عنوان الموضوع : مش لدرجة اني انضف حمامات عمومية ...اه للدرجة دي -قصة جميلة
مقدم من طرف منتديات نساء الجزائر

مش لدرجة اني انضف حمامات عمومية ...اه للدرجة دي






السلام عليكم مانى الا ناقلة وترويها كاتبة الموضوع .......


عايزة احكيلكم موقف يمكن من أكتر المواقف اللي فاجئتني في حياتي ...واحنا في الحج دخلنا حمام عام في منى ..وهو طبعا بيتنضف بس اللي بينضفوه عمال رجالة فلازم يستنوا تقريبا كل صلاة وينضفوه ...

وللأسف الحمام مافيهوش باسكت ..وطبعا متخيلين ألاف الستات معاهم أطفال فحفاضات الأطفال وحاجات نسائية تانية مرمية في الأرض والأرض عليها ماية وحاجةبصراحة تقرف لأقصى درجة... انا اسفة اني بشرح بالتفصيل بس علشان انقلكم الوضع بالظبط ..

المهم الحمام ماليان ستات من كل الجنسيات وكلهم قرفانين ومتأذيين أخر أذى بس مضطريين ...
ومن ضمن الناس بنوتة كده باين عليها انها هادية اووي ورقيقة واوقفة ومعاه ست كبيرة في السن شيك بصراحة ....

شوية والست كبيرة دي طلعت والبنت اللي معاها فضلت تلف على الحمامات كلها تبص وتتطلع لحد لما دخلت حمام مكسور وجابت مساحة ..

ودخلت أكترحمام مش نضيف وطلعت كل اللي فيه وزقته لحد ركن بعيد كده أصلا ورجعت رشت ماية كتير ومسحته نضفته خالص لا وطلعت من شنطته سبراي ورشت والمفاجأة انها مادخلتوش ...طبعا كل الستات اتنقلوا طوابير قدام ده والكل يبصلها

هي استنت جمب اللي بعده واول ما اللي فيه طلعت عملت نفس الحكاية ..لا ونضفت بضمير فعلا ....
في ستات كبيرة انا شفتهم دمعوا اصلا من موقفها واللي تحضنها وواحدة تركيا طلعت فلوس ابتسمت وهزت راسها شكرا ومخدتش حاجة ..كتيربقوا يكلموها بلغات مش مفهومة بس اللي فهمته انه دعاء ليها .. ..فجأةالست الشيك اللي كانت معاها نادت "مي مي " وكانت المفاجأة البنت دي طلعت مصرية..البنت اولماسمعت كده راحت سايبة اللي في ايدها ونزلت العباية اللي كانت مشمراها ورايحت رادة (ايوا يا طنط معلش اتأخرت على حضرتك بس زحمة وانا مستنيةادخل الحمام اللي في الأخر علشان هواحسن واحد )...البنت دي اتحولت فجأة لأجمل واحدة شفتها في حياتي ...فجأة حسيت ان يا بخت جوزها (ما انا طبعا لمحت الدبلة) ..المهم ان اللي فهمته ان دي حماتها ... وقالتها خلاص ادخلي اي واحد علشان مانتأخرش على محمد راحت ست سوادنية ماشاء الله عليها باين عليها انها غنية اووي شنطتها ماركة وساعةغالية سايبة دورها وخدت المساحة وكملت هي... البنت المصرية بصتلها بشكر كده وطلعت ..

اللي يضحك بقى ان ستات كتير حضنوا البنت وباسوها وحماتها مستغربة وتقول انتي عارفاهم..تقولها اه يا طنط مش عشرة نص ساعة


الموقف ده من وقتها مسيطر على تفكيري جداااا ...لدرجة بحس بتأنيب ضمير كل ما اشتكي ولا الوم ظرف معين ومحاولش احسنه ...اوادخل عيادة ومااديش دوري لواحدة ست كبيرة واستنى حدغيري يعمل كده

الكلام بتاع كن انت التغيير الذي تريده في العالم طول الوقت كنت حاساه نظري وشعارات لحد اليوم ده .....غير احساسي طبعا بالحسد المشروع منها ان سبحان الله بنا ارادلها انها تكسب حسنات في المشاعر المقدسة وتخدم حجاج بيت الله وترفع أذى كبير عن ضيوف الرحمن ..
ربنا يجعله بميزان حسناتها ويوفقها الى ما يحب ويرضا ويبارك لها بزوجها ويسعدها سعادة الدارين ويجزها عن اخواتها المسلمات خير الجزاء ويبارك لها بزوجها ويجعل مثواها ومن معها بالقصة الفردوس الاعلى اللهم اميين اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


قصه موثره بجد
تسلمين غاليتي


__________________________________________________ __________

بارك الله فيك اختي الغالية ام حفصة ان شاء الله


__________________________________________________ __________

يسلمو حبي اختك ڒٍمُـ‘ـُرډة آلُـ‘ـُعُـ‘ـُرآقُـ‘ـُ.


__________________________________________________ __________

فعلا قصة معبرة جدا


__________________________________________________ __________