قصة فراق بنت النقي اللى ذبحتها الخادمة الفلبينية " قصة حقيقية حدثت بالكويت " قصة حقيقية
عنوان الموضوع : قصة فراق بنت النقي اللى ذبحتها الخادمة الفلبينية " قصة حقيقية حدثت بالكويت " قصة حقيقية
مقدم من طرف منتديات نساء الجزائر
قصة فراق بنت النقي اللى ذبحتها الخادمة الفلبينية " قصة حقيقية حدثت بالكويت "
" تتحدث عن القصة صديقتها شريفة "
قعدت من النوم الصبح و كان بأول نص ساعة كل شي ماشي كالمعتاد .... كل شي عادي.....قعدة الصبح اللي بالغصب الواحد يقومها و احاتي الدوام والبصمة و البس بسرعه بسرعه.....لبست و خلصت .....
يرن التلفون :
اختيبصوت خفيف:ألو وينج ؟؟؟
أنا:بالبيت الحين بروح الدوام ... ليش؟؟؟
اختي:دلاااااااااااااال ماتت
أنا:منوووو دلاااااااال؟!!!!
اختي:دلال رفيجتج دلوووول ماتت دلووول ماتت .....
سكرتالتلفون وطلعتمن البيت وانا مو حاسه بعمري و مو مصدقة الخبر حدي مصدومة....مومعقولة دلول تموت شلووون اهي مو مريضة مافيها شي...يمكن حادث!!لا مو معقولة ... لأ لأ أكيد دلال وحدة ثانية هذي مو دلول...دلول ما ماتت ......
وانا بالطريجقبل لا اوصل الدوام بدقايق اتصلت على وحدة من صديقات الكلية و هم زميلتي بالدوامكلمتها واهي تبجي.....اهني صرت مثل المينونه بالسيارة و صدقت خبر وفاة حبيبتيدلال .....
بعد ثواني اختي اتصلت علي مرة ثانية تقولي واهي تصرخ و تبجي : الخـــدامةذبحتها!!!!الخدامة ذبحتها!!!أول ما قالتلي هالخبر انا وصلت الدوام ... نزلت من سيارتي ركض وانا أحاول انكر اللي سمعته و افكر بأشياء ثانية مابي اصدقمابي ....
وصلت مكتب المسئولة و بالغصب قدرت أقولها اللي صار....حاولت تهدينيبس انا بالي مو معاها...مو مستوعبة اللي صار...صديقاتي بالدوام وصلهم الخبر والكل يبجي...على طول طلعت من الدوام واتصلت على اختي سألتها وين أهلها ؟؟؟
قالتلي:في بيت يدتها تعالي انا هناك
و رحت على طول بيت يدتها على أمل انيالقاها هناك .....
وصلت شفت وايد رياييل متيمعين عند الباب تجمدتبمكاني بالسيارة مو قادرة انزل...اتصلت على اختي طلعتلي برا دشيت معاها من بابالحوش أول ما سمعت صوت البجي و الصراخ قلتلها مابي مابي ادش سحبتني غصب وانا ابجيلي داخل .....
أمها أول ما شافتني قالتلي واهي تبجي:
شريفة .....دلال ماتتتصدقين؟؟ انامو مصدقة...انتي مصدقة ؟؟
لميتها و حبيت راسها و اهي تبجي تقوليشريفة انتي مصدقة دلال ماتت......لأ خالتي مو مصدقة دلال ما ماتت
حضنتاختها اللي أكبر منها بسنتين:واهي تبجي و تقولي دلول راحت...اختي راحت...اختيماتت
قعدت بين هالناس أبجي بس ما ادري ليش أبجي...ليش أبجي هذا حلم مو صجآآخ يا راسي يعورني متى اقوم من النوم و يخلص هالحلم المرعب ....
امها تبجيبصوب و يدتها تنحب بصوب
الأم تقول واهي تبجي:دلال مدلـلة...بنتي حبيبتيشحلوها...بنتي عروس...تمنيت اشوفج عروس..بنتي ما شافت شي من الدنيا ما تهنتبشبابها...بنتي بالدوام أكيد راح تدخل علينا بعد شوي اهي دايما تتأخر بالدوام .....
