عنوان الموضوع : رواية بنات الثانوية...بقلمي رواية جميلة
مقدم من طرف منتديات نساء الجزائر

رواية بنات الثانوية...بقلمي






رواية بنات الثانوية

كاتبة الرواية: مشآإعر آنثى
أتمنى انها تعجبكم بما انها اول رواية لي واتمنى تكونوا متابعين وبما انه ما في ردود ارجو منكم اعطاء ارائكم ومقترحاتكم في الرسايل الخاصة وترا ما احلل اللي ينقلها بدون ذكر أسمي مشآإعر آنثى الرواية رومانسية جريئة ومو متوقعة يلا بسم الله

البارت 1..

أم ريم: يلا يا بنتي قومي بتتاخريين مدرسةة
مها (أنا)"يا ربي مابي اروووح":خلاااص خلااص يما بقوم خمس دقايق بس
أم مها: وبعدين يقولوا المشرفات ليه دايما متاخرة
مها: ما يقولون ششي عاد
أم مها: يلا لا يكثر

[قمت واتروشت بسرعة وغسلت اسناني ما عندي وقت ولبست مريول المدرسة وضبطت نفسي وحطيت روج خفيف وقعدت انطر اخوي محمد وأختي سلوى في الصالة]
الا وتمر أمي تقول :ميري جهزت الفطور بلا تاخير قوموا افطروا السواق ناطركم تحت

محمد-مها-سلوى: حاضر يما [وقمنا نروح صالة الاكل وميري مجهزتلنا الفول والبيض وعصير الاورنج]
محمد"بنبرة خادعة":اقول مها
مها:خيير باين في شي من نظراتك ها؟
محمد:وين جوالك؟؟
[قعدت ادووور عليه ما حصلته ]
مها: محممد طلعه بلا بزرنة عااااد
محمد:اولا قولي لي وش ذا اللي حاطاه روج يا بعدي؟؟
مها: مو شغلككك هات والا اطلعه بالغصب
محمد:امسحيه
مها:مو ولي امري انت فاهمم؟
محمد:دام كذا احلمي بجوالك وانتي نايمة احسنلك
مسحت الروج وقلت له بعصبيه :مسحته ارتحتت
محمد"بانتصار":ايييه ارتحناااا خذي
وحذف التلفون فوق الطاولة
مها: هييي انت جديد هذا يا غبي
محمد: سكـــ "وقاطعته أمي : تاخرتوااا بسرعة

نزلنا ورحنا السيارة وانطلقنا للمدرسة

......
فاصل نتعرف على الشخصيات
مها: بطلة الرواية حلوووة يا زينها عيونها عسليات وساع حنطاويية وطولها وسط عمرها 16
محمد:أخو مها عمره 14 سنة ومشاغب لابعد الحدود بس يخاف على خواته

سلوى:بنت سنعة وعاقلة شخصيتها قوية وتحب المزاح طويلة وبيضة وعيونها سود وساع عمرها 18 باقيلها سنة وتخلص مدرسة

العائلة غنييية ومرتاحين وجميع الرفاهيات موجووودة بس الاب متوفي وامها متزوجة واحد غني وتاجر

نرجع للرواية

وصلنا للمدرسة...ودخلت الساحة والا الاقي الشلة كلها حاضنتني كانهم ما شافوني من سنة

مها: شوي شوييي كسرتوني يا شوزاات
ريم: هذا جزاتنا يعني
لنا: مهوووي اشتقنالك يا كلبة
سارة:ايي والله وفقدنا هبالك ووناستك
منيرة: اقول اذلفوا خلوني احضنهااا
مهاا: وشش فيكم انتوا ؟؟ترا اسبوعين بس ما مت
ريم: يالخبلة لا تقولين كذا لو تموتين اموت بعدك انا
مهاا: اقول اسكتي بس اخباركم بنات
الشلة: على نفس الحالة والله
رن الجرس ودخلووا الحصة الاولى
مها وسارة يتكلمون بصوت وااطي لجل ما تسمعهم الاستاذة:
مها: تتكلمين مع الاثول اللي اسمه ناصر والا خلااص؟
سارة:خلاص ايشش حنا لسا بادئين بعدين لا تسبيه حبيبي ذا يا خبلة
مها: استحي على وجهك بسسس احذرك منه ترا شكله ما ينوثق فيه ابدد
سارة:شوفيي شوفي بس [طلعت جوالها]
ناصر: انا احبك والله احبك ما اكذب عليك اول بنت احبها
سارة: يعني ما تحب احد قبلي "فيس مستحي"
ناصر: مافي حد بقلبي غيرك

