كذا الدنيا قصه سعوديه
عنوان الموضوع : كذا الدنيا قصه سعوديه
مقدم من طرف منتديات نساء الجزائر
كذا الدنيا قصه سعوديه
هــــذي قصه قريتها وهي موب طويله كثير بنزل لكم اول جزء إذا شفت ردودكم وحمستوني
نزلت لكم الباقي وإنشاء الله تعجبكـــم
_- وهاهي البدايه -_
الاماكن كلها مشتاقه لك ..
والعيون الي انرسم فيها خيالك
والحنين الي سرى بروحي وجالك
ماهو بس انا حبيبي
الاماكن كلها مشتاقه لك
كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ماتغيب
شوف حالي آه من تطري علي
الاماكن الي مريت انت فيها
عايشه بروحي وابيها
بس لكن مالقيتك
جيت قبل العطر يبرد
قبل حتى يذوب في صمت الكلام
واحتريتك
كنت اظن الريح جابت
عطرك يسلم علي
كنت اظن الشوق جابك
تجلس بجنبي شوي
كنت اظن وكنت اظن
وخاااااااااااااااااب ظني
ومابقى بالعمر شي احتريتك
المشاعر في غيابك
ذاب فيها كل صوت
والليالي من عذابك عذبت فيني السكوت
وصرت خايف لاتجيني
لحظه يذبل فيها قلبي
وكل اوراقي تموت
آآآآآآآه...آآآآآآآآآآه
لو تدري حبيبي
كيف ايامي بدونك
تسرق العمر وتفوت
آه يالامان ..وين الامان
وانا قلبي من رحلت ..ماعرف طعم الامان
ليه كل ماجيت اسال هالمكان
اسمع الماضي يقول
ماهو بس انا حبيبي
الاماكن كلها
مشتاقه لك
ناصر من بعد ماغنى الاغنيه : يالله حبيبتي تأخرنا .....
نورة وهي تلبس عباتها : خلاص خلصت بس مين هي يلي الاماكن اشتاقت لها ؟؟؟؟
ناصر : ماتعرفينها ..!!!
نورة : لآ .. ماحصل لي الشرف .....
ناصر وهو يغمز لها : أكيد تعرفينها ... نور عيني .....
نورة حمرت خدودها : ههههههههههه ... طيب . يالله مشينا ....
ناصر : تمام يامدام .. هههههااااااي .....
نورة : هههههههههههههههه ... ( ونزلوا من البيت عشان يروحون )
وهم في السيارة قال ناصر : هااا .. كيف ولدي ....
نورة وهي تحط يدها على بطنها : يسلم عليك ...............
ناصر : الله يسلمك ويسلمه ..... ( ووصلوا لبيت أبو ناصر ) وأول مانزلوا طار ناصر بسرعة وفتح الباب لنورة .....
نورة : ههههههههههههه .. تسلم حبيبي ....
ناصر والابتسامة شاقه حلقة : العفو ياروح روح روح حبيبك ..... ( ودخلوا البيت )
ناصر ونورة : السلام عليكم ..
الكل : وعليكم السلام والرحمه .........
نايف يستهبل كالعادة : بدري كان ماجيتوا ....
ناصر : بدري من عمرك بس وش نسوي لاختك ساعه لين ماتتجهز ...
نورة وهي مفتشله : حراااام عليك أناااااااااااااا ...
الكل : هههههههههههههههههههههههههههههههههههههههههههههههههه ههههه ...
..::::.. التعريف بالشخصيات ..::::..
1)) عائلة أبو ناصر وتتكون من :الاب _ الام
ناصر: شاب عمره 28سنه.. وسيم وجذاب طيب وحنوووووون جدا... متزوج من بنت عمه نورة.....
سلطان: جميييييييل جدا ووسيم للغاية.... عمرة 25سنه...
منال: عمرها 22 سنه... بنت في قمة الجمال... ناعمة حييييل...
دلع : آخر العنقود يعني سكر معقود ... عمرها 18سنه يعني رايحه صف ثالث ثانوي. جميله ومرحه وطيوبة .. ملامحها ناعمة وتجذب الواحد لها ......... هي حساسة ورقيقه.......
*************************
2)) عائلة أبو نايف وتتكون من :الاب _ الام
نورة :عمرها 25 سنه ... جذابه وناعمه .. متزوجه من ولد عمها ناصر وهي ألحين حامل.....
منيرة : عمرها 22سنه ... وهي صديقة منال بنت عمها الروح بالروح ... جمالها رباني حلوووووة كثير وناعمة ....
نايف :عمرة 18 سنه واكبر من دلع بكم شهر ... حبوووب وحلووو ومملوح ... عيونه تسحر الواحد لها على طول....... رايح ثالث ثانوي ....
أحمد : أصغر واحد عمرة 15سنه.. يموت على شي أسمه إنترنت...
***************************
3)) عائلة أبو طلال وتتكون من : الأب – الأم
هيفاء : عمرها 27 سنة عندها ولد وبنت الولد أسمه سامي وعمرة 7 سنين والبنت أسمها سلوى وعمرها 5 سنين ... زوجها توفي يوم كان عمر سلوى سنتين ... وراحت هيفاء وسكنت في بيت أهلها وهي تتعذب لانها كانت تحب زوجها وزوجها يحبها وكانت مرتاحه معه كثير بس جا يومه قبل لايشوف عياله يكبرون .....
طلال : عمرة 25 سنه صديق سلطان ... وسييييم لأبعد حد .. ويدخل القلب بسرعة ....
رنا : عمرها 19 سنه طيوبه وحلوة وناعمه ...
روعه : عمرها 18 سنه وصديقة دلع .. رايحه ثالث ثانوي ... جمالها موطبيعي .. كل شي فيها يسحر الواحد ...
عبد الرحمن : آخر واحد وهو صديق أحمد وفيه نفس الطبع ... وهو حبه الشديد للنت .... وعمرة 15 سنه ..
