عنوان الموضوع : ~*¤ô§ô¤*~ عَاشِقة الرِّجآلْ ~*¤ô§ô¤*~ بقلمي رواية جميلة
مقدم من طرف منتديات نساء الجزائر

~*¤ô§ô¤*~ عَاشِقة الرِّجآلْ ~*¤ô§ô¤*~ بقلمي






~ عاشقة الرجال ~

بطلة القصة أمال =
الزين اللي كان فأمال مكان تافشي وحدة من بنات جيلها الطولة والتجريدة والعينين عسليين
والشعر بني رطب ولاطاي واعرة رشيقة جدا ، بلا لكسوة اللي كانت كاتلبس غير لاموض كانت
هابلة على آخر الصيحات ومتبعا الممثلين الأمريكين شنو كايلبسو وكتقلدهوم ومين الأم ديالها
كانت كاتمشي بزاف لأوربا وأمريكا على حساب الخدمة ديالها كانت تسهل عليها التقضية
وتجيبلها معاها اللي بغات ..
أمال كانت عايشة معا ماماها الأب ديالها هجرهم مين كانت عندها 5 سنين ومعمرها نسات النهار
اللي بغا يمشي فيه ويخليهم وكيف كانت ماماها تترجا فيه باش يبقى وهو دفعها على الأرض
وخرج من الدار من تما ما شافتو ولا شافها حتى تصاورو حرقتهوم الأم ديالها مالحرقة والحزن
وأمال مين شايفة أمها حساسة بزاف من هاد الموضوع مكاتجبدولهاش كاع نهائيا رغم أنها
بغات تعرف آش وقع تاخلا باباها يهجرهوم ويخليهوم بديك الطريقة ..
الأم نجاة=
مازالت فأواخر الثلاثينات ومازالت شابة اللي كان يشوفها معا أمال كيقول ختها ماشي أمها
محيت كانت أم معاصرة صحيح شحال من واحد تقدم لخطبتها لكن هي معمرها
فكرت ترجع تتزوج من بعد أب أمال ورهنت حياتها كلها لأمال وفقط .
كانت عندها واحد الشركة ديال العطور والألبسة ورثاتها على والديها وكانت متعاقدة معا
الجانب الأوروبي الشي اللي كان يخليها تضطر تسافر وتخلي أمال بوحدها معا الخدامة ديالها
الدادة كريمة اللي كانت تعتابر أمال بحال بنتها ماشي بحال بنت مولات الشي
وحتى أمال ماللي حلت عينيها لقات كريمة فوجهها وتعلقت بيها بزاف
أمال كانت تدرس السنة الأخيرة من السلك الثانوي أي فالباكالوريا وكانت عندها صاحبتها
سميتها وفاء صحبة قديمة من أيام الروض ومن وقتها وهما ديما معا بعضياتهم
صباح وعشية مكايتفارقوش
هاديك وفاء =
تاهي كانت زينة شعرها كان مايل للحمورية وعينيها كانوو سودين بشرتها بيضاء
وتاهي كانت جايبة راسها فالكسوة كان عندها خوها سميتوو
ياسين =
شاب طويل رقيق شوية مي جايب راسو داير واحد البوكلة قليلة فوجهو جاية معاه
كان خدام فالشركة ديال أم أمال بعدا و كان يمووت على
امال اللي معمرها عتابراتو كتر من خوها وشحال من مرة شرحتهالو لكن هو كان عندو أمل ان
أمال تبغيه شي نهار وعمرو ما يأس..
