السلام عليكم
الكولاجين هو العنصر الأساسي في الطبقه السفليه من الجلد
و هو بروتين .. و يشكل 30% من الجسم كـ كل و 75% من جلدنا
اتأكدي انو اي مشكله في بشرتك حيكون واحد من أسبابها نقص الكولاجين
طبعا احنا نتكلم على البشره عموما و مو بس الوجه
يعني حتى التشققات اللي في الجلد يكون واحد من اهم اسبابها الكولاجين خامل
عشان كذا شي مره مهم تسوا لـ وجيهكم مساج الوجه .. عارفين ليش ؟
لان الكولاجين يكون في طبقه عمييييقه في البشره .. عشان تحفزيه و تحركيه حاولي تسوي مساج ناعم لـ وجهك مع اي كريم مرطب عندك
و لو كان كريم كولاجين يكون احسن ..
يصير انتي حفزتي طبقات البشره انها تتحرك و الكولاجين يبدأ يفرز فوائده مره ثانيه
و التعرض للشمس مباشره بدون ما تحطي واقي من الشمس .. راح يقلل الكولاجين ..
مع تقدم العمر يسير الكولاجين خامل و ما ينتج زي لما كنا اصغر
و نقص الكولاجين يسبب الجفاف و البهتان و التجاعيد
عشان كذا ما في احد صغير يكون عندو تجاعيد .. لان الكولاجين افرازو ممتاز
كل ما نكبر يقل .. فـ يسبب تجاعيد البشره
و يعالجو التجاعيد بالكولاجين
نقص الكولاجين كمان يسبب الهالات السودا لو ما كانت وراثه
و يسبب بقع الحبوب اللي ما تروح
فـ من جد الكولاجين جدا مهم للبشره .. و لازم تعرفي تحافظي عليه و تحفزيه ..
و على فكره الكولاجين يدخل في صحة الأظافر و الشعر ..
نختصر فوائد الكولاجين ..
• يعطي الجلد والشفتين مظهر الامتلاء.• يقلل من عمق الثنايا والتجاعيد.
• يقلل من خطوط وتشققات "أقدام الغراب".
• يقلل من الهالات السوداء حول العينين.
• يعزز مرونة الجلد.
• يقوي ويشدد الجلد المتدلي.
• يخفي علامات الإرهاق.
• يعطي مظهرا نشيطا ونضرا.
• يساعد في تألق الوجه بشكل طبيعي.
• يعيد للبشرة مظهر الشباب والحيوية.
• يلوّن ويرطب الجلد.
,,
و اخترعو أشياء كثير بالكولاجين ..
إبر الكولاجين والنضاره .. بودره الكولاجين اليابانيه اللي جات في برنامج أوبرا .. حبوب الكولاجين
هي ممكن تكون فعلا مفيده .. بس الواحد لازم يكون حذر في هذي الاشياء .. شخصيا انا مكتفيه بـ الكريمات اللي يكون
من عناصرها الكولاجين .. او كريمات كولاجين .. لكن انتي تقدري تروحي تسألي دكتورة بشره ثقه عن إبر الكولاجين
لان مره انتشرت و صارو يسووها كثير ..
طيب كيف نحافظ على الكولاجين عن طريق أكلنا ؟
نحاول ناكل الأشياء الغنيه بـ الكولاجين .. و اهمها اللي موجود فيها فيتامين c
زي البرتقال مثلا .. بنات جربو تشربو لمدة اسبوعين عصير برتقال فريش على الريق و شوفو كيف حتتغير بشرتكم
هذا شي انا جربتو شخصيا .. بس لاني ما احب عصير البرتقال الفريش .. انا اكلو على الريق تقريبا من شهرين
و شوفو بنفسكم النتيجه .. جدا رائعه .. =)
,,
طيب أنا حأقتبس لكم القائمه اللي أنا حافظتها عندي عشان ارجعلها دايما ..
"يحتاج الكولاجين إلى أربعة عناصر للابقاء عليه حيوياً في الجسم، هي: الفيتامينات a وc و e والسيلينيوم.
يتوافر فيتامين a في أنواع الخضار كافة المستعملة في السلطة، البازلاء، الفاصوليا الخضراء، الأفوكادو، الفاكهة الصفراء والحمراء والخضراء كالمشمش والخوخ والبطيخ الأصفر والتوت بألوانه المختلفة ومسحوق البابريكا الأحمر والطماطم والسبانخ والجزر والملفوف والقرع والبروكلي والسلق والكرات...
أما فيتامين c فيتوافر في الفاكهة الطازجة، خصوصاً الحمضيات كالكيوي، الليمون، البرتقال، التفاح الحامض، فيما يتوافر فيتامين e في الزيوت النباتية بأنواعها المختلفة.
عنصر السيلينيوم موجود بكميات كبيرة في الحبوب على أنواعها، حبوب الفطور، الرز الطبيعي، أنواع الفطر، نبات الأسباراغوس، الثوم، الأجبان على أنواعها، البيض والكبدة.
كذلك يمكن الحصول على هذه العناصر الأربعة المضادة للأكسدة على شكل عقاقير وكبسولات وغيرها من الصيدليات. "
في شي كمان أنا دايما أسويه ..
أنا أخذ الشاورز حقتي بـ مويا دافيه مايله للحراره .. شي ضروري أسويه قبل ما اخلص
افتح المويا البارده فجأه على جسمي .. هذا الشي يشد بشرة الوجه و الجسم .. و يقفل مسامات شعرك فـ يقل التساقط إن شاء الله
راح أقتبس مره ثانيه .. عشان تفهمو نقطتي أكثر:
"الحرارة والبرودة
تحب مادة الكولاجين التغير في درجة الحرارة بين الحرّ والبرد، لأن البشرة حساسة وتقوم برد فعل مباشر لدى مواجهة أي منها، وتنقل هذا التغير إلى الأعصاب والدماغ ما يؤدي إلى إثارة الخلايا والأنسجة عموماً ومادة الكولاجين خصوصاً.
تكتسب البشرة أحاسيسها نتيجة تعرّضها لحرارة الشمس والعواصف والتيارات الباردة، لذلك تتفاعل مع التقلبات في درجات الحرارة وتستجيب لها إيجابياً، من هنا ننصح بالاستحمام بالمياه الباردة والدافئة بالتناوب يومياً. "
و طبعا ما يحتاج أقولكم فوائد المويا .. بنات ضروري تشربي سوائل و مويا كثير
أنا كنت دايما أسمع انو المويا مهمه للبشره و انو ضروري و شي أكيد .. و ما فهمت فعلا هذا الكلام إلا لما جربتها بـ نفسي
بعد ما سرت ألتزم بـ المويا بشرتي مره اتحسنت .. و سارت رطوبتها طبيعيه و نضره ..
طبعا الفوائد مو بس لـ بشرتك للجسم كلو .. بس احنا بنتكلم على البشره الآن =)
يتبع
7
7
الكولاجين واهميتو لبشرتك لبشرة فاتحة
رد مع اقتباس