اليدة تقول:دلال يمه ليش انتي متي جان زين أنا اللي مت ولا انتي ... دلال يا حلوها و يا حلو اسمها...اسمالله عليها و على طولها...اسمالله عليها وعلى جمالها...اسمالله عليها و علىبياضها...دلال انتي لازم ما تروحين تحتالتراب انا اللي لازم اروح .....
و غيره و غيره و غيره من البجي والصياح و النياح...و التلفونات اشتغلت علي كل البنات يدقون علي يبون يتأكدونمنالخبر...صج اللي سمعناه؟؟ شلون ؟ متى ؟ لا حول ولا قوة إلا بالله...عظم اللهاجرج ........
اختها قالتلنا شنو صار بالضبط و شلون سمعت دلال تصرخ بغرفتها وشلون شافوها و شصار فيهم.........قالتلنا اللي صار حق دلال...شي يعور القلب
أذن آذان الظهر وانا واختي طلعنا من بيت يدتها...وديت اختيالمستوصف لأن ضغطها ارتفع...خلصنا من المستوصف رحنا بيت يدي ارتحنا هناك شوي ... لي العصر الوالدة يت خذتنا ودتنا المقبرةمع يدتي و بنت خالتي
طول الطريجوانا ابجي بحسرة على رفيجه عمري اللي راحت...معقولة انا بروح لها المقبرة أودعها؟؟ لألأ كان المفروض اشوفها واهي عروس و نفرح فيها.....شلون دلول تندفن تحتالتراب شلون
واختي تقولي:تذكرين لما كانت اتيي بيتنا و انا احطلها مكياج وانتي تصورينها ؟؟ شحلاتها دلول...أمس انا كلمت اختها و قلتلها ودي نشوفكم انتي ودلول و نرجع نفس قبل يومياً انتو في بيتنا و احنا في بيتكم ....
وصلناالمقبرة و هذي أول مره أدش فيها المقبرة حق دفان...رحت المقبرة مره وحدة قبل بسكانت زيارة عادية حق أهل القبور...ما عندي أحد عزيز على قلبي توفا من قبل ....
زحمه رياييل يعزون أبوها اللي مو مصدق اللي صار...حريم لابسين السواد ويبجون ...
وصل جثمان دلال حطوه بالمصلى ... قالوا حق الحريم منو يبي يشوفها ؟؟؟ محد تحركولا احد تكلم ؟؟؟ قالولنا مكفنينها ماراح يبين ويهها ... اهني تشجعت و رحت على طولكنت بروحي معاها ... أول وحدة دشت عليها من الحريم أنا ... شفت جسدها و مو مصدقةهاذي دلول ... قعدت يمها وانا ارجف حطيت ايدي على راسها و قريت الفاتحة و طلبتلهاالرحمة ... بعدها دشو الحريم علينا ... اختي قعدت يمي و تبجي و انا اقولها لأ هاذيمو دلول ... هاذي مو دلول ... و الحريم يقولون لي لا تبجين طلبيلها الرحمة لا تبجين ... ( شلون ما أبجي هاذي دلول مكفنة و ما تبوني أبجي )
صار وقت الجنازةشالو النعش على أكتافهم و العالم كله يمشي بجنازتها ... كنت من آخر الناس اللييمشون وراها ... امشي و أشوف هالناس و اسأل بيني و بين نفسي: احنا يايين ندفن منو؟؟ ندفن دلال ؟؟؟ لألأ مو معقولة دلال صغيرة أكيد أحنا يايين ندفن شخص كبير بالعمر .....
وصلوا إلى قبرها ... ما تحملت اقعد بين الحريم ... رحت مع بنت خالتيقعدت بين القبور ابي اكون قريبة منها ... اللي معور قلبي اني ادري انها تمشي بينا وتقول انا كاني ما مت و محد يسمعها و تشوف كل اللي حواليها واهي مستغربة ليش يبجونانا ما مت .... بعد عمري يا دلال
حطو جسدها باللحد ... و ابتدأت مراسمتلقين الميت
لا حول ولا قوة إلا بالله
ابتدوا يغطونها بالتراب .... راحت دلول
وانا قاعدة بين القبور لفتنظري قبر و في عايلة متجمعين حوالينه .... قريت الاسم .... انصدمت قلت لأ مو معقولة .... ( علي زكريا ) العمر 21 .... زاد بكائي
رحت عندهم سلمت عليهم و عزيتهم وقريت الفاتحة على روحة ... سألتني ... انتي تعرفين علي؟ قلتلها لأ بس كان معايبالجامعة سمعت عنه ... جان تقولي يمه علي كـــــــــان معاج بالجامعة الحين علي تحتالتراب نفس دلال...
