عنوان الموضوع : < جوزها غدر بيها وطلقها وظلمها بس ربنا كبير اكرمه> قصص
مقدم من طرف منتديات نساء الجزائر

< جوزها غدر بيها وطلقها وظلمها بس ربنا كبير اكرمه>






السلام عليكم القصة منقولة وترويها صاحبتها ومانى الا ناقلة


سمعت قصة حقيقية تخص واحدة صديقتى دمعت وانا باسمعها قولت اقولها ليكم لعلى وعسا واحدة ذاقت الظلم وفاض بيها تقراها وتعرف ان ربنا هيرد حقها ولو بعد حين
صاحبتى دى بتقول ان جدتها توفاها الله قام جدها حب يتجوز عشان ولاده حد يراعيهم والحمد لله اتجوز ست بنت حلال كان عندها ساعتها28 سنة تصوروا وكانت مطلقة
في الاول كده خلينى اقولكم مواصفات الست دى هى ملهاش نصيب في الخلفة سبحان الله وماكنتش جميلة لاء كانت عادية ويمكن اقل من العادية كمان بس صفاتها الداخلية رهيبة يعنى عندها كمية حنان واخلاق وحب يتوزع على مدينة بحالها
الست دى كانت متجوزه في الاول من واحد قريبها كانت مسافرة معاه ليبيا اتحملت كتير ووفرت واشتروا شقة في بلدهم وبعدين جوزها غدر بيها قالها سافرى مصر وحطى دهبك في الشقة (كانوا بيخبوا الدهب بتاعها بين البطاطين عشان السرقة وكدة) وبعدين روحى على اهلك واستنى لما احجزلك تيجى ليبيا تانى
الست نزلت نفذت المطلوب وماحطتش في نيتها ذرة شك
نزل جوزها من السفر وراح الشقة واخد كل حاجتها ودهبها حتى هدومها وغير كالون الشقة وبعتلها ورقة الطلاااااااق
ووصى البواب لو جت الست دى اطردها وبهدلها
نزل عليها الخبر كالصاعقة وطبعا طلعت من الموضوع دا بالهدوم اللى عليها
نرجع تانى بقى لجد صاحبتى اللى مراته اتوفت
جدها كان كبير في السن ويشاءالله انه يتجوز الست دى بعد ما جوزها طلقها الست دى كان قلبها مولع نار من جوزها الاولانى وكانت دايما تحسبن عليه من قلبها
الست دى برغم اللى شافته بس وزعت الحنان اللى عندها كله لولاد جوزها اللى كانوا قريبين منها في السن ربتهم ووقفت جمبهم مش بس هما لاء وعيالهم اللى جابوهم بعد ما اتجوزوا ((احفاد جوزها) لدرجه انهم كانوا بيقولولها ياماما
صاحبتى بتحبها موووووووووت وكانت مصاحباها واسرارها كلها معاها
كل عيلتهم حبوووووها وكانوا بيقولولها جنازتك بعد عمرا طويل هتبقى مليانة اطفال من كتر حبها وحنيتها عليهم
شوفوا بقى ربنا انتقم من جوزها القديم اززززززززاى الرجل طبعا اتجوز وخلف 3 ولاد واتشل وبقى قاعد على كرسى متحرك وكل شوية ولاده ياخدوه ويروح يستسمحها عشان تسامحه على الظلم اللى عمله فيها لكن هى كانت بتطرده بس من جواها بتحبه سبحان الله
ولاد جوزها القديم حبوها وخدوها حججوها على حسابهم وبقوا يسألوا عليها دايما
يعنى بعد ما كانت ما بتخلفش عدوا بقى كام واحده وواحد حبوها وبقوا يقولولها ياماما
الست دى ماتت بس لسه سايبة ذكرى كبيررررررررررررة جوة قلوب ولاد ازوجها الاتنين


اللى عايزه اقولهولكم دلوقتى اى واحدة اتظلمت ما تقلقيش نصيبك متشال وهتاخديه بل واكتر
وعايزة اقول كمان ان محبة الناس للشخص وسيرته الحلوة هى اللى بتقعد بعد مايموت كفايه انها بتلاقى حد يترحم عليها لما تيجى سيرتها ويشهد لها بالعمل الصالح والله دى اكبر جايزة خدتها من الدنيا الفانية اللى عايشينها

بس كده القصة خلصت
اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


قصة جميلة


واكيد ربي يمهل ولايهمل والزالم بياخذ حزاه وين ما كان


__________________________________________________ __________

قصتك حلوة يا نفيسة
بارك الله فيك


__________________________________________________ __________

قصة رائعة


__________________________________________________ __________

فعلا الله ينصر المظلوم دائما
شكرالكي


__________________________________________________ __________

الله يرحمهاا
قصةة رائعه جدا