أمال ووفاء كانت عندهوم حصة ديال الفلسفة وماجاش الأستاذ
وفاء:- آش غادي نديرو هاوا مجاش الأستاذ عاوتاني اليوم باينة متكون غير مرتو مشات تولد
أمال :- أبردي ياك عاد كي ولدت الشهر اللي فات
وفاء:- ههه ايه واه حقا إيوا صافي ليوم الطهارة ديال ولدو أكيد أكيد
أمال :- ألالة غير ميجيش آش بغينا بيه خلينا نمشيو نفوتو الوقت فشي بلاصة
وفاء:- عندك الحق وفين نمشيو ؟؟
أمال:-شنو رأيك نمشيو للكافي اللي مجيت الحديقة العامة اللي ديما كانمشيولو
مين منقراوش شي ساعة؟؟
وفاء:-آه عند عادل علاش لا يالاه بعدا نشوفو تايلا كاين تما شي مهند ولا إيزيل في انتظارنا
أمال(وهي كتضحك):- وايلي مهند ولا إيزيل هنا وفالمغرب...لالالا منضنش
وفاء:- تي غازيدي واش عرفك يقدر يكونو هما بشحمهوم ولحمهوم يستناونا
باش يعرضو علينا لشي قهيوة
أمال:-وناري أختي بغيتي سمر وعايشة يجيو يقجونا نعلي الشيطان مخصنا صداعات,..هههه
مشاو البنات الطريق كاملة وهوما يضحكو على هاد الموضوع وحدة تجبد منا والأخرى ملهيه
وصلو للكافي وجلسو فواحد الطابلة شوية وهو يجي عندهم عادل مول لكافي
النادل:-أهلا وسهلا زارتنا الأنوار قولولي آش حب الخاطر واش كيما العادة؟
أمال(بابتسامة):-وي عادل كيما العادة ربي يخليك
مشا عادل يجيبلهم طلبهم وجبدت أمال من صاكها المراية وبقات كتصاوب فلكلوس ديالها
أي (ملمع الشفاه)
وفاء دارت مجيت النافذة وهو يبالها واحد خينا داخل هو وصاحبووو واعرين بالزين
وحاولت تلفت انتباه أمال بلاما يعيقو بيها وبقات تضرب رجلها باش تشوفهوم لكن أمال كانت
غارقة فالمراية حتى ضربتها وفاء لرجلها مرة أخرى بجهد وأمال تخلعت وغوتت..
دارو شافو فيها دوك الجوج ولاد قبل مايجلسو أونفاص ليهم يعني أمامهم تما أمال وجهها احمرْ
بزااف وبغات تخنق وفاء اللي حطاتها فداك الموقف
أمال(وهي تحاول تضحك باش متبينش الغضب ديالها):- واش حماقيتي تاشفتي هادو داخلين
ودرتيلي هاكدك ؟؟
وفاء:-وانا واش عرفني باللي غادي تغوتي وزايدون عييت نهزز فيك نتي اللي بقيتي حالة فمك
فالمراية ، بيني وبينك مزية غوتِّي بعدا نتابهولناا ههه
أمال(شافت فيها شوفة شريرة وصاطت) :- اللهم طولك يا روووووح
جابلهوم نبيل آش طلبو وبداو كيشربو
وفاء(بضجر):-مصباح وحنا كاعدين هنا وتكولي شي حد تلفت لينا حاطين راسهوم فداك
الجورنال ماللي دخلو كيبالي خاطيهوم مساكين ..
أمال:- اللي يسمعك تكولي خاطيهوم يكول راحنا نختاطفو الرجال أراه نتي اللي
مسكينة بحال هادو خصك تكويلهم القلب وتمشي ونتي كاتضحكي
