عنوان الموضوع : سلمى ... -خواطر
مقدم من طرف منتديات نساء الجزائر

سلمى ...



السلام عليكم ورحمة الله وبركاته ..



ينوح البحر.. والمينا .. و شاطي العشق والأطلال ..

وانا غاارق بموجة حزن .. عبّا موجها صدري ..


لفاني الليل ... واثر الليل .. خافق ساحر ٍ دجّاال

حسبته ياخذ بيدّي ... وأثره يلعب ببحري ..


طلاسم قالها و هبّت .. دموع البارق الهمّال

على قلب ٍ يفوح هْموم .. طفّى دمعها جمري


اشوف الويل يا ويلي .. ولا حولي اشوف حْبال ..

ويطرد داخلي ياسي .. سراب ٍ غادر ٍ (.. ِعبْري .. )


ثلاث سْنين يخدعني .. وانا خلفه كما الحمّال

و كل ما قلت له وقّف .. ضحك لي و قال لي .. بدري


حملت احزان .. وحدة وْ شوق .. غربه وْ تيه .. مع ترحال ..

كأني حر ّ في صحرا كئيبة .. واحكمََت أسري


طلقت الصقْر .. من شفت الفريسة بالسما تختال ..

ولاهي صادها صقري .. ولا هو ردّ لي صقري ..


ألا يا شين ما ذل ّ العيون و دمّع الرجّّّال

ولا يا شينها الدمعة .. اذا هلّت من البكري


صحيح ان العشق قبر ُ وْ صحيح انّ الهوى قتّال

وانا آمنت بانّي هالك ُ وْ هاذا العشق .. قبري


وانا بين الحيا والموت يا سلمى .. شكيت الحال ..

بربّك .. راضية ب حالي .. اوَ انّه .. طاب لك نحري ؟


غيابك .. كبّل احساسي .. على جْدار الحزن .. باغلال

مقيّد .. والفراق سْجون .. أنحت وسطها .. شعري


اذا هو موتي مْرادك .. انا ميّت على كل حال ..

انا من غيرك العيشة بلاها .. وانتهى أمري


يزول العمْر كلّه .. والهوى في داخلي ما زال

بوصلك يبتدي عمري.. بدونك ؟ ينتهي عمري ..


ولا لي اي ّ حيلة .. في مشاعر قلبيَ الميّال

كذا .. من وين ما تسري .. انا من خلفها أسري


احبّك حيل يا سلمى .. بريء بْراءة الاطفال

وكيف اقدر اصبّر طفْل ..يبكي حيل من صبري


صدِقْ .. مشتاق لك .. يا ليت لو .. كل من تمنّى نال ..

تمنّيت الغلا يُكْتَبْ هنا .. في عينيُ وْ تقْري


بتدرين شْ كثر تطرين يا سلمى على هالبال ..

وتدرين شْ كثر تسوين لي .. يا حبّيَ العذري


تعالي شوفي َ احْوالي .. وشوفي حالة الجوّال

يغرّد في غيابك حزن .. كنّه في القفص .. قُمْري


وشوفي شْلون من دونك .. دمع مع دمعتي .. تمثال

وشوفي شْلون في هجرك .. سبب .. وسواسي القهري


يهون عْليك يتشمّت بيـَ الاصحاب .. والعذّال ؟؟

يقولون الملا ... وش بك ؟؟ وانا قول الهوى ..عذري


يقولون البشر واجد .. وانا ردّ السؤال سْؤال

ادوّر في النجوم الباهتة وْ .. سلمى انا بدري ؟


لعمري ما مثِلْ سلمى .. ولا بعد الجمال جْمال

كأن الله خلقها ف ْ شكْل فتنة .. تسريُ وْ تمري


مهاة ٍ داعج ٍ سمرا .. ولا بعد الكمال كْماااال

تقول انّه سحِر تاروت .. يسكن وجهها السحري


تذوب بْعينها القمرا وْ تلوّى في نحَرْها الشّال

وتضوي خصلة ٍ شقرا .. ليالي شعرها المُغْري


يغار بْيدّها الخاتم .. اذا في صدرها .. سلسال

واذا سلسالها اتكلّم .. هذى من كثرة السكْري


تساوت ارضها قدّامها ... تمشي .. تهدّ جْبال ..

وترفع لجلها وديان ... وانْ هي حاولت ..تجري ؟


تمايل حولها الريحان .. يتبع خصرها .. لا مال

وغازلها الزهر والبان.. لبّى عودك المبري


يقول الناسك ان مرّت .. معاذ اللااه .. من ما قال

تقلّه وش زنا عينك ؟؟ لحقها وْ قال .. لا أدري


يقولون البشر واجد .. وانا ردْ .. غير سلمَ مْحال ..

يقولون العشق قبرك .. وانا قول العشق.. عذري


يزول العمْر كلّه ... والهوى .. في داخلي ما زال

بسلمى .. يبتدي عمري .. بعَدها ينتهي عمري ..


عجبني ونقلته لكم

>>>>> ردود الأعضـــــــــــــــــــاء على الموضوع <<<<<
==================================


حبيبتي فاقده ابوها

صح لسان قائلها وصح قلبه وتسلم انا مل ناقلتها

حبيبتي مشكوره على النقل الرائع

والله يعطيك الف عافيه

تقبلي مرور اختك

( إحساس طفله )


__________________________________________________ __________




بـِ بسَاطة .. هنَاا كل شيءٍ إبداع


اذا هو موتي مْرادك .. انا ميّت على كل حال
انَاا مِنْ غيرك العيشة بلاهاَا .. وانتهىَ أمري


لااا هَانت يمينك, تستَاهلين التقييم لـِ روعَة إختيَاراتك


__________________________________________________ __________

بسلموووووووووووو فاقده ابوها

ويعطيك ربي العافيه احسنتي الاختيار

الدلع بسمي انكتب


__________________________________________________ __________

سعيدة بوجودكم الغالي

مانحرم من طلتكم يارب

لكم مني كل الشكر وتقدير


__________________________________________________ __________

ان دل هذا الشعر الرائع على شي فهو يدل على ذوقك الجميل جدا على اختياره ..... الله يعطيك العافية