عنوان الموضوع : من أروع قصص الحب..:%:أحمد وأمل:%:..<<الحقوا عليها .. -قصة جميلة
مقدم من طرف منتديات نساء الجزائر

من أروع قصص الحب..:%:أحمد وأمل:%:..<<الحقوا عليها ..






الجزء الأول:..

بعيدا عن متاهات الدنيا.. بعيدا عن كل الأعين ..
يجلس "أحمد" قرب البحر يتأمل الموج العاتي.. يتنهد تنهدات ..
فشريط الذكريات يمر امامه كأنه الآن حدث .. "حبيبته أمل"....


عمري ما بنساك.. لن أنسى السعادة التي رسمناها مع بعض ..
لن أنسى وقفتنا معا عند هذا المكان في نفس الموقع..
أحتضنا مع بعض آلامنا وأحلامنا..
رسمناها مع بعض على امل ان نحققها بعد الزواج ...


رجع "أحمد" إلى الواقع .. وقام يكلم نفسه ... أنا لازم أتصل فيها مستحيل أظل كذا فترة ولا أشوفها أوأكلمها ..


أحمد يمسك تلفونه ويدق الرقم مسيف الرقم باسم "حبيبة قلبي"..

يرن التلفون ...

"أمل" تناظر التلفون وهي في عيونها الدمعه وقلبها يعتصر على حبيبها "احمد" ..
مترددة ترد أو لا ..
خايفه إختها تسمعها وتفتن "تعلم"عليها ..

ردت عالتلفون وسكتت..

احمد : ألو ألو أمل عمري .. شخبارك كيف احوالك ؟؟
امل ردي ليش ساكته عني ؟؟

أمل : ...................

احمد : امل جاوبيني .. لا تعذبيني .. من زمان ما سمعت صوتك ...

أمل بدت تبكي وما ينسمع غير بكائها في التلفون..

احمد ما قدر يتمالك نفسه ... أمل ارجوك لا تعذبينيي لا تبكين ... دموعك غالية علي..

أمل : أحمد .. أحمد .. أنا في عذاب ما اقدر على فراقك ....

أحمد : أبي أشوفك ألحين ألحين ..
أمل : شلون ما تدري إني ممنوعه من الطلعه.. من ذاك اليوم.. يوم إشتكت علي سعاد..


لحظه..
"أمل" يتيمه.. أمها متوفيه..
"محمد" هو أخوها الكبير من أمها وابوها ..
أمها كانت الزوجة الثانيه..
والزوجة الاولى هي "بدريه" ام سعاد..


نرجع لسالفتنا ....

أحمد : الله يغربلها الفتانه.. قاهرتني ودي أدوس في بطنها..

أمل : عله.. دايما تفتن وتطلع إشاعات ويوم شافتني أكلمك من البلكونه على طووول راحت إشتكت.. وهلو علي بالضرب..

أحمد : صدق عمري ؟؟ جعل أنا ولا إنتي .. وجعني قلبي بهالكلام .. إنزين قولي أي شي انا لازم أشوفك؟؟

قولي إنك بتروحين بيت خالتك ....


أمل : ما يصير ما يرضى أبوي ..
زوجه أبوي كأنها عظم في البلعوم .. تترصد حركاتي ..
لحظه بشوف برا في أحد ....

أمل : أحمد البيت ما في احد ..
و سعاد مو موجودة .. مبين راحوا بيت جدهم ..
يلاا باي نتلاقى في الجمعية ..
مسافة الطريق ..

أحمد : باي وأنا بعد جاي ..

طلعت امل من بيتهم ولبست عبايتها بسرعة قبل لا أحد يشوفها ..
وتركض لين ما عدت مرحلة الخطر وصارت في الممر البعيد عن بيتهم ..
تمشي وتتلفت خايفة يشوفها أبوها او أخوها ..
وصلت الجمعية وراحت تدور على احمد .. لحد ما شافته واقف جنب العطور ..

تلاقت عيونهم مع بعض ..
ما قدروا يقاومون ..
إثنينهم نزلت من عيونهم دمعة .. دمعة الفرح باللقاء والملتقى..


