عنوان الموضوع : لماذا لم أعد أشعر بك الطبيب يجيب
مقدم من طرف منتديات نساء الجزائر

لماذا لم أعد أشعر بك



السلام على من إتبع الهدي

يارب يارب أكون إخترت المكان الصح لعرض مشكلتى

أنا موش هاطول عليكم وبإختصار شديد

أنا وجوزي نعرف بعض من حوالى 5 سنوات عشنا أجمل قصة حب ممكن حد يتخيلها قربنا من بعض بشكل مستحيل يتكرر

كان زميلي فى الجامعه أختى تعرفو من أول يوم معرفتى بيه وكانو اصدقاء جدا وكانت بتحكيلو وتاخد رايو في اي مشكله عندها لكن بعد تخرج اختى وتعيينها معيده فى الجامعه اتغيرت من ناحيتو وبعد ماكانت موافقه على ارتباطنا وصل بيها الحال انها بتكره تقول اسمو او تسمعو ولا مره سلمت عليه وهو فى بيتنا سواء فى الخطوبه او بعد الجواز

ومع ذلك ماسمعتش ليها ولا سمحت لمحاولاتها بتدمير علاقتنا تنجح وفى النهايه اتخطبنا واتجوزنا فى ظرف 8 شهور

مش قادره اقول قد ايه انا عشقت الانسان دا حبيتو حب يفوق الوصف وتحملت منو وعلشانو حجات كتير وهو فعلا انسان كويس جدا وشخص رائع

الحمد لله اتجوزنا من 8 شهور وانا حامل وحالى دلوقت انو انا بكره حياتي معاه مع انو بيعشقنى عشق فوق الوصف وبيحاول يسعدني باي طريقه

لكن انا مابقتش احس بيه ولا ابادله حبي ليه زمان بل اوقات بتمنى لو ننفصل وابعد عنو

اول شهر فى الجواز لبست النقاب جايز فى دول كتير شئ عادي لكن فى مصر هو غير مقبول ومرفوض من النظام ونتيجة دا ناس كتير تخاف منو لانه قد يكون سبب فى اثارة الشبهات واهلى من الناس دي

ونتيجة رفضهم وخصوصا ان اختى سبب فى تكبير الموضوع واعتبرتو حجه على طبق من ذهب لاثارة المشاكل والكراهيه بين جوزي واهلى وبالتالي نجحت فى عمل حزازيات ومشاكل بينهم وبينو بابا واخويا واختى بينهم وبين جوزي مشاكل ومواقف تعبت نفسيتي قوي قوي

اخويا مقاطعني لان اختى نجحت فى اقناعو باني انا بايعه اهلى ومستقبلهم وامنهم وشاريه جوزي اللى بيعتبر ان اهلى تدخلو فى حياتنا بشكل مبالغ فيه

انا تعبانه جدا لبعد اخواتى وخصامهم ليا بغير حق ومصدومه فى اهل جوزي وبيتهم وحياتهم وبكرههم جدا ومش بحترمهم ومش سعيده فى حياتي الزوجيه ولا فرحانه بجوزي اللي مستغربه قوى فين راح حبي وجنوني بيه لمدة 5 سنوات

انا من اول يوم فى الجواز ومش متقبله العلاقه الخاصه بينا وبكرهها وبحاول أمثل الرضا والسعاده علشان يكون هو سعيد وراضي وانا موش حاسه ابدا بالسعاده دي ناهيكم بقي عن المشاكل الزوجيه العاديه فى اي بيت مابتحملهاش بحسها نهاية الدنيا

سؤالي الوحيد فين راح الحب ؟وهل فى امل يرجع تاني ؟طيب إزاي ؟ واخواتى ارجعهم ليا ازاي فى وجود اختى اللى بتعمل المستحيل علشان تشيل النفوس من بعضها اكتر واكتر ؟وللاسف بتنجح فى دا وبيتاثرو بيها

تعبت حد يساعدني انا موش حاسه ان دا بيتي اوقات ببقي عاوزه اهرب منو لكن لما اروح بيت اهلى احس انو مابقاش بيتي واني بقيت ضيفه وغير مرغوب بيا لا دا بيتي ولا دا بيتي