مها: تبيني اقتلك والا كيف
سارة: اقووولك احبه يا شيييخة افهمي
مها"بنبرة زعل" : بكيفك
سارة: خلصنا مهوووي عاد بلا زعل على فكرة كلكم عندي بكرة اوكي
مها: اكلم اهلي وان شاء الله اجي عندكم
سارة: ايووة هذي مها اللي اعرفها

دق الجرس ومرت الحصص لي ما انتهى الدوام

خرجنا انا والبنات وجلسنا ندردش شوي
سارة: بنات جايين بكرة لعندي ؟؟
ريم: انا ان شاء الله يكون السواق مو مشغول مع ابوي بكرة
لنا: انا ريم بتمرلي يعني سواقها يحدد مصيري ههههههه
ريم: انقلعي يا شيخة الله ياخذك انتي وسواقي
لنا: اصلا انا الغلطانة اخلي خبلة تمرلي
ريم: اييي احسن تقعدي انتي وخشتك في البيت
مها: خلاص انتوا والمطاقق راسي يعورني منكم يجعلكم الماحق قولوا امين
منيرة"بضحك": آميين
ريم: انتي قولي شي مفيد والا اسكتي فكينا منك
مها-لنا-سارة:هههههههههه
وصل السواق وخرجت من البوابة ولفت نظري سيارة حمرة قاعد فيها واحد غرييب يناظرني بنظراات غريبة كنه يعرفني...

انتهى البارت الاول...

>>>>> ردود الأعضـــــــــــــــــــاء على الموضوع <<<<<
==================================


...البارت2..

وصل السواق وخرجت من البوابة ولفت نظري سيارة حمرة قاعد فيها واحد غرييب يناظرني بنظراات غريبة كنه يعرفني..

طلعنا انا ومحمد وسلوى السيارة وخرجت جوالي وشافني محمد
محمد: اشوووف جاية وجايبة جوالك للمدرسة ؟؟
مها:"اووف يا ربي" وش دخلك انت اجيب جوالي والا ماجيب اقول انطم بس
محمد: الله يطمـــ"تقاطعه اختي سلوى": بس انت وهي كفاية مطاقق وحركات بلا طعم
مها"ابي ادافع عن نفسي": بس هـــ"قاطعت كلامي": لما اقول خلاص يعني خلاص فاهمين؟
مها-محمد: حاضر

طنشت الموضوع و فتحت جوالي اكلم منيرة في المسنجر...منيرة قريبة مني مرررة مع اني احب كل صديقاتي بس احس منيرة تشبهني بكل شي حتى عربجية مثلي...

مها: منيييرة وينك يالمخيسة
منيرة: هلا مهوووي تونا طالعين من المدرسة في شي؟؟
مها: وانا طالعة شفت واحد في سيارة حمرة قاعد يطالعني بنظرات تخوووف
منيرة: سيارة حمرة؟؟
مها: كان واحد يبان عليه في اخر المراهقة غلى ما اظن شعره بني وحنطي شوي تعرفينه
منيرة:لا لا معرفه"تغير الموضوع" بتروحين عند سارة بكرة؟؟
مها: مدري والله بشوف اهلي
مها: وصلنا البيت بكلمك بعد الغدا
منيرة: اوكي "فيس مبتسم


