عنوان الموضوع : ابي لمشكلتي حل -لصحتك
مقدم من طرف منتديات نساء الجزائر

ابي لمشكلتي حل



السلام عليكم سيداتي

مشكلتي احسها مشربكة في بعضها بعض و مو عارفة لها حل ارجو منكم انكم تساعدوني اوصل لحلها

اول شي انا من النوع الكتوم لدرجة فضيعة يعني حتى امي ما اقول لها شي عن مواضيعي
اللي صار اني تخرجت السنة اللي طافت من الجامعة و انخطبت لريال الكل كان يشهد له بالاخلاق و المشكلة ان الناس لحين لما يشوفوني و لا احد يشوفون احد من اهلي يمدحون هالريال لنا
بعد مشاورات و تفكير في هالخاطب عرفت انه ما معاه غير شهادة اعدادية لكن قلت ان الاخلاق ممكن تغطي على عيب الشهادة خصوصا ان عملة في مجال زايد زين بالنسبة لشهادته
تمت الخطبة و الملجة (عقد القران) و صرنا مخطوبين لبعض ليما نخلص من تأثيث شقتنا بعدين نتزوج.
اول ايام الخطوبة كنت اشوف فيه الرجل المناسب لي بس بعد اقل من اسبوع اكتشفت شخصيته الحقيقية في البداية عرفت ان هالريال كان مسوي حادث قبل كم سنة و دخل في غيبوبة مدة 3 ايام و من بعد ما فاق من الغيبوبة صارت له مواعيد في المستشفى لفترة طويلة (و هذا اللي مخليني اشك ان امه ما قالت لنا من البداية عن الحادث لأنها مسيطرة عليه كليا و مستغلة نقطة ضعفه العقلي في السيطرة عليه)
كنت ازور بيت اهله دايم و الاحظ تغيير في طباع اهله بدوا يطلعون على شخصيتهم الحقيقية امه دايم مبوزة اذا شافتني خواته على طول يرمون نغزات و تعليقات لما اكتشفت ان اقل كلام يدور بينا يروح ينقله لأمه و خواته بالاضافة لشخصيته الضعيفة و المهزوزة جدام امه اللي تمشيه على كيفها وشورها كان دايما عصبي معاي و اقل كلمة مني يفسرها بطريقة غلط
(مرة كنت معاه ابيه يسولف لي الا يقول ريقي ناشف قلت له اييب لك ماي شب فيني يقولي :ليش شقالوا لج مكسر ما اقدلر اروح اشرب ماي بنفسي .. امانة كلمتي فيها شي غلط؟؟؟)
بعدها بفترة بدأ يفرض سيطرته علي من جميع النواحي و كل ماد البوز اذا كنت وياه و مرة قلت له شفيك؟ قالي متملل و تعبان من الشغل ابي لي شغل احسن من اللي انا فيه (مع العلم ان شغلته زينه) فقلت له ليش ما تكمل دراسة على الاقل تحصل شهادة ثانوية و بتحصل شغل احسن و كأن كلمتي القشة اللي قصمت ظهر البعير راح و قال لأمه اني اعايرة بشهادتي و اني مو راضية فيه و امه ما خلت عني كلمة بس بطريقة غير مباشرة عشان لو تكلمت و قلت شي تقول اني ما قلت هالكلام . لين يا ذاك اليوم اللي افتعل لي فيه مشكلة كبيرة لدرجة ان أمه و خواته و قفوا في صفه و من ذاك اليوم انقطعت سبل الاتصال بينا
بس انا و اهلي كنا نحاول نحل المشكلة بهدوء لكنهم ابد مو معطين السالفة اي اهمية انا رحت له بيتهم ابي احل السالفة ما بقى شي من الكلام ما قطوه علي لدرجة ان امه كانت تقول لي انهم متحسفين ليش انهم خذوني لولدهم
ابوي لما عرف بالسالفة راح له و يابه البيت حتى نتفاهم انا وياه بعيد عن اهله بس هم ماكو فايدة ما كان يبي يتفاهم كان يقول لابوي تعال معاي بيتنا خلنا نتفاهم هناك ...حتى يحصل له احد يدافع عنه و يتكلم بداله
انا احس نفسي تعبت و مو قادرة افكر صح خصوصا ان السالفة صار لها تقريبا الشهر و انا معلقة لا متزوجة و لا مطلقة لأنه قطع كل سبل الاتصال بينا
طلبت من ابوي اني اتطلق خلاص نفسيتي صارت دمار و ما عدت قادرة اتحمل بس بعد مو قادرة اني اتخيل نفسي مطلقة خصوصا في مجتمعنا اللي يحط كل اللوم على البنت و يبري ساحة الولد
كنت اقدر العب دور الزوج و الزوجة في هذا الزواج خصوصا اني معروفة بقوتي في التحمل بس لو كان هذا لمصلحتي انا و هو بس كان ممكن بس في النهاية هذا كله يصب في مصلحة امه

قولوا لي شالحل لهالمشكلة؟؟

>>>>> ردود الأعضـــــــــــــــــــاء على الموضوع <<<<<
==================================


بليز اب حل الله يخليكم


__________________________________________________ __________

حبيبتي بدي أنصحك عن تجربة أنتي لساتك على البر والحمد لله انك ما تورطي في لحقي حالك قبل ما توقع الفاس في الراس وتتندمي انك تزوجتيه افسخي هلا قبل ما يفوت الأوان وينكتب عليكي طلاق بعد الدخول انتي مو ناقصك مجانين هذول عيله كلها معاقين وزي ما بقول المثل العزوبية ولا الجيزة الرديه وألف واحد يتمناكي خليكي عند أهلك مرتاحه ولا تهتمي بكلام الناس بكره اذا تزوجتي الناس ما تفكر فيكي فكري ولا تتسرعي مع تمنياتي لكي أختي بحياة طيبة .**


__________________________________________________ __________

لا تنسيني من الدعاء وطمنيني عن أخبارك اسمعي نصيحتي أنا بحكيلك عن تجربة .


__________________________________________________ __________

حبيبتي ثائرة
ردك اسعدني لاني حسيت اني مو غلطانة لو طلبت الطلاق

شكرا لج و اكيد ما راح انساج من الدعاء


__________________________________________________ __________

اختى الحقى نفسك قبل لاتتورطى
وربنا يرزقك احسن منو
وكل شيء نصيب
سلام