أحمد : يالاا أمل خلينا نطلع من هني ونروح على البحر قبل لا احد يشوفنا ..

أمل: يلاا ...بسرعة..

ركبوا السيارة وإبتعدوا والسعادة مو سايعتهم مو مصدقين انفسهم ...

أحمد: ماني مصدق نفسي كأني في حلم ... حبيبتي معاي.!!

أمل فرحانة كثيييييررر والبسمة مو مفارقة شفاتها..

وصلوا عند البحر وقعدوا يسولفون ..

أحمد: أقول أمل ..؟؟

امل: آآآمر ؟؟

أحمد : ما يآمر عليك عدو .. تتذكرين أول مرة شفتك فيها ؟؟

أمل : تبتسم .. أي

أحمد : هههههههههههههه يوم كنت أنا في بيتكم جالس في المجلس .. وتدخلين ؟؟؟

كنت أنتظر أخوك ينزل لي .. وإنتي دخلتي علي ..

أمل : تضحك ..أي انحرجت .. شعرفني إن في المجلس أحد ..

أحمد : تفاجئت بهالجمال .. والشعر الطويل ..

أمل: منحرجة لآخر حد .. تسلم

أحمد : الله يسلمك ياعمري ..

أمل : إلى متى بنتقابل كأننا حرامية ؟؟

أحمد : لين ما الله يفرج وتعرس إختك العله .. أبوك عليه شروط (( ما يزوج الصغيرة قبل الكبيرة )) حكم ..

أمل : يلاا نرجع قبل لا يحس بغيابي احد ..

أحمد : خلينا قاعدين من زمان ما شفتك ..

أمل : أخاف أحد يحس بتأخري وأروح فيها ..

أحمد : لا إن شاء الله .. ألحين اوصلك بيتكم ..


حرك أحمد السيارة وطول الطريق يناظر أمل ..
أمل ودها الوقت يتوقف ولا يمر وتظل قاعدة مع حبيبها ..


أحمد: أمل ..

أمل : نعم ..

أحمد: توعديني إنك ما تتزوجين غيري ؟؟

أمل : أوعدك .. ما أكون غير لك..

وصل أحمد عند الجمعية ونزززل امل ... بسرعة راح علشان محد يشوفه ..

أمل تمشي في الشارع وخايفة أحد يشوفها ..
وصلت البيت وتوها بتاخد نفس .. إلا سعاد اختها تناديها ...

سعاد : أمل .. من وين جاية بهالوقت ؟؟

أمل : ها ها من .. من ... الج م عية ..

سعاد : شوداااك الجمعية ؟؟ وما أشوف عندك أغراض !!!!

أمل : ما فيها شي عجبني..

سعاد : جمعية شطولها وشعرضها ما فيها شي عجبك ؟؟!!

أمل : أنا رايحه أدور على نوعية شامبو معينه .. وما لقيتها .. يمكن مخلص عندهم ...

سعاد : علي هالحركات؟!!

أمل : بكيفك لا تصدقين ...

>>>>> ردود الأعضـــــــــــــــــــاء على الموضوع <<<<<
==================================


سعاد : ما عليه بعلم ابوي لما يجي وبتشوفين ..

امل : إلي بتسوينه سويه ..

صعدت أمل إلى غرفتها وهي متضايقة من سعاد اختها الفتانة إللي تتدخل في كل شي من غيرتها..

دخلت غرفتها وجلست على السرير ... تفكر في أحمد ..
آآآآآآآآآآه حموود عمري متى نكون لبعض ...


... ... ... ... ... ...


من جانب آخر ... في بيت خالة امل ..

سوسن بنت خالة امل تشاهد التلفزيون ... تنادي عليها امها ..

أم إبراهيم : سوسن ..
ما تجين تساعديني ..
دايم جنب هالتلفزيون ولا تشيلين شي من الارض ؟؟

سوسن : بعدين بعدين .. خلي الصحون بعد المسلسل بغسلهم ..

ام إبراهيم : هذا اللي فالحه فيه بس ..
قومي قلت لك ولا اجي أكسر هالتلفزيون على راسك..