...في الغدا...
أم مها: عمكم فهد مسافر بعد شهر لدبي ويقول لو تبغون تروحون معاه روحوا
سلوى"باستغراب":وانتي موافقة يما
أم مها: دام مع عمكم ما عندي مانع
مها: يباااا وناسة انا رايحة يما
محمد:وانا كمان رايح
أم مها: وانتي يا سلوى
سلوى: لا مابي عندي اشياء كثيرة اسويها وبعدين هذه اخر سنة لي لازم احضر حالي
مها: الحمدلله شبعت يما انا بطلع غرفتي اكلم رفيقتي
أم مها: تمام يما اطلعي بس انزلي بعد شوي ابي اكلمك بموضوع مهم
مها"بلعت ريقي":حاضر يما شوي ونازلة

[طلعت غرفتي وجلست على سريري]
دقيت على منيرة والموبايل يرن ويرن ويرن بس ما في رد
مها:اووف وش ذا الحظ وين راحت ذي
دخلت الواتس واشوفها اونلاين"وش حصلها ذي ما تبي ترد عجوالها"؟؟
[تروشت ولبست تي شرت وردي معاه شورت خفيف رمادي وسرحت شعري]

[نزلت اشوف امي وش تبي تقول لي رحت الصالة وشفتها قاعدة قدام التلفزيون تتفرج مسلسل]

مها: يما
أم مها: اييه يما تعالي قعدي جنبي
[رحت قعدت جنبها وبدأت تفتح الموضوع]
أم مها: سمعي يا بنتي
مها: اسمعك يما امري
[قفلت أم مها التلفزيون شكل الموضوع مهم]
أم مها: ولد عمك خالد....


انتهى البارت الثاني...


__________________________________________________ __________

البارت3...
أم مها: ولد عمك خالد يبغى يخطبك ويقولون لو انتي موافقة بيجونا بكرة
مها: "اتفاجأت ورديت مستحية"اممم مدري يماا بس ولد عمي خالد معرفه زين مثل باقي اولاد عمي احسه غريب شوي
أم مها: لا غريب ولا شي ولد ما شاء الله عليه اخلاق ومو ناقصه شي
مها: تمام يما يصير افكر واقولك؟
أم مها: اوكي حبيبتي ما بغصبك على شي
مها: الله يحفظك يما [وبستها على راسها] انا بطلع غرفتي ارتاح شوي تامري ع شي؟
أم مها: سلامتك

[طلعت فوق وفتحت جوالي ولاقيت رسالة جديدة!!]
"أنا ادري وش سويتي يا مها وبنتقم منك وبتشوفي"!! خفت وحسيت انه في شي مو طبيعي..يا ترى من هذا وايش يبغى مني؟؟!
شفت الساعة ولقيتها 7 في الليل وتذكرت المقالة اللي ما كتبتها عشان حصة التاريخ!!
قمت وقعدت قدام اللابتوب وبديت أشتغل عليها ....أخذني الوقت واتفاجأت انه الساعة 10
"لازم أنام دحين وبكرة يصير خيير"
.....
قمت على صوت المنبه الزفت...
[دخلت الحمام غسلت وجهي واسناني وطلعت البس المريول كالعادة وفطرت وطلعت للمدرسة]
في السيارة:
اشوف رسالة في جوالي توي انتبهت عليها: صباح الورد يا حلوو
"اووف وش يبغى مني ذا حسيت الموضوع مو مزح وانه يبغى مني شي " خليني اتجاهله واشوف وش يصير"
وصلنا المدرسة...
دخلت وعلى طول شفت نورة
"نورة بنت تكرهني واكرهها من زمان ما اطيقهاا ابد"

