للمخطوبات كيف تخليه يجن و ينهبل عليكي و يحلم بيك؟؟ للعروسة
عنوان الموضوع : للمخطوبات كيف تخليه يجن و ينهبل عليكي و يحلم بيك؟؟ للعروسة
مقدم من طرف منتديات نساء الجزائر
للمخطوبات كيف تخليه يجن و ينهبل عليكي و يحلم بيك؟؟
السلام و عليكم و رحمة الله كيفكم يا عروسات يا حلوات يا رب بخير و يا مخطوبات ها الموضوع مشانكم و بالخصوص عضوة في بالي هي بتعرف لحالها اقولها الف مبروك ليا وليكي
و الهدف منها الموضوع الآتي:
- اقربه مني اكثر اقصد خطيبك و اكيد بيكون عاقد عليكي و قاري فاتحتك لانو بكدة يكون زوجك شرعا اما قبل هيك يعني لا يجوز تتعاملي معاه كدة بيكون غريب عنك يعني فاهميني شو عم اقصد
- أخليه يتعلق فيني وما يستغنى عني
- أخليه يحبني و املي عليه دنيته
- أسعده و أرضيه
طيب الحين كيف نحقق كل هذا وكيف نكون رومانسيات هالفتره
اول شي اعتبري زوجك هو كل شي في دنيتك الحين
>>>مثلا انا مرات صدق احس اني مرتبطه و مقيده (ما اقدر اطلع الا بشور، مرات اكون مندمجه في التلفزيون فجأه يتصل لازم احاسب على كل شي وكل كلمه وكل حركه اسويها، انفذ اوامره وطلباته و اسمع كلامه)
تحسون هالامور مرات تخلي الوحده تتضايق خصوصا ان كنا عايشين على راحتنا وفجأه يدخل شخص ثاني حياتك>>بس لاازم تتعودين على هالشي و تتقبلينه و تستانسين بعد فيه
و الحين خلونا نشوف بعض الافكار الي ممكن نطبقها هالفتره:- انكم توعون بعض على صلاة الفجر و يوم يرد عليك كلميه بأنعم وارق صوت وأحلى كلام (فديت روحي قووم يالغالي عشان تصلي يلا حبيبي الله يرضى عليك)
- الهدايا بين فتره وفتره اهديه شي وان كان بسيط و اذا قالك ليش و جديد قولي دخل خاطري وحبيت آخذه لحبيبي وقوليله فديتك تستاهل و من لي غيرك و من هالكلام
- يوم تطلعين وياه اتركي شي في السياره مثلا اتركي رساله حطيها في احد الادراج الي في السياره و اكتبيله فيها كلام حلوو >>بس كوني متأكده انه دايما يفتح هاذي السده (مثلا الي يحط فيها نظارته)
- وبعد ممكن يوم تطلعين وياه تخلين شي مثلا سلسله كنتي لابستنها او حلق وشوفي شو بيسوي (ممكن يقولك نسيتي سلسلتك في السياره و بييبلك ايها و ممكن يقولك انه حاب يحتفظ فيها ، اذا اتصرف التصرف الاول انتي قوليله خلاص حبيبي احتفظ فيها رهينه وعطني اياها يوم بكون في بيتنا واضحكي بدلع)
- يوم يزورك استقبليه بشووق ولهفه و اخدميه بعيونك وابدا لاتخلين الخدامه تدخل المجلس انتي الي شيلي وحطي و كل شويه اسأليه اذا مرتاح واذا محتاج شي و مثلا تقدرين تبخرينه قبل ما يطلع
- يوم تاكلون مع بعض خلي الاكل و اسرحي فيه وهو ياكل و اذا قال شو فيك ليش ماتاكلين قوليله الاكل لاحقه عليه بس ابا اشبع من شوفتك وبعدين اتنهدي ونزلي راسك وقولي بس حسافه انته ماينشبع منك اصلن وبعدين طالعيه بعينك وابتسمي >>والله بيذووب وقتها
- اذا اكل وشبع قوليله لا حبيبي كل هذي من ايدي و عطيه اللقمه الاولى و الثانيه و الثالثه و شربيه عصير >>>صح بتصيبه تخمه بس بيستانس مرته مهتمه فيه
تابع ................
>>>>> ردود الأعضـــــــــــــــــــاء على الموضوع <<<<<
==================================
- اذا يوم بغيتيه يطول الزياره وهو مستعجل بيروح شاغبي مره خبي مفتاح السياره و مره ومره .......
