عنوان الموضوع : قصتي مع اخوي والقراي والجن((رعب)) +18
مقدم من طرف منتديات نساء الجزائر

قصه واقعيه لأقويــــــــــاء القلوووووب فقط






[SIZE=4] قصت اعز صديقه في الحياة اترككم معها مع العلم اني اعلم بكل الامور الي حصلت معهاوملتمسه منها الصدق دون مبالغه او تاليف من نسج الخيال



بدايتا والله ثم والله في عشر اواخر من رمضان انها حقيقيه معي انا شخصيا وحذف منها امور لايصلح قولها حتى ما اتذكرها ويدب الخوف فيني وفيكم



باقول لكم القصه من بديتها عشان تفهمون السالفه
انا لي 6 اخوان بنتين و4اولاد
اخر اخواني ولد اسمه الدلع ((مشمش)) عمره 6 سنوات الي قصتي معاه
كنا فرحانين اننا بنسجله اولى ابتدائي عموما سجلناه بعد اسبوعين جت المصيبه صار ينصرع تجيه نوبات مع العلم انه يحب مدرسته موت ومبسوط في الاولاد الي يلعب معهم المهم تنوم في المستشفى واجرو له كل التحاليل والاجراءات الطبيه اللازمه من اشعه وتخطيط طلع كللللللللللللللل شي سليم؟؟؟؟



المهم في الطوارئ دكتور سعودي ملتزم واحسه فاهم في الدين قال روحو لشيخ يقرا عليه قران يمكن عين لانه كان شوي دب صحته جيده بسم الله عليه عموما الدكتور الخاص بالاعصاب والدماغ منعه من التلفزيون والانوار القويه والبلاستيشن يعني الولد صار كأنه مسجون المسكين بدون فايده الحاله ماوقفت مع كل الامور اللي منعناه منها
قلت خلاص بنوديه هذا قران حتى لو مافيه عين لاضرر فيه بل الكثير من الامراض التي لادواء لها تشفى بالمعجزه القران الكريم



فهمت اهلي انه سليم طبيا وقلت لهم اقتراح الدكتور واقنعتهم فيه تقبلو الموضوع بس للاسف طنشو السالفه الله يهديهم ولا ودوه لشيخ واخوي كل مره ينصرع وترك المدرسه وزادت حالته سوء وانا انسانه متزوجه ولدي طفل رضيع ابو3 شهور وموظفه في القطاع الصحي يعني مناوبات وشغلي 9ساعات ونص كل يوم وحالتي حاله زوجي وطفلي ما الحق عليهم

استمر اخوي مع حالته سنتين تخيلو يا بنات والله سنتين يارب ارحمنا وكل ماله تزيد وتتطور وتصير اقوى واهلي مادري وش فيهم

مره كنت مستلمه الراتب واخذت اخواني الصغار عبود 13سنه وفوفو اختي 11سنه و ((مشمش)) 9سنوات ونص قلت خلني اوديهم الملاهي واغير لهم جو وانا بعد كنت مره مضغوطه من دوامي



تدرون وش صار وغيييييييييييييير كل شي ؟؟؟

كنت اقلب اغاني الفلاش مومري mp3 وقفت على اغنيه خبيتي يعني طرب طق استنزال وتركته مهيصه بنت الناس فجأه

الا وعبود ورى يقول بصوت عالي وش فيك وش فيك التفت الا مشمش ماد يدينه وهي متلويه ويطلع من فمه سائل ابيض وعيونه مقلبه وترف بسرعه وكلللللل جسمه يهتز هز ولا الكهرب وربي سكرت المسجله بسرعه وقلت لرجلي يلبق بسرعه وانا قلبي بيوقف والله ااااه بس موقف الله لا يوريكم عموما لبق رجلي ونزلت بسرعه ورحت ورى جنبه وقمت اقرى عليه قران وحطيته على يمينه لاني ابيه يتنفس كان مخنوق وشفايفه سودت بعد ماخلصت المعوذات والكرسي فكت الخنقه وشهق شهقه كأنه غريق والله ثم والله حالته غريبه مامرت على في عملي بالمستشفى مو صرع هذا وبعد ما فاق دمعت عيونه وضمني وقال لاتخليني انا خايف