وفاء:- ناري آختي شحال كتحقدي عليهم لوكان غير مكاتموتيش عليهم وماتقدريش تعيشي بلا
بيهم نقولو معاك الحق بحال جواد مسكين مول شركة التيليفونات باقي مكمل 40 ماللي
تفارقتو وباغي يوليلك
أمال(وهي كارهة هاد الحديث):- ياربي واش كاين شي واحد يقول 40 على علاقة انتهت
إمتا غاتأنقي فتفكيرك وناري عليك دبا غاقوليلي واش جاب جواد الهدرة خليني نسايه عليا
صفحة وانطوت
وفاء:- متخلينيش نفكرك بشحال من واحد قلتي عليه صفحة وانطوت إمتا غاديري
عقلك وتشدي فواحد ولد الناس وتبتي لرض ..؟؟
أمال(بتذمر):- ماما راها معايا تي سكتي متخليش زعابيب ابشير تخرج عليك
راكي عارفاني كينولي مين طيرلي المعزة .
وفاء سكتت حيت أمال ايلا تعصبت فعلا كتحرق الأخضر واليابس اللي قدامها
أمال(شافت وفاء تأدبت):-وهاكداك خليني دبا نبلاني و نخطط لمهند وايزيل اللي راهم
أونفاص لينا كينديرو نوقعوهم فالشبكة .. امممممم
فعلا أمال بزينها وذكاءها اللي كانت تنيش عليه كانت تحظى بيه ومعمرها خطات شي هدف
ختاريت هاد اللفظ حيت سجلت بزاف ديال الأهداف وعمر شي حد قدر يطيحها فشباكووو إلا
تالمبعد واتعرفوو..
أمال عيات تفكر تفكر تاطاحت عليها واحد الفكرة جهنمية ودارت عند وفاء
وهي كتضحك ضحكة ماكرة
وفاء:- أبردي باينة لقيتي شي حل خطير راني نعرف ديك الضحكة والحل باينة مغانكون
غي أنا الضحية اللي غانديرو نعرفك نعرفك ..
أمال(وهي تضحك ضحكة شريرة):- وناري شحال كاتعجبيني مين كتفهميني
وفاء:-شتي قولتهالك لالالا أمال مموافقاش ديريلي بحال المرة اللي فاتت مشيتي وخليتيني
لالالا وتقولي مندير والو نتي اليوم اللي غا ديري يالله،
كاع هادشي قالتو وامال غير كاتشوف فيها بلاما تهدر
أمال(بصيغة التهديد):- احم احم
وفاء(وهي مرتبكة):- ولكن واعديني متمشيش وتخليني ياكي واعديني غاندير داكشي
غير بدلي ديك الشوفة راك جمدتي ليا الما فالركابي صافي قبلنا أبردي
أمال:- يا روح أمال وعد منمشيش ونخليك غانمشيو بجوجنا صافي وبعدا المرة اللي فاتت ياك
وخا مشيت معا عثمان ياك رجعت ناخذك منبعد
وفاء(مخلوعة):- رجعتي يا عيني ماش خليتيني مقوصنة فداك المطعم شي ساعتين
عاد جيتيني تمايلي
أمال:- وا ظروف منعتني نجي بسرعة ثم لاش جابدالي هاد الموضوع تاهو صفحة
وانطوت من زمان
وفاء:- عرفتي نتي شي نهار غاندخل لسبيطار المجانين بسبابك عندي احساس سبحان الله
أمال:- وخليني من إحساساتك دبا وتكهناتك ونوضي وباركا ملخوف راه فايتة درتيها
يتبع ..