سوسن : حشى مو أم ..سوبر مان..

أم إبراهيم : عن الثرثره الزايده وقومي لا تشوفين شي ما شفتيه..

سوسن قامت وهي تتأفأف من امها ... راحت تغسل الصحون وهي نافخه وجهها ..

أم إبراهيم : بهالسرعه خلصتي ؟؟<<وهي تشوف الصحون مو منظفين عدل ..
غربلك الله من بنت.. أكسل منك ما فيه ..
شوفي شسويتي ,, حتى الصابون ما غسلتيه ..
أقول إنقلعي عن وجهي لا أكسر هالصحن على راسك..

سوسن نفخت وجهها وراحت تركض على التلفزيون قبل لا يخلص المسلسل ..

سوسن : ما تخليني أجلس مكاني .. شهالأم..
متى اعرس وارتاح .. <<تفكر العرس أكل ونوم ما تدري العرس مسؤوليه ..

بنفس الوقت دخل أبوها .. وش هالصراخ لآخر الشارع ينسمع صوتكم ..
شصاير ؟؟

سوسن : مو صاير شي بس امي ما يعجبها العجب ..

ابو ابراهيم :تأدبي في كلامك..

سوسن : إن شاء الله بابا ..
قالت لي أغسل الصحون ولما غسلتهم قالت مو منظفين ..
شسوي يعني إذا ما يعجبها غسيلي..

ابو أبراهيم : هذا إنتي دايما تبرين نفسك وتطلعين نفسك من السالفة ..


... ... ... ... ...


في بيت ابومحمد

سعاد قالت إلى امها عن أمل و"بدرية" زوجة أبوها قالت لازم بتشتكي عليها عند أبوها ..



----------------------
يا ترى وش بيواجه امل من مشاكل إذا أبوها عرف السالفة ..

الله يستر..


.
.


__________________________________________________ __________

الجزء الثاني :

في بيت أبو محمد

وصل أبو محمد من الشغل تعبان إستقبلته زوجته بدريه الشريه
بدل ما تستقبلة بالابتسامة والله يعطيك العافية وترحب فيه .. مكشره في وجهه..

بو محمد : وش فيك بعد .. وجهك ينقلى عليه السمك؟؟

بدور : ما فيني شي بس بنتك "أملوه" طلعت اليوم وما ادري وين راحت.. تقول الجمعيه..
ما عليها لا رقيب ولا حسيب..

بو محمد : طلعت ؟؟ هالبنت ما بتعقل إلا لين كسرت هالكرسي على ظهرها ...

.بو محمد راح فوق والشرار يتطاير من عيونه وناوي الشر وبدريه مستانسه لآخر حد ..

شافه محمد :..يبه يبه وش فيك ليش معصب ؟؟

بو محمد : بعد عن وجهي لا أكسر هالكرسي على راسك ..

محمد : يبه صل على النبي .. مو من تقول لك بدريه شي تصدقها وتذبح هالفقيره..

بو محمد : روح زين أقول لك بعد عن الباب خلني أفرغ حررررتي فيها دووم طالعه ما ادري وين تروح ..

محمد ماسك أبوه ويهدي فيه : يبه صل على النبي وكل شي يصير بالتفاهم ..

.. بو محمد شوي هدى وخزى بليس ونزل ..

.. بدريه حدها منقهره..

بدريه : أأففف من وين طلع لنا هذا بعد ؟؟
أنا خاطري يذبحها ذبح علشان ما تقدر تقوم من مكانها ..

أمل قافله الباب عليها وهي ميته من الخوف ..
تبكي وتذكر أمها المتوفيه وكيف حنانها وحبها لهم هي وأخوها ..
ماتت وخلتهم في فم الذيب زوجه أبوهم الحقود ..
وفجأه سمعت صوت الباب ..

..................
ياترى من إللي جاي لها ؟؟

أبوها ... جاي يضربها ... أو من ؟؟
.................


أمل : من ؟؟

محمد : أنا إفتحي ...الباب

أمل : إن شالله .. وياك احد ؟؟

محمد : لا ...

بعد ما فتحت امل الباب..

