عنوان الموضوع : الجزء الثاني: -=!!.. مواطن بالإيجار ..!!=- -قصة قصيرة
مقدم من طرف منتديات نساء الجزائر

الجزء الثاني: -=!!.. مواطن بالإيجار ..!!=-






الشخصيات الرئيسية في القصة:

1. بو زايد : مواطن يعمل في أحدى الدوائر الحكومية ... متزوج وعنده ولد

2. راشد: مواطن ..... أعزب لا يعمل ومن عائلة غنية ===> عائل على أهله ^_*

3. بو طلال: رجل أعمال مشهور ... وصاحب شركات كبيرة

4. حنان: بنت عمرها 22 ... صايعة ضايعة وللأسف مواطنة.

5. عباس: إيراني يسكن في دولة الإمارات ... يعاني كثيرا ..... ولكن عنده واسطات كثيرة



ملخص ما نشر:

بوزايد الرجل المستقيم ذهب مع عباس إلى حفلة زواج .. وعن طريق الخطا دخلوا إلى البار ... في حين أن بوطلال رجل الأاعمال المشهور كان متواجدا في البار مع مستر جيمس لأجل إكمال صفقة ولتناول عشاء العمل ... راشد وحنان اتفقا على زيارة السينما ومن ثم الذهاب إلى البار ... دعونا نكمل القصة.

======================================


بوطلال: ألو ... مستر جيمس هو آر يو ؟؟

جيمس ((مدير التسويق لشركة أجنبية)): يس مستر بو تلال ... كيف خالك؟؟ أيم فاين ؟؟

بو طلال: أنا الحمدلله بخير وعافية اعلوم (( هلينين و إليزابيث )) أي ريلي مس ذيم ===> يلعن ابو اللغة ^_^

جيمس: ذي آر فاين آند سي هالو تو يو مستر بو تلال ===> عيل اسمه بو تلال !!

بو طلال: اوكيه مستر جيمس تودي وي هاف ميتنق ويذ يو إن (( Losy )) في أنتركونتنالتال في العين ..

جيمس: يس آي اتذكر ذات ... بس يا بوتلال عشاء عمل إن ذا بار .. إز غريب ؟؟

بوطلال: باللهجة العامية ((ما الغريب إلا إنت وربعك والشيطان )) ... أقول ليش ما تلتعن إن يور كار .. آند كم هير يا ويه النحس ؟؟

جيمس: أوكيه .. بس وات آخر كلام يو آر سي تومي..

بوطلال: تعال البار وبشرح لك ...

======================================



في نفس الوقت تقريبا ...


رن التلفون وبوزايد نايم لكنه رد على التلفون بمزاج على كيف كيفكم .. خلونا انشوف المحادثة..

بو زايد: ألو ؟؟ امنوه معاي ؟؟

عباس (( مراقب في البلدية )): معاك عباس .. عباس بن فرناس .. مال التواير .. جيه انته نسيتني ؟؟

بوزايد (بعصبية): خير يا طير عباس وإلا جعفر وإلا قنمبر تراكم كلكم إعيال باقري .... وشو تبى ؟؟

عباس: ما شيء حبيبتي أبي اذكرك اليوم عندنا عرس مال عمي منسور ؟

بوزايد: منسور امنوه بعد ؟؟ هذا اسم طير جديد ؟؟

عباس: لا حبيبتي بوزايد .. أنا أقولج منسور هزا رئيس مال قسم نحن داخل البلدية .. اشفيج نسيتي ؟

بوزايد: أهااااااا... منصور الجيك ... جيه هذا متى طول وكبر علشان يعرس ؟؟ والله والعيال كبرت ^_*

عباس: الحين انته وينك في ؟؟

بوزايد: أنا في سوق الجبرة أشتري كومبيوتر ... وإلا تعرف في جلعة إبليس ..

عباس: الله الله .. كل هزا يطلع منك ؟؟ جيه أنا شنو جدامك .. متنزه ؟؟ وإلا بيدار عندكوم في المرضعة ==> يقصد يقول المزرعة

بو زايد: انزين خلاص اوكيه قابلني الساعه 8 ونص في الفندق .. يعني بعد ساعه ..