>>>>> ردود الأعضـــــــــــــــــــاء على الموضوع <<<<<
==================================



الفصل 2
وفاء:- آه درتها ولكن هاديك راها كانت بصاح ياك طاحتلي لاطونسيون(الضغط)
وطحت سخفت ونتي طبعا استغليتي الموقف بالمزيان كاع
أما دبا باغاني نمثل باللي انا سخفانة وانا معمرني جربتها
أمال:- سمعيني نتي غادي ديري راسك سخفتي وديري موتا حمار وانا راني حداك
متخمي تافشي حاجة أخرى
وفاء:-نتي مكاتشبعيش وانا اللي حمقة دايرة فيك راسي
أمال:- وفهمي راه مغا يصرا والو غير أنا وراني معاك وحداك نتي غاطيحي لرض
واللي باقي عليا أنا
وفاء(بتذمر):- علاش ديما ديريني فوجه المدفع ياكي رضيتيني كبش الفداء ديالك
أمال:- أويلي على كبش الفداء جابتلي العيد الكبير يجري تي نوضي
راهم يمشيو وتما يا ويلك مني يالله أوفائتي يالله سمعي الهضرة
وفاء:- أنا مكانش اللي يخوفني قد ديك وفائتي كايجيو موراها غير المصائب
صافي هاني ماشية وبدلي ديك الشوفة ابردي كاديري بحال استاذ الرياضيات
مين يجي شي حد معطل
أمال(بحماس):- هه أموت فيكي أنا يالله سيري بون كوراج
وفاء مالقات مادير تحطت أمام الأمر الواقع ناضت ومشات تالفين جالسين
دوك الولاد وطاحت حداهم وناضت أمال كاتجري عندها بواحد الخوف مصطنع
أمال:- وفاء حبيبتي مالكي آش وقعلك ؟؟
ناضو دوك الجوج ولاد هزوها وحطوها فوق م الكرسي وعادل مشا يجيب كاس دالماء
وأمال جبدت لبارفان ديالها من الصاك أو والو البنت مبغاتش تفيق
قالهوم واحد من دوك الولاد :- نديوها للطبيب ونشوفو مالها
أمال(وهي متفاجئة):- شنو طبيب علالالالاش ؟؟
الولد(كيحاول ميخلعهاش): باش نطمنو عليها متقلقيش ميكون غير الخير
أمال(وهي منزلة جوج دمعات ديال التماسيح طبعا):- آه يالله ناخدوها راني خايفة عليها..
طلعت أمال معا دوك الجوج ولاد فاللوطو وهي جلست فالخلف ووفاء مسندة عليها
وبقا هداك اللي كايصوك غير كيشوف فأمال من لمرايا ديال اللوطو
وأمال حاولت تخبي ضحكة ديال الإنتصار باش ميعيقش أما الولد التاني ماللي ركبوو
وهو ضاير يشوف فوفاء واللي كايبان أنهم بجوج طاحو فالشبكة والبنات فازوا بالتحدي
المهم أمال نغزت يد وفاء باش تفيق وداكشي اللي دارت وفاء بدات كتفيق بشوية
وهي تحل عينيها
أمال:- وفاء وفاء كتسمعيني
وفاء(بتثاقل):- مم أمال فين حنا وشنو وقع؟
أمال :- راكي سخفتي ومعرفناش مالك وهاد الولاد الله يكتر خيرهم قالولي ناخدوك للطبيب
وراحنا ماشيين عندو دبا
وفاء:- طبيب ؟؟؟ لا لا مايحتاجش كنضن غي نرتاح شوية ونولي مزيانة
الولد:- ايلا راكي حاسة براسك ماشي مزيانة نمشيو للطبيب مكان تاشي مشكل
أمال:- ا...أ كايبالي راها ولات مزيانة ميشقاش شكرا ليكم بزاف الله يعطيكم الخير
وفاء( شافت فالساعة):- كيما قتلكم نرتاح شوية ونولي بيان ومشا الحال خصنا نمشيو دبا تعطلنا
أمال :- آه آه نمشيو شكرا ليكم بزاااف
الولد اللي كان يصوك:- نقدر نوصلكوم إيلا بغيتو تالباب الدار
الولد لاخور :- آه نوصلوكوم كترة إيلا كنتي أختي مقادراش تمشاي
أمال (شافت وفاء داخت فكلام الولد):- لالا نتمشاو أحسن باش يضرب فيها لهوا
وتفيق وتصحصح معايا شوية لهلا يخطيك اخوياا شنو سمي ..