محمد : وش فيك اختي ؟؟ وين رحتي اليوم ؟؟

أمل : رحت الجمعيه..ما رحت مكان بعيد .. هذا كل شي ...!!!

محمد : تعرفين إنتي زوجة أبوك ..
ليش تطلعين !! كان قلتي لي أجيب لك الأغراض أو أروح معاك ..
ليش تطلعين لحالك وتجيبين لنفسك المشاااكل؟؟

أمل: .................

محمد : توعديني ما تكررينها مره ثانيه ؟؟

أمل : أوعدك .. ما راح اكررها

محمد : يلااا ألحين أنا أستأذن .. بيمر علي "أحمد" .. عازمني على العشى ..

أمل قام قلبها يدق بسرعة من سمعت طاري أحمد .. حبيب القلب ..

أمل : الله يحفظك ياخوي .. إنتبه لنفسك..

محمد : إن شالله حبوبه

طلع محمد من غرفة امل ..
ومن طلع أخوها على طووول طلعت صورة أحمد إللي عندها ..

تتامل ملامحه الحلوه .. شعره الاسود الناعم وعيونه البنيه الواسعه..
تتنهد .. الله يحفظك حبيبي .. ويجعلك من نصيبي..

فجأه بنفس الوقت....

دخلت اختها سعاد .. ومن دون إستئذان ..
امل خبت الصوره بسرعة في الكتاب ..

سعاد: شفيك تطالعيني كذا ؟؟ شايفه جني ؟؟

أمل سكتت ولا عطتها وجه في نفسها تقول بعد إللي سوته وجايه بعد .. لها عين بعد هالفتانه ..

سعاد : كلميني ليش مطنشه !!!! مو عاجبك كلامي ؟؟

سعاد : أبغى من عندك بدلتك إلي إشتريتيها من --برومود-- !! إللي تنورتها ورديه

أمل : إنقلعي .. تفتنين علي وتبين تلبسين ثيابي ؟؟ وثاني شي مومقاسك .. طالعي هالمتانه..

ألحين بالله عليك بتدخلين روحك في التنوره كيف ؟؟
سايزي8 وإنتي سايزك 15 شلون تطلع ؟؟ فسريها ؟؟

سعاد : عادي أوديها الخياط يوسعها !!

أمل: أشوف وجهك !!! لو تموتين وتطلع روحك قدامي ما عطيتك شي من عندي .. روحي إشتري لك..

سعاد : ليش أشتري .. مضروبه على راسي بدله بـ 400 ريال ؟؟!!

.. امل قفلت باب خزانتها وخبت المفتاح ..
سعاد ماتت من القهر .. وقامت تهدد امل إنها ما بتخليها في حالها ..

امل تضحك عليها .. وتقول لها ما تقدرين .. موتي قهر


__________________________________________________ __________

الجزء الثالث:

أحمد في المجمع مع محمد ... رايحين المطعم ..
جلسوا في المكان إللي تعودوا يجلسون فيه كل مره ...

أحمد : هااااه وش تطلب ؟؟ يلاا تدلل .. كل شي ولا انت حبيبي حمووود

محمد –فرحاااان-: تسلم حبيبي.. اممممممممممم ..
كل شي من ذوقك حلووو يا حلوو

أحمد : يلاا نطلب نفس كل مره ..

محمد : اوكي


.. جلسوا تعشوا وسوالف ..

أحمد : محمد يلاا عاد نبي نشوفك معرس

محمد : توها الناس خلني اول أطمئن على إختي أمل بعدين أفكر بالزواج ..

أحمد : من سمع أسم امل هام وسرح وإبتسامة إنرسمت على شفايفه

محمد : هااااا نحنو هنا

أحمد : وياك .. لكن ليش ما تزوج .. لازم تنتظر إختك ؟؟

محمد : ما أقدر إذا تزوجت أكيد بطلع من البيت وبتقل روحاتي بيت الوالد ..
وزوجة أبوي ما تخلي أمل في حالها .. أخاف تسوي لأمل سالفة وما في أحد يدافع عنها..
وابوي كل شي يصدقه من زوجته وسعاد..

