عنوان الموضوع : قصتي ومقبلة على طفل الانابيب ساعدوني -تأخر الحمل
مقدم من طرف منتديات نساء الجزائر

قصتي ومقبلة على طفل الانابيب ساعدوني



بسم الله الرحمن الرحيم
انا صديقة جديدة شاركت بالمنتدى خصوصي بهالقسم وان شاءلله الخطوة اللي بعدها انتقل لقسم الحوامل بتمنى انكن تقبلوني وتساعدوني
قصتي متزوجة من اربع سنوات و3 اشهر ولم يحصل حمل بدأت معاناتي بعد 4 اشهر من الزواج كون زوجي وحيد لاهلو وبدن طفل امو مستعجلة...
رحت يمكن ل6 اطباء وعملت 5 مرات تحاليل لانه كل دكتور مايثق بتحاليل غير تحاليل مخبره فارجع اعيد التحاليل كلها والتكاليف
كل التحاليل اثبتت اني سليمة وتحاليلي طبيعية وزوجي عمل 3 تحاليل كمان ممتازة وكل مرة الدكتور يقلو تحليلك بيرفكت.......الحمدلله
طول هالسنين من دكتور لدكتورة وكلن يقلولي ممتاز وضعك واكتر من بويضة والاخصاب جيد ومافي التهابات ابدا حتى الدكتورة قالتلي رحمك مجليي جليي ماشاء الله وانا قلتها ايه بستخدم فيري ههههه اوعكن تصدقو وتستخدموه المهم من كتر مايقلولي اموري ممتازة وبحكو كتير فانا حطيت الولد بجيبتي يعني يصير عندي امل وبالنهاية انصدم وابكيييييييييييي
ضليت فترة منعزلة عالعالم الخارجي وماحب التقي بالناس لانه لما بشوفوني دغري بيسالوني ماخبيتيلنا شي وليش لهلا ياكسلانين تقولي الشغلة شطارة وبأيد الواحد كلو بايد الله وبهداك الوقت بتشاطر كل واحد وبدلني على افضل دكتور وانه رح تروحي تجيبي تؤام عنده وانا اصدق واروح كلن متل بعضن وبعتقد كل اللي تأخر حملهن متلي نفس هالموال
طبعا عملت الصورة الظليلة للرحم (اشعة الصبغة) وكورسات الكلوميد وقبل سنة تقريبا عملت تلقيح صناعي (حقن نطاف داخل الرحم) كتبت تجربتي فيا رد على احدى المواضيع انه دكتور عملي ياها وانا تفاجات انه اجى وحطلي العينة وكنت لحالي رفضو دخول زوجي معي وانا لما طلعت كذبت عكل الناس وقلت الممرضة حطتتلي العينة من خجلي ولما فشلت صار معي جفاف تام وتشنج وكل مانام مع زوجي وابكي واتوجع بعتقد صار معي حالة نفسية ضليت 5 اشهر مامشي الحال لاماء ولازيوت ولا كريمات وزوجي فكر انه حالتي النفسية لانه فشل التلقيح ونا بقلبي بعرف انه السبب انه دكتور اجرالي ياها وانا كتمت هالموضوع... لانه عرفت انه فشلت من اول جماع حصل بعد التلقيح الصناعي بعد 3ايام نزفت لحتى اجت الدورة يعني ضليت اسبوع ونصف كل يوم انزف ومالازم لاني عمباخد حب تثبيت فعرفت انه مانجحت وكنت مهيئة نفسيا لهالموضوع...
المهم عندي خبرة يعني انشالله ماتحتاجوني بس اللي بدو يسالني عن شي انا جاهزة بس طبعا اللي متل حالتي مابعرف شي عن التكيس او ارتفاع هرمون الحليب لانه الحمدلله ماصار معي هالشي
هلا الشهر الجاي قررت اعمل طفل الانابيب انا مابعرف شي عن هالموضوع واستغربت لما سمعت انه في برامج (برنامج طويل وبرنامج قصير )وبتمنى لكل وحدة ساوتها انه تنصحني شو اعمل وانا رح اكتب تجربتي اول باول ياريت تساعدوني لانه عرفت انه في اغلاط كتير ساويتا بالتلقيح الصناعي ويمكن لو سمعت اراء غيري كنت تلافيتا ونجحت بس قدر الله وماشاء فعل
انا رح ساويها بمشفى الشرق في الشام للدكتور مروان الحلبي مع انه الكل عمينصحني بدكتور معاذ عثمان مشفى الشامي بس لانه بعيد عني وفي مشاكل بالطريق فاخترت لسا الشهر الجاي بدي ساويها بقى رجاءا اي معلومة ممكن تفيديني وشكرا طولت عليكن
وانشالله كون ضيفة خفيفة ومهضومة وتقبلوني....

>>>>> ردود الأعضـــــــــــــــــــاء على الموضوع <<<<<
==================================


نسيت اكتب اني عملت كل شي جربت خلطات وذهبت لشيخ بعد نق من حماتي بس مااقتنعت صراحة ماحسيتو شيخ لانه ماقرا قران صار يقرا اذكار بس وفي شيخ حكيتو عالتلفون طلب اسمي واسم امي وزوجي وامو وقالي معي قرين برقبتي وانا يومها كانت رقبتي متيبسة يعني ماعمبقدر حركها و متت رعبة وصرت مانام لحالي والعفو اخد حدا معي كل مافوت عالحمام من خوفي وقالي اقراي سورة الانشقاق 7 مرات كل يوم وسورة نوح 5 مرات وانا قريتن وماصار شي مابعرف
وفي حدا حطلي مي ادام باب بيتي شفتو بالعين الساحرة تبع الباب وبعرف مين هو بس ماامنت بهالموضوع واخدتا مسخرة..انا بامن بالسحر بس موبهالطريقة. بتمنى تفيدوني


__________________________________________________ __________

ما حكيتي كيف تحاليل زوجك هل هي سليمة أم عنده مشكل في الحيوانات المنوية لقدر الله؟؟
لي رجعة بإذن الله حتي نفيد ونستفيد مع بعض


__________________________________________________ __________

شكرا نور القران على اهتمامك بس كتبت انه زوجي تحاليلي ممتازة وعاد التحليل اكتر من مرة وبكل مرة ممتاز العدد والحركة وكل شي طبيعي عنده وعندي...


__________________________________________________ __________

والله اختي ماعندي علم باطفال الانابيب ولكن حبيت اقولك اسال الله الكريم ان يمن عليكي بالذرية الصالحه التي تقر بها عينك....


__________________________________________________ __________

عذبة الوصايف تسلميلي يارب انا بحاجة لدعواتكن .....شكرا لمرورك