======================================



بو زايد وعباس .. تلاقوا في الفندق كما هو متفق عليه ... وكان في العرس مجموعة من المواطنين أصحاب المراكز العالية .. ومجموعة من البائسين اقتصاديا ونفسيا واجتماعيا ... ومجموعة لا بأس بها من حرامية البلاد ... وقد حضر الحفل المقام لنجليهمها ... كلا من ...


الدوق مهالوفيتش هوندا ... صاحب شركات ادعس بترول لبيع السيارات
وسعادة الوزير السابق المحال للمعاش ((اللي ما يفهم يضرب راسه بالطوفة)).. جمشير جاسم .. الوريث الرسمي لشركات الفيزا والكفالات.
والبارون الفرنسي الشهير آرسين لوبين ... الراعي الرسمي لمنديال اشرب وعش في دنيا أخرى
والمشرف العام لمنتدى ملتقى الإمارات الأستاذ الكبير الفاضل والمحترم ...وبعض المشرفين والإداريين بالمنتدى الذين قد مروا صدفة بالفندق ومن دون وجه حق دخلوا واكلوا وشبعوا وظهروا


بعد العشاء الذي جرى في أحضان حديقة فندق الانتركنتيناتال حيث إنه الكثيرين من المدعووين لم يجدوا المكان الملائم وبعض منهم من كان نهما فقد احضر معه كيسا أسود لأجل يجمع أكل حق شهر جدام لبيتهم واعيال الفريج ===> صاير كريم الأخ ما ينسى أهله واحبابه ^_*

بعد العشاء ... وبعدين مع هالجملة كل اشوي اعيدها .. الظاهر علق الشريط ؟


بعد العشاء كان صاحبنا بو زايد يدور على بيت القاضي ((W.C)) وبالصدفة دخل البار وسأل عن حمام ... عباس لحقه ودخل معاه .. في البار كان بوطلال مع مدير التسويق جيمس متواجدين وياكلون عشاء العمل .. والبزنس اللي بينهم . ظهر بوزايد من المكان المظلم اللي ما يدخله إلا ... ===> فوكس يحرني بعين

======================================


يتبع.............

تحيتي
أختكم أمونة الشويخ

>>>>> ردود الأعضـــــــــــــــــــاء على الموضوع <<<<<
==================================


جاء بوزايد يبي يظهر من المكان فقاله عباس: يا حبيبي انته الحين وين بيروحون ؟؟

بوزايد: بعد وين بروح ؟؟ اتسميه هذا مكان الواحد يقعد فيه ؟؟ مشبوه وما ادري الناس شو اتسوي فيه ؟؟

عباس: حبيبي بوزايد .. الله يطولي بعمرك .. حبيبي انته خلينا اشوي نيلس هنيه في بناتات يرقصون وناسات يسكرون ... ونفرات يلعبون .. بالله عليك امنوه بيعرفك ؟؟ الحين حرمتك تحت فراشها داخل الكفن مالها .. ما تدري انته شنو يسوي هنيه ؟؟

بوزايد: هيه بس يا أخي ....

عباس: علشان خاتري علشان خاطر هالشاربين اللي تحت خشمي فوق بوزي .. شفته وإلا امسكته ؟؟

بوزايد: هيه شفته .. عيل وين بيكون ؟؟ خلاص بس عشر دقايق . بعدها بنروح البيت اوكيه ؟؟

عباس: اوجيه حبيبي .. هذا الكلام المضبوط .. بعد ترا إذا تبي عندهم قدو وباجيلا وبعد نخي .. انته اطلب وآمر وتعال بعدين قول عباس قال..

بوزايد: تعال نيلس على الكاونتر ونطلب عصير مانجا ... وشيشة ...

عباس: الله يهديك .. هنيه مافي شيشة .. هنيه يعطونك غرشة مهياوة مخفف معدني وغازي كبيرة حق بطنك عشان تشربها .. وبعد يعطونك مكسرات

بوزايد: حشى اتقول يالسين في سوق شعبي في قشم ... انزين خلنا نجلس ..

