عنوان الموضوع : محتاجه لكم والله تعبانه والنوم نسيت طعمه مجابة
مقدم من طرف منتديات نساء الجزائر

محتاجه لكم والله تعبانه والنوم نسيت طعمه



كثير منكم بيلومني وبيهاجمني يمكن تكون وقاحه مني بس تكفووووووووون ابي حلول جد لمشكلتي الله يخليكم تكفون والله تعبانه ومو محتاجه احد يناقشني او يأنبني انا ابي حل بس:

مشكلتي هي بدت قبل 6 شهور
كنت بقمة برائتي لقيت موقع زواج اول مره بحياتي اشوف موقع مثل كذا دخلت وسجلت تدرون ليه؟؟؟؟؟؟؟؟؟؟
كان بنيتي بسال الشباب السعوديين من جد بتتزوجون من موقع !!!!!!!!
غبيه ساذجه المهم انا لهذا السبب سجلت فيه ...............

بنفس اليوم ارسلت لواحد دعوة دردشه كنت بتهاوش معاه بس بدون سبب

طلع الشخص مو موجود ارسل لي الموقع بيانات اشخاص بنفس صفاته
بالغلط طلبت دردشه مع واحد ثاني
فتحت صفحه صغرتها طبعا انا ما دريت اني طلبت دردشه مع احد
بعد شوي رجعت لصفه وفتحتها لقيتها دوعة دردشه والرجال راد علي
كلمته عادي سالته عن جنسيته قال عربي مقيم بالسعوديه
طلب ايميلي قلت له ما عندي انا مسجله بايميل اختي (طبعا كنت اكذب)قال طيب بعمل لك ايميل قلت له اوك لاني بعمري ما تعاملت مع شباب ابد
صرت اكلمه بالنت تطورت وصلت الجوال
عطيته كل المعلومات عني صوري امي اسماء اخواني جوالاتهم جوال ابوي جوال امي كل شي عني يعرفه يعني مثل ما يعرف الزوج عن زوجته
سامحوني على وقاحتي ..............

حبيته بجنون بس هوا متزوج وزوجته عنيده الي تبي تسويه تسويه دايم تعمل له مشاكل حبني ومو قادره انساه حاااااااااولت كثير وبكل مره افشل
قبل فتره قريبه كان ناسي جواله بالبيت وكنت اتصل ولا احد يرد اتصلت اكثر من 24 اتصال خلال ساعتين ومكالمتين منهم كانت زوجته تفتح الخط وتسكت
وكنت انا كمان اسكت وقت رجع هوا للبيت قالت له زوجته عن المكالمات
قدر يتدارك الموضوع وعمل حركه خلتها تصدق انه الي كلمه شاب مو بنت

بنفس اليوم رجع كلمني قال لي خلاص حليت المشكله (يقصد مع زوجته)
وكان يضحك ضحكة المقهور
قلت له احنا مو لبعض ولازم نترك بعض
حاول يقنعني
بس انا قلت كلام سكته قلت له زوجتك واولادك احق مني فيك
قالي ان زوجته صارت تتقرب منه بس هو يكرهها موبس لعنادها ولمشاكلها

بعد لانه قبل يتزوجها كان يحب وحده ويحس انه زوجته السبب في انه يترك البنت الثانيه طبعا زوجته مسكينه ما لها اي ذنب
اهل البنت الي يحبها رافضين يتزوجها لانهم اكراد والشاب عربي

ووقت قالي انها تحاول تتقرب منه كرهت حالي اكثر
قررنا نترك بعض بس ما قدرت كنت كل يومي ابكي ومنهاره وتعبانه
بعد 24 ساعه كلمته لاني ما قدرت اتركه

احبه ومو قادره اتركهه هوا ماي بي يضرني صوري وارقام اهلي عنده وببساطه يقدر يهددني فيهم من زماااااااااااااااااااان

أقوله تعال لمدينتنا ابي اشوفك
يقول احاول بس ما اوعدك الضروف صعبه عندي
اقوله تعال واخذ الي تبيه تعال وانا لك
يقول ابي عيونك بس
اقوله تعال حتى لو ضاع شرفي المهم اشوف ابتسامتك
يصرخ علي ويقول شرفك هوا شرفي

