بحر الصبر

[aksachli]

عنوان الموضوع : بحر الصبر
مقدم من طرف منتديات نساء الجزائر

بحر الصبر



:rose السلام عليكم ورحمة الله وبركاته

دكتوري المستشارة....
اخواتي عضوات منتدى سيدتي ...

انا ارملة ولدي طفلة عمرها سنة ونصف توفي زوجي وعمرها اشهر
والحمدلله على قضائه
مشكلتي هي اني من بعد وفاته الى الان حوالي سنتين لم اعد مثل قبل
حياتي كلها تغيرت اهملت كل شي نفسي امالي طموحي لم اعد تلك الفتاة
ضحكتها تملى المكان حياتي كئيبة بعيده عن الناس
حتى مع اهلي دائما صامته لا اتكلم
عصبية المزاج
مازاد الامر سواء اهلي واهل زوجي.....
امي احبها واحاول ان ابحث عما يرضيها لكن هي جافة معنا منذ الصغر
لا اذكر انها في يوم اخذتني بالاحضان
من وفاة زوجي تحاول الا اتكلم مع اي زميلة لي ولاتسمح بان استقبلهم
بحجة انك الان ارملة وهن متزوجات
فبتعدت عن اعز صديقة لي ....تحاول دائما ان تهدم ثقتي بنفسي اني لا اجيد شي لو حتى طبخت اكلة او طبق حلوى والكل اثنى عليه قالت
ماتعرفين لطبخ متى صلحتي لشي انتي ماتصلحين تكونين ام ما تعرفين تربين بنتك ما تعرفين لمجالس الحريم ماااااا تعرفين وما تعرفين
فالبداية كنت اتضايق بعدين جتني حالة بررررود
ماني عارفة كيف اتعامل معها صرت افضل الجلوس بغرفتي اغلب الوقت علشان ما احتك فيها لاااني في حالة اكتئاب وهي مو راحمتني

الطرف الثاني اهل زوجي كنت ازورهم بين فترة والثانية اودي بنتي عند جدانها لانهم كبار في السن.... صارت ام زوجي ترمي كلام ان عمام بنتي يقولون الله يوفقها اذا جاها انسان مناسب تتزوج وبنتنا بناخذها
ومن هالكلام المبطن وانا مافي خاطري اخذ من اخوان زوجي والكلام تردده كل ما زرتهم....
وتقولي حنا مو انانين اذا جاك احد لا تعطلين نفسك
والبنت بياخذها عمها فلان ..لاحظوا موجدتها
اللي يتاخذها تربيها عمها وزوجة عمها الله يهديها
لبسها وتصرفاتها كلها غلط وغير محافظة ولا حتى
عمها الصلاة ما يصليها؟؟؟؟؟؟؟
وبعدها بطلت اروح لهم وصارو يسالون ليش وليش
واتعذر باي شي
ابغا اتغير واتاقلم على وضعي مو قادرة....
انخطبت مرتين وكلهم ماشاءالله واحد طالب علم والثاني امام
مسجد في لبداية افرح بس افكر بنتي وين بخليها امي ماتبي اطفال
وانا مستحيل استغنى عنها اخاف ياخذونها اهل ابوها واخاف من مسالة زوج الام لانه مهما كان مافي زي الاب
والاب احيانا يعصب على عياله فكيف الرجال الغريب
واذا ماتمت الخطبة افرح والم بنتي لحضني وبعد فترة
من معاملة امي واخواني وحريمهم افكر فعلا بالزواج

اتمنى يكزن عندي بيت وزوج واطفال لكن خايفة
وبنفس الوقت خايفة من جلوسي عند اهلي وانا لا بيت
ولا وظيفة ماابي انذل عند حريم اخواني لا ني جربت
وجلست فترة زوجة اخوي حتى عيالها تحرضهم على بنتي
وللاسف سمعتها بنفسي حسبي الله ونعم الوكيل
تخلي ولدها يضرب بنتي وكل ما مسكت شي
قال هذا حقنا هذا بيتنا اطلعي منه وهي تسوي حركات تبيني اتكلم
لكني انسحب بهدوء مابي اخوي يتضايق

مااا ابي بنتي ....
تعيش على حرمان وذل ............تعبانه كثيير وضايقة فيني
الدنيا على وسعها اكتب وانا ابكي يمكن ما القى عندكم حل بس
ابي افضفض يمكن ارتاح

حسبي الله ونعم الوكيل انا لله وانا اليه راجعون اللهم آجرني في
مصيبتي واخلفني خيرا منها

اسأل كل من تقراء كلامي وترد علي ان يفرج عنها همها ويسخر لها زوجها ويصلح لها ذريتها

>>>>> ردود الأعضـــــــــــــــــــاء على الموضوع <<<<<
==================================