***************************
4)) عائلة أبو مشعل وتتكون من : الاب – الام
مشعل : طيب ومحترم وحلو عمرة 28 سنه متزوج أميرة وعنده بنت أسمها مها وعمرها 6 سنين ...
التوأم سلمان و روان ..
سلمان : عمره 18 سنه دائما مع ولد عمه نايف ,,, أصحاب وما يخبون شي عن بعض ... حلووو ووسيم ... يحب الفر فشه والتنكيت مثل نايف وما يحب الرسميات ..... رايح صف ثالث ثانوي ....
روان : أصغر من سلمان بخمس دقايق .. وطبعا عمرها 18 سنه وهي بعد رايحه ثالث ثانوي .. حلوة وناعمه والهدوء من أطباعها .. ماتحب المشاكل ... مسالمه . وصديقة بنات عمها دلع وروعه ....
ندى : آ خر وحدة وعمرها 14 سنه ......
*****************************
5)) عائلة أبو إبراهيم وتتكون من : الاب
إبراهيم : شاب رااائع .. خلوق حلوووو ورزة ... عمرة 26 سنه ويشتغل مع أهله بالشركة ...
ريناد : بعمر رنا ... طيبه حبوبه وحلوة ... محبوبه من قبل الكل .....
( امهم توفت من سنين وكانوا صغار في السن ... وكان لازم من أبوهم انه يجيب له وحدة تربيهم ... وتزوج وزوجته في منتهى الطيبه .. حبت ريناد وابراهيم وربتهم كأنهم عيالها وهم حبوها وصاروا ينادونها يمه لطيبة قلبها ... )
فيصل : أخو ابراهيم وريناد من الاب .. عمرة 18 سنه وطبعا مع عيال عمة ... رومنسي وجذاااااااب على صغر سنه ... بس الكل يحبه ...
نجود : عمرها 14 سنه ومع ندى دائما ..
***********************************************
وأخيرا أخوهم العزابي عبد العزيز عمرة 23 سنه قريب من عيال وبنات أخوانه كثير .على الرغم من إختلاف أعمارهم. لكن علاقتهم قووووووووووووووويه ...
**********************************************
الكل اليوم متجمع في بيت أبو ناصر لان سلطان وطلال راح يرجعون من السفر "" سلطان وطلال كانوا مسافرين لندن يدرسون هناك وخلصوا آخر سنه وهذاهم راجعين ."" طلعوا الرجال كلهم عشان يستقبلونهم من المطار وبقى في البيت الحريم والبنات .....
:.:. ودق جرس الباب .:.:
قاموا مرتبشين وبسرعة حطوا طرحهم على روسهم وغطوا شعورهم .... ودخلوا الرجال ..... وركضن أم ناصر وأم طلال وراحوا سلموا على عيالهم .........
أم طلال وهي تصيح : كيفك ياوليدي ...
طلال وهو يمسح دموعها : بخير يالغاليه بخير ....
أم ناصر ودموعها تجري على خدها : وينك ياوليدي عنا ماتسأل والله اشتقنالك ..
سلطان وهو فيه الصيحه : وأنا أكثر وسامحوني ان كنت مقصر ....
وبعدها راحوا يسلمون على الباقي .....
طلال وهو يسلم على رأس جدته : شلونك يمه ( الجدة كبيرة في السن ومخرفه )
الجدة : مين إنت .؟؟؟؟؟؟؟؟؟؟؟؟؟؟؟؟؟
طلال : أفا نسيتيني يمه ...
الجدة : أنا ماأعرفك عشان أنساك .......
قالت هيفاء : هذا طلال يمه طلال أخوي .. ( لف طلال وطالع فيها وابتسم ورجع طالع في جدته )
الجدة : ايييييييه .. طلال وليدي شخبارك يمه ؟؟؟
طلال : بخير الحمد لله . ( جا دور سلطان يسلم )
سلطان : وانا سلطان عرفتيني ...
الجدة : سلطان !!!!!!!!!!!........ ايييه سلطان كيف أحوالك يمه ؟؟؟؟؟..
سلطان وهو يسلم على راسها للمرة الثانيه : بخير .. ( وبعدها راحو يسلمون على الباقي )
دلع وهي تضم أخوها بقوة : هلا بالقاطع .. شلونك .....؟؟؟؟؟؟؟؟؟؟؟؟؟؟
سلطان وهو في حضنها : بخير .. وأنت بعد ماتقولين عندي أخو أسأل عنه ...
دلع وهي تصيح : سامحني .... ( وبعدها جلسوا كلهم في الصالة الكبيرة )
الجدة وهي تطالع في سلطان وطلال : وانتوا لسى ماعرستوا ...؟؟؟؟؟؟؟؟؟؟
سلطان : لأ . يمه لين ألحين ليه عندك عروس لنا ؟؟
الجدة : لأ . بس كنت أحسبكم تزوجتوا من الصفر والحمر يلي هناك ... ( انفجرت الصالة ضحك )
الجدة وهي عاقدة حواجبها : هااااااو . ليه تضحكون ؟؟؟
سلمان : هههههههههههه . وانت وش دراك ان هناك في صفر وحمر .؟؟
الجدة : من التلفزيون ...
نايف : هههههههههاااي . وتشوفين تلفزيون بعد .. لاااااا الحرمه خربت ...
الكل : هههههههههههههههههههههههههههههههههههههههههههههههههه ...
ابو نايف وهو يحاول يمسك ضحكته : عيب يانايف ..ههههههههههههه .
نايف : هههههههههه . إن شاء الله يبه ... ( وبعدها قعدوا يسولفون ويسألون عن الاخبار والاحوال )
":":": بـــــــعد العشاء :":":"
راحوا الحريم والرجال وقعدوا في الصالة الثانية وجلسوا الشباب والبنات في الصالة الكبيرة البنات كانوا مستحيات كثير .........
طلال : أقول دلع .. يعني إذا ماعندك مانع ودي أسالك سؤال يفرقع في قلبي من زمان .... وسألت سلطان عليه وقال لي مايدري ..