بكيت وحلفت ما اخليه واعالجه من الوضع هذا المهم جلست بجنبه وانا ضامته ورجعنا البيت وهو نايم في حضني وانا دموعي تحت النقاب وصلت الى رجولي من كثر مابكيت



اخذت اجازه وكلمت الشيخ واخذت موعد معه للاطفال ورحت به لشيخ هنا تبدأ معاناتي هنا تبدأ المصيبه هنا يبدأ الانتقام والي صارلي



يمكن استمريت اوديه 6 جلسات كل جلسه اسبوع مع الغسل بالسدر المقري فيه مرتين في اليوم قبل النوم والضحى وشري الماء المقري فيه 3 مرات في اليوم والوضوء قبل النوم وقراءت المعوذات وسورة الكرسي

وعلى هذا الوضع.....

اول جلسه جاه مغص اسفل بطنه وصداع قوي وبكى كان في احد مات له وقلبه يخفق تدرون وش طلع يقول الشيخ جته عين قويييييييه جابت له المس من الجن والعياذ بالله بس ان الموضوع تطور سنتين ماتعالج سبب له لبس الله يكفينا الشر واذا شرب المويه يشرق فيه تخيلو وصار يجيه ترويع وكوابيس

اما انا في ليله من الليالي كنت اتفرج على قناة الطبخ ونمت فجأه ومن دون سبب مادري وش اللي قومني وبهدوء مع ان كان يوم تعب وشاق في الدوام طبعا هذا في بيتي مو بيت اهلي صحيت واللتفت يم رجولي طرف السرير لقيت واحد واقف طوييل اسود رابط على راسه مدنق براسه شوي زي الي يدقق فيني انا مدري وش صار لي زوجي على يميني و ابني ابو سنتين في سريره على يساري انا التفت لزوجي لقيته نايم غمضت عيني وتعوذت من الشيطان قلت يمكن انا اتخيل بعدها فتحت لمحته على التسريحه بسم الله الرحمن الرحيم غمضت عيوني واللتفت يسار فتحت عيني لقيته على الكومدينه الي احط فيها رضاعة وحليب ولدي وزمزمية المويه و وجه قرييييييييييييب من وجهي دخلني خوف عمري ماحسيت فيه وشهقت وانا فاتحه فمي قرب مني بسرعه واختفى مثل وضعيت الصوره هذي بالضبط والله


اما انا تشنجت وتخدرت ما دري وش حصلي شلل كل جسمي ماقدرت احرك رمش عيني ولا اصبع من اصابعي وانكتمت كاني مخنوقه ابي اصرخ ما قدرت ابي زوجي ينتبه للي قاعد يصير فيني ماقدرت حتى القران ماقدرت اقرأه لساني مشلول الا تقريبا بعد 20 ثانيه وبعدها انفك الي فيني وشههقت شهقت الغريق تخيلو نفس شهقت اخوي

يارب انا وش سويت عشان يصير فيني كذا اخوي وابي اعالجه طفل بريئ قعدت ابكي وصحى رجلي وقام يسمي علي ويسألني يقول وش فيك كابوس ولا ايش قلت ما أدري ماأدري قال وشفي قلبك يرجف بيطلع من مكانه قلت له خايفه لاتخليني وانا مو خايفه الا ابي اموت من الخوف وجسمي يوجعني كأني مضروبه وكملت نومي



وحلمت بواحد يكلمني بدون ما اشوفه ويمشي جنبي احس فيه وسط الناس بس الناس مايشوفونه ولا يحسون فيه يقول لي اتركيني في حالي والا اكسر ظهر اخوك قلت من انت شفت غبره سوده دخلت فم واحد من الاطفال الي يمشون في الشارع وانصرع الطفل وصار شكله مرعب مثل مشمش بالضبط يدينه متلويه ما كان فيها عظم وعيونه بدون عدسات بيضاء ترف بسرعه ويطلع من فمه شي ابيض ويرتجف بقوى وتكلم قال هذا انا انا هربت في الحلم وكنت خايفه موت لقيت اخوي الكبير الي هو اغلا اخواني واقرب انسان لي يصيح ويقولي لا لا خلاااااص خلاااااص وظهره مكسور تخيلو الشكل راسه واصل اسفل ظهره بشكل مرعب وانا اصرخ خلاص اتركه خلاص اتركه