قلتلها دلال انذبحت ما ماتت موته عادية
قالتلي حتى اناولدي انذبح صارلي شهر وانا ابجي عليه مو قادرة على فراقة ....
سألتني عن دلالشنو تصيرلج ؟؟ و جم عمرها؟؟ قلتلها انا رفيجتها من عمر معاها ... دلال 22 سنة توهامتخرجة من الجامعة و متوظفة .....
قالتلي انا ولدي علي كان المفروض يتخرج هالسنة ... ولدي مات بيوم عيدميلاده .... ولدي معرس و هذي عروسته (واهي تأشر على قبر دلال) .... يمه "علي" "دلال" عروستك يايتلك اليوم دير بالك عليها ......
حبيت راسها وقلتلها عظم الله اجرج و ان شاء الله تشوفينه بالجنة
دفنوا دلال تحتالتراب .... رحت حق قبرها ماني مصدقة دلول تحت التراب طحت على القبر وانا ابجي
و أمها تبجي و تقول: دلال يمه طلعي مكانج مو اهني مكانج مو تحت التراب ... مكانج بالبيت اخوانج ناطرينج ردي البيت ... يمه لا تخافين انتي مو بروحج احنا كلنامعاج ... يمه لا تخافين
و أم علي تقول: دلال انا أم علي ... كاهو علي اهنييمج ... دلال سلمي على "علي" وايد و قوليله امك تعبانه تعبانه حيل و كل يوم تنامبغرفتك دلال انتي الحين قريبة على "علي" إذا شفتيه قوليله امك تسلم عليك ....... ولدي مات بيوم عيدميلاده ... اتصدقون ولدي تحت التراب ؟؟ اتصدقون هالبنية تقول كانمعاي بالجامعة ؟؟ وينه علي وينه !!!!!!!
خفت الزحمة اللي كانت عالقبر ظليتفترة طويلة افكر ... الحين إذا ابي اشوف دلول ما اروح بيتهم !! اييلها المقبرة !! معقولة ؟؟؟ ... امي شالتني من على القبر و بالغصب امشي وانا عيني على قبرها مو هاينعلي اخليها بروحها
طلعنا من المقبرة صار هدوء .... غمضت عيني بالسيارة واتذكر كل اللحظات اللي كنا فيها مع بعض ... دلال كانت اختي ... كل يوم الصبح آخذهامن البيت و نروح الجامعة و نرجع مع بعض ... يوم اهي تاخذني من البيت و يوم أناآخذها ... كنت دايما اقولها تعالي معاي الكلية لا تروحين بسيارتج الطريج طويل خلينانقزرها سوالف ..... و هذا غير الطلعات و المجمعات و المطاعم و الدراسة مع بعض ... الله يرحمها كانت شاطرة بدراستها و دايما تساعدني بالدراسة .....
رجعت البيتو التلفون ما سكت الكل يعزيني .... أهلي ، رفيجاتي ، الناس اللي ما يعرفونها .... وغير المسجات اللي لي هالحزة توصلني
اييـــا نــاس دلال ماتت .... دلال ماتت
>>>>> ردود الأعضـــــــــــــــــــاء على الموضوع <<<<<
==================================
مشكورة حبيبتي على القصة المؤثرة واللة يصبر اهلهااا
__________________________________________________ __________
العفو حبيبتي همس .. و مشكوره يالغالية على المرور
__________________________________________________ __________
مشكوووووووووووووووووووورة أختي على هذه القصة المؤلمة والله يعطي أهلها الصبر والسلون إن شاء الله............
تحيتي
أختكم نور الولاية
__________________________________________________ __________
... دلال يا حلوها و يا حلو اسمها...اسمالله عليها و على طولها...اسمالله عليها وعلى جمالها...اسمالله عليها و علىبياضها... :$
واي انا ماتيت يعني
اسمها على اسمي..
تسلمين روك عالقصـه ..
__________________________________________________ __________
الله يصبرهم بس انتي ما قلتي لنا شلون ماتت الله يرحمها برحمته
رد مع اقتباس