اولا عظم الله اجرك في مصابك الجلل
والله يفرج عن همك وكربك ويقدر لك ما هو في صلاحك وصلاح بنتك
شوفي يا اختي اذا جيتي بتفكرين فأولا فكري في مصلحة بنتك ولا تنسين انها اكثر شخص متضرر من اللي صار لانها الآن يتيمة ومحتاجة لك اكثر من اول فلا تتخلين عنها في سبيل الهرب من واقعك المرير ولا تجعلين راحتك على حساب عذابها وتمسكي فيها لآخر يوم من عمرك واذا كنتي رغبانة في الزوج فاختاري اللي يخاف الله ويربي بنتك مثل بنته واستخيري قبل لا توافقين عليه اما اذا لا سمح الله ما وجدتي الشخص الي يكون امين على بنتك فما لك الا الصبر على وضعك وتربين بنتك الى ان تصير قادرة على الاعتماد على نفسها وحاولي بعد انك تتوضفين والله يوفقك

__________________________________________________ __________

الله يعينك و يصبرك حالتك صعبة بس لازم تفكري بإنك تشتغلي أو إذاعندك هواية تنميها بحيث يكون لك منها دخل جيد ساعتها رح تتغير نظرة الكل اتجاهك و فوق كل هدا نفسيتك رح تتغير عالآخر . المهم أنا بانصحك إنك ما تتركي بنتك بس كمان حاولي تتزوجي بدون ما تخسريها و ان شاء الله رح تتغلبي على أحزانك

__________________________________________________ __________

ادعي و اطلبي من الله ان يزرقك زوجا صالحا يراعي ابنتك
و ان كان احد اخوة زوجك لا بأس به فلا مانع ان توافقي عليه
و صارحي امك و اساليها لم تفعل بك ذلك و انك بحاجة لحنانها
لكن لا تتخلي عن ابنتك بكل الاحوال
و يا رب يعوض صبرك و يفرج همك

__________________________________________________ __________

حبيبتي الله يؤجرك بمصيبتك ويخلفلك خيير منها ياارب
ياروحي لاتستسلمي لليأس مهما امك جررحتك وقالتلك ماتعرفي شي وماتعرفي تطبخي حاولي تتعلمي كمان وكمان لازم تثبتي لحالك عالاقل انك وحدة مو قليلة وفهمانة وبتعرف بكل شي للاسف على طول في ناس حوالينا يحطمونا ويكونو اقرب الناس النا
بس لازم نتعدى مرحلة الحزن وننتقل للتنفيذ
ولازم تصارحي امك وتقوليلها بكل ادب انو ماتزيدها عليكي ولا تهتمي بكلام نسوان اخوتك
وعلى طول ادعي الله يوفقك للي هو خير الك ويسخرلك اهلك واهل زوجك
واكيد الله ماراح يخجلك ويردلك طلبك
مووفقة ياروحي

__________________________________________________ __________

الله يصبرك ع ماصابك يا اختي الحبيبه والله يكتب اجرك
واعلمي ان الله اذا احب عبدا ابتلاه
حبيبتي كثير من الناس تحدث لهم مصائب اقوى من مصيبتك
فتذكريهم دائما فهذا يهون عليكي مصيبت
صدقيني مهمى كانت الام قاسيه لايوجد احن وارق من قلبها ع ابنائها
فلا تلوميها قد تكون تربت في بيئه قاسيه عليها فاخذت طابع القسوه
ومهما كان احمدي ربك ان امك عايشه جنبك ابدي معها صارحيها باسلوبها القاسي معك وابكي ع رجليها وقولي مالي غيرك بعد الله
وحاولي تستعطفينها بالكلام شوي شوي بتلين معك
واذا تبين رايي تزوجي لاتعطلي نفسك اذا لقيتي الرجل الملتزم
وياليت يكون من عمامها حاولي ترسلين وحده تثقين فيها
تكلم ام زوجك الله يرحمه في موضوع زواجك من واحد من اخوانه
بدون مايعرفو انك انتي اللي ارسلتيها واذ ماحصل ماهي نهايه العالم
اللي فيهم الخير كثير يا اختي اقرأي لوصفحه في اليوم من المصحف الشريف واكثري من الاستغفار بنية تفريج همك انتي وبنتك ففي الاستغفار العجب وتصدقي واكثري من الحمد والثنا على الله
يا اختي الواحد يحمد ربه انه مظلوم وليس ظالم مهما كان هذا الظلم
شديد عليه فاحمدي الله ع قضائه واعلمي انه يختبرك في صبرك
والله لو احكي لكي قصص تحدث في عائلات كثيره لحمدتي الله ع وضعك
وهانت عليكي مصيبتك
والله يفرج همك وهمومنا اجمعين
واخيرا اكثري من دعاء الكرب والهم والحزن

ولاتنسيني يا اخيه من الدعاء