عنوان الموضوع : تعالوا هقلكم موقف حصل معايا (معجزة الركعتين) قصة حقيقية
مقدم من طرف منتديات نساء الجزائر

تعالوا هقلكم موقف حصل معايا (معجزة الركعتين)






[COLOR=#800080] السلام عليكم القصة منقولة تريوها صاحبتها مانى الا ناقلة

السلام عليكم ورحمة الله وبركاته
حبايب قلبى أيه أخباركم فى التلج ده عايزة أقلكم فى عز البرد ومن موقعى اللى تحت البطانية ده انكم وحشتونى والله وقلت أقلكم على موقف بسيط حصل معايا وممكن كمان واحدة منكم تشوف أنه الموقف مش مستاهل بس أنا فرحت بيه وغير حاجة فيا قلت يمكن يغير حاجة بردوا فى واحدة منكم
بصوا يا بنات أنا بعمل دورة icdl وطبعا انا مشية فيها بالزق لانى مش قوى فى الكمبيوتر ونزلت فى مادتين قبل كده بسيح لنفسى صح المهم بقى أنا بحجز قبل المادة بسبوع بدفع الفلوس وأحجز وكان فى مادة رخمة قوى مش فاهمة فيها حاجة خالص قلت مش مشكلة لسه معايا أسبوع هطحن المادة فيها لكن أخويا جه من السفر فجأة وأنا معرفتش أذاكر خالص بسبب هيصة سفر اخويا وكده وخصوصا أنه سافر قبل أمتحانى بيوم وكنا بنجهز حاجته وكده وطبعا مفيش حاجة اسمها انك تلغى الأمتحان بعد الحجز
المهم بقى ليلة الأمتحان أكتشف أنى مذكرتش حاجة خالص خالص قلت بس قشطة كده أنا نازلة وش لانى بذاكر وبنجح على النسبة بالظبط بعنى النجاح من 75% وأنا بنجح عمرى ما جبت أكتر من 79% معلش بقى أصل أختكم عبقرية خالص فى الكمبيوتر
بصراحة أتضايقت وخصوصا أن هنكد أمى وهغرم أبويا لأن كل مادة عليها فلوس و أصلا منظرى بقى محرج قوى
المهم بقى لما لقيت الحكاية لوز كده قلت خلاص أقعد على الفيس ما هى خربانة خربانة وأنا على الفيس لقيت بوست كده عن أن الشيخ حازم شومان بيدى درس أون لاين قلت خلاص يعنى هتبقى دنيا واخرة روحى يا بت أسمعى الدرس فاضية بقى:
:smiley-laugh
سمعت الدرس كان بيتكلم عن ايه عن (معجزة الركعتين)
[الشيخ قال أن الرسول صلى الله عليه وسلم كان اذا أحزنه شيئا فزع الى الصلاة
والشيخ قعد يتكلم على أن الركعتين ممكن يفتحوا أى حاجة مقفولة فى سكتك
قال أنه مشاكل كتييييييير فى حياته وأمراض ربنا نجاه منها بسبب أنه صلى ركعتين بس صرخ من قلبه فى الركعتين دول
قال كنت بقول 3 أدعية بس بقولهم كان قلبى بيصرخ لربنا
1(يا حيى يا قيوم أغثنى)
2(اللهم لا تكلنى الى نفسى طرفة عين)
الدعاء التالت (اللهم لا سهل الا ما سهلته لنا وأنت أن شئت تجعل الحزن سهلا يارب العالمين)
والحزن معناه الجبل والسهل التراب الناعم ده اللى فى السهول
فقال ايه (أنا وفى سنة رابعة كان معايا مادة مش فاتحها خالص
وكنت خايف أنزل بيها
صليت ركعتين وقعدت أدعى الادعية دى وكنت من جويا متشعلق بربنا ومش معايا أمل غيره
قال أنا الحمدالله نجحت فى المادة دى وجبت أمتياااااااز
المهم بقى أنا سمعت الدرس ده وقومت صليت الركعتين وقعدت أدعى وأنا فعلا بثتغيث بربنا أن ينجحنى لانى مش فاهمة حاجة خالص
وقعدت بعدها أذاكر طبعا اللى أقدر عليه علشان طبعا لازم نعمل اللى نقدر عليه
تانى يوم فى الامتحان أسهل أمتحان جالى من أول ما بدأت أمتحانات


ومش بس كده أعلى نسبة خدتها فى المادة دى89% و أنا أصلا عمرى ما جبت 80% شفتوا كرم ربنا

ياه كرمك يارب
عارفة أنا وجيه من الأمتحان مش عارفة أوصفلك الفرحة اللى كنت فيها والله كنت طايرة


بس فرحتى مش بالنجاح والله قد فرحتى بربنا

احساس جميل جدا فوق الرئع تحسى أن ربنا معاكى


وقعدت أعد مواقف كتيييير عدت من حياتى أقول لو فى الموقف ده كنت أستنجدت بربنا كان حجات كتيييييير أتصلحت

تحسى أنك ليكى سند كبييييييييييير قوى فى الدنيا
كان فجأة الدنيا دى بقت سهلة قوى

سبحان الله طبعا أنا مش قلك جربى لان الله لا يجرب




حطى ثقتك كلها فى ركعتين وأدعى باى حاجة أنتى عايزها
المهم الدرس ده كان اسمه معجزة الركعتين
خلى شعارك( أن الرسول أذا أحزنه شيئا فزع الى الصلاة)

معلش بقى رغيت معاكم بس أعمل ايه الرغى ده حاجة زى الهواء كده
دعوة بقى من قلبكم لأختكم أن ربنا يكرمنى بزوج صالح أفرح أمى .
بحبكم فى الله ويارب يفرج كربكم كلكم ويفرح قلوبكم يااااااااااااااارب

ربى يسعدك سعادة الدارين ويوفقك الى ما يحب ويرضا ويسخر لكى زوجا صالحا ويقر عينك بذرية صالحة عاجلا وليس اجلا ويجعل مثواكى الفردوس الاعلى اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


الله الله رووووووووووووووووعة ♥♥♥♥♥♥♥ تسلم الايادي حبيبتي
لكي مني اجمل تقييييييم ياحبيبة قلبي


__________________________________________________ __________

واو نفوسه تسلميلي عالطرح الرائع وربي يوفقك ومبروك النجاح

انا الحمد كل الي ادعيه من ربي الحمد يتحقق الا شغله وحده اتمنى تتحقق


__________________________________________________ __________

سبحان الله
الله يسعدك فوفو يعطيكِ العافية+تقييم~


__________________________________________________ __________

سبحان الله
ربنا يوفقك و يسعدك
أحلى تقييم من عندي


__________________________________________________ __________

تسلميلي فوفو على طرحك الاكثر من رائع ويارب يحتحسب في ميزان حسناتك
تقبلي مروري