عنوان الموضوع : خلت الشمس الصداره ومالت للغروب ـ ـ ـ !! -همس القوافي
مقدم من طرف منتديات نساء الجزائر

خلت الشمس الصداره ومالت للغروب ـ ـ ـ !!



:
:



قصيده للشاعر ,,,// سعد علوش ..

برى حالي لا أنتهى العصر وأعلن الانسحاب
و خلت الشمس الصداره ومالت للغروب
وأذن المغرب وساد الفضا مثل الضباب
وانتهى ... والليل لبس الأماكن لبس ثوب
وردت همومي على قلبي الصلب خراب
وردت حيام الضوامي على عد جذوب
كلها هانت ولاهنت يا هم الغياب
من محبة صاحبك صرت ياهم محبوب
و إخذ ليلك باوله واكل واشرب في رحاب
قلب من شدة طهارته تجفاه الذنوب
إيه والدنيا مساكن ورحله واغتراب
والغلا في الوقت هذا مميز بالعيوب
أشمل بجسمي واعدي على روس الهضاب
كل ماضيعت وجهي دريت إنه جنوب
ويش أسوي فيك ياعم تلعات الرقاب
وأنت واقع والتمعان في عيونك هروب
أنت "مجرم حب"... لا ... ويش جاب لـ ويش جاب
أنت عذب...عذب رجيلي بشوك الدروب
صرت أهاب من التزاحم وأنا ماكنت أهاب
وأمشي بكيفك لو إني على المشي مغصوب
صرت أجمع من جروحك وكلماتك عتاب
وقبل اقول اشفيك تجرحني ؟ استغفر واتوب
صرت أحسب الناس ماكنت أحسب لها حساب
وصرت اكذب لاجل ترضى وأنا ماني كذوب
شوف مهما صار بي إنحنائي إنتصاب
إلعب بعمري وبعثره بايدك يا اللعوب
أدري ان الجاذبيه تسبب الانسكاب
وادري اني منسكب ... وادري ان ايديك كوب
سلت فـ ارضك وارتوت بي...وفاضتني عذاب
لين حبتني قلوب وتعادت لي قلوب
فـ اعرف ان زولي غدير...وحكاياهم سراب
والمقادير الايادي وشين الحظ طوب
يعني ليا رموني حقيرين الجناب
صار زولي عشرة ازوال وعيوني جروب
آتعدد لاجل اداريك عن طيش الشباب
وآتوجد لين يطغى على وجهي شحوب
ماني استاهل كذا منك ياوبل السحاب
لاتبللني وانا ودي انك ماءٍ شروب
إيتني...وادخل القلبي ياقلبي...باب باب
واخطر عروقي برجليك يا اسمر دوب دوب
جل من ولى عروقي بقنينة تراب
نوب تضحك من عذابي وتبكي منه نوب
لو لي دعوه وحيده... وتستجاب
قلت: ياربي ليا مر...خالفه الهبوب
زوي قلبي كل ما أزويت خصرك بانسياب
و وقف العالم يرد البحر من كل صوب
ياخلاصة شهد وعذوق مالذ وطاب
يامغلبني وانا مابعد صرت امغلوب
يامسفرني لوجهك ذهاب بلا اياب
يامعزز بالغلا يامقدر يامحسوب
إيتني واذهب بي بعيد...يامال الذهاب
ضمني بايديك أبجمد على صدرك واروب
انت لو ضميت تمثال من ضمتك ذاب
كيف لو ضميت صدر على ذكرك يذوب ؟!


منقووووووووووله ...

>>>>> ردود الأعضـــــــــــــــــــاء على الموضوع <<<<<
==================================


فديتك يخقق يسلمو


__________________________________________________ __________

المشاركة الأصلية كتبت بواسطة قمر هايم
فديتك يخقق يسلمو

هلا وغلا ...
الله يسلمك ...
مشكوره غاليتي على المرور ...

خربشات قلم ...


__________________________________________________ __________

تسلمي حبيبتي
نقل رائع


__________________________________________________ __________

.
.
.
ابدعتي خربووووشه


يعطيييكك الف عااافيه


لاتحرمينا جديدكك


__________________________________________________ __________

هلا وغلا ..
أسعدني تواجدكم ..
لا خلا ولا عدم ...
مشكورين على الردود ..
الله يعطيكم العافيه ...

خربشات قلم ...