عنوان الموضوع : كفايه قصائد
مقدم من طرف منتديات نساء الجزائر

كفايه







كفايه صار لك شهرين غايب عني يا الغالي
كفايه يا أعز الناس ترى والله ما أقدر
دخيلك لا تخيب فيك هقواتي وآمالي
وإذا إنها عالصبر والله وغلاتك عندي راح أصبر

أبا أتحمل عنا فرقاك وحالي يرثي لحالي
مع إني والله لين اليوم ما ادري ليش بس تهجر
أبا أعرف شالسبب أرجوووك وشاللي بس يجرى لي
أنا شسويت يا ربي عشان تثور وتتفجر

أنا والله ما استاهل أبد كل إللي يجرى لي
أقل ما فيها بس قلي سبب خلاك تتغير
أبا أعرف بس شالموضوع علامك صرت ما تبالي
ابذمت كل أهلك في يوم شفتني بشي أنا مقصر

عطيتك قلبي وروحي وهبتك حالي ومالي
حملت إحساس هالدنيا وعطيته لك وأنا افخر
عشقتك عشق لا قبله ولا بعده انعشق تالي
هويتك موووت وتخيل ألين الموت وتصور

وإذا جاني مسج منك مخزن رقمك الغالي
ولا أمسح رسالاتك أتم اقراها وأفكر
وأحلل كل كلمه بالمسج الله يا غربالي
وأقول فخاطري معقوله حاسس فيني ويشعر؟!!
وأرد اقول: لا يمكن تذكرني وهو سالي
لأني توني مطرش مسج طرش مسج يشكر
وأرد أقول: لا أدري يبيني وحاسس بحالي
وأرد أقول: لا ما ظن على باله أنا أخطر

إلين إني أنا اتأكدت قلبه بالفعل خالي
ولا غيري أنا بقلبه يحبني موووت ويقدر
لأني مره من المرات طرت فكره على بالي
نويت أزعل بدون أسباب واشوفه لو بيتأثر
أبعرف قدري بقلبه بيهمه وضعي الحالي؟؟
أو إنه راح يطنشني ولا يسأل ويستفسر

وفعلا دق ما جاوبت حرق لي والله جوالي
ثلاثة الاف مره دق وأنا مطنش ولا معبر
كتب لي بالمسج اطلع أنا عند بابك الحالي
قسم بالله ما تطلع لاخربها أنا واحدر

ومشكلتي أعرفه زين يسويها ولا يبالي
نزلت وخاطره مكسور يقول شفيك متغير؟؟
وقلت له بس أبي أتأكد إذا قدري معك عالي
ضحك لي وقال: إتأكدت؟؟ ودمعه بلل المحجر

وطارت فيني الدنيا لمكاني صاحبي جالي
تعذر لي وأنا الغلطان وأنا إللي لازم اتعذر
بعدها عشت أحلى أيام في قربه هنيالي
وصلنا لمرحله ما نفترق عن بعضنا واكثر

بعدها فجأه خلاني ولا يسأل عن أحوالي
وأنا في خاطري أدري محال فيوم يتغير
أدق له ما يجاوبني بديت أشك في حالي
أخاف إنه حصل له شي أخافه بس متكدر

لعب في قلبي الوسواس خياله ما تهيالي
حوالي ألف مسج طرشت حبيبي يا عسى ما شر
ولا جاوب وأنا قاعد على أعصابي وغربالي
حبيبي صار له أسبوع فيني حتى ما فكر

إلين إني عرفت شلون اخلي خلي الغالي يكلمني
وجت فكره بعد ما مت وأنا أفكر
وفعلا إتصل فيني وبدت أحزاني وأهوالي
وكانت صدمتي كبيره علي الغالي يتغير

سألته قلت له: وشفيك؟؟ ما من شر يا الغالي
وش إللي صار بالدنيا علامك ليش متبعثر؟؟
أونك يعني ما تدري بدونك صرت أنا لحال؟؟
ولا لي خلق أي إنسان كثر مافيك أنا أفكر

وجاوبني وقال: ارجوووك أبي هالدنيا تصفى لي
أنا مليت من وضعي وأشوف الكل متغير
أنا ضاقت بي الدنيا وأبي أبقى أنا لحالي
خلاص أتركني لا تسأل وأنا برجع عقب أشهر