شافتني وجت لعندي بابتسامة خبيثة:
نورة: صباح الخير
مها: صباح الخير "وقلت بصوت خافت" :صباح الزفت
نورة:قلتي شي؟؟
مها: وش عندك اخلصي؟؟
نورة: افاا عليك بس كذا تكلميني وانا رفيقتك
مها"بطفش": شوفي يا بنت الحلال انا عارفة وانتي عارفة ان حنا ما نطيق بعض من زمان..
نورة: الا اقول ايش اخبار نوويصر
مها:"بتعجب":من نويصر؟؟
نورة"بخبث": نااصر يا روحي ناصر حبيب سارة
مها: وانتي شدخلك فيه
نورة: حبيبي ذا ترا
مها: احترررمي نفسك فاهمة واعرفي حدووودك
طنشتها ومشيت...
دق جرس الحصة الأولى ودخلت الفصل كان معانا تارييخ
مرت الحصة وفجأة طلبت المقالة سلمناها مقالاتنا كملت الحصة وبعدها الثالثة والرابعة وعلى كذا لما كملت الحصص
خرجنا انا والشلة وقعدنا نتكلم على ما يجونا اهالينا ياخذونا
مها: بنات انا بعد شهر يعني بعد السنة ما تخلص بنروح حنا وعمي وعياله لدبي
سارة: يا حظك خذينييي معك
ريم: انقلعي ههههه
مها: قلعوا وجهك ان شاء الله
ريم: بسم الله علي الا وجهي
مها: اذلفي
البنات:هههههههه
منيرة: من جد بعد شهر ؟؟
مها: اي من جد
منيرة: احنا رايحين بريطانيا على فكرة بعد شهر
مها: بريطانيا؟؟يا خايييينة تدرين وش قد اموت في بريطانيا واتمنى اروح لها من زماان
منيرة: ليه ما تجين معانا
مها: اييي والله جبتيها يا منيروو
منيرة: امزح يا خبلة كيف تروحي معانا وانتي مسافرة دبي؟؟
مها: انا مهااا يا حياتي لما في شي براسي اسويه
لنا: خفيي علينا
مها: اقول انطمي انتي بس
لنا: طيب قولي لنا وش بتسوين؟؟
مها: شوفي يا طويلة العمر انا ومنيرة حاجزين بنفس اليوم بس كل وحدة بوقت معين ورحلة غيير
لنا"بانسجام": امم طيب وبعدين
مها: باكلم عمي في اخر يوم اني ما رح اجي معاهم لدبي بس من غير ما تعرف أمي
لنا: يا ذكيية طيب ليه ما تقولي لامك انك تبغي تسافري مع منيرة بلا وجع رأس
مها: أمي مستحيل ترضى حتى مع عمي مستغربة كيف وافقت
منيرة: وناسسسة والله لو جيتي معانا بيصير فله انا وانتي بس اقول مها
مها: قولي
منيرة: ولو اكتشفوا اهلك انك مو مع عمك
مها: خليها علي منيررة لا تخافي
ريم: الله يستر منك ومن خططك
مها: هههههه اعجبك انا اعجبك
سارة: بنات بتجون عندي اليوم صح
ريم – لنا – منيرة – مها: ان شاء الله

شوي وجالي السواق ودعت البنات ولما خرجت حصلت اللي في السيارة الحمرة مرة ثانية!!!"الله يستر شكله الموضوع فيه شي والا ما يوقف هنا ويطالعني كل يوم لازم اعرف ايش في وراه"
...دخلت وسلمت على امي واتغدينا وطلعت غرفتي اتروشت ولبست شورت اسود خفيف وتيشرت ازرق عليه رسم ناعم حلو وانسدحت على سريري وقعدت افكر باللي بسويه وكيف بجهز كل شي وكنت افكر بخطة عشان ما انكشف اني ما بكون مع عمي...
دخل علي محمد فجأة وانفزيييت
مها"بعصبية": خيير ما تعرف كيف يدقون الباب قبل لا يدخلون؟
محمد"بعناد": لا ما اعرف
"جتني فكرة":محمد ممكن اكلمك بموضوع؟؟
محمد:وش تبغغين مني؟؟
"كلمته عن الفكرة اللي بسويها وقلت له يساعدني فيها"
محمد: احلمي اني اسااااعدك بافكارك المجنوونة ذي اللي زي وجهك
مها: تكفى يا محمد ما لي غيرك يساعدني
محمد: طيب, لكن بشرط
مهااا: وش هو شرطك؟؟
محمد: لما اكون اقولك شي لا تعاندي ولما اسوي اي شي لا تفضحيني عند امي او سلوى..اتفقنا؟؟
مها"بتنهد": طيب
محمد: اوكي وش اللي تبغيني اساعدك فيه
مها: بقولك بعدين دحين روووح ولما افكر بناديلك
خرج من الغرفة وسكر الباب وشفت رسالة بجوالي وخفت يكون الحقيير مرة ثانيية وتفاجأت انها منيرة
منيرة: كلمت اهلي على جيتك معي
مها: وايش قالوا؟
منيرة: طبعا وافقوا يعني ايش متوقعة
مها: الا اقوول في واحد يرسل رسايل من ايام يقول انه عارف انا وش سويت وانه رح ينتقم مني
منيرة: من جد تتكلميين انتي؟
مها: والله خايفة مرررة ترا
منيرة: اكيييد يستهبل ذا طنشيه وخلاص
مها: يا رب يكون كلامك صح...
منيرة: يلا انا استأذن أمي تناديني اشوفك عند سارة
مها: فمان الله

