عنوان الموضوع : 3 ماسكات لتقشير الوجه تجربتي ! لبشرة صحية
مقدم من طرف منتديات نساء الجزائر

3 ماسكات لتقشير الوجه تجربتي !



السلام عليكم ورحمة الله وبركاته ..
أسعد الله صباحكم
بدخل بموضوعنا اليوم ~

طبعاً من عنوان الموضوع 3 ماسكات من تجربتي الشخصية مفييدة جداً ومغذية للبشرة وبتعطي إشراقه وتفتيح أيضاً

المآسك الأول : ماسك نشاء الذرة والخميرة
طبعاً مشهور هالماسك مرا إن نتايجه باينه من أول إستخدام

نحتاج إلى / ملعقتين صغيره نشاء الذرة , ملعقه صغيره خميره , عصرة خفيفه ليمون

بعد كذا إمزجيهم مع بعض وسمي بالله وحطيهم على وجهك وهو مبلل عالخفيف لين ماينشف بعدين حطي طبقه ثانية وسوي حركات دائرية ضروري جداً عشان الخلايا والجلد الميت يتجدد , بعد كذا إنتظري ربع ساعه [20 دقيقه] وإغسلي وجهك بماء بارد بعدين حطي بقطنه نااعمه قطرات خفيفه زيت زيتون وإمسحي فيه وجهك عشان يكون وجهك رطب مرآ وحده وماتتعبي كل شوي تحطين كريم


المآسك الثاني : ماسك بودرة الزنجبيل والسكر والملح
ماسك جداً خفيف وإن شاءالله راح تفرحي بالنتيجه

نحتاج إلى / ملعقه صغيره بودرة زنجبيل , ملعقتين صغيره سكر , ملعقه صغيره ملح , عصرة خفيفه ليمون

كالعادة إمزجيهم مع بعض بس أهم شيء لاتكثري من عصرات الليمون لأن الخليط إذا صار سائل ماراح ينفع يعني مقدار عصرة وحدة من الليمون الصغير يكفي , المهم حطيه على وجهك مع تطبيق الحركات الدائرية لمدة ماتقل عن [10 دقائق] وإغسلي وجهك بمويا باردة بعد كذا حطي بقطنة نااعمه كريم الأطفال أو زيت الأطفال أو زيت زيتون وياكثر فوائد زيت الزيتون ماشاءالله جداً جميل للبشره

المآسك الثالث والأخير : ماسك الحليب البودرة و البن تبع القهوة والقرفه المطحونه
هذا المساك جميل بس ماأستعمله كثير , واللي فيها حب شباب ورؤؤس سوده أنصحها فيه لأن معروف تأثير القرفه على الحبوب والحبوب عبارة عن بكتيريا وجراثيم بالوجه .

نحتاج إلى / ملعقتين صغيره حليب بودرة , ملعقة صغيرة بن , ملعقه صغيره ونص قرفه مطحونه

نخلطهم مع بعض بس قبل لا تحطينم ع وجهك إغسلي بوجهك بأي غسول أو اي صابون حتى لو صابونه ديتول أو لايف بوي عشان وجهك يكون نظيف لإنك لو غسلتي وجهك بالصابون بعد الماسك بيتقشر وجهك ويحتاج ترطبينه كثير , المهم بعد ماتغسلينه حطي الماسك على وجهك [30 دقيقه] بعدهآ إغسلي وجهك بمويا دآفئة وحطي زيت زيتون أو مويا ورد أو مكعب ثلج عشان البشرة تكون مشدوده ومشرقه


^ للأمانة كل اللي أقوله لكم جاب لي نتائج غريبة عجيبة طبعاً أنا بشرتي سمراء لاهي غامقه ولا فاتحة في الوسط بس أحب أهتم فيها وإن شاءالله كل وحده طبقت هالماسكات ماتشوف فيها إلا الخير وطبعاً لو تلاحظون توني مسجله هينآ بس عشان أخبركم عن اللي أستخدمه أنا ونفع معآي .. أدري طولت عليكم لآكن أتمنى الكل يطبق ويعلمني إيش صار معاه ويدعيلي بظهر الغيب

وفمان الله


>>>>> ردود الأعضـــــــــــــــــــاء على الموضوع <<<<<
==================================


شكراً لك يالغلآ
ماسكات بسيطة ومكوناتها متوفرة بكل بيت والـأهم إنها طبيعيةة
يعطيك ألف عافيهـ ولعيونــك أحلى تقييم


__________________________________________________ __________


__________________________________________________ __________


__________________________________________________ __________


__________________________________________________ __________