وقلت له: مو علي تكذب أعرفم تضعف قبالي
تكلم قول شالموضوع بدا قلبي يدق أكثر
سكت لحظه وقال أرجوووووك ابعد عني يا الغالي
وخلني أذكرك بالخير وأنت مثلي اتذكر
ولا تطرش مسج واحد ولا اتدق لي أبد تالي
وإذا لي خاطرٍ عندك لا تتكلم أبد سكر

وقلت له: والله ما اسكر الين تقول لي وتصفى لي
وقالي: والله ما اتكلم ولو تبكي دمع أحمر
ولكن شوف ربعك وإنت تعرف بس وش جالي
خلاص افهمها عالطاير لا تحرجني بعد أكثر

وسكر والدمع فيني على الخدين همالي
قسم بالله ما ادري علامه قلبه تحجر؟؟
فؤادي إنهار وانا حملي يهد جبال وجبالي
في لحظه صارت الدنيا في عيني هالكبر وأصغر

حسافه ما توقعته يصدق فيني عذالي
حسافه ما هقيته يوم يصد عني ويتغير
وبعدها صار لي ما صار وربي يعلم بحالي
فؤادي باقي بس شوي وأحسه من الجسم يظهر
بديت أعرق ما أدري ليش وخابت كل آمالي
أنا توقعت كل الناس ولا اتوقعت هو ينكر

وقلت بخاطري خله مصيره يرجع الغالي
أكيد إنه سمع أي شي وجوه صار متعكر
ولكن طول غيابه وزادت فيني إعلالي
مرض قلبي وتعب فكري وأحسه جسمي متخدر

وقلت خلني أطرش له مسج وأشكي له أحوالي
وطرشت المسج وشوي دق لي ودون ما افكر
هلا والله يا أغلى الناس هلا والله بالغالي
ألو طارق.. ما قلت لك لا تذكرني أو أذكر
أبي بس أذكرك بالخير ياخي خلني في حالي
وقلت وخاطري مكسور: أنا آسف وما أكرر

قسم بالله لين اليوم وحالي يرثي الحالي
قسم بالله لين اليوم ولا أدري ليش أهو تغير
قسم بالله ما غضت عيوني ولاا هدا بالي
قسم بالله ما مر يوم إلا وفيه انا افكر
قسم بالله قلت بانساه بس طيفه يتهيالي
قسم بالله لو حاولت أنا انساه أتذكر

إلين اليوم أنا عندي أمل يرجع ويصفى لي
أقول الشوق بيرده على فرقاي ما يقدر
إلين اليوم وضحكاته وبسماته على بالي
إلين اليوم ما ارقد كثر ما فيه أنا افكر

أبا أعرف شالسبب أرجوووك وشإللي بس يجرا لي
أنا شسويت يا ربي عشان تثور وتتفجر
أنا والله ما استاهل أبد كل إللي يجرى لي
أقل ما فيها بس قلي سبب خلاك تتغير
أبا أعرف بس شالموضوع علامك صرت ما تبالي
ابذمت كل أهلك في يوم شفتني بشي أنا مقصر

أنا راح أنتظر ردك ولو حتى بمسج خالي
وإذا ما جاني منك الرد وغلاتك عندي راح اصبر
سنه سنتين إللي يهم اشوفك ثاني قبالي
ثلاث سنين أو أربع أبا اصبر يعني راح أصبر

ولكن حكم إحساسك وجاوب يا أغلى كل غالي
بذمت والديك يهون تنساني ولا تذكر
يهون إنك تخليني ولا تسأل ولا تبالي؟؟
يهون إنك تنام الليل وتتركني أنا أسهر؟؟

كفايه صار لك شهرين غايب عني يا الغالي
كفايه يا أعز الناس ترى والله ما أقدر
دخيلك لا تخيب فيك هقواتي وآمالي
وإذا إنها عالصبر والله وغلاتك عندي راح أصبر

>>>>> ردود الأعضـــــــــــــــــــاء على الموضوع <<<<<
==================================


يعطيك العافيه
وربي روعه هالقصيده


__________________________________________________ __________

بنت الرمس

سلمت يمناك حبيبتى

كلماتك كتير جميلة يا قمر

فى انتظار جديدك بكل شوق

تحياتى لك

ميرام


__________________________________________________ __________

مشكوره يا ميرام و تين على المرور


__________________________________________________ __________


__________________________________________________ __________