انا عاوزه ارتاح سامحوني على الاطاله بس حاولت ارسم الصورة كامله

>>>>> ردود الأعضـــــــــــــــــــاء على الموضوع <<<<<
==================================


اذا على الحب انت تقدرين تجدينه من اول يعني زوروا لاماكن الي كنتم تتلقون فيها ايام الخطوبه وتذكرون مواقفكم ايااام الخطوبه وشهر العسل ...... غير في البيت شوي .... احجزي في فندق ايام العسل على الاقل يوم واحد..... هديه لـــ جوزك ....... ولو جلستي مع نفسك شوي بتلقين علاقة مع زوجك تغيرت بسب تصرفاتك الخارجه عن ارادتك ..... 0( اما العلاقه الخاااااصه ...... لازم تراجعي طبييبه نساء ممكن يكون عندك امراض تناسليه ).
ـــــــــــــــــــــــ
اما اهللك ....... ترى الظفر مايطلع من اللحم ....... ولازم تجلسين مع أختك تذكروا ايام الطفوله عشان يحن قلبها وبعدين ابدي في صلب موضوعك ...... وذكريها اذا تكره زوجك ...... انت مالك ذنب ..... وان الزواج قسمه ونصيب وهذا نصيبي 000000و لاتنسين اعزمي اهلك على العشاء .....


__________________________________________________ __________

لا يااختي انتي تحبينه بس انتي حاسة انه السبب بتدمير علاقتك باهلك وهذا غير صحيح لانه اختك هي السبب ويمكن تكون نساه يعني تتنسي فيه بعض الحوامل تتنسى بزوجها وانا كنت كذا وبعد الولادة الحمد لله رجع الوضع طبيعي بالنسبة للعلاقة بينكم يمكن زوجك مايوصلك لحد الاشباع من مداعبات وغيرها حاولي تتفاهمين معه على هالموضوع عن الشيء اللي بيريحك وبالنسبة لاهلك حتى لو حسيتي انك غير مرغوب فيكي المهم ابوكي وامك حاولي تتقربين منهم وكل مرة تروحين لهم تبوسينهم على راسهم وغيري نظرتهم لك بالتعامل الحسن وحاولي انك تغيبين فترة عنهم يمكن يحسون بغلاتك عندهم


__________________________________________________ __________

اختى الكريمة الله يجزاكى كل الخير يارب عن قلبك الطيب ورأيك السديد

عندك حق أنا المفروض إني أروح الاماكن اللى لينا فيها زكريات عسي يكون هناك شئ او زكري تصحي اللى مات جوايا لكن عاوزة ااقولك انو جوزي ماتغيرش معايا انا اللى متغيره من جوايا وبحاول انو مايشعر بالتغيير دا هو متخيل انى سعيده وماعنديش مشكله

لكن بصراحه انا موش عارفه ازاي ااقدر الاقي الحب تاني لانى احس انى اتجوزت واحد غير اللى حبيته بعيد عنو قوي قوي حاسه بيني وبينو حاجز نفسي يمنعني عنو تفتكري يكون للعلاقه الخاصه تاثير فى الامر؟!
غير كراهيتي لاهلو اللى عايشين فى نفس البيت لكن فى الدور الارضي وصدمتي فيهم بجفاهم واسفه ااقول تخلفهم

لكن اختى دي حكايتها حكايه صعب انو الكلام يأثر فيها تعرفي انا متجوزه من 8 شهور اختى دخلت بيتي فيهم مرتين مره مع الصباحيه ومره كنت عازماها هي واخويا على الغدا وكان جوزي مش موجود علشان كدا جت
كلامى معاها ومحاولة توددي ليها غير انو مش هايأثر فى شئ كمان هايضعف موقفي لانها مالها علاقه بالعاطفه ابدا حياتها عملية وعقليه من الدرجه الاولى
تعرفي انى مره رحت عند بابا تعبانه بالتهاب في الشعب الهوائيه وكنت فى السرير ومادخلت على ولا سالت ولا قالت سلامتك