بوزايد: اقول عباس مو جنه هذاك اللي يالس على الطاولة بوطلال تاجرنا الكبير ؟؟

عباس: هيه هزا هو جليل الحيا .. هزا الملعون غلا علي إيجار الكراج مالي .. الحين أنا أبيع التاير بقيمة تايرين علشان أربح ..

بوزايد: خلنا انروح عنده .. ونسلم عليه .. خلنا انقردنه يمكن يخلينا مدير وإلا مسؤوول عنده او نسويلنا واسطة ؟؟ السلااااام عليكم .. ==> وصل بوزايد عند بوطلال

بوطلال: وعليكم ؟؟؟ آمر ؟؟

بوزايد:

طويل العمر عندي مقطع ودي تسمعه **** ما يكلفك ثمن ولا هوب سارقن وقتك
خيرك سابق ولاحــــــق والكل يشهده **** يعيش منه الفقير اسنين ويدعـي لك
انت صاحب القدر والحشمـــــة تسبقه **** يا من لبسك الكرم قبل لا تلبسه نفسك

كلمات عشوق الخرافية ...

بوطلال وهو يضحك : اقعد اقعد .. خلنا انخلص من جيمس سوبربان 009 وبعدين بنسولف وياك ... بوطلال في خاطره يقول: هيه جيه الشحاتين يقصدون فيك قبل لا ينهبونك ... تعطيهم وانته مرتاح ..

صاحبنا عباس راعي الطاسة المقلوبة ... ضربله بطلين ((غرشتين مهياوة مخففة)) وظهر منديلين وودخل على الاستيج وبدأ ايول ويرزف ..

خلال هذه الأثناء دخلوا حنان وراشد الباااااااااار ... وراحوا على الكاونتر ويلسوا هناك .. واطلبوا اثنين ((Wayne)) مع زيتونه بداخلها .. وعود مال الضروس معلق فيه الزيتونة ===> أنا ما أعرف شيء بس خبروني واحد من المنتدى كان هناك في يوم من الأيام ..

بوطلال: هاه شو تشرب يابوزايد ؟؟

بوزايد: اللي تامر فيه طويل العمر والسلامة ..

بوطلال: يا معلم شحاته ... عطنا اثنين فلتر سائل يعدل راسي ومخي ... ===> طلعت سيارة هب مخ إنسان.

======================================



بوزايد: طال عمرك .. ودي تعطيني نصيحة منك أتخذها منج حياتي البائسة ..

بوطلال وهو يضحك: أنا هب مصلح اجتماعي .. لكن بعطيك نصيحة حطها حلقة في إذنك.

بوزايد: إن شاء الله طال عمرك .. شو هي النصيحة؟

بوطلال: اتشوف هذيك البنت اللي يالسه على الكاونتر مع الريال ؟؟ ===> يأشر على حنان وراشد

بوزايد: هيه ..اشبلاهم ؟

بوطلال: هذي البنت سافلة وساقطة ... أنا اكلمها واصرف عليها وفي نفس الوقت تقول إنها تحبني وما تقدر تستغني عني ابدا .. لكن شوفها الحينه من امنوه يالسة ؟؟

بوزايد: لا حول الله ... أنا آسف طال عمرك لأني خليتك تتكدر.

بوطلال: تهبي هالبنت .. أنا بوطلال ويهبي اللي يمس شعرة من راسي ما غير يكون آخر يوم بحياته .. بإشارة مني أقدر اييب مليون بنت ... بفلوسي اشتري اللي ابيهم ..

بوزايد: الله يزيدك يا بوطلال ===> يزيده شوه ؟؟ وزن وإلا قلة عقل ؟؟

بوطلال: اللي أبي أفهمك إياه يا بوزايد إنه الحياة صعبة واايد ... وإذا ما اتكون ذيب ومنافق ما تقدر تعيش خاصة في زمنا .. انا ما وصلت لمركزي إلا بعد ما احتلت ونصبت ودست فوق كرامتي اشوي .. احيانا لازم نخلي نسك دنيء حتى توصل للي تباه .. ===> الحبيب بدأ يخورها .. الشراب ضرب في الراس عدل

بوزايد: بس الزم ما على الإنسان كراماته ؟!