أحمد : الله يعينكم عليهم

محمد : يالله .. لولا الله ثم أنا كان ضاعت أمل وحتى التعليم إنحرمت منه بس أنا ضليت أحن على راس أبوي..

أحمد : إنزين وش إللي قاهر زوجة أبوك ؟؟

محمد : إللي قاهرها إن أمل شاطره وبتخلص جامعة بعد سنتين .. هذا إللي ذابحها ..

أحمد : الله يخليكم حق بعض ولا يحرمكم من بعض ..

محمد : يا الله .... وياك

أحمد : جهز نفسك بداية الاسبوع بتفتح المدارس .. جهز نفسك لعوار الراس

محمد : اي والله قرب عوار الراس مع التلاميذ


------------------

في بيت سوسن ..... (بيت أبو إبراهيم )

إبراهم داخل البيت ... وشاف امه وإخته سوسن وسلم عليهم

ابراهيموه واحد شراني ولا يركز في شغله وحتى دراسته مو مكملها ,, حده ثالث إعدادي كله سهر مع الربع الفاشلين

المهم

إبراهيم : يما متى بتخطبين لي بنت خالتي امل ؟؟

ام إبراهيم : ما عليه يا ولدي إصبر؟؟ اول إستقر في شغلك .. وتالي يصير خير

سوسن : بـللل ... ليش أمل بالذات ؟

إبراهيم : كيفي وإنتي شدخلك ؟؟

سوسن : بصراحه إنت ما تستاهلها !!!
كله طالع براا البيت .. ولا تستقر في شغل .. ومشاكلك مشاكل ..
بتاخذ البنت وبتعذبها كافي عليها زوجة أبوها واختها ومشاكلهم اللي ما تطيح إلا على راسها ..

إبراهيم : وش يخصك إنتي ؟؟ من طلب رايك ؟؟ أنا أدري إنك تكرهيني ولا تحبين الخير لي..

ام إبراهيم : وش فيه أخوك والله ؟؟ ما ينعاب .. وإذا على طلعاته الزايده بكره بيعقل وبيركد

سوسن : يما هذي بنت إختك المتوفيه .. بدل ما تدورين لها الزين .. ترمينها هالرميه ؟؟

.. إبراهيم عصب وشال يده وعطى سوسن كف وخلاها تبكي وتروح غرفتها ..

سوسن : ماعليه يا برهوم إن ما فركشت هالخطبه ماني سوسن ..

ام إبراهيم : ليش يا ولدي تضرب إختك ؟؟
صارت حرمه وإنت دايما تضربها ؟؟ مو عدله

إبراهيم : صراحه عصبتي .. مثل ما قلت لك يما قولي لأبوي يطلب أمل من أبو محمد ..


أم إبراهيم : أن شاء الله يا ولدي

.. سوسن في غرفتها تبكي ..
ظلم والله ظلم ..تشوف ولدها يضربني حتى ما كلفت خاطرها تمسكه .. ولا كأني بنتها الوحيده ..

وفجأه دق الباب ..

سوسن سوسن .. افتحي الباب حبيبتي

سوسن وصوتها كله بكاء : ماني فاتحه وش تبين ؟؟ تكملين علي ؟؟

أم إبراهيم : يابنتي ليش تكلمينه هالكلام تدرين عنه عصبي


.. سوسن فتحت الباب لأمها..

ام ابراهيم : مره ثانيه لا تكلمينه اسكتي عنه ..
وانتي ما تدرين أن ابو محمد مستحيل يوافق.. ماعليه بنيتي خذيه على قعد عقله ..

سوسن : ليش مجنون عشان آخذه على قد عقله ؟؟

ام ابراهيم : إستهدي بالله وقومي غسلي وجهك

.. سوسن قامت وغسلت وجهها وامها راحت على غرفتها علشان تنام ..
.. دخلت غرفتها ..وهناك ابو ابراهيم يطالع التلفزيون ..