ممكن ييجي فى خيالك انى جايز اكون عملت حاجه فيها اتسببت فى كراهيتها لي

لكن اقسملك بالله العزيز المقتدر انا عمري ماجرحتها ولا قصرت في حقها جايز كنا نتخانق ونتخاصم بس بيكون نتيجة كلام او مواقف هي بتعملها علشان اهلى يكرهو جوزي كلها كانت ردود افعال مني لكن يعلم ربي انى عمري ماقدمت ليها اي إسائه

نفسي حد يقولى اعمل ايه مع اخويا اللى صعبان عليا قوي فراقو وبعدو عني اختى جايز يوم تفقو لنفسها وتقول انا ظلمت وخلقت قصص وحكايات وترجعلي تاني ودا سهل ومتوقع
لكن اخويا اللى اقتنع بالقصص والحكايات وصدقها وغيرتو من ناحيتي مش ممكن حاجه ترجعو زي زمان غير انها تقولو انا كنت بكذب عليك وبكرهك فى اختنا ودا مستحيل يحصل


__________________________________________________ __________

المشاركة الأصلية كتبت بواسطة جروح دفينة
لا يااختي انتي تحبينه بس انتي حاسة انه السبب بتدمير علاقتك باهلك وهذا غير صحيح لانه اختك هي السبب

تفتكري .. طيب ايه الحل هايفضل حبي ليه مرتبط بعلاقته باهلي ؟؟؟

ويمكن تكون نساه يعني تتنسي فيه بعض الحوامل تتنسى بزوجها وانا كنت كذا وبعد الولادة الحمد لله رجع الوضع طبيعي

ايه معني نساه ؟؟؟؟؟ وتتنسي بزوجها

بالنسبة للعلاقة بينكم يمكن زوجك مايوصلك لحد الاشباع من مداعبات وغيرها

دا صحيح لاني احس فى نفسي بالبرود
بالنسبة لاهلك حتى لو حسيتي انك غير مرغوب فيكي المهم ابوكي وامك حاولي تتقربين منهم وكل مرة تروحين لهم تبوسينهم على راسهم وغيري نظرتهم لك بالتعامل الحسن وحاولي انك تغيبين فترة عنهم يمكن يحسون بغلاتك عندهم


جروح دفينه

يارب يعزك ويكرمك ويسعدك زي ماكلامك ريح قلبي

انا حاسه انو انا مريضه نفسيا مليانه عقد ومشاكل محتاجه دكتور نفسي


__________________________________________________ __________

اختي العزيزة انا وحسب فهمي البسيط رأيي ان الحل الوحيد هو المصارحة
اولا صارحي زوجك قولي له على شعورك و انك وصلتي لحالة فتور في العلاقة
انك محتاجة تجددي احسيسك خدي رأيه لكن الكلام يكون بمنطق و بهدوء
ثانيا اختك كلميها اخرجي معاها قضي يوم معاها و اساليها مالك في ايه هي ليه متغيرة معاكي
و قولي لها انك اشتقتي لاختك لايام زمان ..
اهلك حضري حاجة لاخوك بيحبها و اديهاله هدية
و كلميه اساليه و فهميه انك بتحبيه و اشتقتي ليه و لكلامه
ابوك كمان كلميه صرحيه انك مشتاقة لحضن الاسرة اللي كنت عايشة معاها
بوسي راسه و بيني مدى حبك ليه

حبيبتي طالما هما زعلنين منك و بيظن انك مش خايفة عليهم بيني العكس
زيدي من قربك ليهم ...

بالنسبة لأهل زوجك ليه يا حبيبتي الأحكام على الناس
هما أهل زوجك اقبليهم كيف ما هما
اتقربي منهم ممكن تحبيهم

بالنسبة انه اهلك بيكرهوا زوجك هل زوجك عمل اي حاجة عشان يحببهم فيه؟
لازم يحسن علاقته معاهم
و يزرهم و يجيب هدايا
والله الهدية بترطب النفوس
و يقعد مع ابوك و يطلبهم في التلفون و يطمن عليهم ...

الله يسهل لك الأمور