من رابعة الثورة فين؟؟ خاطر جميلة
عنوان الموضوع : من رابعة الثورة فين؟؟ خاطر جميلة
مقدم من طرف منتديات نساء الجزائر
من رابعة الثورة فين؟؟
صباح نضيف يا معلمين , صباح شريف .. سؤال خفيف ؟؟؟ . الثوره فين ؟؟؟؟
الثوره فى جيوب العساكر ولا عزاء للكتيانين
الثوره قامت امتى طيب .. حد فاكر ..... ؟؟
يوم التلات ... حد فاكر اسم حد اتصاب ولسه عايش او حتى مات
طب حد عارف قد ايه اللى اتعمل
طب حد فاكر اسم واحده من اللى ماتو من البنات
طب فاكر الغاز والعياط
حد فاكر نومنا قدام المجمع على البلاط
حد فاكر .. اللى ماتو ف ... اللجان
واللى ماتو فى الانفلات
حد فاكر اى حاجه من اللى فات
حد عارف هما ودو .. الثوره فين
الثوره فين
لو سمحت الثوره فين
الثوره ويا ك يا ابن عمى
ع ندك يا ابويا
عندك يا امى
معاك يا كابتن
كانت هنا
مشفتهاش ؟؟
شبهنا .. ولبسه زينا
ملمحتهاش
الثوره اهى ... ايوه صح .. الثوره اهى ..
بس لابسه الميرى ليه ؟؟
هى لابسه الميرى ليه
الثوره لابسه الميرى ليه ؟؟؟
قطعولها .. لبسها .. ولبسوها الميرى ليه ؟؟؟؟
هما العسكر .. خطفو الثوره
ولايكونش الثوره دى عورها
ومخبيها الشيخ ... ابارى
ولايكونش الشيخ ابارى
هو وشله جيش الناوره
متفقين .. يتقسمو .. فى دارك
ولايكونش كمان الثوره تبع التجنيد الاجبارى ...
فى حد يأتمن العساكر
طب يابنى زاكر .. ما قالولنا ثوره
وبردو ركبوها العساكر ... والعساكر .. لما مات العسكرى
بردو ركبوها العساكر ... والعساكر
لما قتلو العسكرى .. وسط العساكر
بردو ركبوها العساكر
واللى فاكر .. ان ثوره مصر قامت .. فانتهى حكم العساكر
مش مزاكر
العيب ولا على العساكر ... ولا على اللى بيعبدوهم ولا على اللى مغيبين
العيب عليكى يا ثورة المؤدبين
فامتساليش الثوره فين .. الثوره فى جيوب العساكر
ولا عزاء للكتاينين
الثوره .. فى ايدين اللى بيبعو الدياسه
وبيقولو دين
الثوره ناسها
متمرمغين .. فى الطين
الثوره .. قفطين وردها
الثوره هتكينن عرضها
الثوره احنا معاها
والعساكر .. ضدها
الثوره لو بتحبها .. رجعها من ايد الهجر..والسفاحين
الثوره قام بيها الشباب الطيبين
وحصد كراسيها اللى كانو منفدين ومانتخين
واللى ماشين بالجزم جوا..روسنا..من سنين
اغبيه والغباء..عند بعض الناس
هوايه وموهبه
حطو راسهم .. بين سنان العقريه
والامانى .. بيحلمو ..
وبالامل .. مستنين .. متغيبين .. مش طيبين .. متغيبين
اه يا بلد تدى الفرص .. لحورتجى
اه يا بلد فيكى الشهيد بقى بلطجى
والسفيه عامل مناضل .. ثورجى
والثورجى..بيقولو عنه مستفيد واونطجى
وبيحكمك حبه عجايز .. عيانين
جوبينى قولى الثوره فين ...؟؟
اه يا بلد عاشقه اللى داسك
اه يا بلد .. ملعوب فى جدرك وفى اساسك
ناسيه اللى كان بيموت .. ووطى على ارضك وباسك ...!!!
بتبعينا ... وتحضنى فى كلاب
ياا طيبه بيقتلونا ... يا طيبه دول اخرهم يكون دواسه لمداسك
احنا حراسك .. ياطيبه .. احنا ناسك ..
ناسيه خالد .. ناسيه مينا ... ناسيه بسيونى ... وسالى .. ومصطفى ... وحسين ....
إخيه يا طيبه..... طب فاكره مين .... .؟؟؟
يا طيبه قولى فاكره مين ...
