عنوان الموضوع : تعويذه موت -قصة قصيرة
مقدم من طرف منتديات نساء الجزائر

تعويذه موت






فى ليله من ليالى الخريف البارده نوعا ما وقفت فتاه اقل مايوصف انها ساحرة الجمال على حافة مياه البحيره الصغيره التى تفصل بين قريه من قرى دلتا مصر وبين المدينه المجاوره لها مدينه صغيره وليست بالكبيره انوار بيوتها وشوارعها تكاد تضيىء شوارع القريه المجاوره من شدة القرب بينهم والقريه اصغر بكثير من هذه المدينه

قريه عدد سكانها لايتجاوز الالف وسكانها من 3 عائلات وبعض الاسر القليله من قرى ومناطق اخرى لذلك فالكل فيها معروف للاخر ولايوجد فيها اسرار

حتى هذه الفتاه لم تعد سرا بل باتت امر واقع تعيشه القريه كل فتره من الزمن ولكن ترى من هى اهى ساحره من عالم الانس ام انها من عالم اخر............................


وفى مكان اخر بقريتنا الصغيره وفى احدى البيوت البسيطه(بيت سليمان ابو البنات)


زينب انا خلاص تعبت منك اعملى اللى انتى عايزاه بس اعرفى ان لو جالى الضغط هيبقي منك

سميه ياماما مش معقوله كدا كل اما اجى اكلمك تقوليلى نفس الكلام دا وبعدين هو انا لازم اتجوز (صيام) دا والا الضغط يعلى عليكى

ساره صحيح ياماما هتتجوزه ازاى وهو صيام طب نستنى اما يفطر الاول

زينب اه ماهى نقصاكى مش كفايه واحده لا يبقوا اتنين فينك يا (سماح) انتى اللى فهمانى وانتى اللى بتريحينى

ساره ليه اشمعنى سماح هى كانت مسكن للالم واحنا مش عارفين ههههههه

سميه عيب ياساره كدا ثم دا كلام كبار ما بينى وبين ماما

فى نفس التوقيت يدخل سليمان حاملا عدة عمله فى شنطته المفضله بين يديه فهو يعمل سباك

سليمان فيه ايه ياساره عملتى ايه تانى؟

ساره ايوه هو انت دايما تدخل وتلاقى ساره فى وشك فتفهم انى سبب المشاكل مع انى اطيب من الطيابه

تقترب سميه من والده وتؤخذ عنه شنطته وتذهب لتضعها فى غرفة العدد والادوات او كما تسميها ساره (المختبر الصغير)

زينب لا المره دى سميه العاقله هى سبب المشكله بقي عريس يجيلها بدل المره عشره وهى ترفض وكمان جارنا وعارفين عنه كل صغيره وكبيره
وعنده عربيه وشقه وهيجبلها شبكه وهيعمل فرحها فى قاعه وبيتمنى رضاها وهى كل مره تعاند وترفض طب ليه؟

سليمان زينب حضرى العشا خلينى الحق انام علشان بكره بالمشيئه رايح مع الحاج فرج فى عماره فى المدينه اللى جنبنا وان شاء الله ربنا يرزقنى فيها بمبلغ كويس علشان مصاريف كلية سالمه ودروس ساره

سميه تصبحوا على خير لازم انام علشان اصحى بدرى علشان شغل الحضانه

ساره وانا كمان هنام علشان برضه ورايا حاجات كداهههههههههه شكلك بقي وحش اوى يازوزو

زينب اهو دا اللى انتوا فالحين فيه خليك ورا كلام بناتك الله يرحم احنا مكناش بنات

وفى بيت اخر ولكنه ليس بالبسيط بل بيت ضخم يدل على ثراء اصحابه ورغم عراقة البيت بل اقصد القصر الذى يعود نشأته الى احدى الاسر ذات العرق التركى التى كانت تعيش فى مصر فى فترة الحكم الملكى الا ان اصحابه ليسوا بتلك العراقه