"رحت لعند أمي اكلمها اني رايحة لعند سارة"
مها: يما انا رايحة عند سارة اليوم
أم مها: أوكي اكلم السواق انك طالعة عشان يوصلك
مها: مشكورة يما
أم مها: الا اقول وش قررتي على موضوع خالد؟؟
مها"ارتبكت": مــ مدري يما للحين ما فكرت زين
أم مها: براحتك
"رحت غرفتي وتجهزت عشان اروح عند سارة وطلعت وكلمت السواق يوديني بيتها وصلت واستقبلتني سارة ووجهها مبين انه في شي صاير"....
انتهى البارت الثالث...
توقعاتكم يا بنات ؟؟ارسلوها على الخاص


__________________________________________________ __________

البارت 4...
مها"مستغربة": سارة فيك شي ؟؟
سارة"بارتباك": ل لا مـ ما فيني شي..تفضلي
مها: وين البنات؟؟
سارة: لسا ما جو
"قعدنا ننطر البنات واحنا منتظرين ناظرتني سارة وكانها تبي تقولي شي"
سارة:امم مها
مها: هاا حبيبتي
سارة: ابي اقولك شي ضروري
مها: قولي اسمعك
ساررة: انا وناصر خلااص
مها: انهيتوا علاقتكم يعني؟؟
سارة: اي مهووي كل شي انتهى
"حضنتني وهي تبكي بحررقة حاولت اهديها شوي وتذكرت كلام نورة على طول لكن قررت ما اقول لها احسن"
مها: طيب ليش تركتوا بعض؟؟
سارة: يقول انه في وحدة ثانية في قلبه وان انا اصلا كنت زي التسلية بالنسباله
مها: انا ارويه هذا الحقيير انا ما قلتلك ما توثقي فيه
سارة: ادري وربي لكن كان يبين صادق مرة بكلامه معي ومرة مقنع كمان
"الجرس رن وريم ولنا جو مع بعض و10 دقائق وصلت منيرة"
لنا: وش فيها سارة باين في شي مو حلو من شكلها
مها: نااصر الحقييرر تركها
ريم: كان شي واضح من البداية انه ما ينوثق فيه
منيرة: ساروونه لا تزعلي روحك على واحد فاضي ما يستاهل
سارة: الا اقول مهاا وشلون بتسوين في خطتك
مها: سواقكم موجود؟؟
سارة: موجود
مها: اجل قوموا يلا
منيرة: وين؟؟
مها: بنروح السووق يا حياتي نشتري اغراض للسفر باقي اسبوعين بس
منيرة: وانا كمان لازمني اغراض يلا
"لبسنا عباياتنا وخرجنا ودخلنا السيارة ورحنا المول افترينا بالمحلات كلللللها اشترينا ملابس جديدة وحلوة عشان السفر واكسسوارات وكل شي نحتاجه"

