عنوان الموضوع : ?Body Brushing? and Dry -للعناية بالبشرة
مقدم من طرف منتديات نساء الجزائر

?Body Brushing? and Dry



الموضوع هذا أعرفو من فتره طويله
و مره ندمانه اني ما كنت أسويه من يوم ما قرأت عنو أكثر
آخر شهر جلست عليه جلسه محترمه حاولت أفهمو مزبوط
و قررت أقولكم و اعرّفكم عليه لو ما تعرفوه او لو كنتم زيي عارفينو بس مو فاهمين اهميتو و فائدته

السبب الخاطئ اللي أغلب الناس عارفين عنو بس مهملينو لانهم فاهمينو غلط
زيي مثلا أنا لما عرفت عنو كل اللي قرأتو انو ينفع للـ سولولايت و يكسرها و كذا
أبدا ما همني لان ما عندي سولولايت و كثير ناس يقولو ان الناس فاهمين مهملينو
محسبينو بس للـ سولولايت فـ الناس اللي ما عندهم يطنشو

المعلومات الحلوه و اللي عرفتها عنو مو بس لل سولولايت
ف لو ما كان عندك سولولايت برضو كملي قرأه لان الشي هذا جدا جميل

زي ما قلت أعرفو من فتره طويله لكن اخر شهر اتكثفت فيه أكثر

البودي برشنق هو انك تمسحي على جسمك ب فرشة جسم لكن بدون مويا او بدون كريم
ضروري يكون جلدك جاف عشان كذا اسمو
Dry Brushing


غالبا البودي برشنق يسوه في السبا
عشان يعطي جسمك مظهر جميل و slim
بس عادة يكون غالي و البودي برشنق عشان تبان نتايجو صح
لازم يكون يوميا و لو مو قادره يوميا على الأقل 4 أيام في الأسبوع
ايش حيوديك 4 أيام كل اسبوع لـ سبا عشان تسوي التريتمنت هذا و طبعا يكون بالمبلغ الفولاني
غير انو اصلا مو كل السباز عندهم

طيب خلونا نتكلم أكثر على فوايده

أول شي ال دراي برشنق راح يحرك الدوره الدمويه في جسمك
راح يعطيكي طاقه و انتعاش طبعا في طريقه معينه للبودي برشنق راح أذكرها تحت إن شاء الله
زي ما قلنا يحرك الدوره الدمويه و بالتالي شوفي كمية الفوايد اللي جسمك حيحصل عليها

يخلصك من الجلد الميت بإستمرار ف جلدك دايما حيكون صحي و نظيف

لو كان عندك سولولايت هذا أحسن حل لك
لان أصلا اللي اقنعني فيه تجارب الناس اللي كان عندهم سولولايت و اتخلصو منها
بما انك جالسه تحركيه على جسمك و هو جاف راح يحرك الدم و راح يكسر الخلايا الدهنيه
فـ تتفتت و تتخلصي منها إن شاء الله

مع الوقت لما تتعودي عليها و تصيري تسويها بـ إستمرار الحركه اللي تسويها فيها
راح تخلي الدهون تتوزع بدل ما تكون في مكان واحد يعني جسمك حيستفيد من الدهون المفيده
و الدهون الغير مفيده تتخلصي منها بالمشي و المويا و الرياضه البسيطه

تشجع خلايا الجلد على انها تجدد دايما .. فـ ما يكون في بهتان في جلدك

بشرتك حتكون smooth
حيكون كأنك جالسه ترطبيها 24 ساعه حيكون في Glow و مظهر صحي على بشرة جسمك

يحفز الجسم على إفراز الدهون الطبيعيه للبشره فـ بشرتك ما حتكون دهنيه و لا جافه
حتكون معتدله طبيعيه

يعوّد جسمك على مكافحة الدهون و السولولايت

و إنتي شوفي كمية الفوايد اللي حتحصليها فقط من "تحرك الدوره الدمويه" بشكل منتظم



الآن نجي ل الطريقه الصحيحه لل بودي برشنق

أول شي لازم كل التحركات تكون ل جهة القلب

إبدأي من تحت عند رجولك
من باطن القدم و بعدها من فوق القدم
بعدها انتقلي للساق و طبعا بحركه ل أعلى يعني على فوق
كأنك مثلا تسوي شايفنق لرجولك
ما ينفع تمسكي الرجل و الساق للفخوذ كلها ب حركه وحده
لا
زي ما قلت تبدأ من تحت الرجل للساق بخطوط مستقيمه لأعلى يعني لجهة القلب
لانك بكذا تحفزي الدم يتحرك للقلب و هذي هي النقطه الأساسيه
لما توصلي للفخوذ حركي الفرشه بـ حركه دائريه للأعلى
ابدأي من قدام الفخوذ و بعدها من ورا الفخذ كمان بحركه دائريه للأعلى
حتى مؤخرتك سويها ب حركه دائريه للأعلى

