عنوان الموضوع : (هقولكم قصه جارتنا قصه حقيقيه) قصص
مقدم من طرف منتديات نساء الجزائر

(هقولكم قصه جارتنا قصه حقيقيه)






السلام عليكم القصة منقولة وترويها كاتبة القصة مانى الا ناقلة


زي ما العنوان بيقو كدا بالظبط القصه دي حصلت لجارتنا والله بجد وربنا وحده عالم جارتنا دي زجها كان مريض اوى وباعت دهبها وكل ما تملك عشان تعالجه بس ربنا ماكدبلوش يعيش اكتر من كدا ومات وقبل مايموت سبلها 4 اطفال الكبير كان في الاعدادي واصغر واحده كان عمرها اسبوعين وبعد ماتوفي البنت الصغيره خالص تعبت اوى وبتقولى ماكنش معايا جنيه اجيبه بيه حتى فول لولادي يتغدو والبت الصغيره في اللفه كانت بتوت خدت البنت وراحت عند والدتها عشان تاخد منها فلوس سلف تكشف على البنت مالقيش والدتها وماحدش من اخواتها رضيو يدوها فلوس ومشي عشان ترجع بيتها تعبت في الطريق واقعدت ترتاح ع عتبه جامع كبير اوى عندنا في المنطقه وساعتها العصر كان بياذن وفضلت تعيط اوى عشان بنتها وعيالها اللى في البيت مستنين الاكل وقعدت تتدعي ربنا وتقول يارب انا راضيه باللي انت قسمته ليا ولولادي بس بنتى بتموت قدام عيني ومش قادره اعملها حاجه يارب ابعدلي بس 20 جنيه اكشف ع هاجر وبعد كدا ابقى اشوف هجيب العلاج ازاى وبتقولي فجاه والناس بتصلي لاقيت حاجه بتلف حوالي رجلي بشوف ايه دا لاقيته كيس مليان فلوس كلهم ورق ب100 والناس طلعو من الجامع ودخلت هيا اديت الكيس لامام الجامع وقالتله انا لاقيت الفلوس دي قدام الجامع خدهم اصحابهم زمانهن هيدورو عليهم شكلهم كتير بس هاتلى منهم بس20 جنيه اكشف ع بنتى هتموت ع ايدي الامام قالها خدي50 جنيه من جيبي بس ماتخديش من دول وفعلا خدت الفلوس منه وراحت كشفت ع بنتها وجابت العلاج وجابت اكل لولادها كمان وروحت وتانى يوم لاقت واحده منقبه بتخبط عليا فتحتلها وقالتلها انتى ام هاجر قالتلها اه انا قالتلها انا صاحبه كيس الفلوس اللي انتى لاقتيه انا بشكرك ع الفلوس دي كنت لماها من ناس كتير وكانو18 الف جنيه عشان واحد كان رايح يعمل عمليه قلب مفتوح قالتلها طب الحمد لله ان الفلوس رجعتلك قالتلها انا عمري ماهسيبك طول ماانا عايشه وفعلا الست دي بتزورها لحد حالبا وع فكره الكلام ده من14 سنه وبنتها هاجر دي دلوقتى من الاوائل عندنا في محافظتنا في دراستها وحفظ القران انا حكيتلكو القصه دي عشان بس تعرفو ان ربنا واقف جمب عبده وماحدش يقول انا ليه بيحصلي مصايب كتير يمكن بيحصلك مصايب كتير بس في الاخر ربنا هيكرمك كرم كبير اوى اوى
ربنا يسعدكم سعادة الدارين ويوفقكم الى ما يحب ويرضا ويجعل مثواكم جميعا الفردوس الاعلى اللهم اااااااااااااااااامين اللهم بلغت اللهم فاشهد على ما ااقول

>>>>> ردود الأعضـــــــــــــــــــاء على الموضوع <<<<<
==================================


سبحان الله
قصه رائعه يعطيكِ العافيه


__________________________________________________ __________

قصة رائعه
بوركتي
ان الله رحيم على عبادة من الأم الحنون


__________________________________________________ __________

حاش لله يخيب عبده

سبحان الله وبحمده سبحان الله العظيم


__________________________________________________ __________

سبحان الله قصه رائعه


__________________________________________________ __________

الحمدالله علي كل حال
قصة رائعة