مها: ما خلينا شي الا واشتريناه باقي بس المول نشتريه
البنات:ههههههههه
مها: سارة اتصلي لسواقك يجينا يلا
سارة: اوكي "وتتصل" آلو اوشانك
السواق"اوشانك": ايوة مدام
سارة: تعال يلا بسرعة
اوشانك: هادر مدام خمس دقيقة وانا عندك
"جا لنا اوشانك ورجعنا بيت سارة
دخلنا وسلمنا على ام سارة وبعدين رحنا غرفة سارة
مها: بنات خالد ولد عمي يبي يخطبني
ريم: احلفييييي
مها: والله.. امي امس قالت تبي تكلمني وكانوا بيجوا اليوم يخطبوني
لنا: طيب وانتي موافقة؟؟
مها: ما رديت خبر لأمي لكن شكلي ما بوافق
منييرة: هبلة انتيي؟ وليه ما توافقين
مها: يا شيخخخة تعرفيني أنتي مالي في الزواج والحب والخرابيط ذي
منيرة: أنتي حرة لكن لو أنا مكانك كان وافقت من غير تردد
مها: بفكر واشوف
سارة: بنات بما انه ويك اند وش رايكم تنامون عندي
مهااا: بكلم امي
لنا – ريم – منيرة: واحنا كمان بنكلم اهالينا
بعد خمس دقايق
مها: انا امي وافقت
لنا: أنا امي قالت تبيني اساعدها في البيت ضروري لازم اروح يعني
ريم: انا اهلي وافقوا
سارة: وانتي يا منيروو
منيرة: طبعااااا ما تحلى الجلسة من غيري
ريم: هههههههه خفي علينا يا روتانا كليب يا اااكل الحفلة قال ما تحلى قال
مها: انطمواااا ههههه سارة انا بروح المطبخ اجيب شي ناكله
سارة: البيت بيتك حبيبتي
"نزلت وفتحت الثلاجة شفت بيبسي وايس كريم ورحت ادور ملاعق واسمع صوت شخص من وراي"
...: سارة؟؟
اتفاجأت وقلبت اشوفه عيني جت في عينه وقفت وانا متسمرة ماني قادرة اتحرك وضلينا على هالحال ثواني بس حسيتها سنين"
كريم"استحى": آ آسف فـ فكرتك سارة..
رحت لغرفة ساااررة رككككض من الفشلة..دخلت الغرفة والبنات يطالعوني باستغراب..
ساارة: وش فيك تلهثين ؟؟
مها: ساارة الله ياخذك ان شاء الله قولي آمين
سارة: ههههه ليش شسويت انا؟؟
مها: ما قلتيلي أن اخوك في البيييت واااي فششلة
ساررة"بنظرة خبيثة": ايي كريم في البييت
مها"يا لبى الاسم بس": بعد شنو قلتي لي بعد الفشلة هااا؟؟ ورحت ضربتها على راسها
ريم"بفضول": قوليلنا وش صار مهووي
حكيت لهم الموقف وانفجرووا ضحك
مها: اتمسخروا اتمسخروا حبايبي بيجيكم يوم وتتفشلون مثل ما انا اتفشلت
ريم: فيني النوم
لنا: يلا انا بروح مع السلامة بنااات
ودعنا لنا ورجعنا للغرفة وكانت ريم نايمة
مها: يا حليلها وهي نايمة تبين كانها ملااك لكن لما تقوم اعوذ بالله هههههه
منيرة: يلا خلينا ننام انتي ووجهك المخيس ذا
سارة: مو وقت المطاقق الحين يلا ننام
نمنا وصحيت الصبح عالساعة 7
رحت اقوم ريم واتفاجأت انها مو موجودة !!!
سمعت صوت احد من الحمام!!
نهاية البارت 4...

ما اشووف في تفااعل
لو في خمس رسايل على الاقل بكمل ولو ما شفت في احد متابع بوقف (


__________________________________________________ __________


__________________________________________________ __________