بين نارين الطبيب يجيب

[aksachli]

عنوان الموضوع : بين نارين الطبيب يجيب
مقدم من طرف منتديات نساء الجزائر

بين نارين



السلام عليكم ورحمة الله وبركاته
اخواتي اكتب مشكلتي بعد ما ترددت كثير وتعبت وقلت اريح نفسي وافضفض حتى لو ما شفت حل لها
انا تزوجت من قبل 9 سنوات وربي رزقني بولدين ومن تزوجت وانا محبوسه بغرفه وحده لي ولاولادي بحكم ان زوجي ظروفه الماديه صعبه جدا تعبت وتذوقت الوان من العذاب لاني اعيش في غرفه لي ولاولادي وحمام مشترك والادهى اني اسكن شقه مشتركه لزوجي وااخته وزوجها والحمام للعائله كلها رضيت بهذا الوضع لكن من تزوجت وانا اسكن في الخبر وعائلته بالرياض اذا جاؤو الى الخبر يجون عندي بالشقه اخوانه الاولاد واخواتهم وامه من ان تزوجنا الى يومي هذا وكانوا اخوانه الاولاد صغار مع اني تعبت كثير منهم لان امهم ماتجي معهم دائما يكونون لوحدهم الاولاد وينامو عندنا والبنات يروحون لاهلهم هناك لان بنات اهلهم وصديقاتهم ويبقون الاولاد عندي بالشقه وانا انظف من بعدهم واطبخ لهم واشيل واحط ويتذمرون ويتكلمون كأنه من واجبي اني اسوي لهم وحتى امهم تتكلم نفس طريقتهم وياويلي ان ماطبخت ولا سويت يجلسون يعقرون فيني من وراي واولادها يشكون علي والحاله تقوم والحين احنا بالسنه التاسعه من زواجنا كبرو وبلغو وصارو رجال وتغطيت عنهم ولسه يجون عندي واختهم ماتجلس بالشقه تقابلهم ولا تقول شئ دايما تكون مسافره مع زوجها او رايحه لاهلها وانا اللي اعاني ومن يجون مايطلعون من الشقه يبقون عندي الى ان تطلع روحي واخلي زوجي يطلعني عشان افتك منهم بالنهايه اشوف واحد منهم متقدم بالسياره بيروح معنا وتعبت اشكي لزوجي وهو مو عارف شنو يسوي لان امه وانا بين نارين ومابي اضايقه اكثر بس تعبت صرت احيانا تزاعل معه والسبب اخوانه صرت اطلع واسافر لبيت اهلي عشان مااجلس معهم بس ماارجع الشقه الا وهم قالبينها لانهم يبقو بالشقه لوحدهم حتى لو كنت انا مش موجوده
وغير كذا من يجون الشقه يسببون لنا جفاف بكل شئ وزوجي بس يشتري وهم يلفوون على كل شئ ويطلبونه مصروف لانهم بعيدين عن ابوهم ومو دايما يلقون اكل لهم بالشقه احس اني مخنوقه لانه مديون ومو قادر يعيشنا ويسدد الاجار ويأكل اولاده ويجو اخوانه بعد احس انه مو عارف شلون يتحكم بنفسه هو بيصرف علينا والا على اخوانه والا على مين وصرت كل فتره ابيع قطعة ذهب من عندي عشان اجيب لاولادي اللي يبون الى ان خلص كل ذهبي مابقى منه شئ وزوجي ما يرضى بس انا بعته خلاص مو عارفه شلون اصرف على نفسي وعيالي مااحب اني ابين له اني محتاجه شئ واسوي نفسي عادي كل شئ موجود الحمدلله وانا محتاجه الف شئ وشئ واقول اهم شئ العيال و كل يوم تضيق وانا ادعي ربي يفرجها بس شلون تفرج واخوانه كل مابين فتره وفتره جاو عندنا وكنه يصرف على عايله كبيره وعليه دين يبي يسدده وهذا اللي مضايقنا اكثر تعبت ابي اشوف لي اي شئ قلت اشتغل اعينه وااعين نفسي واشوف لي شغله بس ماحصلت وصرت اطلب من خواتي يعطوني احيانا واذا اخذت منهم اجلس ابكي واقول اخر زماني اطر واشحت من هنا وهناك وما يصير عرس او مناسبه احس اني ضايعه شنو بلبس الاولاد ماشريت لهم ملابس من سنه ونص وكل اللي عندهم من عند الاهل وانا اخذلي شئ من عند خواتي الفستان من عند وحده والميك اب من عند وحده وووووو
ووضعي محرج جدا بس اللي يشوفني مايدري عن شئ احاول اتعفف ولا ابين الوضع اللي انا فيه حتى خواتي ماقلت لهم بس اسوي كذا على اساس بعدين برجع فلوسكم الحين ماعندي او مو مشتهيه اشتري شئ او محد وداني السوق بس احس انهم عارفين لاني اخر مره طلبت مبلغ كبير زوجي مايرضى بس اقوله برجعهم لها بعدين بس لان الحين نمر بأزمه ماليه كنت اتمنى اني اشتغل اي شئ بس مااطلبهم بس الحمدلله على كل حال اللي متعبني ومضيق علي بزياده جلسة اخوانه عندنا وهم كبار وانا من يجون ماطلع من غرفتي الا للمطبخ عشان اطبخ له ولهم وان طلعت من المطبخ جلست بغرفتي
وفي غرفه المفروض تكون لاولادي بس هم اذا جو احتلوها ويطردو اولادي عشان ينامون تعبت تعبت شنو اسوي