- تقدرين تاخذين تذكار منه مثلا الغتره او اي شي واذا قالك أيش تبين فيهم قوليله عشان فيه ريحتك و نزلي راسك وقولي بحطه جنبي يوم انام بكل حياا و خجل
- يوم تطلعون في السياره و اذا كان زوجك من النوع الي يسمع الاغاني قوليله حبيبي شو رايك تحط هالشريط نستفيد شوي و حطي شريط محاظره اهم شي اختاري شريط يكون شيق و مفيد لكم هالفتره اتكونين سمعتيه من قبل وتعرفين انه بيعجبه
- كل يوم كلميه قبل النوم واذا يوم ماتصل وانتي اتصلتي ومارد او مثلا كان زعلان ارسلي له مسج (حبيبي صدقني ماقدر وماعرف انام بدون ما اسمع صوتك) اصبري مده ولو صار الوقت مره متأخر >>>عادي لو تنامين وحطي المنبه في وقت معين وقومي عشان ترسلي المسج وارجعي نامي ههههههه، اذا كان نايم من يقوم ويشوف المسج بيتصل واذا كان واعي بيتصل فيك على طوول
- دايما رددي هالدعاء قدامه (ربي يحفظك ويخليك لي او عسا الله لايغير علينا)
- دايما انتي اطبخي له اذا يا يزوركم وسوي كيك او حلى بسيط او اكله عشان يوديها لأهله
- تفنني في العصير الي تقدمينه اول ما يدخل يعني مب دايما يكون عصير جاهز انتي سوي العصير بنفسك مره ليمون بالنعناع مره برتقال فريش مره موز بالحليب مره كوكتيل
- اذا شفتو اطفال في مكان وخطيبك جلس يلعبهم ويكلمهم قوليله عقبال ما تلعب عيالك او عيالنا
- ممكن تسوين له مساج خفيف يعني تهمزينه لو كان تعبان مثلا تهمزين ايده او رجوله او كتفه
- دايما قوليله (انتبه على عمرك حبيبي، دير بالك على روحك عمري، الله يحفظك لي يارب)
- اطلبي منه صوره وخصوصا صوره يوم صغير و شوفيهن قدامه وقولي فديييتك وفديت عيالي يوم بيطلعون حلوين مثلك
- دايما قوليله انا اسعد انسانه في الدنيا لانك خطيبي
- اذا زعل اتفنني في ارضاءه
- خلي خواته يساعدونك لو كان في امكانيه انك تعطينها اغراض انتي اشرتيتيها لزوجك تخلين اخته تحطهم في غرفته و تكتبين رساله انها منك >>>بيفرح اكيد بيحس ان زوجته معاه وهي بنفسها جابت الاغراض
- استغلي اي فرصه عشان تقولي له أي كلمه حلوه او تعبرين له عن حبك .......
- امدحي عطره قوليله ريحتك حلووه شو هالعطر ماشاءالله عليك ذوقك حلوو في العطوور
- دايما امدحيه و حسسيه انك مجنونه عليه
- اكتبي مسجات من تأليفك حتى لو كلام عادي مثلا يوم يطلع تقولين له ماتصور اشكثر كنت مبسوطة اليوم لانك موجود عندنا واحس ان الوقت يمر بسرعه ، مثلا قولي دووم اتمنى يوم اكون وياك ان الزمن يوقف و الوقت يمر ببطء اذكر مره كنا في الزحمه طالعين انا وياه و كان هو متضايق عشان الزحمه حطيت ايدي على ايده و طالعته بنظره كلها حناان وقلت له حبيبي ودك الزحمه تخف؟؟جان يقولي هيه رديت عليه وانا ماتمناها تخف ابدا هو استغرب بالبدايه بعدين فهم وضحك ونزل راسه جان اصد الصوب الثاني انا وقلت هيه عشان اتم وياك اكثر وبعدين اطالعته وابتسمت.
- يوم تطلعين وياه مثلا وانتي في السياره وهو مندمج في السواقه ارسلي مسج اكتبيه احبك او اي شي فخاطرك كتبيله مرة مثلا ربي لايحرمني من وجودك في حياتي ..
- حاولي بين فتره وفتره ترسلي له احاديث كمسجات يعني لو كان متضايق ارسلي الدعاء الي يقال عند الكرب لو غضب ارسلي ادعيه تنهي عن الغضب ارسلي له مثلا اذكار او استغفارات هالامور خليه يتعود ان يكون لسانه رطب بذكر الله
تابع ......