دلع : وشو هالسؤال ؟؟؟؟
طلال : ليش سموك دلع ؟؟
دلع وهي تهز كتوفها : والله مادري ؟؟ تصدق سألت أمي مرة وقالت لي إن الدكتورة يلي ولدتها كان اسمها دلع .. وسمتني عليها ....
طلال : ههههههههههههه ... علشان الدكتورة يعني ...
دلع :ههههههههههههه ... ايه شفت شلون ..
نايف : بس إسم على مسمى ... ( الكل التفت له وهم مستغربين )
نايف يبي يصرفهم عن الكلمه يلي قالها بدون مايقصد قام يكح : كححححححححح .. احم احم ..
سلطان : أي اسم على مسمى الله يهديك ... والله ولا قاربها الدلع تقول واحد من الربع .. اذكر هذاك اليوم قبل لا اسافر اعطتني هذيك الضربه يلي بغت تكسر لي فيها ضلع لولا ستر الله ...
دلع وهي زعلانه : هيييين يا سليطين ... يجيلك يوم ....
مشعل : ههههههههه .. مهاوي حبيبتي قولي لماما يلا ..
مها : طيب بابا .. ( وراحت )
سلطان : وين بدري ...
مشعل : بدري من عمرك .. بس ورانا شغل ...
سلمان بخبث : وش شغله في أخر ذا الليل ..؟؟؟؟؟؟؟؟؟؟؟
مشعل : شي مايخصك .. اشغال عائليه يعني .. خااااصة ...
فيصل : هههههههه .. تعجبني ... اذا جيت تصرف عمرك ..
عبد العزيز : خلو الولد يعيش حياته ..
مشعل : تصدق ماحد يفهمني غيرك ........
(( فـــــــــي الـســـــــيـــارة ))
مشعل : حبيبتي وش فيك ؟؟؟
أميرة وصوتها مخنوق : مافيني شي ....
مشعل : تخبين علي يعني ...
أميرة : والله حال هيفاء مو عاجبني ... من مات ( ونزلت دمعتها . وبلعت غصتها ) ياسر وهي ماسكة الحزن .. حاولت معها بس مافي فايدة ... ( أميرة صديقة هيفاء من أيام ماكانوا صغار ... وياسر يصير أخوها .. حزنت لما مات وحزنت على حال صديقة عمرها ورفيقة دربها ))
مشعل وهو يتنهد : وش نسوي بعد ياأميرة .. حاولنا معها بس مافي فايدة .. وقلنا لها إن ياسر خلاص الله يرحمه بس هي معنده ولين الحين زعلانه ...
أميرة : الله يساعدها ...
(( في اليوم الثاني ))
ريناد : هلا يمه طلبتيني ؟
أم فيصل : ايه حبيبتي .. تعالي بقولك شي ...
ريناد وهي تجلس جنبها ..: وت ؟؟؟
فيصل يدخل على فجئه : هههههه أختي وانجليزي مايصير .. ( وراح جلس جنبها )..
ريناد : ههههه حرام عليك كلها كلمه وحدة ...
أم فيصل : الله يهديكم هههه ... المهم اسمعوا ... تجهزوا اليوم على المغرب لاننا بنروح المزرعه ..
فيصل : غريبه يمه بالعادة المزرعه مانروحها إلا الخميس واليوم اثنين ...
امه : ايييه بس بنروح اليوم حاله استثنائيه لان أخو أم طلال سالم بيجي ..
ريناد : مين هذا يمه ...؟؟؟؟ خال رنا ..!!!!!!!!!!!
امها : ايه هذا خالها يلي سافر هو وعياله الكويت عشان شغله ...
ريناد : أهاااااا عرفته يلي عندة ايمان ودانه ...
امها : ايه هذاك هو ...
فيصل : عن مين تتكلمون أنا مو فاهم شي .؟؟؟
ريناد : هذا أخو خالتي أم طلال ...
فيصل : لا ياشيخه يعني فسرتيها الحين ..
ريناد : ههههههه وهذا سافر للكويت من كم سنه ونحنا كنا صغار عشان كذا مانذكرة ..
فيصل : طيب عندة عيال :؟؟؟؟
امه : ايييه عنده ايمان ودانه وبدر وعلى ماأظن عمر ...
ريناد : وعمر هذا بعمركم انتوا يعني راح يكمل شلتكم ..
فيصل : واااااي وناسه ..
>>>>> ردود الأعضـــــــــــــــــــاء على الموضوع <<<<<
==================================
امه : قوموا تجهزوا مابقى شي على المغرب ولا تنسون شيلوا معاكم ملابس زيادة عشان بنام هناك ..
فيصل وريناد : أوكيك ..
؟؟؟ في المزرعه ؟؟؟
وصلوا بيت أبو سالم يلي خلاص راح يستقرون في الخبر بعد مالزمت عليهم الظروف انهم يسافرون للكويت ...
كانت عائلتهم تتكون من : الاب – الام .
بدر : أكبر واحد عمرة 25سنه ..
دانه : عمرها 20 سنه ...
ايمان : عمرها 19 سنه ...
عمر : عمره 18 سنه ...
... في قسم الرجال ... ( كانوا قاعدين ومستانسين .. طبعا الشلة الرباعية شلة المراهقين ( نايف – سلمان – فيصل – عمر ) فالينها ضحك وتريقه وسوالف ... دق جوال عمر وأول ماطالع في الشاشه ابتسم :
فيصل : بسم الله لايكون جنيت .. تتبسم للجوال ..
عمر : ههههههه . لا هذي وحدة كنت أعرفها بالكويت ويوم قلت لها اني بسافر قامت تصيح .....
نايف : والله وطلعت راعي سوالف ياعمير ...
فيصل : هااات برد عليها ( وأخذ الجوال )
عمر : ترى اسمها فتون ...
فيصل : ألووووو .. هلا وغلا هلا بفتون .. وش تبين فيه .... ههههه .. لا ماعليك منه وصل وشوفيه منثبر .... أوكي عمري يوصل .... ايه خلينا نسمع صوتك لاتقطعين هاه .. باي حياتوو ...
