عنوان الموضوع : { أضــافــر لك عزيزتــي رووووعــه } طريقة جديدة
مقدم من طرف منتديات نساء الجزائر

{ أضــافــر لك عزيزتــي رووووعــه }



بسم الله الرحمن الرحيم

** مدخل **

في البدايه كانوا الحريم يخضبون يدينهم ( بالحنا ) على شكل لبخه ؛

همين لبست لك المره هاك المعاضد والبناجر اللي لحد الركبه ؛؛ عفوا لحد الكوع ؛

وفي السبعينات استقدمت الصحيّة دكتورة نساء وولادة سودانيه الجنسيه ؛؛ اسمها الدكتورة

( أنصاف عباس ) وهي اخت الكاتب جعفر عباس ؛؛ حتى ان لها صديقه اسمها حصيصه الشيحي

؛؛ تصيراخت الكاتب صالح الشيحي ؛

وكانت الدكتورة أنصاف تشتغل بعد الدوام نقاشه ؛

فصارت الدكتورة تولد الحرمه بالصبح وتدخل تبارك لها بالليل

د. أنصاف : والله حلفت عليك ما تغومي ( تقومي ) ؛

مبروك حغيغةً ( حقيقة ) على الطفل الجميل داا ؛؛

لالا انتي اليوووم صحتك زي الزرافه آآآآآآآآي ( بمصر يقولون زي الحصان واهل السودان

يقولون زي الزرافه - اختلاف اقليمي - ) ؛

انتي تطلعي من المستشفى بكره العصوور وبعد المغاارب أكون عندك حاجي اعمل ليك احلى

نغشه ( نقشه ) حنــــــــا آآآآآآآآآي

الف الف مبروك للمره السانية على التوالي :1626_0331


وانتشر بعد ذلك نقش الحنا سواء بالحنا الحمراء ولا السوداء ( الدووج )؛




** تطورت الاوضاع والامور صارت أمور والبلد امتلت نمور ! **


تررررررن تررررن <<< يرن تليفون منيره ..

ااااه ياركبّي مافيني حيل ارد

منيرة : الو؟

الجازي : بالخير يا منيره

منيرة: يالله انتحييها ؛؛ بغيت ما ارد من وجع ركبّي بحنيها اليوم اغديها تخف شوي

الجازي : وطي حستس لا يسمعتس رجلتس ؛؛ لسا انتي بعنفوان شبابتس ولا تبينه يعرس

عليتس مثل خويتنا صيته ؟؟

منيرة : بعد هالعمر اعرس عليها ؟ اخص يا هالشايب دوبه طالعن من حادث ياجعله تكصم ومات

ولا اعرس عليها ؛

عاد صيته حبيـــبه ماتستاهل ؛؛ طيب من اللي خذاها ؟

الجازي : خذا عليها سوريه مثل اللمبه توج وج ؛؛ حتى يحلفون انها تحط على اظافرها شي(ن)

يقال له تنانير مدري مناكير ؛؛ يعطي يديها حمار على زود حمارها ؛؛ وادخل على الله

تف تف تف يقولون انها تبيعوه ؛

منيرة : ودي بصراحه من ذا المناكير احطه على ركبّي ياغديهن يحمّرن

شوي و يطبن >>>> كلن على همه سرى ؛

الجازي : الحين من جاب طاري الركب ؟ الشرهه على اللي يسولف

معتس <<< بقلبها تقول ( حلال يعرس عليتس )؛


ومن هنا كانت الانطلاقه الاولى للمناكير حيث انتشر المناكير بالاسواق كانتشار محلات ابو ريالين


** نصائح **


ألوان ابتعدي عنها :؛


الاحمر اللي يميل على برتقالي لانه شين شين شين ويذكرني بالفيديو كليبات

القديمة مثل فيديو كليب احلام ( تدري ليش ازعل عليك ) ؛


وايضا ابتعدي عن درجات الاخضر والازرق الغامقة لأنه يوضح عدم توحد لون بشره يدك ؛؛

ابتعدي بل انحاشي عن الاسود وميتين خط تحت انحاشي ؛؛ لان اللون الاسود على الاظافر

يوحي كأنك من عبدة الشيطان والعياذ بالله ؛؛ ويعطي شكل للاظافر كأنها مخالب ؛


ألوان تزيد من جمال وتوهج اليد : ؛

الالوان اللحميه الوردي والبيج والابيض اللي كأنها milk

الزهر بدرجاته من الفوشي لحد الpink

البني بدرجاته وحبذا الفواتح

الاحمر مع انه اللون الاساسي ؛؛ بس احسه حق حريم كبار وشوي جرئ ؛

واي لون تحطينه حطي فوقه طبقه من المقوي اللي هو المناكير الشفاف اللي يوحي

بان الاظافر كأنها قزاز ؛


** french manicure **

وعشان ماتحتارين مع الالوان اللي غالبا ماتحطينها على حسب لون ملابسك ؛ انصحك

بال (( فرنش مناكير ))؛اللي مايحيرك ابد ؛؛ اللي يتناسب مع جميع الالوان اللي

تلبسينها ويعطي اليدين نضاره ؛؛ ويبين انك مهتمه ؛؛

واليكم الطريقه :؛

(1)

اول خطوة هي طبقة من المقوي الشفاف ؛؛



(2)


ثاني شي طبقة من اللون الوردي الفاتح لانه بمثابه كريم الاساس


(3)


هذي الاشرطه تنباع بالصيدليات ؛؛ او اذا ماعندكم سواق يوديك الله لايهينك خوذي من اختك اللي برابع

ورق قص ولصق ؛؛ واكرفيها خليها تقصقها لك اصلا هي لا شغله ولا مشغله تعداد سكاني عالفاضي ؛ :1626_0331


(4)


الحين تجيبين مناكير ابيض او اي لون تبينه وتحطينه على الاطراف


(5)

تستنينه لحد ماينشف بعدين تشيلينه >>>>> الله من زين الشرح ؛

(6)

وتحطين فوقه من المانكير الشفاف


(7)




وبصحتين وعافيه


اوووه قصدي ..الله يوفقك


تحيتي
واجو التفعيل في الردود

>>>>> ردود الأعضـــــــــــــــــــاء على الموضوع <<<<<
==================================


يسلموووووووووووووووا


__________________________________________________ __________

مشكوره على المرور


__________________________________________________ __________



__________________________________________________ __________

يعطيج العافية انا خاطري في هالاظافر بس اظافري وايد تعبانة كل ماطول ترد تنكسر من يديد

صراحة اظافر في غاية الروعة


__________________________________________________ __________

مشكورين على المرور