طولت عليكم وكتبت كلام كثير

بس والله ابي اتركه حاولت ما قدرت

شي ثاني انا ما أصلي...............
بتقولون ليه
ما اقدر عجزت احافظ على صلاتي يوم او اثنين اصلي ووقتها اتعب
ما ارتاح الا اذا كنت ما اصلي

سالني مره عن صلاتي قلت له انا ما اصلي
قال ليه
قلت بدون سبب(مع انه السبب الي كتبه )
قال لازم تصلين على الاقل اذا ما قدرنا نتقابل بالدنياء
نتقابل بالجنه

>>>>> ردود الأعضـــــــــــــــــــاء على الموضوع <<<<<
==================================


ان الصلاة تنهى عن الفحشاء والمنكر

وفهمك كفااااااااااية

ارجعي لله واتركي عنك طريق الشيطان مابني على خطأ فهو لن يؤدي الا الى خطأ


__________________________________________________ __________

ههههههههه والله قصتك ضحكتني ونفس الوقت بكتني وزعلت عليك اولا ضحكت وقلت معقوله فيه ناس الى هذا الوقت ما يعرفون ان اي علااقه عبر النت تعتبر علااقه اثمه ومحرمه وفاشله كيف وانتي متعلمه صدقيني ما يحبك ولا راح يحبك لو يحلف من هنا الى يوم الحشر كيف يحب وحده عطته صورها وعطته كل ما يبي حتى انك تقولين صار يعرف كل شي زي الزوجه وزوجها حرام عليك تبيعين شرفك واهلك ودينك من اجل شخص ما تعرفينه صدقيني راح يقودك للمحضور هذا اذا ما قد وقعتي فيه انتي وهو واهم شي هو انك مضيعه صلااتك ومن ضيع صلاته فهو لما سواها اضيع ارجعي الى الله اولا وبعدين راح تحسين ان الذي انتي فيه ليس حب وانما هو مكيده من شيطان عودي الى الله عودي الى ربك وحاولي تنسنهذ الشخص واقطعي علاقتك به وهو لو صادق راح ينى ولا راح يهددك واذا تبن تعرفين هل كلاامي صح ما عليك الا ان تقولي له انك راح تتزوجين واهلك وافقو وانتي خلااص موافقه واصري على هذ الكلاام وبعدين شوفي وش ردة فعله لاتقولين يحبني لو يحبك ما كلمك ولا سمح لك تسوين اي شي غلط
يمكن انا قاسيه معك بس والله هذ هو الصدق واعذريني


__________________________________________________ __________

صراحة الحب اعمى بس لازم تسيبيه بكل ما فيك حاولي تبعدي من شانك و من شان كرامتك لانكم مهما قربته و اجتمعتم اكيد اولاده الاولى و الاقرب حاولي تبعدي و تنسيه


__________________________________________________ __________

يعطيكم العافيه بس أنا معاه من6 شهور نسيت فيها كيف أضحك وكيف افرح والله حاسه بتانيب الضمير لان زوجته مالها ذنب
تبن تعرفين هل كلاامي صح ما عليك الا ان تقولي له انك راح تتزوجين واهلك وافقو وانتي خلااص موافقه واصري على هذ الكلاام وبعدين شوفي وش ردة فعله لاتقولين يحبني لو يحبك ما كلمك ولا سمح لك تسوين اي شي غلط

انا فعلا عملت كذا صدقيني وانا اقوله انا انخطبت كنت اتمنى يطلع كذاب يهددني انه بيفضحني بس ما يرد الرد الي قاله
قال انا حبيتك بس احنا مستحيل نتزوج (لان انا سعوديه ) انسيني وفكري بالي يخطب بعقل انسي انك تحبيني واذا وافقتي تتزوجيه الله يوفقك
قلت له
اذا وافقة اتزوجه مستحيل اكلمك
قال لي
هذا الكلام الصح


__________________________________________________ __________

لاحول ولاقوة الا بالله ارجعي الى الله وتوبي اليه