سلمان : الله يغربلك تكلمها وكأنك تعرفها ...
فيصل : هي والله يلي فلتها وجلست تسولف ... بس عليهااااا صوت وااااي ..
عمر : هههههههههههههههههههههههههههههه ....
عند الحريم ( البنات قاموا وراحوا للغرفة الداخليه لان الحريم وسوالفهم عورت روسهم )
ريناد : اشتقنا لكم ..
ايمان : وحنا اكثر والله ..
دلع : قوموا بنات خل نرقص ...
روان : الله يرجك قولي آمين ...
دلع : بسم الله علي مالت عليك والله من جد خبله ..
رنا : أقول انتي وياها ورى ماتنثبرون وتاكلون تبن ...
منيرة : عفيه على بنت عمي الشاطرة ....
منال : يالله بنات والله زهق ..
روعة : طيب وش نسوي يعني ..
دانه : قوموا نتمشى برى ..
رنا : والله وجبتيها يابنت خالتي ... بس الشباب برى يعني فشله نطلع ...
إيمان : أوكي أجل خل نجلس هنا .. ( وراحت شغلت المسجل وقام الرقص يلي على أصوله )
وعلى فجئه سمعوا أصوااااااااااات صرااااااااااااااااااااخ .... بس ماسمع هذا الصوت غير البنات .. طلعوا ركض
رنا : وش فيكم ؟؟؟؟؟؟؟؟
نجود : ص..صرصورررررر ..
ندى وهي تصارخ : يممممممممه لحقوا علينا ...
البنات : ههههههههههههههههههههههههههه ..
ريناد : مالت عليكم غربلتونا ... ( ورجعوا دخلوا )
..............................
بدر : هههه طيب تذكر نادر ..
طلال : هههههههههه ايه ( نادر صديقهم ) تذكرت ..
سلطان : أي واحد ..؟؟؟
بدر : هذاك يلي طاح من على الدرج يوم كان بثالث ثانوي وقام يسب ويلعن في المدير والمدرسين والطلاب حتى الفراش ماسلم منه ...
سلطان : خخخخخخ .. ذكرته هذا يلي جا المدير يهاوشه قاله نادر انطم وسكته قدام الناس ..
طلال: ههههههههههه ايه هذاك ...
نايف : تصدق ان أخوة معنا ..
بدر وطلال وسلطان : لاااااااااااااااااااااااااااااااااااا ...
سلمان : بسم الله الرحمن الرحيم .. طالعوا أشكالكم كأنكم مهرجين ... هههههههههه ..
عمر : ايه من جد والله .. هههههههههههههههههه
طلال : أقووووووووووووول جب أنت وياة ...
بدر : طيب وش أسم أخوة ؟؟؟
نايف : هاني على ماأظن ...
فيصل: وععععع مافي تناسق هاني ونادر ... بس والله ذا الهاني حليل مو بطال ...
سلطان : يعني على عكس أخوة .. لان أخوة كان واحد نشبه ماينطاق ......
نايف : إلا وين عزوز وإبراهيم ؟؟؟؟؟؟؟؟؟؟؟؟
طلال : ماادري قالوا بيطلعون وللحين مارجعوا ...
__________________________________________________ __________
في مكان بس مو بعيد ...
إبراهيم : أوكي اتفقنا ..
عبد العزيز : بس لا وصيك عدل صوتك ...
إبراهيم : ان شاءالله ..
ابراهيم وهو يحاول ينعم صوته قد مايقدر : ألوووووو السلام عليكم ..
سلطان : هلا وعليكم السلام .
ابراهيم : من معي .؟؟
سلطان : انتي المتصلة ..
ابراهيم : تيب تيب ..
سلطان : وشو يلي طيب ؟؟
ابراهيم : لا تعصب .
سلطان : مو معصب بغيتي شي ؟؟
ابراهيم : ابيك ..
سلطان : وشووو ؟؟؟؟؟؟؟ ماسمعت زين ؟؟
ابراهيم : روح دكتور نظف إذنك ..
سلطان : لاحووووووول بتخلصين ولا شلون ..
إبراهيم : خلااااااااااص بااااي ( وسكر وفطس ضحك هو وعبد العزيز )
سلطان : ناس فاضيه .
بدر : وش فيك ..؟؟
سلطان : وحدة داقه تستخف دمها ..
فيصل : والله ماعندك سالفه لوني منك كان كلمتها وعرفت إسمها ..
سلطان : الحمدلله ماني زيك بس ماقول غير الله يعين زوجتك عليك ..
سلمان : من جد ...
.................................................. .
هيفاء بصوت عالي : سلوووووووووووووووووووووووووووووووووووووووى ..
سلوى وهي تراكض : نعم ماما ..
هيفاء : تعالي عشى ..
سلوى : ماااابي .
هيفاء : خير ان شاءالله مو بكيفك يلا قدامي ..
سلوى : ماما أبي العب مابي عشى ..
هيفاء : أقوووووووووووول قدااامي .. ( ودخلت بنتها غصب )
أميرة : هيفاء شوي شوي على بنتك تراها صغيرة ..
هيفاء : وش أسوي لها يعني صايرة تراددني وتقولي مابي بعد .. آآآآآآآآه وينك ياياسر تركتني في ذا الدنيا بالحالي ..
أميرة سكتت ماعرفت وش تقول هي دائما كذاا إذا سمعت طاري ياسر من هيفاء ترتبك وينربط لسانها ..
...............................
في هذا الوقت دخل عبد العزيز وابراهيم للمجلس ..
أبو إبراهيم : وين كنتم ؟؟
سلطان : يتسكعون في ذا الشوارع .
عبد العزيز : وانت وش حارق رزك ؟
نايف : فاتكم وش صار .؟
إبراهيم : وشو ؟
نايف : وحدة دقت على جوال سليطين ..
ابراهيم وعبد العزيز : ههههههههههههههههه ..
سلطان : خير ليه تضحكون ؟؟؟
عبد العزيز : لا ولا شي ..
