عنوان الموضوع : افتراءات و اكاذيب منتشرة...احذر منها -اسلاميات
مقدم من طرف منتديات نساء الجزائر

افتراءات و اكاذيب منتشرة...احذر منها



بسم الله الرحمن الرحيم

السلام عليكم ورحمة الله وبركاته

الانترنت بالنسبة لنا بقي بحر واسع بناخد منه كتير من المعرفة والمعلومات
وكمان بيسهل علينا التزود في العلوم الدينية والدنيوية .. لانه يمكن اسهل من البحث في كتاب .. وانت ممكن بكتابة كلمة بحث عن موضوع تلاقي كل حاجة عنها في اقل من دقيقة ..

طيب تعرف اللي حط السم في العسل؟؟
!!!!!!!!
اه ماتستغربش .. العسل هو الانترنت .. لانه سهل علينا حاجات كتير وبقي حلو بالنسبة لنا
والسم هي معلومات خطأ .. واكاذيب
لالا واحدة واحدة عليا عشان افهم
هاقولكم
بنفتح بريدنا الالكتروني (الايميل) كل يوم ونلاقي ماشاء الله الايميلات اللي فيها احاديث للرسول صلي الله عليه وسلم والاحاديث القدسية .. عشان نعتبر منها
او ايميل تاني فيه صور نفسنا نشوفها .. او صور بتحذرنا
او حكاية اعجاز علمي ولا معجزة خارقة حصلت وليعتبر اولو الالباب
او ايميل بيحرضك علي الذكر بطريقة كده وكأنه هايطلع يضربك او يخليك تعيط
وكتيييييييير حاجات من دي

هاتقولي طيب دا ايميلات كويسة وانا حتي ببعتها لكل اللي عندي ليعم الخير والفايدة
هافولك هنا المشكلة
لان للاسف 90% من اللي بيوصل لحضرتك دا كذب ..افتراء..اسرائيليات .. امور ليست من الدين .......هو دا السم
السم اللي بيتم دسه في عقل كل مسلم .. واحنا بسلامة نية بنوسع انتشاره
الامر يا جماعة بقي فيه موضوعات استهزائية بعقول المسلمين .. زي البيضة اللي عليها لفظ الجلالة ولا البنت اللي اتسخطت لما استهزأت بالقرآن .. مواضيع مختلقة وصور متفبركة
الامر يا جماعة فيه افتراء بالكذب علي الرسول صلي الله عليه وسلم بنسب احاديث له لم يقلها اصلا
الامر وصل بالجرأة الي الكذب علي الله بافتراء احايث قدسية ..اصلها اسرائيليات وهانقول يعني ايه اسرائيليات
!!!!!!!!!!!!!!!!!!!!!!!!!!!!!!!

فهمتم حجم الفاجعة ..عرفتم بيتعمل ايه
اخدتوا بالكم ان اعداء الاسلام بيهاجموه علني واحنا ضده من غير ما نقصد وذلك بجهلنا !!

موضوعنا دا بإذن الله محاولة لتوضيح كل هذه الافتراءات ونسأل الله الاخلاص والقبول ونسأله ان يهدينا للصواب والرشد

وافادة اخيرة يا اخواني واخواتي .. ياريت لو نحاول بقي نتجه اتجاه صح .. نعرف ديننا لكن من المصادر الصحيحة مش من رسالة في بريدنا وخلاص

الله المستعان علي توضيح ما سبق ذكره وعلي السير علي طريق العلم والمعرفة الصحيحة


منقول

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________

العفو حبيبتي و اشكرك على مرورك الطيب.


__________________________________________________ __________

الله يجزيكي الخييييييير


__________________________________________________ __________

جزاك الله خير


__________________________________________________ __________