واجبات رمضانية في الاسلام
عنوان الموضوع : واجبات رمضانية في الاسلام
مقدم من طرف منتديات نساء الجزائر
واجبات رمضانية
السلام عليكم ورحمة الله وبركاته
كل عام وانتم بخير والي الله اقرب
ياتري استعديتم لرمضان؟؟
حد حط برنامج او واجب عملى ليه ؟
رمضان فرصة عظيمة لاغتنام الاعمال الصالحة
وهو رمضان واحد فى السنة يعني يا جماعة لازم نقوي فيه
ونعمل فيه على اد ما نقدر وخصوصا ان فيه لية خير من الف
شهر وهي ليلة القدر
ربنا يعينا ويقوينا على ذكره وشكره وحسن عبادته
المهم اسيبكم مه موضوع
" واحبات رمضانية "
موضوع خاص بواجبات باذن الله هنعملها كلنا مع بعض
هنحط اهداف ونحققها مع بعض باذن الله
اهم شيء لازم نتفق على شوية حاجات
1. المشارطة
المشارطة هي انك تجيب ورقة وقلم وتقعد مع نفسك وتنوي على حاجتين انك تثبت على طاعة وتترك معصية خلال شهر رمضان الكريم والله المستعان طبعا ربنا يعينا جميعا
2. تفعيل 10 آخرين
يعني انك تقول الكلام دا لعشرة غيرك وتاخد ثوابهم
3. احياء 30 سنة
كتييير 30 سنة صح؟؟؟؟
طب تعالوا نفكر ايه هي السنن اللى ممكن نعملها
زي السواك محدش فينا بيتسوك احنا ممكن نعملها خلال شهر رمضان بنية احياء سنة من سنن النبي صلي الله عليه وسلم
صلاة الضحي مش كلنا بنصليها وانا اولكم طبعا ليه منصلهاش فى رمضان ونعين بعض
وغيرهم من السنن كتييير اوى
ياريت لو حد عنده سنن يقولنا ونتفق ونعملها
4. 30 خبيئة
يعني ايه خبيئة ؟؟؟؟
يعني حاجة بينك وبين ربنا وبس
مفيش مخلوق يعرفها
زي الصدقات
اماطة اذي عن طريق
تنظيف المسجد فى السر
عمل اي خير فى السر
ودا بجد بيخلينا نحس اكتر اننا بنعمل الشيء دا لربنا وبس
وبيكسر جوانا الكبر وبيخلنا لما نعمل شيء نعمله ابتغاء مرضات الله فقط
يعني مش عاوزين نوصل انننا نبقي فرحانين بنفسنا واحنا بنعمل طاعات كتييير ونقول احنا كويسين لا عاوزين نوصل لدرجوة الانكسار لله وهي اننا مهما عملنا مش هنقدر نوفيه حقه ابدا
5. النية
لابد من اخلاص النية من اول يوم رمضان علشان كل حاجة نعملها فى رمضان يبقى عليها ثواب
6.الجيران
جيرانا احنا اكيد مقصرين فى حقهم اوى
وكذلك الاهل والاقارب
يعني عاوزين نصل رحمنا ونصل جيرانا
7. الذكر
اذكار اليوم والليلة
زي ذكر دخول الخلاء ذكر النوم ، الاكل ، .... اي ذكر طووول اليوم
دا بالاضافة الى اذكار الصبح والمساء
8. اخير الوصية
الوصية دي وصية هنحطها كل يوم ونحاول نعمل بيها باذن الله
خلال اليوم التالي
يارب اكون وفقت فى طرح الفكرة
على فكرة الافكار دي مش افكاري
انا سمعتها زيكم وربنا يعني ويعنكم اننا نفذها باذن الله
والله المستعان
منتظرة ارئكم وردوكم
>>>>> ردود الأعضـــــــــــــــــــاء على الموضوع <<<<<
==================================
جزاكِ الله خير اختي dinar
طرح رائع ومفيد للجميع
شهر رمضان شهر التوبه والرحمه والتقرب الى الله بالاعمال الصالحه
هنيئاً لمن استغل هذا الشهر وسارع الى الله بفعل الخيرات وترك المعصيات
__________________________________________________ __________
جزاكي الله خيرا اختي الكريمة
ونبدا الواجب الاول على بركة الله
السنة الاولى اللى هنحيها هي صلاة الضحي
كل يوم بعد الشروق نصلي ركعتين صلاة الضحي
ويارب تكونوا فاكرين الخبيئة وهي الحاجة اللى هنعملها فى السر بينا وبين ربنا
ومننساش الذكر
وانهاردة الذكر بتاعنا هو
الله اكبر ..... الحمد لله ..... لا اله الا الله
كل واحدة 30 مرة
الوصية
لا تجعل الله اهون الناظرين اليك
ربنا يعينا جميعا على ذكره وشكره وحسن عبادته
وياريت يا جماعة نشجع بعض فى الواجبات دي
وندخل نقول تم بحمد الله
والله المستعان
__________________________________________________ __________
__________________________________________________ __________
جزكم الله خيرا
ربنا يبارك فيكم حميعا
السنة الثانية اللى هنحيها هي السواك
خمس مرات فى اليوم مع كل وضوء
ومننساش الخبيئة وهي الحاجة اللى هنعملها فى السر بينا وبين ربنا
اما الذكر بتاع انهاردة هو
لا اله الا الله وحده لا شريك له له الملك وله الحمد وهو على كل شيء قدير
100 مرة
الوصية
اغتنم خمسا قبل خمس
شبابك قبل هرمك
وفراغك قبل شغلك
وحياتك قبل موتك
وصحتك قبل سقمك
وغناك قبل فقرك
والله المستعان
__________________________________________________ __________
رد مع اقتباس