..................................
على العشا سلوى كانت جالسه وباين عليها انها زعلانه ..
أم طلال : حبيبتي سلوى وش فيك ؟؟
سلوى بعصبيه : مافيني شي ..
هيفاء بنفس العصبيه : وجع يوجعك ردي على جدتك بأدب ..
أم طلال : وش فيكم ؟؟
هيفاء : مافينا شي بس قليلة حيا ذي البنت ماربيتها عدل ..
سلوى بتحدي : أنا مو قليلة حيا ..
هيفاء :وتتحدين بعد .. إلا قليلة حيا ونص بعد ..
سلوى : لا ..
هيفاء ولوا يلويك ..
سلوى وهي تصيح : حراااام ليه تكرهيني أنا لو كان عندي أبو زي باقي الناس كان مو هذا حالي ..
كل هذا صار وكل يلي كانوا على السفرة ساكتين ومو عارفين وش يسوون لأنهم يعرفون طبع سلوى يلي على صغر سنها إلا إنها أخذت طبع العناد من أمها .. أما هيفاء كأن أحد أعطاها كف على وجهها .. انصدمت صدمت عمرها .. كيف بنتها تظن إنها تكرهها .. لا مستحيل مو انتي ياسلوى ..
هيفاء : أنا أكرهك .. مين قال ؟؟
سلوى : ايه تكرهيني لو تحبيني كان ما تسوين فيني كذا .. ( وقامت وطلعت برى الغرفه )
أميرة : هيفاء صلي على النبي ..
هيفاء : سمعتي وش كانت تقول ؟؟
أم فيصل : بزر يابنتي لا تاخذين عليها ..
هيفاء : كيف ماآخذ عليها وانا كل هالسنين أحاول ماأحسسها بالنقص يلي هي عايشه فيه . صرت لها الام والابو والاخت والصديقه وهذا جزاتي تقولي انتي تكرهيني ..
أم طلال : وش دعوة يابنيتي سلوى صغيرة أكيد ماتقصد ..
هيفاء وشفايفها ترجف استعدادا للبكاء : لا مااحد يعرف سلوى كثري .. سلوى من برى إنسانه صغيرة لكن
داخلها وحدة كبيرة تحس وتفهم ... أكيد يحز في خاطرها يوم تشوف كل بنت ماسكه في يد أبوها وهي ماعندها حد تمسك يده ..
__________________________________________________ __________
نورة : وانتي وين رحتي ياهيفاء ..
هيفاء : وانتوا وش دراكم يمكن ياخذني الموت زي ماأخذ ... ( وماقدرت تكمل لانها قامت تصيح )
الكل تكدر خاطرة .. كم سنه مرت على موت ياسر وهيفاء لين ألحين مانست .. بس كيف تنسى ياسر ياسر الانسان يلي قدر يعيشها في جنه .. ياسر يلي مايحب يشوف دمعه تنزل من عيونها ياسر يلي ويلي ...
قامت رنا وطلعت برى ماتحب تشوف أختها مكسورة وحزينه طلعت ولقت سلوى جالسه على الارض وتلعب في الرمل وكتوفها تهز .. الظاهر انها قاعده تصيح لكن صياحها بدون صوت .. هذا يلي عصر قلب رنا .. مو كافي اختها يلي تتعذب داخل بعد بنت أختها ..
راحت رنا وجلست جنبها وسلوى على طول ارتمت في حضنها ..
رنا وهي تمسح على راسها بحنيه : ليش كل هذا ؟؟؟
سلوى : ــــــــــ ( صياحها يزيد )
رنا : خلاص ياماما مايصير كذا .. أنت لا تحسبين ان بابا مش معك .. لا بابا معك ويطالعك ويدعي لك .. ويزعل إذا شافك زعلانه .. ويزعل أكثر إذا شاف ماما زعلانه ..
سلوى : كيف يشوفنا وهو مو معنا ؟؟
رنا : هو معنى روحه معنا .. هو موجود في قلوبنا مو لازم نكون نحنا نشوفه المهم هو يشوفنا .. نحنا نحس فيه .. نحس بقربه نحس بنظراته لنا ..
سلوى : بس أنا أشتقت له ..
رنا ودموعها تنزل : كلنا إشتقنا له بس وش نسوي هذا يلي كاتبه لنا ربك .. وهو ألحين يحتاجك تدعين له مو تبكين عليه ...
سلوى : ــــــــــــــــ
رنا : طيب بسألك سؤال .. انتي تبين بابا يزعل منك ؟؟
سلوى : لأ ..
رنا : طيب ليه تزعلين ماما ؟؟
سلوى : انا مازعلها انا احبها بس هي ماتحبني دائما تعاملني بقساوة ..
رنا : مين قال ماتحبك .. ومو لأنها عاملتك بقساوة يعني ماتحبك .. هي تعاملك كذا علشان ماتبيك تسيرين وحده قليلة أدب ماأحد يحبها ... أدخلي ألحين وتسامحي منها وحبي راسها شوفيها مسكينه قاعدة تصيح ..
سلوى : ان شاءالله خالتي .. ( وحبت على راس خالتها ودخلت عند الحريم )
سلوى على طول راحت ركض لحضن أمها وجلست تصيح وهيفاء ماقصرت حضنتها بكل قوتها وقعدت تمسح على شعرها وتهديها ...
روعه من يوم يومها ماتحب المواقف يلي زي كذا فقالت تبي تلطف الجو : يلا انتي وبنتك عن الرومنسيه الزايدة ..
ابتسمت لها هيفاء وما ردت .
أم ناصر : إلا على فكرة يابنات ترى أم العنود ألحين بتجي ..
( أم العنود هذي تصير أخت أم ناصر عندها العنود بس ... والعنود هذي عمرها 21 سنه تحب وتموت على شي اسمه ناصر ... وكل العائله تعرف بهذا الشي بس مااحد معطيها وجه لان ناصر يحب نورة ولا عمره فكر بالعنود.. وفي كل مرة العنود تحاول تقهر وتستفز نورة .. بس نورة واقفه لها بالمرصاد )
دلع : ومن بيجي معها ؟؟
روعه : أكيد العنود وش هالسؤال الذكي ..