بيت( خليل الجحش) لقب العائله ( الجحش)

سميره انتى يابت ؟انتى فين يابهميه؟

بهيه ايوه ياسيتى انا هنا اهو كنت بنضف المطبخ

سميره كل دا تنضيف دا انتى بقالك ساعه

بهيه ماهو ياسيتى الاطباق كانت كتير دا غير الحلل وغير اتهد حيلى فى الطبيخ للعزومه طول النهار

سميره جرى ايه يازفته هو انت هتحسدينا على اكلنا ولا ايه وبعدين عايزه عريس ستك ريهام خليل ابن الاكابر يتقدمله اكل اى كلام

بهيه ( فى سرها) الله يرحمه عاش جحش ومات جحش

سميره ساكته ليه ياللى تتشكى فى قلبك

بهيه لا ياسيتى بس لو تيجى واحده تساعدنى يكون احسن انا انهد حيلى وكمان بسيب ولادى لوحدهم وهما بنات والواد بجيبه معايا علشان بيرضع يعنى مش لازم اتاخر عنهم الناس معدتش زى الاول وبعدين الست المسحوره ناس شافوها ع البحيره ودى كل ماتظهر لازم يحصل خراب فى البلد

احمد بتقولى ايه ياوليه يامعتوه مسحورة ايه ؟ انتى خرفتى ولا ايه؟

بهيه لا ياسي احمد كله الا المسحوره انت لسه شباب وهى بعيد عنك ان عشقت شاب بيقولك اللهم احفظنا بتمص دمه لحد الموت علشان تفضل شباب

سميره اخرسي يابهيمه انتى بتفولى على ابنى ولا ايه

احمد ( بسخريه) والله لو العشق مفيش مشكله اما مص الدم دى ليه هى دراكولا

بهيه لا مش بتشرب كاكولا دى بتشرب من دمه

احمد هههههههههههه طب سلام ياخفيفه سلام ياماما انا خارج

بهيه امانه عليك يابشمهندس تاخدنى معاك فى طريقك اصل اخاف اروح لوحدى

سميره والله عال هتخرجى ويا ابنى من غير اذن وكمان هو عايزاه يشتغلك سواق ولا ايه؟

احمد خلاص ياماما هى تعبت النهارده برضه انا هوصلها اصل بصراحه فيها الطمع ههههههههههههه

بهيه كدا ياسى احمد تتمسخر عليا دا انا برضه زى الست امك

سميره ام مين ياام اربعه واربعين

وهنا يدخل خليل وتنصرف بسرعه بهيه حاملة طفلها ربيع ذو السنه فوق ذراعها وفى اليد الاخرى تحمل الشنطه التى تحتوى على عشاء اولادها

خليل ايه ياسميره ماينفعش كدا صوتك يبقي عالى احنا بقينا نسايب لناس تقيله اوى

سميره ياسلام ماهو انت كمان تقيل اوى وكمان البت بهيه دى بتحرقلى دمى معقوله تقول لابنلا انها زى امه

خليل هه معقوله ياسميره تعملى عقلك بعقل خدامتك وكمان احنا تقال بس فى الفلوس اما عريس بنتك ناس مركز واصل وفصل دا كفايه ان اسمه ( مازن) تصدقى فى الاول كنت بحسبه اسم بنت اتاريه طلع اسم رجالى ههههههههه

>>>>> ردود الأعضـــــــــــــــــــاء على الموضوع <<<<<
==================================


حلوة القصة بالبلدي
فين التكملة يا زوزو ؟
يا ترى الشاب يلتقي بالمسحورة بالطريق ولا ايه ؟؟


__________________________________________________ __________

يتبع لوقت غير يسلمو كيدووووووووووووو حبي


__________________________________________________ __________

لك يسلملي عبوووووووسي بدي بوسو يا ربي قد ايه امووور و حليوة ماشاءالله ماشاءالله


__________________________________________________ __________

شكرا حبي كيداهم يوبس ايدك والله يحفظ غواليكي


__________________________________________________ __________