عنوان الموضوع : تكفووووووون تساعدوني رفع ضغطي مجابة
مقدم من طرف منتديات نساء الجزائر

تكفووووووون تساعدوني رفع ضغطي



السلام عليكم ورحمه الله وبركاته

كيفكم بنات انا عضوه جديده وسجلت عشان اخذ رايكم بمشكلتي

والله تعبت منها كثير وماعاد اعرف ايش الحل وابي نصيحتكم

انا مخطووبه من سنه ونص تقريبا وخطيبي ولد عمي

انا احبه واموت عليه وما اتخيل حياتي من دونه وهو بعد يحبني

بس المشكله انه عصبي وعلى طول يقول ان كلمته هي الي تمشي

يعني يقهرني احيانا لو شي ابيه يقولي لاا واذا سويته يزعل مثل الطلعات

وكمان اذا عصب يصير يعلي صوته ويقول كلام يجرح واذا انا عصبت ورديت عليه

يزعل وكمان لما يراضيني وهو نادرا مايصير يراضيني بكلمتين اذا رضيت كان بها

واذا مارضيت يقول تبيني اترجاكي يعني والمشكله يعرف قد ايش انا اموت عليه

واني ما اقدر اطول زعلانه منه

المهم هاليومين تزاعلنا وزعل كبير لانو شخص اناني ومايقدر مشاعر احد

ودق علي بيراضيني وقلتله كل الي بخاطري وزعل قلتله انا ما اقدر اتحمل

تصرفاتك اكثر خلااااص وصلتها معي للاخير وربي يابنات اني ما اقصر معاه

ومدلعته اخر دلع واحاول اجيبه باسلوب عشان يحس فيني ويفهم علي واسمع

كلامه عشان مايزعل وكل هذا مو مبين بعينه عند اي شغله ينسى كل شي اسويه

عشانه ويتذكر بس الشي الغلط

انا من اخر مره تزاعلنا فيها طنشته وصرت حتى وانا ولهانه عليه ما ارد اذا دق

علي واذا قالي ليش اقووول مشغووله وصرت اعانده واعامله بنفس اسلوبه

ابيه يحس على دمه ويقولي طيب راح تندمين على اسلوبك هذا وتترجيني عشان

اكلمك وبتشوفين وانا عندت وطنشت كلامه والحين مانكلم بعض

لاتفهموني غلط هو والله طيب وحنون بس عصبي وعنيد وهذا الشي الي يقهرني

والحين ابي رايكم يعني تصرفي انا صح ولا لا بلييييييييز تجاوبوني بصراحه

ولو انتو بمكاني ايش تسوون

انا كل الي ابيه انه يندم على كل شي سواه ويعرف انه على عيني وعلى راسي

بس كل شي الا كرامتي

>>>>> ردود الأعضـــــــــــــــــــاء على الموضوع <<<<<
==================================


شوفي اختي انا اول ماتزوجت كان زوجي عصبي مرة ودايما يقول لي كلمته هو اللي تمشي وبعد فترة من الزواج تجرات وبديت اناقشه بكل خطوة نقوم فيها يعني نتفاهم يا يقنعي يا اقنعه المسالة ومافيها هو تاثيرك عليه بس احسها صعبة بعدكم بايام الخطوبة وتسوون كذا اجل بعد الزواج وش بيصير لازم تتفاهمين معاه تتصلين فيه وتقولين له ابغى اتفاهم معك وتقولين له الاشياء اللي تحبينها فيه والاشياء اللي تكرهينها فيها وانتي بدورك تقولين اللي بقلبك له وصدقيني اذا جيتي له باسلوب حلو ماراح يزعل منك ومعظم الرجال انانيين ويبي لهم صبر زي الطفل ومافيه كرامة بين الزوج وزوجته لانهم جسد واحد واذا هو يشد انتي لازم ترخي مايصير انتي تشدي وهو يشد انتي اتصلي عليه وكلميه اذا ماكلمك خليه على راحته ولاتترجينه


__________________________________________________ __________



أسمعي نصيحتي أول ..!!