دلع : اووووف سألنا وش فيها يعني .. ( إلا وتدخل العنود وأمها "
أم العنود : السلام عليكم ..
الكل : وعليكم السلام ..
دلع وهي تهمس في اذن روان : جبنا سيرته فاحت ريحته ..
روان : هههه أسكتي لاتسمعك ..
وبعد السلام والكلام ..
العنود وهي تطالع في نورة من فوق لتحت : إلا انتي وش أخبارك ..
نورة : الحمد لله .. ناصر مو مقصر بشي فديته ...
العنود باستهزاء : وش أخبارك مع الحمل مو كانك استعجلتي فيه ..
نورة : ايه معك حق أنا ماكنت ابي أحمل الحين بس عاد وش أسوي في حبيبي ناصر كل ماتكلم قال خل نجيب عيال ... وبيني وبينك مافي أحلى من الاطفال في هالدنيا .. عاد ناصر جعل عيني ماتبكيه يموت على البزارين .
العنود من داخلها تغلي وتفور قامت بعصبيه وهي ودها تولع في المزرعه بكبرها ...
منال وهي تصاصر نورة : عفيه عليك يابنت عمي ..
نورة : أحسن علشان تعرف ان ناصر لي لحالي وما حد راح يا خذة مني ..
طلعت العنود برى الغرفه حق الحريم ووقفت وهي مستغربه من الرجال يلي واقف عند المسبح .. كان يكلم بالتلفون ويضحك ..
العنود في نفسها : مين هذا أنا أول مرة اشوفه .. م من عيال ام طلال ولا أم فيصل ولا ام نايف .. مين ياربي مين ... ايييه عرفته هذا اكيد واحد من عيال سالم أخو أم طلال .. ياربي يازينه .. وش اسمه ..
الا وتسمع صوت ينادي من داخل مجلس الرجال ...
___ : بــــــــــــــــــــــــــــــــــــــدرررررررررر ررررررر ..
بدر بصوت عالي : سم .. ( ودخل للمجلس )
العنود : ايييييييييه بدر اسمه بدر .. ياحليله .. انا وش ابي فيه خليه يولي انا مايملى عيني غير ناصر ..
...............................................
بدر : هلا ..
سلطان : وينك فيه ؟؟
بدر : كنت أكلم ..
سلمان : ايه ليكون انت بعد تكلم بنات زي اخوك ..
بدر : ههههههه لا هذا صديقي ...
طلال : اوكي نحنا راح نطلع ننام تبي تنام ولا تجلس ..
بدر : الشياب ناموا .؟؟؟
عبد العزيز : ايه .
بدر : خلاص نطلع ننام احسن ..
طلعوا وما بقى في المجلس غير الرباعي المرح بالاضافه الى عبدالرحمن و أحمد ..
فيصل : تكفى حموووود قوم اطلع للغرفه تلاقي اللاب توب حقي عند الشنطه جيبه ..
أحمد : ماااااااابي قوم انت ..
فيصل وهو يقوم : أوريك يالدب ...
وطلع ورجع وفي يدة الشنطه حقت اللاب توب ...
................................................
إذا شفت ردودكم كملت
__________________________________________________ __________
وهذا بارت أتمنى ينال رضاكم ..
طلعوا وما بقى في المجلس غير الرباعي المرح بالاضافه الى عبدالرحمن و أحمد ..
فيصل : تكفى حموووود قوم اطلع للغرفه تلاقي اللاب توب حقي عند الشنطه جيبه ..
أحمد : ماااااااابي قوم انت ..
فيصل وهو يقوم : أوريك يالدب ...
وطلع ورجع وفي يدة الشنطه حقت اللاب توب ...
قعد جنب نايف بعصبيه ..
نايف : يه وش فيك معصب ..؟؟
فيصل : مو معصب .....
نايف : الا معصب ..
فيصل من جد عصب : أقولك مو معصب ..
نايف : ايه صح مو معصب ..
راح وشبك السلك ودخل على النت وفتح الماسنجر وكانوا كلهم أوف لاين ..
نايف : مافي احد ؟..
فيصل : ايه مالت عليهم كلهم طالعين ..
نايف : أجل افتح حقي خل نشوف ..
فتح فيصل الايميل حق نايف وكانوا كلهم أوف لاين ما عدا اثنين كانوا اون لاين ..
نايف بلهجه سريعه : اطلع بسررررررررررعة ..
فيصل : ليه من هذولا ؟؟
نايف : هذا واحد من أخوياي ..
فيصل : والثاني ؟؟
نايف : وحدة ضايفها من المنتدى ..
فيصل : أحللللللللللللللللف ..
نايف : حبك سحلف ..
فيصل : هههههههههههههههه طيب كلمها ..
نايف : ماابي ..
فيصل : طيب ليش ؟؟
نايف : لاني اذا كلمتها راح تقعد تحقق معي انت وين ومع مين ووش تسوي ومن حركات البنات يلي ماتخلص ..
فيصل : طيب خلني أنا أبي أكلمها ..
نايف : نعم ياعيوني لاااااا تحلم ..
فيصل : ليش طيب تكفى خل أكلمها ..
نايف : أووووووووووووف منك كلمها بس اياني واياك تقعد تتغزل فيها ..
فيصل : ولا يهمك .. ( وأعطى صديق نايف بلوك ودخل علشان يكلم البنت )
نايف كان النك نيم حقه ( وفيت وما توقعت الخيانة ) : هاااااااااااااااااااااااي ..
البنت كان النك حقها ( باربي السعودية ) : هااااايات ياهلا ..
وفيت وماتوقعت الخيانة : شلونك ؟؟
باربي السعودية : تمام انت شخبارك ؟؟
وفيت وماتوقعت الخيانة : أسأل عنك .
نايف : أقولك عندي لك رأي ..
