عنوان الموضوع : الطريقه الثانيه (طريقه مميزه للحمام المغربي ) -للعناية بالبشرة
مقدم من طرف منتديات نساء الجزائر

الطريقه الثانيه (طريقه مميزه للحمام المغربي )



الطريقه الثانيه (طريقه مميزه للحمام المغربي )

يابنات طبعا اللي عندها اله السونا تستغني عن الكيس اللي في طريقة الاخت

طريقتي المميزة لعمل الحمام المغربي بالمنزل..
..اللي مايحبون الصالونات تعالوا اعلمكم السلام عليكم ورحمة الله وبركاته اليوم انا يايبتلكم
طريقتي بعمل الحمام المغربي بالمنزل بدون عناء الذهاب للصالونات وبحطلكم طرق وخلطات
الجسم اللي استخدمها وان شاء الله تستفيدون من طريقتي وتطبقونها وتشوفون النتيجة
الحلوة اولا قبل ماتقررين تسوين الحمام المغربي يفضل انك قبله بيوم او حتى دايما تستخدمين
للجسم خلطة الجلسرين والليمون وهي عبارة عن الجلسرين السائل الشفاف اللي عند العطار
وتخلطين معاه عصير ليمونتين وتحفظينه بزجاجة وتدهنين جسمك منه هالخلطة تبيض
مع الاستخدام غير ان الجلسرين يرطب ويلين البشرة

والحين تزهبين المقادير اللي بقولك عنها اولا الصابون المغربي وينباع عند كلللللللللل العطارين بكل مكان ثانيا
مفراكة بودي شوب اللي على شكل قفازات تييبين 2 حق الايدين واذا ماقدرتي ييبي مفراكة مغربية
هم تلقينها عند اي عطار ثالثا مفراكة ظهر وهي عبارة عن عصا خشب طويله بنهايتها مفراكة
وهم موجودة عند العطارين وبالجمعيات اذا مالقيتيها مومشكله بس دبري احد يفرك ظهرك رابعا
صحن حاطة فيه عصير نصف ليمونه مع ملح خشن لتشكيل مزيج سنفرة يعني هالخلطة بتكون بمثابة
سنفرة واذا مافي ملح خشن حطي ملح عادي بس كثري عشان لايذوب بالليمون وماتستفيدين
منه خامسا قدر تحطين فيه ماء مغلي او جهاز بخار للوجه او اذا عندك غرفة بخار بالبيت
احسن سادسا كيس نايلون مال المصبغة الطويييييل اللي على طولك ولا تستخدميت كيس زباله
عزكم الله لانه موزين فيه مادة موزينه اذا مالقيتي كيس طويل خذي كيسين اقصر ولصقيهم
ببعض يعني شوفيلك صرفه سابعا وهذا شي اختياري للي لهم خلق ومتفرغين مثلي
هذي خلطة لتنعيم الجسم وتبييضه وساعات اسويها من غير حمام مغربي وهي
عبارة عن ملعقتين كبار سنفره اي نوع متوفر بس يفضل سنفرة المشمش
وملعقه هردة اللي هي طحينه مثل ماركة النخله وملعقه كبيرة طحين حمص وعلبة كارنيشن
تخلطينهم عدل عدل وتخلينهم لين اقولك متى تستعملينهم والحين نجي للطريقة:
اول شي شطفي جسمك بماي ونشفيه بالفوطه واخذي الصابون المغربي
ودهني جسمك كلللللله فيه من فوق لتحت مو فرك لا بس دهان وبعدين اخذي كيس النايلون
اللي عندك وافتحي فتحة لراسك بس وخلي الكيس يغطيك من فوق لتحت بس راسك بره
وخلي جهاز البخار او قدر الماي تحتك داخل الكيس يعني بين رجولك
وانتي داخل الكيس عشان البخار يصعد ويظل داخل كأنك بغرفة ساونا
وظلي على هالوضع ربع ساعة يكون جسمك تفتح مسامه وكل شي بعدها شيلي الكيس وروحي
للدش وشطفي جسمك بماي بس ولبسي المفراكة بأيدك وقعدي فركي جسمك كله من فوق لي
تحت راح تشوفين البلاليط يطلع من جسمك والسواد والقذارات كلها واخذي مفراكة الظهر
وفركي ظهرك عدلللل او خلي احد يفركك اذا مالقيتي مفراكة ظهر الحين عقب ماشلتي الصابون المغربي
بالوسخ اللي لصق فيه وجسمك مساماته متفتحه حطي خلطة الحليب الكارنيشن والهردة والسنفرة اللي
قلتلك تحضرينها دهني جسمك فيها وخليها ربع الى نص ساعه وبعدها غسلي بماي وافركيها بايدك
عشان تطيح طبعا ماراح تطيح كلها الحين تاخذين سنفرة الليمون والملح وفركي جسمك فيها عدل عشان
تنظفينه من الخلطة والوسخ وكلللل شي لانه الملح والليمون يعتبر معقم ومنظف عمييييق عقب
كل هذا اذا تبين تقدرين تستخدمين شاور جل عشان يعطيك ريحة حلوة وبس خلص الحمام المغربي روحي
غرفتك وتنشفي وتدهني ببدي لوشن او اي كريم للجسم وتمتعي بنظافتك ونعومتك اللي الكل بيحسدك عليها هالطريقة اذا كررتيها كل اسبوع بتشوفين الفرق الشاسع باللون والنعومة والاثار وكل شي يشوه جمال جسمك "
هذي الطريقه منقوووله من منتدى عروس لأحدى الاخوات الله يعطيها العافيه
****************************
طريقه ثالثه (بالمقشر)1-

