عنوان الموضوع : مشلكتي رح تموتني ناقصة عمر!! ارجوووكم لاقولي حل الطبيب يجيب
مقدم من طرف منتديات نساء الجزائر

مشلكتي رح تموتني ناقصة عمر!! ارجوووكم لاقولي حل



مساء الخير جميـــعا

كيكفكم حبيباتي؟

انا رح ابدأ قصتي من الأول و بتمنى تساعدوني و ان ما قدرتو يا ريت تخففو علي لأنو انا ما بقدر احكيها لحدا غيركم...

انا بنت عمري 20 سنة من سكان الخليج ربيت هونيك مع اهلي لحد ما صرت بالصف العاشر صرت الاحظ على امي اشياء غريبة كتير كأنو كان في واحد بيحكي معهاها على التلفون.. انا انشغل فكري كتير من هالموضوع و مرة من المرات قدرت احصل عالى الرقم من غير ما تحس و للعلم امي مدرسة بالمدرسة الي كنت انا و اخواتي ندرس فيها.. و اتصلت بالرقم من احد المولات و طلعلي صوت رجال... شربهت على صوتو من اول ما سمعتو و اجاني صورة مدرس عندنا بالمدرسة نفسها و عرفت انو هو .. و كتير انصدمت و زعلت و ما عرفت شو اعمل انتو بتعرفو كتير صعب على البنت تشك بأمها...و صرت اراقبها على طول لما تطلع مشوار تتمكيج على الأخر و تزبط حالها و بهاد الوقت البابا ما عندو علم بشي ابدا و هاد الشي وجعني قلبي عليه كتير .. المهم اجت ستي لعندنا زيارة من البلد و قررت انو هي الشخص الوحيد الي ممكن احكيلو بما انها كانت تحبني كتير و للاسف رحت و حكيتلها عن ش******** و عن اني لقيت تحت سرير امي قصائد و اشياء راذت الشك عندي و خبرتها اني قدرت اخد الرقم و اني اتصلت عليه ... و طبعا كان الرد صعب عليي كتير لانها بهدلتني و قالتلي انسى الموضوع.. مرت الايام و انا كل يوم بالليل بسمع صوت كلام بيطلع من غرفة امي و هي بتحكي عالتلفون و بهالوقت بيكون والدي عندو شغل او بشي سهرة مع اصحابو... بعدين بدأت امي تنكش المشاكل من تحت الارض و على كل شي تتخانق هي و ابي و صارت حياتنا جحيم ننام على مشكلة و نصحى على مشكلة!! كرهت عمري و حياااااتي و لهلق بعدني بكرها المهم حبيباتي الي صار بعدين اني كفيت صفوف الحادي عشر و البكالوريا و انا على علم انو امي لسا على علاقة بهالرجال .. بعدين اضطريت بعد الثانوية اني اترك اهلي و اروح بلدنا عشان ادرس بالجامعة .. و رحت سكنت عند بيت جدي مرت اول سنة متل الكابوس عليي و هيك باقي السنتين الي وراها عشت بجحيم لا يوصف عند بيت جدي و كأنو ستي كانت بتاخد بتارها مني على ش******** و كلامي معاها من زمان.... و بعدين سمعت انو امي تركت البيت و صارلها سنتين على هالحال و ابي و اخواتي بحالة يرثى لها صدقوني و الله يا بنات و انا عم اكتب عم ابكي و دموعي على خدودي من قهري امي تركت البيت و ما فكرت فينا ابدا و انا صرت اكرهها ارجوكم قولولي شو اعمل و انا ما عم اقدر اسامحها؟
انا هلق رجعت عند اهلي و جاية شهر زيادة عند ابي و اخواتي بس شو بدي احكي وضع بيتنا جدا سيئ كل يوم بنام مقهورة و زعلانة بس انا هلق مو عارفة ازا لساتها بتحكي معو و لا لا لهاداك الرجال .. بس الي بعرفو انو تولد عندي كره فظيع لأمي و الأسوأ انو امي صار عندها خبر بش******** و ظنوني و اجت حكت معي بس انا رافضة اسمعها او حتى اغفرلها ارجوكم قولولي شو الحل صدقوني يا بنات قلبي محروق و ناطرة الفرج من عند ربي ارجوكم ادعولي انا بحاجة دعاكم كتير الله يخليلكم ازواجكم و اهلكم و اولادكم دخيلكم لا تنسوني من الدعاد و شكرا ككتير لألكم

القلب المجروووح

>>>>> ردود الأعضـــــــــــــــــــاء على الموضوع <<<<<
==================================


ماشاء الله عليكي طلعتي اعقل من امك الله يحرسك من كل مكروه انتي ماسويتي غلط 00واللي قلتيه للمرة كلام العقل الله يجزاك خير والساكت عن الحق شيطان اخرس 0!!حاولي تتقربي من امك قولي لها حرام اللي بتسويه هذا زنا والعياذبالله وادعي دايم ان ربي يهديها ويبعد عنها كل شر وانها ترجع احسن من اول 00والرجال للاسف جالس يهدم بيتها بدون تحس باسم الحب 0وهي طاعته في كل شيء 0الله يهديها ويستر عليها وربي معك دام قلبك وايمانك به 00الدعااااااء 00


__________________________________________________ __________

يا اختي صدقيني كل يوم ما بنام قبل ما ادعي الله يهديها و يتوب عليها
بس امي خلاص نستني انا و اخواتي و راحت لواحد تاني و الله لو تشوفي وضعنا بالبيت حالتنا بتصعب عالى الكافر على كل حال شكرا كتير الك حبيبتي و الله يوفقك يا رب


__________________________________________________ __________

الله يهديها امك هاي والله يكون بعونك انتي ويصبرك والله مابعرف ليش بتعمل هيك طيب مهي مزوجة كيف لونها مو مزوجة ايش بتعمل هادا بدال متربيكم على الاخلاق الكويسة الله يسامحها رح تخرب بيتها بايدها الله يصلحها


__________________________________________________ __________

اهلين اختي امل

ما بعرف شو بدي احكي بلا الواحد ما يفضح حالو اكتر من هيك
ما بعرف شو بدي اعمل بحالي و الكل مفكرين انها طفشت من البيت بسبب ابي و انو شخص مس كويس يعني طلعت هي المظلومة و هو الظالم
شو بدي قول بس الله يسامحها و يهديها يا رب

و الله يخليكي و يوفقك يا اختي


__________________________________________________ __________

حبيبتي الله يكون بعونك بس ليش ماتخبري وحده من خالاتك والا جدك عشان يوقفها عند حدها وغريب موقف جدتك ليش سكتت ومانهرت بنتها الله يصلح الحال وحاولي تتماسكين وتصيري قويه الله يسعدك يارب