>>>>> ردود الأعضـــــــــــــــــــاء على الموضوع <<<<<
==================================

اختي ليش ماتحاولي تتوظفي او تكسبي رزقك من فرنك

والزمي الاستغفار اختي (من سخط فله السخط)

اختي اصبري يمكن هذا ابتلاء من الله وان شاء الله ربي بيعوضك عن معاناتك من السنين هذة

وزوجك وينه لازم يكون له كلمة في البيت

اختي الدعاء ثم الاستغفار

استغفري كثير الف مرة

وان شاء الله ربي يفرج همك ويرزقك من واسع رزقة

تحياتي

__________________________________________________ __________

حبيبتي يسعدني اكون اول من يرد عليكي
انا حاسه فيكي وبالمعاناة اللي انتي عايشتها
بحاول على قد مااقدر اقولك وعسى يفيد
اولا خلي زوجك يكلم اهله امه او ابوه يقولهم اخواني قبل كانوا صغار الحين شباب وزوجتي تتغطى عنهم يعني اذا جو البيت زياره حياهم اما بيجون بيجلسون زوجتي مابتجلس بالبيت
او اذا كان زوجك يستحي انتي لمحيلهم بتصرفاتك لانك اذا بتستحين راح يطدونك من سريرك وينامون عليه
اذا جو اجلسي بغرفتك ولا تطلعين منها خير شر الا للحمام وانتي بكرامه وقفلي بابك عليكي وان جا وقت النوم لاتفتحين لهم لمي عيالك ونامي مع عيالك لحالك او افرشيلهم برا الغرفه ان شاء الله بالمطبخ المهم ماينامون بغرفتك على شان يحسون
وعلى الاكل اذا كانوا اهلك قريبين منك روحي لاهلك كلي عندهم قوليلهم البيت فاضي وزوجك لايعطيهم يقول الراتب طار يتحجج باي شي صدقيني هم يجون عندكم لانهم يبون يغيرون جو واذا لقو جو بيتكم ملل وزهق وجوع راح يبطلون مره مرتين لين يملون واذا مانفع هذا كله مالك غير الصبر والدعاء

__________________________________________________ __________

الله يعيييييييييينك من جد لازم تحطي وضع عارفة كيف؟؟؟؟ هو شي صعي بس زوجك ما حيوقف كل شي عند حدو الا اذا سبتيه وكمان سيبيلو الاولاد خليه يتمرمط فيهم شوية والله ساعتها حيبيع الحابل عالنابل والله شي صعب انا حاسة فيكي لاني ام بس لازم تتعبي شوية عشان ترتاحي في الاخير الله يفرج همك يااااااااااااااااااااااااااااااااارب

__________________________________________________ __________

المشاركة الأصلية كتبت بواسطة لهفة انثى حبيبتي يسعدني اكون اول من يرد عليكي انا حاسه فيكي وبالمعاناة اللي انتي عايشتها بحاول على قد مااقدر اقولك وعسى يفيد اولا خلي زوجك يكلم اهله امه او ابوه يقولهم اخواني قبل كانوا صغار الحين شباب وزوجتي تتغطى عنهم يعني اذا جو البيت زياره حياهم اما بيجون بيجلسون زوجتي مابتجلس بالبيت او اذا كان زوجك يستحي انتي لمحيلهم بتصرفاتك لانك اذا بتستحين راح يطدونك من سريرك وينامون عليه اذا جو اجلسي بغرفتك ولا تطلعين منها خير شر الا للحمام وانتي بكرامه وقفلي بابك عليكي وان جا وقت النوم لاتفتحين لهم لمي عيالك ونامي مع عيالك لحالك او افرشيلهم برا الغرفه ان شاء الله بالمطبخ المهم ماينامون بغرفتك على شان يحسون وعلى الاكل اذا كانوا اهلك قريبين منك روحي لاهلك كلي عندهم قوليلهم البيت فاضي وزوجك لايعطيهم يقول الراتب طار يتحجج باي شي صدقيني هم يجون عندكم لانهم يبون يغيرون جو واذا لقو جو بيتكم ملل وزهق وجوع راح يبطلون مره مرتين لين يملون واذا مانفع هذا كله مالك غير الصبر والدعاء

انا مع العزيزه لهفة انثى
الانسان مو لازم يصير سلبي ويحني راسه للكل
الحق حق
وربنا يحب العبد القوي اللي يعرف ياخذ حقه ولا يكون ملطشه للي رايح واللي جاي
كل الحالات اللي حكيتي عنها العزيزه صاحبة المشكله ربنا مايرضى بيها
اذن انت ليه راضيه؟
شدي حيلك وخذي حقك ومستحقك

ربي يهدي اهل زوجك ويحسوا شوي على حالهم

تحياتييييييييييييييييييييي

__________________________________________________ __________

اكثري من الاستغفار هذا الي عندي لك قلبي معك ولن اتسك من ادعااااااااااااااء