ابو ابراهيم : وش صاير ؟؟ وش هالصراخ ؟؟

ام ابراهيم : هذا ابراهيم متهاوش مع سوسن

ابو ابراهيم : على ايش ؟؟

ام ابراهيم : يبي يخطب امل بنت اختي الله يرحمها ..
وسوسن الله يهديها ردت عليه وقالت له ان ما يستاهلها .. قام وعطاها كف..

ابو ابراهيم : شلون كذا ؟؟
ما يستحي يمد يده على إخته ؟؟ وانا ويني ؟؟
انا ألحين عايش وهذي سوالفه عجل لين مت وش بيسوي ؟؟

ام ابراهيم : الله يعطيك طول العمر .. لا تقول كذا .. إبراهيم طايش وبسرعه يعصب..

ابو ابراهيم : لا تدافعين عنه ,, هذا كله من تدليعك له.. خليتيه يصير مايحترم احد

ام ابراهيم : مو كل مصيبة تصير تتهموني .. أحسن لي أنام
أحمد من أول ما وصل بيتهم كانوا خواته ينتظرونه

هدى وندى: هلا هلا بأبو يوسف .. تو ما نور المكان تو ما نور البيت

احمد مستغرب: وش صاير ؟؟

هدى : ولا شي؟؟ عيب يعني نرحب بأخونا الكبير ؟؟

احمد : لا مو عيب .. بس في شي أكيد .. قولو وش تبون ؟؟

ندى : ما شاء الله عليك .. تفهمها وهي طايره

أحمد : اخلصوا وش تبون ؟<< خربت الأخلاق

هدى : نبيك تودينا بكره المجمع .. نبي نشتري لنا ملابس .. لوازم الجامعه

أحمد : إن شاء الله .. على هالخشم .. آمروا .. كل شي ولا حبيباتي هدوي وندوي

ندى وهدى : تسلم حبيبي ..

أحمد : وين امي وابوي ؟؟

ندى : من زمان ناموا .. خبرك من الساعه 10 طلعت امي لغرفتها ..

احمد : أوكي تصبحون على خير

ندى وهدى : وانت من أهله

أحمد صعد داره وقعد وفتح النت ... فتح المسنجر ,, إلا حبيبة القلب أمل أون لاين

أحمد : السلام عليكم

أمل : هلا وعليكم السلام

أحمد : شخبارك


__________________________________________________ __________

أمل : تمام وانت وش أخبارك؟

احمد : ناقصتني شوفتك .. خاطري أشوفك

امل : لا تصير طماع .. توني ذاك اليوم طالعه معاك .. و صارت لي سالفه

احمد : اووه اكيد سعادوه ما غيرها ؟؟


..امل تسمع احد يطق الباب..

امل : باي حبيبي بسكر المسنجر لانه احد يطق الباب .. باي

..فتحت امل الباب إلا محمد اخوها يبي اللاب توب ماله ..

امل : تفضل ههههههههههههه حسبتك ما تبيه الليله قلت اطقطق عليه

محمد : لا ابي اقعد شوي على الفوتوشوب ..
بسوي تصميم حق المجله إللي بتصدرها المدرسة بداية الفصل,,
يالله تصبحين على خير

امل: وانت من اهله

في اليوم الثاني الساعه 6 الصبح ..ابو محمد وبدريه يتريقون .. نزل محمد ونزلت وراه امل ...

محمد وامل : السلام عليكم

ابو محمد : وعليكم السلام حياكم تعالوا تريقوا


.. أمل جلست جنب أبوها ومحمد مقابل لها ..

أبو محمد : سعاد متى تقعد ؟؟ ليش ما تقعد ويانا تتريق ؟

بدرية : ما تقعد الا متأخره .. مو حزة قعدتها

أبو محمد : سهر ويا هالتلفزيون .. أكييد ما راح تقعد..

بدريه: .........(موعاجبها الكلام وساكته)


..محمد وامل كل واحد منهم يطالع الثاني ويضحك..

بدريه : ما اظن في شي يضحك!!


..محمد وامل ساكتين وما ردو ما حبو يسوون مشكلة من الصبح..

