عنوان الموضوع : ما خلف الكواليس قصة حقيقية
مقدم من طرف منتديات نساء الجزائر

ما خلف الكواليس






مساكم صباحكم عسل ياحلوييييييييييييييين
اليوم جايبه لكم قصه ممكن يكون ظاهرها عادي بالنسبه لكم بس واااااااااااااااي لو تشوفون وش خلف الكواليس
نبداء بالظاهر :
الجاره مسويه برستيج وبتزور جارتها الي ساكنه بالبيت الجديد وبتبارك لها هذا طبعاً يتطلب هديه أنيقه وحلى راقي وممتاز وقهوه حسب الأعراف الدارجه
شافت برنامج لمنال العالم تسوي فيه قاتوه راقي وبالكريمه شي يدوخ وطبقته بحذافيره وسوت قهوه العصريه وشرت هديه غاليه وحلوه للمطبخ
وزارت الجاره وقهوتها في البيت الجديد وعطتها هديتها وخلص كل شي .
الجاره تقول الله يسعد جارتي وش ها الذوق وش هالهديه وش هالحلا تمام لين هنا كل شي عادي .
تعالو نشوف وش خلف الكواليس
المدام تخانقت مع زوجها تبغى الهديه تكون غاليه الثمن وهو ما رفض مبدأ الهديه بس قال خذي هديه وسط ميزانيتي ما تسمح وراسها وألف سيف حتى شرا الهديه الغاليه الي براسها بعد خناق ومطاقق .
نجي للحلا ماعمرها فكرت تسوي حلا بدون مناسبه لزوجها وعيالها ولا قد حلمو بمثل هالحلا جابت ورقه الطلبات عطتها الزوج وقالت أبغى أسوي حلا قال شكلنا موعودين بحلا مسكت من إيديكي الحلوين قالت مو لكم دخلت المطبخ وقفلت الباب وسوت الحلا والعيال يصيحون ويبكون ويطلون من تحت الباب ماما تكفين ذوقينا قالت والله ما يطف بفمكم إنقلعو خلصت ونادت زوجها قالت وش رايك بشكله قال شكله تمام بس باقي أحكم على طعمه قالت لا والله أما طعمه أنا عارفه إنه حلو قال يابنت الحلال بس قطعه وحده قالت ولا تحلم وراحت بالحلا وقلوبهم بتقطع عليه العيال وأبو العيال .
نجي للقهوه أبو العيال عاد القهوه بتقهويني قبل أوديكي لجارتكي قالت لا الكميه أخاف ماتكفي طيب سوي لي قهوه مشتهي أتقهوا
والله ماني فاضيه أسوي قهوتين بيوم واحد الأسبوع الجاي إن شاء الله .
ظنكم الجاره بتتهنى بالحلا والقهوه والهديه بعد هذا كله .
نصيحه لالالالالالالالالالالالالالالا تغركم المظاهر ياما خلف الكواليس من بلاوي

>>>>> ردود الأعضـــــــــــــــــــاء على الموضوع <<<<<
==================================


حلوه مررررررررره ياعسل


__________________________________________________ __________

فعلا البيوت اسرار وخلف الكواليس بلاوي


__________________________________________________ __________

20 وحده تزور ومافيه ألا ردييييين يالبخيلالالالالالالالالالالالالالالالالالالات ما عاد بكتب لكم شي بخيلات صدق


__________________________________________________ __________

تسلمين على الموضوع جد بنات حواء وش بهذلهم غير المظاهر الكذابه .


__________________________________________________ __________