عنوان الموضوع : نصيحة بجمل -للبشرة
مقدم من طرف منتديات نساء الجزائر

نصيحة بجمل





بسم الله الرحمن الرحيم



السلام عليكم ورحمة الله وبركاته

اخواتي الكريمات شدني موضوع الاخت (احذروا ماسكارا نوى التمر والاثمد) ودفعني اكتب موضوعي.

النساء بطبيعتهن يحبن الاهتمام بأنفسهن وجمالهن ولكن فيه بعضهن يندفعن الى اقصى الحدود ولايراعن الضرر اللي يحيط فيهن.

انا اتكلم عن الخلطات الجاهزه واللي مانعرف شي عن مكوناتها بس من كثر حلف البائع او البائعه وعلى الذمه ومجرربه يستغلوا برائتنا واندفاعنا وبعدها لما تطيح الفاس بالراس نقول ياليت اللي جرى ماكان

انا كتبت قبل كذا عن الخلطات وعواقبها لكن استفزني انه وصل الاستغلال فيهم للناس المحرومين من الانجاب ومن المرضى

والله يابنات قريت مره اعلان لوحده على التلفزيون والله والله ماادري اضحك والااتحسب الله والاعلان يقول فيما معناه اعالج عن الحسد والعين وتأخر الانجاب وامراض الكلى والقلب والسرطان ولدغه الثعبان والعجز والسكر والضغط والضعف الجنسي والجن والجن العاشق والمس والكسور والربو والامراض المزمنه و و و و و وماني عارفه ايش غيره ولكن مااضحكني كثيييييير هو ان اللي عنده مرض جسدي لازم يجيب معه التقارير الطبيه والتحاليل والاشعه ووو)
ماادري يابنات انتم وش رايكم بهالكلام جايز منكم بيضحك وجايز تحتسبون الله ولكن الناس الضعيفه اللي يدوروا على بصيص امل بيتعلقوا باي كذبه ويصدقوها وياما راح ضحيتها ناس كثير.

نصحيتي لكم:
يابنات هداكم الله الخلطات الواضحه اللي معروفه مكوناتها واللي انتي تخلطيها على يديك اضمن ليه؟

بتكوني علىمعرفه ب:
المكونات.
اللي يناسبك واللي مايناسبك.
تاريخ الانتاج والانتهاء.
جهة الصنع.
من المنتجات المحظوره او المجازه.
بتسبب لك حساسية اوغيرها.
خلطها مع مواد بيتفاعل ويضر.
وانتبهي وحطي فبالك:

اللي ناسب غيرك جايز مايناسبك.
المعرفة التامه بان جميع خلطات الشعراو الزيوت اللي ماتعود عليها الشعر في البدايه بتسبب لك تساقط وثم ترجع تنبته من جديد.
عشان تعرفي نتيجة خلطة لازم تصبري عليها لان النتيجه ماتبان في يوم وليلة ربما تطول لسنه مثل خلطات الشعر.
استخدام اكثر من خلطه بنفس الوقت بيرهقك ويرهق بشرتك وشعرك ماتستفيدي.
العوامل النفسية والوراثية والتغذية والعوامل المناخية لها تأثير على الجسم والشعر والبشرة.
الماء ونسبة المعقمات اللي تضاف له ودرجة حرارته لها تأثير كمان.
نوع الشامبو والصابون اللي يناسبك.
اشتري مستحضراتك من اماكن موثوق فيها.
لاتغفلي عن تاريخ وجهة الصنع.
تأكدي قبل الخلط والمزج والحوسه ان هذي المنتجات ماتتفاعل تفاعل ضار.
الاهم انتبهي ثم انتبهي من الخلطات الجاهزه وحبوب التبييض والتنحييف لان الله العالم عن ضررها اللي يمكن مايبان الاعلى مر السنين.
سويلك جوله واسألي المجربين من صديقاتك اوالنت اوالاطباء واستشيري ماخاب من استشار.
وطققي بالخلطات البسيطة المعروفه مكوناتها انشاءالله ماتنضري.
وخليك في السليم تسلمي.

وهذي مجرد نصيحة والنصيحة كانت بجمل.

وتقبلوا مروري

>>>>> ردود الأعضـــــــــــــــــــاء على الموضوع <<<<<
==================================


يعطيك العافيه ماقصرتي


__________________________________________________ __________


__________________________________________________ __________


__________________________________________________ __________


__________________________________________________ __________