عنوان الموضوع : الله يخليكم ساعدوني
مقدم من طرف منتديات نساء الجزائر

الله يخليكم ساعدوني



مساء الخير اخواتي

اكتب لكم بعد ماضاقت فيني الوسيعه
انا عمري 21 سنه مخطوبه (ملكه) لي سنه ونص كنت اموت فيه وماعمري كلفت عليه بشي ولا طلبت شي وقلت له لاتضغط على نفسك ومستعده اعيش معك لويم اكل وعشره لا
حتى مهري (30 الف) جابه بعد الملكه بثلاث شهور
المهم جلسنا اربع شهور كويسين مع بعض دايم يجي يزورني بس عمره ماجا لحاله امه واخوته واخوانه كلهم معاه وكلهم كبار اصغر واحد كبري
وعمره ماعطاني لو ريال واحد ولا قد دخل علي بهديه حتى لورده يقطعها من الشارع كنت اتمنى يجيبلي اي شي لو من ابو ريالين كنت اشوف صديقاتي ازواجهم يجبون لهم وكنت اتمنى مثلهم
بس طلع مررررره بخيل وجلده
كنت اخذ بخاطري وابكي بس امي تقولي يمكن ظروفه
المشكله ان راتبه حلووو بس ماادري وين يروح
حتى شحن جوال يقولي خلي ابوكي يشحنلك
حتى طقم الملكه مره خفيف والدبله انكسرت ثاني يوم
بعد اربع شهور من الملكه اهله الغيره ذبحتهم وصاروا يقولوا اني اغلط عليهم وابهدلهم وقدامه اصير كويسه
يعني اكتشفت انه ماله شخصيه اللي امه تقوله عليه يسويه
تخيلوا حتى رسايلي اللي ارسله له يوريها لامه
وربي يشهد على كل كلمه اقولها اني ماغلط عليهم اني دايم اسمع منهم كلام واطنش ومن هنا بدت المشاكل وقال انه مايبيني لاني مااحترم اهله
والله اني مرضت وصرت بالمستشفى كله من القهر وهو مافكر يسال عني
وصرت اكلم اخته وامه وارسل له ناس وابوي يكلمه
وكان يطنش وبعدين كلمته انا وقالي انا موقادر اغصب نفسي اني اكلمك
انا عايفك انا طابت نفسي منك
قال بس ماراح اطلقك بخليك كذا معلقه
وبعدين جلست يمكن ثلاث شهور ورجعت ادق عليه وارسله ولا يعبرني
وابوي كلمه قال له اذا تبون ورقتها رجعوا لي مهري كامل
المشكله انهم بعد الملكه بشهرين قالوا جهزوا العرس قريب وانا جهزت والفلوس ان صرفت
يعني ماعندي وابوي ظروفه صعبه قاله طلق واعطيك المهر اقصاد مارضي
تخيلوا مخطوبه بس بالاسم يعني اوقات احتاج فلوس استحي اقول لاهلي
وكل مااحد شافني قالي ليه ماتزوجتي للحين
والله اني احترت وتعبت وربي حاولت اسوي المستحيل بس هو مايبيني
سويت اشياء كثيره عشان انساه بس والله ماقدرت
ايام ماكان يزورني كان تصير بينا بوسات وضمات معقوله عشان كذا مايبغاني يعني كنت نزوه له وبس
وربي تعبت نفسيا شكلي ادمر بالمره وصرت مااخرج ولا اقابل الناس
صابني اكتئاب شديد من الظلم اللي شفته
انا نفسي اتزوج واعيش بالحلال واكون ام نفسي
ارجوكم ساعدوني تكفون هو مايبيني وانا قلت اللي مايبيني ماابيه
بس مو راضي يطلقني ابي اشوف نصيبي يمكن ربي يرزقني بواحد احسن
تخيلوا حتى مانعني من السفر ومن كل شي

اتمنى الاقي عندكم الحل بعد الله

>>>>> ردود الأعضـــــــــــــــــــاء على الموضوع <<<<<
==================================


ياقلبي اطلبيه الطلاق ماينفع يكون اب وزوج في المستقبل !وممكن تروحي للمحكمه يساعدوكي في ايجاد حل مع هذا الزوج الظالم اتفاهموا معه بحظور والده وابوكي في ان يطلقك بهدوء والمهر يترجع اقساط \والله معك وعليكي بالدعاء وقبل كل شيء المفروض تسألوا عن العريس وعن اهلة هذا اهم شيء حتى لا تتورطي وتندمي الله يكون بعونك \تحياتي


__________________________________________________ __________

يا اختي قلبي معك وربي يعوضك انا صارلي نفس الشي بس انا لما تزوجته اكتشفت وبعد 11 شهر زواج صرت احمل لقب مطلقة والحمد لله اني طلعت من سجنه واحمدي ربك انك حتتخلصي منه ترى بخل الفلوس والمشاعر اسوء شي يدمر حياة الحرمة الحمد لله يارب والله يهديه ويطلقك


__________________________________________________ __________

لا حول ولا قوة الا بالله
ما ادري الرجاجيل ويش صاير لهم حسبي الله ونعم الوكيل
انا يا اختي مع الاخت فيفي روز بارك الله فيها
روحي المحكمة واطلبي الطلاق ولا سوي له خلع , خلي ابوكي يروح للمكان اللي هو يشتغل فيه , ويكلم المدير حقه , عسا ان شاء الله يخاف من الفضيحة ويراجع نفسه مع ان اللي ما يخاف الله ما يخاف العبد
ولا تياسي ولا تقنطي من رحمة الله
دعوة المظلوم ما بينها وبين السماء حجاب
ان شاء الله ربي يهديه ويرجع لك , واذا ما فيه خير ربي يرزقك بالاحسن منه
والله سبحانه وتعالى يقول : (وَلا تُمْسِكُوهُنَّ ضِرَاراً لِتَعْتَدُوا وَمَنْ يَفْعَلْ ذَلِكَ فَقَدْ ظَلَمَ نَفْسَهُ...) [البقرة:231] .


__________________________________________________ __________

الله يعينك انتى ما راح تاخدي غير نصيبك وبس
صلي استخاره
واستغفري الله
وان شاء الله الخير راح يحصل اليك


__________________________________________________ __________

ياحياتي مالك الا رفع قضية عليه
والقاضي بيحكم بينكم وبتاخذي نصف المهر غصب عن خشمة