ياعالم هو ذنب .. انى بالحريه بحلم
هو ذنب لما اادافع عن كرامتى
ذنب اقول للى حاكم ارضنا
مش هنقبل فينا تظلم
ذنب اقول للى هاتك عرضنا...انت مجرم
هى ناس بتموت .. وناس تحكم ؟؟؟
هى ناس تتعمى .. وناس بالعومى .. تتحكم ؟؟؟
وناس بالدم تتغطى .. وناس بالدم ...تتوضى؟؟؟
وناس للقبله بتصلى ..؟؟؟ وناس للمجلسين ... تحرم
وناس بتموت عشان غيرها ... وناس كسلانه تترحم ...؟؟؟
يارب..يلى من العباد احكم ..... اوحكم ...
يارب اخويا .. مات...
واخويا التانى .. [ بيقولى ] ايا كافر .... يلى مش مسلم
واختى عراها .. اليهود ..اصدى الجنود
واخويا .. فى عرضها اتكلم
واخويا .. بيتعمى .. وبيشوف
واخونا بيرتعش من الخوق
شايفنا .. وشايف الظالم
لكنه كفيف...اخويا اعمى...اخويا ابكى...
اه يا بلد ... فيكى الشهيد مجرم.
نسور مسكين .. قناديلك
نجيب احلامنا .. ونجيلك
وفى رقبنا بنحميلك ..... وبردو .. افانا يتعلم
بسيطه...هثور تانى..وهتعلم
وهربط جرحى ... واتألم
هثور تانى ... واموت تانى
وهفرد روحى ليكى ... كطريق
وعضمى مرتبه وسلم
بسيطه ... هلم فى جوفى احباطى
هقطع كل ابياتى ... وهكتب ليكى شعر جديد
بدمى يا طيبه .. على الحيطه
بسيطه.... هكمل....ولو ايدى .. وفى رجليا ...وفى رقبتى
بالف كلبش مربوطه
هكمل .. ولو اعمى ... ولو محبوس
ولو هدوسنى ... كل مدرعات .. ابليس ... تدوس
ولو فوق راسى الف سلاح
ولو كل اللى فيكى..رخيص
ولو مفضلش...غير انتى
وسجانك .. وكل خسيس
وانا لوحدى...هكمل
ولو وحدى .. هكمل
اتعمى .. اتصاب .. اموت
وتفضلى على راسى ... محطوطه
بسيطه... وبعد ما اموت
امانه يا مصر .. تتعافى
وشوفى النورعلى اكتافى
وفوقى يا طيبه الطيبه بلاش طيبه
وقولى للعبيد تخرس
ولولادك تقوم تحرس ...
وطول ما فيكى .. المخلصين .. هتبقى عارفه الثوره فين
هنفضل في الميادين شهداااااااااء بالملاييين
والله مش عارفة الموضوع ده مناسب هنا ولا لا بس هذا في خاطري
وهيلا هيلا وهيلا هيلا .. هنرجع مرسي الليلة
كعك العيد قالها قوية ... مرسي رئيس وعاه الشرعية
من مصر من ميدان رابعة العدوية أتمني كل الناس تكون هنا معانا واللي مش موجود بدعواته بجد اجمل عيد في حياتي ..
>>>>> ردود الأعضـــــــــــــــــــاء على الموضوع <<<<<
==================================
خاااطرة راائعة غاليتي
والأروع انها بقلمك
يتوج بالنجوم
ضعي لقلمك بصمه هاهنا
ولكن رجاءً كتابة خاطرة بعيدة عن السياسة
__________________________________________________ __________
هيا شعر حماسي سمعته وليست من كتابتي واسفه بجد بس كل
ما يجول بفكري دلوقتي السياسة بس يعني اوعدك ما هكتب شئ تاني يتعلق بكده
ولو مقدرتش هغادر في صمت وتسلمي ع المرور يا عسل
__________________________________________________ __________
كلامـــــــــــك رائع يا بنت بلدى
صح الصح
هنفضــــــــــــــــــل مكملين
تسلم ايديك
منتظره ابداعاتك القاآدمــــــــــــة
__________________________________________________ __________
اه يا بلد تدى الفرص .. لحورتجى
اه يا بلد فيكى الشهيد بقى بلطجى
والسفيه عامل مناضل .. ثورجى
والثورجى..بيقولو عنه مستفيد واونطجى
وبيحكمك حبه عجايز .. عيانين
جوبينى قولى الثوره فين ...؟؟
معاك حق بجد
يااااااااااااارب ارجع لنا المهندس الاستاذ الرئيس الدكتور / محمد مرسي
سالما غانما معززا مكرما يااااارب
تسلمي اختي ...
__________________________________________________ __________
رد مع اقتباس
