عنوان الموضوع : خلطة لتقصف الشعر وأغراضها عند كل وحدة فينا بالبيت -للعناية بالشعر
مقدم من طرف منتديات نساء الجزائر

خلطة لتقصف الشعر وأغراضها عند كل وحدة فينا بالبيت



السلام عليكم و رحمة الله و بركاته

هلا بنات أول مرة انزل موضوع بهالقسم .. بس متابعة جيدة لكم**
فعلاُ قلوبكم على بعض وكل وحدة تبي تفيد الثانية**
و حبيت انزل هالموضوع و هو للامانه منقول و انا ما قد جربتها و في وحده مدحت لي هي مرره و قالتلي عليها و انا شفتها و قلت بنزلها لكم و ان شاء الله راح اجربها طولت عليكم حبايبي و بخليكم الحين معاها


قبل فترة شعري كان معدوم من التقصف ..وقالولي كل الناس الي حولي مافي الا انك تقصينه**
وانا كنت مقهورة لأني ماصدقت اطوله**
وصرت ادور في النت على اي خلطة للتقصف لين ماطحت على خلطة قلت نجربها ليه لا؟؟

عبارة عن 2ملعقة عسل


موزة وحدة**



وبيالة شاهي تقريباً 3 ارباع البيالة زيت زيتون**



بنات لاتحطون شيء غير الزيت زيتون لاني جربت احط املا وانعدم شعري وجف مرة**
المهم اخلطيها في الخلاط وحطيها بشعرك كله وركزي على الأطراف وافركيها برقة ونعومة**
على الأطراف لاتفركين بقوة بشويش لأن الشعرة ماتتحمل وحاولي تدخلين


الخلطة**
في أطراف شعرك يعني كثري الكمية في الأطراف
ماشاء الله تبارك الله ولااله الا الله التقصف خف 50% تقريباُ وملمس شعري**
صار خيال من أول إستعمال انا نفسي ماصدقت**
واستمريت عليه وخف مرة**
بس يابنات نصيحة اذا تقصف شعرك حتى لوكان طويل روحي قصي الأطراف**
ولا تتحسفين لأن التقصف راح يصعد فوق**
ومع مدوامتي عليه تحسن شعري بس من حماسي رحت قصيت الأطراف عشان**
تكون النتيجة أفضل**
واستمريت على الخلطة**
وماشاء الله تبارك الله الحين شعري الحمدالله اختفى التقصف فيه تماماً ...
انصحكم يابنات بهالخلطة سواء رغبتي تقصين الأطراف اولا**
لأن النتيجة 100% فعالة**
الأسئلة ....
أيش الأفضل اقص اطراف شعري ولا مااقصها؟
انصحك تقصين الأطراف المتقصفة لأن شعرك يوقف طولة من التقصف**
يعني ماعاد يطول من التقصف لكن اذا قصيتي الأطراف وحطيتي الخلطة**
النتيجة راح تكون مذهلة وفي النهاية براحتك**
كم احطة على شعري ؟
من نص ساعة الى ساعة واغسليه بالموية والشامبو عادي**
هل له ريحة ؟
ريحته موز وعسل يعني حلوة**
اي نوع من العسل احط على شعري ؟
عادي على راحتك انا احط الطبيعي حتى لو حطيتي الي بالسوبر ماركات**
عادي والطبيعي احسن اكيد
شعري مصبوغ عادي؟
ايه طبعاً بالعكس يناسبك اكثر**
مايجفف الشعر؟
لا بالعكس يطريه واذا حسيتي ان شعرك جف في المرة ثانية كثري زيت الزيتون**
يعني انتي طبيبة شعرك
كم المدة وتبان النتيجة ؟
من اول استعمال**
مايتساقط شعري مع الخلطة ؟
لا ان شاء الله واذا تساقط اعرفي ان الشعرة التالفة قاعدة تطيح**
هل ينفع استعمل هالخلطة وانا استعمل خلطات ثانية ولالا؟
ماعندي علم ..
انا كتبت الأسئلة المكررة على اساس كلنا نستفيد **
لا تنسوني من دعائكم
مع حبي ....

>>>>> ردود الأعضـــــــــــــــــــاء على الموضوع <<<<<
==================================


فعلا باين على الخلطة كتيير حلوة ومنيحة


يسلمو على نصائحك


تقبلى مرورى


__________________________________________________ __________



__________________________________________________ __________

الله يسلمكم حبايب قلبي
عطرتوا الصفحة بمروركم الجمييييل


__________________________________________________ __________

مشكورة يا عسل تسلمي


__________________________________________________ __________

العفو يا قلبي مشكوره على مرورك