وقمت مفزوعه مثل المجنونه اتلفت يمين ويسار وانادي باسم اخوي الكبير ودموعي على خدي اعوذ بالله من الشيطان الرجيم

بس الامور الجديده اني اناظر ظل جنب ظلي وانا امشي في بيتي اتلفت ما اللاقي شئ اعوذ بالله ومره لمحت زي البرق من مطبخي وجت لقيت صحن بعد العزومه منتثره العظام اللي فيه

دقيت على شيخ ((غير اللي قراء على اخوي)) وقلت له بحالتي بدون قصت اخوي قال تعالي تعالجي هذا اللي فيك مس من الجاااااااان لازم تجين ولا تبطين عشان ما تتطور الحاله ويصبح لبس



انصدمت يا بنات وقلت طيب وش الاسباب قال يمكن كبيتي مويه حاره بدون ذكر الله او سكرتي باب بقوه او اشعلت نار في المغرب بدون ذكر الله او رميتي شي بدون ذكر الله يعني اذيتي شيطان ويبغى ينتقم والله واعلم والله ثم والله اني من الصدمه سكرت في وجه الشيخ واتصل فيني وصرفت الموضوع بان شحني انتهى

وش اسوي ؟؟؟
اقول لمين عموما فهمت اخوي الكبير بالي صاير واتفق مع الشيخ انه يوديني له اتعالج والى الان ما رحت بروح بعد العيد ان شالله
وصرت اذا سمعت القران في قناة ايات وبالاخص اذا جت الرقيه الشرعه تتراكض دقات قلبي وتتسارع انفاسي وترتجف اطرافي ويجيني خوف كان الموت جاني والم في الارحام وابكي بكاء حاااااااار واصير كئيبه اليوم كله

بس الغريب واللي يخوف رحت لاهلي زياره عاديه ونسولف وماقلت لهم اي شي من الكلام هذا كلللللللللللله جاء مشمش وجلس جنبي وقال وش فيك حبيبتي قلت مافيني شي ياماما ليه تسأل قال الا فيك شي وانت ماتبين تقولين لي صح قلت لا والله مافيني شي قال لاتحلفين انا عارف كل شي قعدت اضحك قلت له وش عارف قال انا عارف بالي يصير معك اذا سمعتي القران وبكل شي بنظره غريبه لي ويهز راسه ويطبطب على ظهري وقال لاتخافين حبيبتي
بنات ابي اجن انربط لساني انا ماقلت لهم واخوي الكبير مستحيييييييييييييييييل يقول لاحد لو امي كيف مشمش البزر ابو 10 سنوات وجت امي بالقهوه وجلسنا نسولف وهو قام راح غرفته وامي واختي الكبيره يسولفون وانا هاه اي صح صح معك حق وانا مادري وش السالفه بالي مع مشمش ورحت عنده قلت له وش دراك حلف انه شاف وش صار معي في الحلم لا اله الا الله ولا حول ولا قوه الا بالله كيف تبوني اصدقه ابي انجن

ان لله وان اليه راجعون بعد العيد ان شالله بروح لشيخ

واقوله وضعي والله يشفيني ويحميني يارب/size]

>>>>> ردود الأعضـــــــــــــــــــاء على الموضوع <<<<<
==================================


الردوووووووووووووووووووووود يالغاليات سواء رأي او نصيحه


__________________________________________________ __________

الردود لو دعاء في ظهر اخيك المسلم


__________________________________________________ __________

اذا دخلتي ابيك تثبتين انك قوية قلب لازم تردين على القصه لمعرفت هويتك
للمغامرات والاقوياء فقط


__________________________________________________ __________

Llah ykon fi 3onik okhti lazim tzouri chikh wlboud likay tochfay.. Ini hassa biki liani marit min nafss lmaw9if da.. Allah yachfiki okhti...


__________________________________________________ __________

بسم الله الرحمن الرحيم واعوذ بالله من الشيطان الرجيم

حبيبتي الله يشفيكي انتي واخوكي ويوقف معك يارب ضلك اقرأي وتعوذي

والله يكون في عونك وضلي ادعي لرب العباد ما بتركك

يعني بصراحه انا مو عارفه شو احكيلك غير الله يشفيكي ويعافيكي