عنوان الموضوع : عفية شعب (احلى شعر عراقي قريتها والله )
مقدم من طرف منتديات نساء الجزائر

عفية شعب (احلى شعر عراقي قريتها والله )




عفية شعب بيه العجايب مو عجب
جمعة ندم
جمعة غضب
انواع عدنه من الجمع
كل وحدة عنوان وخطب
جمعة صمت
جمعة شغب
جمعة حواسم بالبلد
جمعة سلب
عفية شعب
مرة لطم ....مرة لعب
مرة يصفك للصنم
مرة يشجع المنتخب
عفية شعب
نايم على أبيار النفط
وليهسه يطبخ بالحطب
عفية شعب
مثل جمل عاكول يأكل للأسف
وشايل على ظهره ذهب
عفية شعب
حتى بوكت بيده الأمر
تيه احسابه وما حسب
وحتى البعض من امنه
ونطاه صوته وصعده
بس يوصل الكرسي كلب (كلب يعني انقلب على شعبه)
نهرين عنده وما زرع
والربه بيه زرعت رعب
عبوات ..والغام ..وحزم
ما قصروا اهلي العرب
دم ومآتم حملت
وصار الحصاد من الركب
يابو لهب......
دزنه من عدكم الحطب
وارتاح لتشيل الحمل
حماله عدنه اعله الطلب
بس يا الشعب.....
معذور من صابك تعب
ثلاثين مرن بألألم
بالجوع مرة ..وبالحرب
جيش القدس ..جيش الفرس
جيش السما ..جيش الأرض
وجيوش انواع رتب
بس يا شعب لا تستلب
فك عينك وفك درب
ميز العدو ... من المحب
ميز الصدك ...من تنتخب
ركز عدل ...من تنتخب
الشغلة لازم تنحسب
هذا عدل ..لو مو عدل ؟
اصل وفصل..لو بس الشكل؟
من الكتل ... من النخب ؟
بس للوطن ..لو للحزب ؟
ميهمك شلابس بعد .....
قاط اجنبي صاية وعكل
عمامة وبشت
المهم شايل عقل
والمهم مبيع اليخت
والمهم ..والكلش اهم
صادق يحافظ على شعب


>>>>> ردود الأعضـــــــــــــــــــاء على الموضوع <<<<<
==================================


روعه احسنتم اختي


__________________________________________________ __________

تم التقيييم


__________________________________________________ __________

شكرا حبيبتي اهات القلب نورتي حبيبتي
شكرا على تقيييييييم


__________________________________________________ __________

روعة روعة
الله ينصر العراق و أهل العراق


__________________________________________________ __________

نورتي حبيبتي