محمد : يبا استأذنك اليوم انا وأمل بنروح السوق

أبو محمد : ليش ؟؟

محمد : أمل تبي تشتري أغراض لوازم الجامعة

ابو محمد : ها بنتي يلزمك شي .؟؟

امل : لا يبا عندي مصرفي .. الله يغنيك ويكثر خيرك ..

.. بدرية منقهره لآخر حد من جابوا سيرة الجامعه وتقول في خاطرها الله يغربلك يا سعادوه يالكسوله ما فلحتي في شي..

أبو محمد : انزين متى بتروحون ؟؟

محمد : إن شاء الله على الساعه 10 يعني عقب 4 ساعات

ابو محمد : انتبه لنفسك ولاختك .. لا تسوق بسرعه

محمد : ان شاء الله يبا

.. قامت أمل وشالت الصحون وراحت تغسلهم .. راح وراها أبوها

أبومحمد : تفضلي هالفلوس أكيد إللي عندك ما راح يكفونك

امل : يكفون يبا

.. ابومحمد لزززززم على بنته أمل وعطاها الفلوس ..

.. أخذتهم وخبتهم قبل لا تشوفها زوجة ابوها لانها واجد تغار وما تحب الخير الا لها ولبنتها سعاد

ركب أبو محمد سيارته وفي الطريق تلفونه يرن ..

طالع تلفونه الا أبو إبراهيم زوج أخت أم محمد الله يرحمها

يقول في نفسه هذا وش يبغى من الصبح ؟؟

ابو محمد : السلام عليكم

ابو ابراهيم : وعليكم السلام .. شخبارك أبو محمد عساك بخير

ابو محمد : هلا الحمد لله

ابو ابراهيم : صراحه بدخل في الموضوع .. ابي الليلة أجي بيتكم أنا وام إبراهيم

ابو محمد : حياك الله .. البيت بيتك

ابو ابراهيم : ما اعطلك يالله مع السلامه ونشوفك الليله

ابو محمد : الله يسلمك

.. ابو محمد يفكر :يا ربي وش يبي ابو ابراهيم ؟؟
زيارته غريبه .. من زمان ما جانا ولا مر علينا .. غريبه ..

الساعة 10 طلع محمد وامل وراحو المجمع ..

امل راحت تدور لها ملابس تناسب الجامعه
من بعد ما خلصت دخلت محل العبايات وخذ لها عبايه وثلاث شيلات . ..
وتوها بتطلع من المحل هي وأخوها تفاجئت بشخص من شافته تجمدت في مكانها ..

محمد : هلا حبيبي احمد .. انت وراي وين ما أروح ؟؟

احمد : وش اسوي احبك ههههه..

.. احمد مو لوحده معاه خواته هدى وندى ..

امل سلمت على خوات احمد وهي مستحيه لانها اول مرة تشوفهم

احمد يطالع امل من تحت لتحت علشان محد يحس فيهم

ومحمد مو شايل عيونه من على هدى ..

أحمد : ههييييي انت مو تخز في اختي

..محمد تفشل وشال عيونه..


امل فرحانه كثييير ورجعت البيت مع اخوها على الساعة 1 الظهر..

بنفس الوقت رجع ابوها من الشغل ..

حطوا الغدى والكل قاعد يتغدى ..


ابو محمد : الليله بيجونا ضيوف .. رتبوا المجلس .. أمل سوي حلى أوكي

امل : ان شاء الله يبا

محمد : من هالضيوف ؟؟

ابو محمد : زوج خالتك ابو ابراهيم وخالتكم ام ابراهيم

امل:.....................

بدرية : وش يبي هذا بعد ؟؟

ابو محمد : ما ادري .. يمكن زياره عاديه

.. امل كملت غداها وراحت غرفتها واتصلت على سوسن ..

امل : هلا سوسن شخبارك

سوسن : هلا فيك حبيبتي .. شخبارك إنتي ؟؟

امل : بخير .. أقولك .. خالتي وابوك الليله بيجون بيتنا .. ما تدرين ؟؟

سوسن : ادري .. تدرين انتي ليش ؟؟

امل : لا .. ليش ؟؟

سوسن : يالهبله جايين يخطبونك حق ابراهيم

امل : كأنه أحد صاب عليها ماي بارد

امل : ايش؟؟

سوسن : جهزي نفسك الليله

امل : ماراح أجهز نفسي ولا شي .. من ألحين قولي إلى أمك إني مو موافقة

سوسن : ما لي دخل بالموضوع توني امس محصله كف من تحت هالسالفه

امل : باي باي .. مبين أحد واقف قررب الباب..