الولد:- آه تلهينا معا الأخت ومتعرفناش أنا (يوسف = كان ماشي طويل بزاف وجسمو رياضي
وشعرو بني شوية وداير بوكل صغيرة جاي وسيم بيها ومفتول العضلات ) وهادا خويا (اللي كايصوك) أمين =
صغير على يوسف وطويل عليه وجسمو حتى هو رياضي وكان وسيم شعرو أسود وعينيه
سودين وكان مربي شوية شعر ماشي بزاف جايو روعة
أمال:- تشرفنا بيكم أنا امال وهادي صاحبتي وفاء حنا تقريبا بحال الخواتات
يوسف:- كايبان من خوفك عليها
نزلت أمال ووفاء ماللوطو ونزلو تالولاد معاهم
أمين :- ممكن دقيقة أآنسة أمال؟؟
أمال(بحالي متفاجئة):- آه ممكن تفضل
أمين(متحمس):- بغيت نستغل الفرصة وندعيك أنتي وصديقتك فنهاية الأسبوع عندنا
حفلة عيد ميلاد دايرينها لختي الصغيرة وتمنيتك تحضري نتي وياها معانا غاتنورونا
أمال:- أ..أأ معرفتش شنو نقولك
أمين:- هادا الكارط ديالي فيه نمرتي نتمنى تتصلي بيا ونجي ناخدكم وتأكدي
غانكون فرحان إيلا جيتي
أمال :-مم مخليتلي مانقول يكون الخير نشالله أوكي خليتلك الراحة بسلامة عليك بسلامة
أخويا يوسف
يوسف :- بسلامة أمال أوو بسلامة وفاء تهلاي فراسك بزاف نشوفك من بعد
وفاء :- نشالله بسلامة عليكم
مشا أمين وخوه ومشاو البنات فطريقهوم لدارهوم ونفاجرو ضربة وحدة بضحك
من هادشي كامل اللي وقع ..
أمال:-وناري عليك كتعرفي تمثلي راكي ضايعة هنا فالمغرب خصك نتي تمشي لهوليوود
وفاء:- أنا ولا نتي راه نتي اللي خص يعطيوك الأوسكار صباح وعشيا على الأفكار الجهنمية
اللي كتختارعيهوم معرفت مين كاتجيبيهوم
أمال:- المهم اللي بغيناه وصلنالووو ههههههه وهانتي شفتي مهند وإيزيل طاحو
فالشبكة بلا تاشي تعب
وفاء:- بلا تاشي تعب ؟؟ والعجب معرفت شكون ضربها بطيحة ودار موتا حمار باش الخطة
تمشي وبقا حابس ضحكتو باش ميفرشش الفيلم أنا ولا نتي ؟؟
أمال(وقفت وباست راس وفاء):- تتت وانا أقدر منمدحش عملك الممتاز راه لولاكي مكنا
وصلنا ليهم بهاد السهولة ولمن بعدا لولاد عائلة العلوي يا عيني يا ليلي هههه
وفاء:- هههه وي وقيلة الدنيا غاتضحك لينا وكلو بفضلي هاه باش نتفاهمو
أمال :- هه وي بفضلك ألالة وهانتي شكرتك باراكة إذا متدلعي عليا راني نقلب على باباك
بالبيان وتما شوفي شكون يسلكك مني
وفاء:- هاه هاحنا رضينا بالشوية والشوية مرضيت بينا هههههههه
أمال:- وناري علينا والله تا ضايعين حنا واحسرتاه على المواهب الضائعة هههه
وفاء:- واحسرتاه واحسرتاه هههه
وصلو البنات لديورهوم وهوما فرحانين بهاد الإنجاز العظيم اللي داروه اليوم
وأمال من طبعها كادير اللي كالها راسها بلاما تفكر فوالو ومضرب حساب تالحاجة
أما وفاء مسكينة فأمال هي اللي مسيرالها حياتها حيت وفاء مسالمة بزاف
ونقدرو نكولو ساذجة أحيانا لوكان ماكانت أمال فحياتها لوكان راه ضحك عليها شي واحد
هي فيساع كتيق لكن الفنانة الأولى فالتمثيل أبدا مايديرها بيها حد ..
يتبع ..


__________________________________________________ __________


__________________________________________________ __________


__________________________________________________ __________


__________________________________________________ __________