مو زين تعلقين حياتك كلهااا على خطيبك وبسسس


عيشي حياتك وحبيه من داخلك وخلي محبتك هو يحس فيهاا بدون ماتقولين وتعبرين ..!!


وفترة الخطوبة وأول سنة زواج لابد من الأختلافات بين الأثنين .. مستحيل تكونون متصافين


لكن ياحبيبتي حطي في بالك القوامة للرجل وعيييب تعاندينه ..!!


يعني الدلع اللي مو على سنع ماله داعي


يعني تهاوشتوا على منو يفرض رايه وأنتي خليتيه ياخذ عنك فكرة أنك عنيدة ولسانك طوييل


والرجال أكرهـ ماعندهـ البنت اللي كذا ..!!


أنتي ماسمعتي بكيد النساء ..!!


أدخلي من هالمدخل خليك فطينة وسريعه بديهة ..

خليه يتعلق فيك مو تنفرينه منك ..!!

لاتخلين للزعل مكان بينكم .. أكسبيه بالذوووق والكلام : ياتاج راسي ياعمري ياقلبي

كلميه بمواضيع العقل مو الطلعات والشغلات التافهة


وربي الرجل مثل الطفل يبي له دلع وكلام سلس


حتى لو صرخ عليك أو كان معصب لاترادين حتى لو كان معك حق

الشخص العصبي بالذات الزوج مو زين تجين بوجهه خليه لما يهدأ

وهو من نفسه يفتح الموضوع ومن نفسه بيستحي على دمه


الرجل مثل الطفل على ماتربينه أنتي ..!!


تعاندين ويعاند أنتي كذا ربيتيه على فرض الراي على غير سنع


والبنت العاقل تكسب زوجهااا ودلع ماما وبابا خلااص رااح ..!!


أفرضي وجودك بهيبتك ومنطوقك وشخصيتك مو بالعناد والصراخ والشوشرة

يعني خليك وسط : لا تكونين مكسورة ولاجريئة


الرجل يحب البنت صاحبة الهيبة والثقة العالية


ودعواتي لك من كل قلبي


وأسفة ع الأطالة


__________________________________________________ __________

حبيبتي .../ مشكلتي ..

انتي غلطتي في شــي وااحد

تدرين ايش هي ..

انك تكلميــن خطيبك .. وهذا هــو الخطاء ..

المفــروض حبيبتي ماتتكلمين معاه لو مهما حصل ....!

والمفروض مايدري عنك ولا بأي شــي مــره ..

يعني وين راايحه انتي ولا من وين جايه .... !

هــذا هو خطائك .. والخطاء الثااني انك تعلقتي فيه ..

وموحلو تتعلقي بي خطيـبك .. .. ... !

لانك خطيبته .. يعني في اي وقت راح يفسخ الخطووبه .. وراح تتعب نفسيتك .. يا غلالاتي ..

حبيبتي اتمنى تحااولي ماتتكلمي معااه كثير ..

وتقــولين مايتحكم عليك من دحين لنك خطيبه له مو زووجته ..

بس ..


__________________________________________________ __________

انت حاولي ان لا تردي عليه بنفس اسلوبه واذا عصب واسمعي منه للاخر واذا انتهي من حديثه قولي امر حبيبي واللى تبغاه يصير هو بنفسه راح يخجل من تصرفه حتى لو بعد كم مره ولاكن لا تبدئي حياتك بالسب بعضكم اجعلي الاحترام هو اساس حياتكم وبدايه هذي الفترة دائم الرجل يامر وينهي ويعصب يكون امر لسه جديد عليه ويحب يفرض شخصيته وانت سايريه وباسلوب راقي ولا تخلي الزعل بينكم يصل للايام ولا تعود على زعلك ويصبح الامر عادي عنده اليوم تزعلي وبعد كم يوم ترضي خلي زعلك في النادر ولسبب قوى لكي يحس بغلطته ويحس انه خسر شئ في حياته
والله يصلح حالكم


__________________________________________________ __________