__________________________________________________ __________

أمل سكرت التلفون بسرعة خبته في الخزانه ..
وراحت تشوف من إللي واقف برا عند باب غرفتها..

فتحت امل الباب.. وتفاجأت بسعاد واقفة عند الباب ..


امل : وش تسوين عند الباب ؟؟؟

سعاد : ما.. ما أسوي شي ؟؟ سمعتك تتكلمين فكرت معاك أحد !!!

امل : مبين عليك إستجنيتي وصادك وسواس .. اتكلم مع من ؟؟ الغرفة ما فيها أحد اتركي عنك هالطبع..

سعاد : انا شاكه فيك..أكيد عندك تلفون ... ؟؟ أعترفي !!

امل : أعترف على ايش ؟؟ انا من وين لي التلفون ؟؟ ولو عندي ما بتشوفينه في يدي ..

سعاد : يا خبر بفلوس بكرا بتنكشف كذبتك

..امل سكرت الباب في وجه سعاد .. وسعاد ميته قهر ..

راحت سعاد غرفتها وهي تفكر .. أكيد الليله جيت بيت خالتها وراها سالفة خطبه ..

أدري عنها حظها زين .. ما في إلا أنا .. محد يفكر فيني..<<عدلي أول أخلاقك بعدها فكري في الزواج ههههههههههه:


---------------------------------------


في بيت أبو احمد

البنات من رجعوا من المجمع وما عندهم سالفه غير عن أمل وأخلاقها وجمالها ..
والوالده تسمعهم وتقول ..يا ليت تكون من نصيب أحمد..

أبو أحمد من سمع سالفة الزواج: هاا من إللي بتبلشونه بالزواج وعوار الراس ؟

أم أحمد : اول قول السلام .. بعدين أسأل

ابو أحمد : السلام عليكم .. هااا علموني من إللي بتزوجونه ؟؟ ان شالله أنا

ام احمد : حامض على بوزك تاخذ وحده بعدي.. هذا انتوا يالرجال ما تشوفون الخير وما تصير الفلوس في يدكم إلا وفكرتوا في العرس ..

ابو أحمد : وش فيك أم احمد أمزح .. ما يحصل للواحد يمزح في هالبيت؟

ام احمد : اي كذا إعتدل..

هدى : يبا هذا أحمد امي تفكر تخطب له أمل إخت محمد صديقه ..
تصدق يبا بنت ولا كل البنات .. جمال وأخلاق وجامعية بعد..

ابو أحمد : والله زين ما اخترتوا .. محمد خوش ولد واكيد أخته مثله..

احمد نازل من غرفته :... تتكلموا عن من ؟

ندى وهدى : ههههههههههههههههه فيك أكيييييييييييد

احمد :............

ام احمد : نبي نخطب لك ونشوفك معرس..

احمد : ومن اخترتوا ان شالله ؟؟

ام احمد : خواتك يقولون امل إخت محمد صديقك..

..احمد تغيرت ألوانه واترسمت على وجهه ابتسامة رضى..

ابو احمد : ما عليك مهم لا تستعجل على الهم ..

ام احمد : وش قصدك؟ اني هم ؟

ابو احمد : لا الله يهداك .. من قال إنتي هم؟ أنتي الهم بذاته ..

ام محمد خلاص عصبت: وش فيك اليوم ابو احمد ؟ مبين ناوي على الشر ..

ابو أحمد : لا ناوي على الشر ولا شي .. امزح امزح


..احمد وخواته ماتوا من الضحك على مزح ابوهم وامهم إللي ما تتحمل مزح وبسرعة تزعل ..


أحمد : انتوا فصلوا وانا ألبس .. وين بلاقي أحسن من نسب بيت أبو محمد ..

--------------------------