عنوان الموضوع : قصيدة تبكي من لا يبكي -همس القوافي
مقدم من طرف منتديات نساء الجزائر

قصيدة تبكي من لا يبكي



قصيدة تبكي من لا يبكي

--------------------------------------------------------------------------------

اعجبتني فاحببت نقلها لكم

اقرءوا معي ما كتبه هذا الشاب متهور تعرض إلى حادث وكان معه أمه فتوفيت وبقي هو علي قيد الحياه وكتب القصيده هذي:


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

أسال الله أن يغفر لها ولجميع موتى المسلمين

>>>>> ردود الأعضـــــــــــــــــــاء على الموضوع <<<<<
==================================


فعلاً قصيده رائعه وكلمات معبره عن حادثه مؤلمه

كان الله بعونه والهمه الصبر والاحتساب

سلمتي غلاتي على نقلك الجميل


__________________________________________________ __________

العفو اوراق هذا من ذوقج


__________________________________________________ __________

اه ه ه ه ه
مشكوره


__________________________________________________ __________

هو الموت دائمـــــا ً الذي يغيب عنا من نحب . ولكن عزاؤنا أنه سنة الله في هذه الحياة .. وأننا جميعا ً بنفس الطريق نسير..

بصراحة القصيده يتضح فيها الإحساس والشعور وحزن القلب يتضح فيها كل معاني الفقد والفراق
وكيف لا .. وهو فارق الام .. تلك المخلوقه التي هي تحمل في ثناياها أرق القلوب

الله يصبرهـــ .. ويغفر لها ويرحمها ..

وكل الشكر لك اختي بنت الكويت على نقلك الرائع


__________________________________________________ __________

اموله
تالين
تحياتى لكم حبايبى