فيصل : وشو؟؟
نايف : أطلع وضيفها عندك بالايميل وكلمها على راحتك ..
فيصل عجبتة الفكرة وعلى طول نفذها .. وأضافها عندة وهي قبلت الاضافة ويوم جا بيكلمها طلعت ..
فيصل : يلعن الحظ يلي زي كذااااا ..
نايف : ليش وش صاير ؟؟
فيصل : طلعت ..
نايف انسدح على الارض وهو ميت من الضحك ..
فيصل : ايه ايه إضحك ياوجة العنز ..
نايف : هههههههههههههههههههههههههههههههههههه ..
في هذة اللحظة دخل سلمان وعمر يلي كانوا بالمطبخ وما شهدوا من الاحداث شي .. استغربوا لمن شافوا فيصل يطالع الكمبيوتر باحباط ونايف منسدح من كثر الضحك ..
سلمان : وش فيكم ؟؟؟
فيصل :مافينا شي ..
عمر : بالله عليك قول وش صاير .......
وقال لهم فيصل السالفة كلها وانسدحوا جنب نايف وهم ميتين ضحك ..
فيصل : ايه اضحكوا يالثيران ..
نايف : بالله عليك وش كان شعورك يوم لقيتها طالعة ؟؟
فيصل : عادي كان ودي أقوم واتوطى في بطنك انت ووجهك ..
وبعدها أذن الفجر قاموا صلوا وراحوا ينامون ..
.................................................. ....
(( اليوم الثاني الساعة 11 صباحا ))
الجدة وهي تصارخ : يلااااااااااااااااااا يابنات قوموا ..
روعة : يمة تكفين خلينا ننام ..
الجدة : يكفيكم نوووم شوفي الساعة كم ..
وقاموا البنات بعد ماأخذوووووو هوشة مرتبة من الجدة ..
عند الرجال وبعد ماخلصوا الغداء ...
أبو بدر : ها ياسلطان وطلال وشلونكم لقيتوا وظيفة ولا للحين ؟؟
سلطان : لا خالي لقينا وقدمنا أوراقنا وننتظر القبول ( طلال وسلطان تخصصهم طب )
أبو ناصر : وانت يابدر قدمت أوراقك ولا للحين ؟؟
بدر : لا عمي للحين ..
سلمان : وانت وش تخصصك ليكون عرض أزياء ..
بدر : عرض أزياء بعينك وشو عرض أزياء انت بعد ..
فيصل : أجل وشو ؟
بدر : داخل هندسة ..
عبد العزيز : هههههههههه حركااااااات والله هندسة ..
مشعل : طيب ليه ماتشتغل معنا في الشركة كلنا نشتغل فيها أنا وابراهيم وعزوز وناصر .. وكل مابغينا زيادة في الراتب ( يأشر على ابوة واعمامة ) نروح لواحد من الحلوين هذولا ويعطينا ..
أبو مشعل : ايه يبا تعال معنا محتاجينك حنا ..
بدر : والله مدري انت وش رايك يبة ..
أبو طلال : أبوك معنا يعني انت بعد معنا ..
بدر : خلاص معاكم ..
أبو ابراهيم : على بركة الله ..
فيصل باستهبال : مبروووك مبروووك منك العيال ومنها المال ان شاءالله ..ههههههه
نايف : يتربون بعزك .
عمر : بالرفاه والبنون ..
بدر : هههههههههههههههههههه الله يبارك فيكم عقبالكم ..
سلمان : لا وين عقبالنا حنا ألحين خاطبين الثانوية العامة خل نتزوجها بعدين بنطلقها ولا يهمك وبنتزوج أخوات زوجتك ......
أبراهيم : الله يشفيكم ...
...................................
ندى : تكفين رواااااان وين الووكمان حقك ؟؟
روان : وش تبين فيه ؟؟
ندى : بتصور معه .. يعني وشو بسمع ..
روان : ياربي منك تلاقينه في شنطتي .
ندى : thank you ( وطلعت هي ونجود علشان يجيبونه )
منال : بنات عندي لكم خبر حلوووو ..
البنات : وشوووووووووو ؟؟
منال : تو سلطان مكلمني يقول انهم بيطلعون ويقولون يبون يطلعونا معهم ..
البنات : احلللللللللللللللللفي .
منال : والله يلا قوموا ..
العنود : غريبة أول مرة يسونها ؟؟
منيرة : هههههه يمكن نزلت ملائكة الرحمه عليهم يلا خل نقوم لا يهونون ...
وتجهزوا البنات وطلعوا علشان يروحون ..
دلع وروعه وروان كانوا راكبين مع سلمان وفيصل ..
روعه : طيب وين بنروح ؟؟
فيصل : ما أدري والله عبد العزيز قال ألحقوني بالسيارة .. ( وقطع عليهم صوت جوال روعه )
روعه : ألووو .. هلا وعليكم السلام .. ايه.. ياهلا والله ......... وشوووووووووووو .. لاااااااااا مستحيل ... ( وسكرت الجوال وقعدت تصيح )
دلع : وش فيك ..؟؟؟
روعه : _____ ( تشهق )
سلمان : ليش تصيح ؟؟؟
روان : مدري ؟؟ ( وأخذت جوال روعه وفتحت على المكالمات المستلمة علشان تعرف مين يلي كلمها ... وكان رقم أخت كريمة صديقتهم )
روان : ألووووو .. شلونك ؟؟؟ أيه تو انتي مكلمتها وهي الحين تصيح وش السالفة ؟؟؟ كيـــــــــــــــــف ؟؟
لااااااااا ما أصدق .. كيف طيب ؟؟ مع السلامه ......... ( وهي بعد قعدت تصيح )
فيصل : ياحبيبي .. كنا بوحدة صرنا بثنتين ..
دلع : وش فيكم لا تجننوني ؟؟؟
تتوقعون ليش روعه وبعدها روان قاعدات يصيحون ؟؟؟
وايش قالت لهم أخت كريمة ؟؟؟؟؟؟
أنتظر ردودكم وتوقعاتكم الحلوة ..