بوطلال: أقول كل تبن واسكت .. قال كرامة ... أي كرامة ؟؟ الكرامة خلتك مدير ؟ شوف كم صار عمرك ووين مركزك ؟؟ .... حبيبي افهمني عدل تظن إنه بدون ما تنافق رح تشتهر ؟ وراح يوصلك كل شيء لعندك ؟؟ خلني آخذ حنان على سبيل المثال ........ حنان هذي تعرفت عليها في محل من المحلات التجارية المشهورة بماركاتها العالمية . كنت ياي أبا ادفع الحساب وهي كانت قبلي وما كان عندها فلوس كاش ... فطلبت مني ادفع عنها وخذت رقمي علشان تدفع لي بعدين ... أنا كنت عارف إنه عندها فلوس بس علشان الترقيم بضصورة حضارية لازم تسوي عمرها إنه الفلوس خلصت ^_^

بوزايد: ما شاء الله ... هاي محترمة اشوي أحسن عن غيرها اللي تاخذ سيارتها ومع ربيعاتها وتحوط في الممزر ألين ما صادتهم الشرطة ===> انا ما قلت شيء ^_*

بوطلال: المهم .. خذت رقمي واتصلت فيني نفس اليوم في الليل الساعه 1 ... وكلمتي واعتذرت مني وإنها ما تقدر تدفع لي فلوس في نفس الوقت .. قلت لها عادي أنا هب ناقصتني فلوس بس أبي اسولف معاج إذا ما عندج أي مانع .... ما أبي حتى شيء منج غير السوالف فقط !! .. لكن الخبيثة خبيثة .. طلبت مني في يوم من الأيام إنها تشوفني فاتفقت معاها إنها تجي فندق علشان اشوفها في الكوفي ... طلعت الدبة تبي شيء انا عمره ما استخدمته إلا في الحلال ===> يا ربي يعده محافظ على زواجه

بوزايد: شو تبي بالضبط ؟ ما فهمت ؟؟

بوطلال: صدق إنك غشيم .. المشكلة ما اعرف اشرح لك ... في عيال صغارية يشوفون القصة أخاف بعدين يتعلمون ويروحون ويقولون عشووق علمنا ^_^ ....... لكن اقدر اقولك إنه شيء كل بنت من بنات الليل والهوى يدورونه ..

بوزايد : تقصد الفلوس صح ؟

بوطلال: أقول شو رايك أييب لك وحدة اهنيه على الطاولة واراويك التنفيذ !!!

بوزايد: أها فهمت .. هيه ما يحتاااااي ... هي تبى تنام معاك في الليل لأنها تحس بالخوف صح !!

بوطلال: تعرف أقول اشرب فلترك ولم لغبك ===> اشدرى الحمير بأكل الشعير .. وحليله بوزايد ما يفهم لهالشغلات ... مثل الأطرش في الزقة .

بوطلال: نار نار ==> شكله الحبيب يالس في المقهى وطالب شيشيه ... ^_^ وإلا يمكن بار من أيام الفراعنه

بوطلال: أقول يا الطيب ((ينادي على الجرسون)) .. هات لنا وحدة تغير لنا الجو اشوي وإلا تعرف وحدة لي ووحدة حق بوزايد تراه يستاهل ..


لونا نترك بوطلال وبوزايد يستمتعون بالأجواء الحلوة والرقصات الشرقية والغربية والحضن والبوس وهالخرابيط كلها وخلونا نشوف عبااس شو يالس يسوي ؟؟

عباس: أي ديلوم .. كلبي ((قلبي)) ما قادر احس في .. سبحان الله كأنه شرابين شوربة آش في مطعم حاتم .. هزي البنت وايد حلوة انا لازيم اليوم اعطيها بوسه ..