__________________________________________________ __________
- من ناحية اللبس لما يزورك داايما غيري ستايلك مره البسي تنوره مره فستان ناعم مره جلابيه ومره بنطلون خليه كل مره يشوفك بشكل عشان يعجب فيك اكثر تسريحة شعرك على طوول غيريها لاتخلينه يتعود انج تسرحين شعرج بطريقه معينه اكيد كل وحده منا ترتاح لتسريحه معينه بس عشان زوجك غيري و حاولي تتعودين على التغيير حتى عقب الزواج الله عطاج هالشعر نعمه وزينه استغليه و خليه يكون عامل لجذب زوجك
- دايما اسأليه حبيبي تغديت حياتي تعشيت؟؟ا اذا قالج لا قوليله،الحين عمري تروح تاكل عشان خاطري
- دايما اسأليه عن اهله حسسيه انك منهم ويهمونك و ادعيلهم و دووم قولي الله لا يغير عليكم الله يخليكم لبعض الله يسعدكم
- حاولي تفتحين له قلبك في بعض المواضيع حسسيه بأنك تلجأين له وقت الشده و انه هو ضهرك وعضدك و بعدين قوليله الله يخليك لي ولا يحرمني منك منو لي غيرك فديتك يا اعز الناس ومن هالكلام
- كوني عفويه وعلى طبيعتك ولكن لاتثقلين زياده عن اللزوم
- اسمعيه يوم يتكلم و انصتي له
- اهم شي تخلينه يثق فيك ثقه عمياء يعني مرات الشباب تييهم شكوك وظنون مب منهم ومب لانه مب واثق فيك بس من الي يشوفه برع فلو طلب يفتش تليفونك عادي عطيه لو طلب باسوورد ايميلك عطيه لاتكبرين الموضوع وتهاوشينه وتقولين له لييييش وماتوثق فيني و شوو شايفني عشان تشك فيني ،ترى هاذا مو شك هاذا حب وحرص وغيره
- نصيحه لا تلتفتين للرجال الي في الشارع وفي اي مكان خلي عينك في الارض او في زوجك بس هالشي بيخليك تكبرين في عينه
مرات بادري انتي بانك تمسكين ايده في السياره اسرحي فيه وهو يسووق قبلي ايده وقوليله لاخليت منك يارب
- ارسلي له كلام حلوو في الايميل او محاضرات واكتبي نك نيمات تعبر عن سعادتك بأنك حبيبته وعن حبك له
- اهم شي خلي القرار بإيده و الشور شوره لاتدخلين لاتقولين كلمة لا او مابا دايما قولي الي تشوفه الي تامر عليه الي يعيبك يعيبني الي يريحك يريحني على راحتك وممكن بعد هالكلام تقولين شو رايك لو مثلا نسوي بطاقات العرس عند المكان الفلاني او شو رايك نروح عند المكان الفلاني بعد نشوف يعني اتركي القرار بإيده
>>>>اقولك ليش/ لان هو الي بيدفع من انتي،هو مابيقصر فيك وبيسوي الاحسن بس انتي لاتحاولين تفرضين رايك ، يوم بيشوفك قنوعه و ماتتسلطين صدقيني هو الي بيهتم اكثر منك وبيدور الافضل
- لو شوو كنتي تسويين ردي عليه اذا اتصل و لاتضايقين منه ولا تحسسينه بها الشي
- قولي الصدق دايما ولا تكذبين صح ممكن يعصب بس بتكبرين فعينه وبيعرف انك مستعده تقولين الصدق دايما
- دايما اسأليه اذا هو راضي عنك ولاتخلينه يبات وهو زعلان منك
- صح نسيت اقولكم ان هذا مو من اول يوم تملكين فيه يعني بين فتره وفتره وانتي بتحسين متى الوقت الملائم عشان تطبقين هالشي
- و اهم شي اول ايام الملكه اسأليه عن الاشياء الي يحبها و الاشياء الي يكرهها وشو صفات الزوجه الي يتمناها دايما,وشو من هالصفات لقاها فيك ..اكيد بيحاول يجامل بس انتي سحبي منه الكلام واعرفي شو يحب ويكره
- ونصيحه هالفتره حاولي تعتمدين على نفسك في كل شي غسلي ملابسك لوحدك وكويها،ساعدي في البيت في المطبخ وفي باقي الشغل،دوري لك شغل من تحت الارض عشان يتعود جسمك على التعب لان ببيتك تعب كثير واذا الحين ماتعودتي مابتقدرين بعدين
- العبو بعض الالعاب مع بعض مثلا مسابقة المعلومات اسأليه اسأله وخليه يجاوب وشوفي كم نقطه يجمع وبعدين خليه يسألك وشوفي كم نقطه تجمعين ممكن تيبين العاب تلعبونها مع بعض يوم يزورج مثلا منوبولي ولا اونو او لعبة الورق(البته) او شطرنج اي شي..
- اتصلي فيه الصبح وصحيه للدوام اذا نام بعد الظهر اتصلي فيه لصلاة الفجر كوني مهتمه وخليه يتعود عليك ومايقدر يصبر عنك
وربي يوفق ويحرس كل المخطوبات ويجمعهم عن قريب ويرزقهم الذرية الصالحة وعقبال كل الانسات الصغار
و ادعولي الله ينجحني و يوفقني و ينولي مرادي
دمتم بحفظ الله و رعايته
__________________________________________________ __________
يسلموووووووووووووووووووو ع نصايحك ياعسل
__________________________________________________ __________
ربي يسعدك وينجحك وينولك مرادك يا رب
__________________________________________________ __________
ان شاء الله اطبقها على الخطيب الي جاي
رد مع اقتباس