أي مقشر يناسب جسمك وتقدرين تستغني عنه بهذا المقشر تراا(مقشر فتون علف ))ا ممتاز وتلقونهم في الصور المهم تدخلين الخيمه وتجلسين لييين مايعرق جسمك وتحطين المقشر ودلكين فيه جسمك وانتي تحطينه بعد المده المحدده تفركينه بااي مفركه لصنفره
2- بعدين تطلعين من الخيمه وتتروشين بماء بارد وتغسلين جسمك بشور جل وترطبين جسمك بماء ورد او ثلج

((( المقشر فتون علف )))
جبتلكم اليوم وصفة عجيبة للجسم تبيض وتنعم وتنظف وتخلي الجسم زبدة لاتطوفكم وهي جدا سهلة وبسيطة
المكونات هي:
3 ملاعق كبيره حليب باودر
4 الى 5 ملاعق هرده ( طحينيه السائلة مو الحلاوة الطحينية )
عصير ليمونه وحده
3 الى 4 ملاعق سنفره جسم ( اي نوع بس يفضل على مشمش )
ماء حسب الكميه للعجن

وبس تخلطون المقادير كلها مع بعض وتدهنون فيها الجسم وتخلونها ربع ساعة الى نص ساعة واللي تبي تخلي اكثر يكون احسن مايضر
بعدها راح تكون ناشفة تقومون تفركون جسمكم بايدكم مو بالليفة بحركة دائرية وراح تطيح من جسمكم وبعدها تتروشون عادي وتحطون شاور جل او اي شي تبون وشوفوا بعدها النظافة واللمعان والريحة الحلوة((هذا صار بونكس 3 في 1 خخخخخخخخخخخ))
بس هاااااااااا ترى ماتصلح للوجه ترى قوية عليه
موتقولون ماقلتلكم ترى انا حذرتكم وانتوا كيفكم هالوصفة للجسم بس
وترى كل اللي جربوها دعولي و إن شاء الله انتوا بعد تدعولي بعد ماتستفيدون منها
وانا انصح العرايس فيها اذا يسوونها بالاسبوع مرة او مرتين بيلقون نفسهم ابيض من القشطة وانعم من الزبدة
وهي تستعمل مرة او مرتين بالاسبوع
ناطرة ردودكم وتجربتكم))



يتبع

>>>>> ردود الأعضـــــــــــــــــــاء على الموضوع <<<<<
==================================


الله يسعدك على هالحمام وياليت تكملي


__________________________________________________ __________

بصراحه ابدااااااااع ماقصرتي اختي

تقبلي مروري وننتظر جديدك


__________________________________________________ __________

شكر على الردود


__________________________________________________ __________


__________________________________________________ __________