فادي: شو ما مالك يا زلمة ؟؟ شو عم تعمل عندك ؟؟

عباس: جالس أكلم حبيبتي أم سعيد لا ... خليك انته بعيد ما تقرب صوبي ... خليني مع حبيبتي نشرب وناكل مكسرات وفالودة وحلاوة بستني ===> بار إيراني شكله

فادي: أنا أول مرة عم أشوف واحد ماسك هالشراب ويكلموه !!

عباس: يا حبيبي انا جم مرة قلتلك لا تقرب صوبي ... خليني أكلم حبيبتي أبي أقولها إنه طعمها نفس طعم المهياوة بس هذا غازي ومال مهياوتنا طبيعي 100%

فادي: شو هيدا هالمهياوة ؟؟ أكله

عباس: انته ما تعرف شينو مهياوة !! بعد ليش انته عايش ؟؟ هذا مهياوة أصل مال العرب والعجم ... يعني قبل لا يقومون من النوم لازم يشربون شوية علشان يعطيهم قوة مثل هذا قوطتي طويل انته لما تشربه تجيك اثنين ريش مال تير وبعدين يقول انا مسافر على بندر عباس

فادي: عم تقصد شراب الريد بول !!

عباس: هزا هو احمربول ...

فادي: طيب انته شو جايبك لهوني؟

عباس: هزا حبيبي بوزايد كان يبي يروح حمام ودخلنا هنيه علشان الحمام وبعدين هو جلس عند بوتلال صديق مال هو.. هناك جالسين عندهم بناتات يلعبون معاهم .. أي بختي سيو ===> ترجموها

فادي يضحك بسخرية: هدا المواطن بالصبح عم يقول إنوه عم يشتغل بالمكتب وفي الليل يجي هون حتى ينبسط .. ===> بالعامي: أكل ومرعى وقلة صنعة.

عباس: خلي الناس يستانسون انته ليش جذيه حسودي ؟

فادي: نحنا نشتغل ونتعب وكل شيء يكون للمواطن ... هذا ظلم

عباس: إذا مواتن داخل بلاده ما يستانس .. بعد وين تبي هالمواتن المسكين يستانس هاه ؟؟ حبيبي عندك فلوس .. محد يقدر يفتح فم ماله هو ... ما عندك فلوس ولا واستات تراكل تبن وتاكل مهياوة بدون خبز ... انا في بلادنا ما كنت اركب حمار ... ابوي كان يروح بيت عمي على ريوله .. عرفت ريوله شو يعني ؟؟ هزا ثنين عظم طويل تحت بطنك يجي بعد عليه لحم ===> صدق إنه بدأ يخورها الحبيب

فادي: خلاص بكفي إيه أنا عرفت ... انته بتعرف إنوه بعد المواطنين هون حتى ينتقل من البيت حتى المطبخ مالهم ((داخل الفيلا)).. يركب سيارة ؟؟

عباس: هزا مواتن ما تقدر تقول عنه شيء ... عنده فلوسه وهو حر ..اقول فادي أنا بخليك نحنا بيروحون يرقصون بتون معانا وإلا بتنامون ؟؟

فادي: انته مع مين حتى تجمع ؟؟

عباس: أنا ومناديلي .. بنرقص دسمال بازي ===> حيهم العيم



راجعين لكم مع الجزء الثالث من قصة -=!!.. مواطن بالإيجار ..!!=- إن كان للعمر بقية ...

تحيتي
أختكم أمونة الشويخ


__________________________________________________ __________

تسلمين حبيبتي على القصة ربي يسعدك

مشكورة لتواجدك الدائم بقسمي


__________________________________________________ __________

مشكووووووووووووووووووووووووووورة اختي على المرور والله يعطيك الصحة والعافية وسلمت اناملك الذهبية ان شاء الله وجزاك الله خير الجزاء وجنة الفردوس ان شاااااااااااااااااء الله....................

تحيتي
أختكم أمونة الشويخ


__________________________________________________ __________


__________________________________________________ __________