__________________________________________________ __________
دلع : وش فيكم لا تجننوني ؟؟؟
روان وصوتها رايح من الصياح : كريمة ..
دلع بخوف : وش فيها !!!!
روان : مـ ... ماااااتت ...
( عم الهدوء السيارة لدقائق وماحد مستوعب )
دلع بصدمة : وشوووووووووووو .؟؟؟؟؟
روان : أختها تقول ماتت بحادث سيارة ...
دلع وهي تصيح : لأ اااااااااا مستحيل أكيد تكذبون ..
(( وهنا سلمان وفيصل من جد توهقوا ولا عرفوا وش يسوون ))
فيصل : خل نرجع المزرعة ..
سلمان : وهذا يلي بيصير بس خلني أكلم نايف وأقولة .. ( واتصل على نايف وقال له السالفة وعرف الكل بخبر الوفاة وقرروا يرجعون للمزرعة ))
وأول مارجعوا فتحوا الثلاث بنات مناحة على أعز صديقة لهم ..
( كريمة هي كانت الصديقة الصدوق لدلع وروعة وروان . كانت بنت مثل العسل الكل يحبها أخلاقها عاليه وماتحب أحديزعل منها ..... كانوا مايفترقون عنها ولاهي تفترق عنهم .. وكانت بمثابة الاخت لهم )
العنود : أووووووووووووووف خلاص البنت ماتت لاتقعدون تسوون حركات مالها داعي وتعورون روسنا ..
دلع وهي تطالعها باشمئزاز : انتي انسانة انتي ؟!!!!!!!!
نورة : خلاص يابنات امسحوا دموعكم هي محتاجه دعواتكم مو دموعكم ..
العنود : تكلمت أم النصايح والحكم ..
روان : انتي ورى ماتسكتين ..
نورة : آآآآآآآآآآآآه لحقوا علي ؟؟
الكل تجمع حولها يبي يعرف وش فيها ..
بس مافهموا شي لانها كانت تصارخ وباين عليها انها تتألم ..
أتصلت منال على ناصر يلي جا مثل الطير ودخل عند الحريم علشان يشوف نورة وش فيها .
ناصر وهو يشيلها : جيبوا عباتها ...
العنود بصوت واطي : جعلك من هالحاله وأردى ..
الجدة بخوف : وش فيها ؟؟؟
أم نايف : ماأدري والله ألحين مو موعد ولادتها ..
الكل : الله يستر ..
......................................
في المستشفى كان ناصر ينتظر على نار .. نزلت الدكتورة من الغرفة وهي مبتسمة ..
ناصر : خير دكتورة بشري ..
الدكتورة : من أنت ؟؟ زوجها ..
ناصر : ايه زوجها ..
الدكتورة : تفضل معي للمكتب .. ( ولحقها ووصلوا لمكتبها )
ناصر : وش فيها نورة ؟؟؟؟
الدكتورة : وليش كل هذا الخوف ؟؟
ناصر : كانت بتموت من الوجع وحنا نعرف انها الحين بالشهر الثامن ومو موعد ولادتها ..
الدكتورة : لا عادي هذا شي طبيعي تطمن مو ولادة ..
ناصر : شي طبيعي !!!!!!!!!! شلون يعني شي طبيعي ..؟؟
الدكتورة : يعني الوجع يلي كانت تحس فيه الظاهر كان السبب فيه عيالك ..
ناصر باستغراب كبير : عيااااااااااااااااااااالي !!!!!!!!!!!!!!!!!
الدكتورة : ايه عيالك الظاهر كانوا يترافسون داخل بطنها ..
ناصر : شلون عيالي .. حنا سوينا أشعه لها قالوا حامل بولد واحد ..
الدكتورة : ايه عادي دائما تصير .. أحيانا أشعة التلفزيون ماتبين غير ولد واحد والثاني مايبين .. بس ألحين بين ومبرووك زوجتك حامل بتوأم صبيان ..
ناصر طار من الفرحة .. شكر الدكتورة وراح طيران لغرفة نورة لقاها تلبس عباتها علشان قالوا لها إنها ألحين بتطلع .. بشرها بالخبر وهي قعدت تصيح من الفرحة ..
...........................................
أم ناصر : هااا وش صار .؟؟؟
ناصر : ماصار شي ...
العنود : شلون ماصار شي وهي كانت تصايح علينا تقول بزر ..
نورة سفهتها بس ناصر رد عليها : والله انتي أدرى من البزر ..
العنود : اوووووووف طيب وش فيها ولا كانت تدلع ..
ناصر وهو يقرب نورة منه ويحطها بحضنه : من حقها تدلع مو ملاااااك مثل القمر .. يلبق لها الدلع ..
نورة احترق وجهها من الفشله .. أستحت من جد كل الحريم كانوا قاعدات والبنات معهم يعني ماراح يحرمونها من تعاليقهم عليها ..
الجدة : طيب قووول وش صار ؟؟
ناصر بفرح : بصير أبووووو ...
روان : بالله عليك أحلف ..
ناصر : والله بصير أبووو ....
ريناد : طيب داريين من أول انك بتصير أبو .. حنا نبي الخبر الجديد ..
ناصر : ايه أول كنت راح أصير ابو لواحد ألحين أنا أبو لاثنين ...
أم نايف : شلوووووون يعني ؟؟
ناصر : يعني حبي الأول والأخير حامل بتوأم صبيان ....
عمت الفرحه على الكل والكل قام ينطط من الفرحه .. ماعدا العنود طبعا يلي ودت لو ان الارض تنشق وتبلعها .
الجدة : كلللللللللللللللللوش ...
روعه : هههه يمه حنا محنا بعرس ..
الجدة : ايه بس خلونا نفرح ..
الكل درى بسالفة التوأم وفرح من قلب لنورة وناصر ..
البنات حاولوا ينسون سالفة موت كريمه شوي لأنهم مايبون يخربون على نورة فرحتها ..
(( اليوم يلي بعدة رجع الكل لبيتة ))
رد مع اقتباس
