عنوان الموضوع : (لم تاخذ حواجبها يوم فرحها وشو صار) قصص
مقدم من طرف منتديات نساء الجزائر

(لم تاخذ حواجبها يوم فرحها وشو صار)






السلام عليكم اخواتى الغاليات على قلبى القصة اولا منقولة ما انا الى ناقلة وما على الا التبليغ

انا ياجماعه يوم فرحي جاتلي الحنانه هي واحده اعرفها نحسبها علي خير
وكانت عماله بتحكي معانا وكده وهي بترسم الحنه فاختي كانت بتتكلم معاها
فبتقولها يافلانه هو انتي بتزيني العرايس كمان قالتلها اه وبعمل ليهم وشهم
بس مابشيلش الحواجب
اختي قالتلها بجد ده مافيش كوافيره مابتشلش الحواجب
قالتلها ماانا الاول كنت بعمل الحواجب بس توبت الي الله بعد قصة عروسه جات عندي
قالتلها طيب ماتحكي قصتها
قالت مره جاتني عروسه عشان ازينها يوم فرحها
وبصراحه كانت سمرا اوي ومش حلوه خالص فلقيتها بتقولي عاوزكي تخليني اموره
فقالت الست في نفسها ازاي بس دي وحشه اوي ازينها ازاي بس
المهم بتقول ابتديت اعمل لها وشها ولسه هشيلها حواجبها لقيتها بتقولها لا يافلانه ماتعملهومش
بقولها بس لازم اعملهم عشان هم اللي هيحلوكي راحت العروسه قالتلها لا لو هما اللي هيحلوني
مش شرط ابقا حلوه
وقالت الست وبقيت بعملها الميكب وسبحان الله والله نزل عليها جماااااال وحلاوه ونور
سبحانك ياربي وكانت اجمل عروسه زينتها في حياتي
وساعتها عرفت ان الجمال بايد الله وانها مارضيتش تعصيه
فربنا كفاءها وخلاها اجمل عروسه لدرجه ان الناس ماعرفتهاش
ومن وقتها توبت الي الله وبطلت اعمل الحواجب لاي عروسه

والعروسه دي ياجماعه اتوفت كانت حامل وجتلها انيميا شديده فتوفت الي رحمة الله
اسكنها الله فسيح جناته

ياجماعه احنا نطلع من الحكايه دي بعظه وعبره
من ترك شئ لله عوضه الله بافضل منه
سبحان الله رغم انها كانت مش حلوه والكوافيره قالتلها مش هتبقي حلوه بدون عمل الحواجب
اختارت رضي الله عن انها تكون جميله يوم فرحها فربنا جزاها خير وخلاها اجمل عروسه
يابنات اللي تقول لا انا لازم اعمل حواجبي يوم فرحي عشان شكلي ولا اعمل حواجبي عمتا
بلاش ياجماعه نعملها ونغضب ربنا ونتركها كده وسبحان الله ربنا اكيد عمره ماهيخذلنا ابدا
اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


سبحان الله فعلا من ترك شي الله عوضه خيرا منه
جزاك الله خيرا اختي على النقل ًًً


__________________________________________________ __________

جزاك الله كل خير .....موضوع مهم جدااا


__________________________________________________ __________

نعم معك حق انا عملت حواجبي في عرسي بس بعدين عرفت انو هالشي حرام وخلاص مارح المسهم بعد الان لاني عرفت ان هالشي حرام مشكوووورة جعل هالشي في ميزان حسناتك حبيبتي


__________________________________________________ __________

جزاك الله خيرا اختي الغالية احسنت في اختيار موضوعك لان الكثيرات يستهترن بهذا الذنب
نسال الله ان يغفر لنا ولجميع المسلمين والمسلمات


__________________________________________________ __________