طبعا نوصل لليد حتى كف اليد سويه
يدك ابدأيها من الكف للذراع و حركيها حركات مستقيمه للكتف
طبعا تسوي الحركه لليدين

بعدها بطنك في طريقتين
حركي الفرشه ب حركات خطوط مستقيمه للأعلى يعني لجهة قلبك
و نفس الشي حاولي قد ما تقدري الظهر كمان
او انك عند بطنك حركيها على تحت و ظهرك على فوق



طبعا اللي خارج عن المعادله هذي اللي هو صدرك و وجهك
بما ان الجلد هناك حساس أكثر من اي مكان في الجسم ما راح يحتاج تسويه

لو كنتي اول مره تسويها حتلاحظي انو و انتي تفرشي جسمك جلدك حيدغدغك
و ممكن يقرصك شويا و هذا طبيعي بما انو لسا جلدك ما تعود
لكن الكل يقول انو بعد ما يتعود عليها الجسم حيكون عادي

ابدأيها تدريجيا يومين كل اسبوع بعدين 3 ايام بعدين 4 ايام ألين تسويها كل يوم
يفضل يكون في الصباح و طبعا لو كنتي حتاخذي شاور يفضل يكون قبل الشاور
و بعد الشاور حطي كريماتك و كل شي

ضروري يكون جلدك جاف لا تسويها مع اي مرطب او اي كريم
و بدون أي مويا

النتايج مع المداومه حتبان أكيد
جلدك راح يكون ناعم و سموث و شكل جسمك حيكون احلى و ارتب
و بدون دهون زايده لان حركة الدم تحرقلك الدهون أول بأول

نظفي الفرشه مره كل اسبوع بالمويا و الصابون
بعد ما يتعود جسمك على البودي برشنق ابدأي سويها كل يوم
ضروري تكون الحركه للأعلى بإتجاه القلب
لا تفرشي جسمك بخشونه خليها تكون حركات ناعمه


اللي خلاني ارجع اسوي سيرتش عنو فجأه افتكرت شي
وحده نعرفها عمرها في اواخر الأربعينات
جسمها دايما ناعم ما شاء الله و جسمها على عمرها بس ما في دهون
لما كانت أصغر و بداية ما تزوجت راحت عاشت في لندن
و من يوم ما عرفت عن هذا الشي سارت تسويه
و من جد ما شاء الله بانت نتايجو كويس و هي في اواخر الاربعينات مبسوطه و مرتاحه بجسمها
مره شي مهم انك تفكري ل بعدين قبل اي شي تستخدميه على جسمك و بشرتك
فكري كيف ممكن يكون جسمك و بشرتك لما تكوني أم و في الخمسينات


هذا الشي إن شاء الله راح اداوم عليه و ابدأ اسويه و أخليه شي أساسي من روتيني اليومي

تقدري تسوي سيرتش عن شكل الفرشه و تفهمي أكثر
كمان لو ما فهمتي طريقتي سوي سيرتش في اليوتيوب اكتبي
Body Dry Brushing

معليش ما حطيت الفيديو بس لان الحريم اغلبهم لابسين بكينيز
عموما اتوقع الكلام مفهوم الا لو كنتي محتاجه تشوفي كيف يسووها

إن شاء الله أفدتكم و تكون معلومات مفيده
من جد شي رائع و ما حبيت أخليه لـ نفسي ^^

>>>>> ردود الأعضـــــــــــــــــــاء على الموضوع <<<<<
==================================


يسلموو
معلومات مفيدة


__________________________________________________ __________

تسسسسسسسسسسلمين ياقلبي روووعه موضوع مميز ياعسسسسسسل


__________________________________________________ __________

المشاركة الأصلية كتبت بواسطة ..غلا العتيبي ..
يسلموو
معلومات مفيدة

الله يسلمك
منوره


__________________________________________________ __________

المشاركة الأصلية كتبت بواسطة ♫ ساندريلا ♫
تسسسسسسسسسسلمين ياقلبي روووعه موضوع مميز ياعسسسسسسل

الله يسلمك غلآأإتي
الروعةة مرورك
منورةة


__________________________________________________ __________

بس اختي عندي استفسار
دخلت اليوتيوب
وشفت عند بنت فرشاه
يعني نفرك الجسم باي فرشاه اوفرشاه خاصه بالعمليه هذا