؟!
ارجعله ؟ او اتركه ؟

مع العلم اني بحبه لدرجه لا توصف وما اعتقد اني ممكن احب شخص
بهالطريقه !! وبنفس الوقت تصرفاته ما عم تعجبني وعم تضايقني ! والمصارحه مش نافعه معاه ! والله تعبت معاه

>>>>> ردود الأعضـــــــــــــــــــاء على الموضوع <<<<<
==================================


شوفي أختي الكريمة
اذا كان بحبك انت في بيت أهلك
وهو بيعرف البيت اذا كان بحبك حب للزواج
يجي ويخطبك من بيتك هيك بيصير كلو تمام
هاذي نصيحتي الك قوليلو هذا الكلام
وشوفي شو بقلك
سلام


__________________________________________________ __________

ذا كان بحبك انت في بيت أهلك
وهو بيعرف البيت اذا كان بحبك حب للزواج
يجي ويخطبك من بيتك هيك بيصير كلو تمام
وانا رأي نفس الشي بس اذا حاسة انو مو مناسب او ما بتقدري تكملي معو خلص انسي


__________________________________________________ __________

أختي الغاليه:
نصيحتي اليك أن تطلبي منه أن يتقدم لخطبتك من عند أهلك إذا رفض فاتركيه مباشرة
لأن الشخص اللي يرفض أكيد هو لعاب ويتضحك ع بنات الناس..
ولااااااااااااا تتعرفي ع شاب آخر لأنك راح تتدمري حياتك فوق تحت, والرجال يحبو البنت المحترمه التي لا تتعرف ع شباب من ورا أهلها
لأن الرجل عندما يتزوج تلك الفتاه التي تعرفت اليه من ورا أهلها سيتشكك بأن هذي الفتاة ستفعل أي شي من وراي بما إنها فعلتها مسبقا مع أهلها...
حبيبتي استغفري ربك وتوبي اليه وأذا مكتوب لك بأن تتزوجي فراح تتزوجي ولكن اصبري فإن الله مع الصابرين وكوني ف بيت أهلك معززه مكرمه إلى أن يأتي فارس الأحلام...


__________________________________________________ __________

حبيبتي بما انك قلتي انكم خلصتو المراهقة فشو بتستنو يجي يطلبك لانه راح ترجعو لبعض اكيد
بتوفيق يا حلوة


__________________________________________________ __________

السلام عليكم ورحمة الله وبركاته

عزيزتي ,,

الم تفكري ولو لحظة ماهو اخر هذا الشي الذي تفعلية انتِ وهو

اولاً هذا حراااام لا يجوز تتحدثي مع هذا الشاب

ثانياً اذا كان يحبكِ ويخاف عليك يذهب ويخطبك من اهلك اليس لديك اهل ؟؟؟

عزيزتي لاتتبعي هوى نفسك لأن النفس أمارة بالسوء

قال الله تعالى :-
( إِنَّ النَّفْسَ لَأَمَّارَةٌ بِالسُّوءِ ٌ)(53) يوسف

أبعد الله عنك الحيرة أتركي الأمر وتناسيه حتى تنسيه

تماماً وإذ كنتِ في بلد مختلط ؛ لاتختلطي به وحافظي

على حجابك وصلواتك والحرص على كل مايرضى الله ورسوله

من بر والديك ؛والصدقة ؛ وقيام الليل ,,

وأدعي الله إذ كان لك خيرة يسهل الله

عليك الأمر إذ كان لكِ صالح ...

ربنا أمرنا بالدعاء ووعد بالإجابة ..

كما قال تعالى :-
(وَقَالَ رَبُّكُمُ ادْعُونِي أَسْتَجِبْ لَكُمْ )(60) غافر

سمعي مني .. الشخص الي بحبك وبستاهلك وبستاهل حبك هو الشخص الي

بدق باب البيت .لو بيحبك يا قلبي كان ما صبر وكان خطبك

أكثري يا اختي من الإستغفار ليرزقك ربي الزوج الصالح

الذي تقر به عينيك ..

شرح الله صدرك ويسر أمرك ورزقك بالزوج الصالح الذي تقرين به عينيك ..
اللهم صلي على نبينا محمد صلى الله عليه وسلم ..

تحيتي ,,