عنوان الموضوع : مبروك عليكن هالشهر في الاسلام
مقدم من طرف منتديات نساء الجزائر

مبروك عليكن هالشهر



السلام عليكم ورحمة الله وبركاته

أولا أحب أن أهنئ جميع عضوات ومشرفات منتدى سيدتي بهالشهر المبارك
جعلنا الله من صوامه وقوامه ورزقنا فيه الرحمه والمغفره والعتق من النيران

ثانيا : الليله أول ليله من رمضان الله يتمه علينا بالصحه والعافيه ويبلغنا إياه السنه الجايه إن شاء الله والله يرحم ويغفر للي كانوا معنا السنه الماضيه وماكتب الله لهم عمر يحضرون معنا السنه هذي
اللي أبقوله خلونا نبدأ من الليله بدايه صادقه مع الله وهالبدايه راح تكون من هالمنتدى
اللي أبيه منكن كل وحده حاطه بتوقيعه صور نساء تغيره لأن فيه كثير من الزوار رجال
وراح تكسبين ذنب كل رجل يشوف هالصور سواء بهالمنتدى ولا غيره
وخلونا نخفف دخلتنا للأنترنت شوي علشان نتفرغ للعباده وأنا عني محدده لي نصف ساعه باليوم بس للنت علشان كذا راح تكون دخلتي للمنتدى خفيفه
وأتمنى من كل وحده تقرأ موضوعي تترك عنه القنوات الفضائيه اللي غزتنا
يابنات ماسألتوا أنفسكم ليش ينتجون مسلسلات وبرامج خصيصا لرمضان
وباقي السنه مافيها شئ
هم قصدهم يلهون العالم عن دينهم
يعني يبون يحرمونك الأجر
مع إنهم يعيدون كل هالمسلسلات بعد رمضان
بس الناس ماهي قادره تصبر
الحين صرت أشوف ناس كثير مايتكلمون برمضان إلا عن المسلسل الفلاني والبرنامج الفلاني
حتى الصغار صاروا يتابعون مع أهاليهم
صاروا يعرفون متى تجي ومتى تنتهي
الله يهداهم بس هذا بدال مايعودونهم على الصيام والصلاة وقراءة القرآن
ويقولون حنا برمضان مانسمع أغاني
طيب وهالموسيقى اللي بهالمسلسلات
ياليت نترك كل هالأشياء عننا ونلتفت لديننا
نصلي التراويح والقيام
أنا ماأقول لك روحي للمسجد صلي ببيتك
أفرشي سجادتك وصلي اللي تقدرين عليه
أمسكي مصحفك وأقري بكل ركعه وجه أو نص وجه والله يابنات ماراح ياخذ منكن كثير
هذا أنتن بهالزواجات تجلسن ساعتين أوثلاث ساعات وأنتن ترقصن ماتتعبن
خلن لو نص ساعه لأخرتكن
تخيلي إنك عرفتي إن رمضان هذا آخر رمضان تحضرينه وش تسوين
لاتقولين أنا توي صغيره اللي ابتلاهم الله بأمراض وماتوا يمكن كبرك أوأصغر منك
اللي صار عليهم حادث وماتوا يمكن كبرك أو أصغر منك
تتوقعين اللي ماتوا لوبيرجعون للدنيا وش يسووون
بيقولون نبي نشوف مسلسلات ولا أغاني ولا برامج
حطي نفسك بمكانهم ولا قبل لايجي يوم تقولين ياليتي سمعت كلام اللي نصحوني
شوفي الأيام وشلون تركض وكله من أعمارنا
صرنا مانفرق بين أحداث العام وقبل العام
وكل شئ حنا محاسبين عليه
خزني لك حسنات علشان إذا أحتجتي لهن تلقينهن
يكفي بس القرآن كل حرف بحسنه والحسنه بعشر أمثاله
إذا كنتي ماتختمين القرآن قبل هالسنه أختمي
وإذا كنتي تختمينه مره أختميه أكثر من مره
لاتقولين ماعندي وقت وأنت قدام هالتلفزيون من مسلسل لمسلسل
إذا كل المسلسل بياخذ منك ساعه
هالساعه تقدرين تقرين فيها جزئين وتكونين كسبتي ملايين الحسنات بدل ماتكونين كسبتي سيئات
ياليت كل وحده تفكر بالكلام اللي قلته وتتفاعل معي ماأبيك تقفلين الموضوع وتنسينه مثل غيره
ترى والله إني أتمنى لكن كل خير وماودي تندمن بوقت ماينفع به الندم
والله يهدي الجميع

تقبلوا تحيااااااااااااااااتي

أبكااااااااااااااااااااااني الرحيييييييييييييييييييييل

>>>>> ردود الأعضـــــــــــــــــــاء على الموضوع <<<<<
==================================


جزاك الله الف خير يارب
الله يقبل منى ومنك يارب وجعله شهر خير وبركه يارب علينى وعلى جميع سيدات المنتدى
موفقه يابعدي


__________________________________________________ __________

اللهم بارك لنا في رمضان ووفقنا فيه لكل خير


__________________________________________________ __________

بارك الله فيك


__________________________________________________ __________

الله يقبل منى ومنك يارب وجعله شهر خير وبركه يارب علينى وعلى جميع سيدات المنتدى


__________________________________________________ __________