عنوان الموضوع : *جدول الاستعداد لرمضان .. في الاسلام
مقدم من طرف منتديات نساء الجزائر

*جدول الاستعداد لرمضان ..



السلام عليكم و رحمه الله و بركاته

كل عام وانتم بخير ويارب دايما مبسطوين

وموضوعنا بيقول ........


الدنيا قصيره مهما طالت , و أمامنا سفر طويل فلابد أن نتزود له , و خير الزاد التقوى .
سُأل سيدنا نوح عليه السلام عن الدنيا و قد عا ش فيها 950 سنه , فقال دار لها

بابان دخلت من باب و خرجت من الأخر .



النفس تبكى على الدنيا و قد علمت ان السلامه فيها ترك ما فيها
لا دار للمرء بعد الموت يسكنها اٍلا التى كان قبل الموت يبنيها

- اٍن الله اٍذا احب عبدا ساق اليه من يذكره به, فالحمد لله الذى اصطفانا و أسمعنا عنه و أذن لنا أن نعبده , فواجب علينا شكر هذه النعمه بالعمل . " اعملوا آل داوود شكراً "

و شهر وشهر شعبان ابتدى و خلااااااااااااص ان شاء الله رمضان قرب اللهم بلغنا رمضان .



ياله بينا نمشى على الجدول ده و كلنا نشجع بعض على طاعه الله , و نكون ممن

قال فيهم النبى صلى الله عليه و سلم: "يُنصب حول العرش منابر من نور , عليها

أُناس وجوههم نور , و لباسهم نور , ليسوا بأنبياء و لا شهداء , يغبطهم النبياء و

الشهداء , قيل : من هم يا رسول الله ؟ قال : المتحابون فى الله "

اللهم انى اشهدك انى احب كل الخلق اٍكراماً لك و احب كل المسلمين اٍكراماً للنبى

صلى الله عليه و سلم , فأحبنى يا من

أحببتهم من اجلك


*”˜˜”*°•. ˜”*°••••••°*”˜ .•°*”˜'˜”*°•.°*”˜

و هنعمل 3 مستويات للطاعه"

وفى ذك فليتنافس المتنافسون




الجدول الأول
* .•°*”˜'˜”*°•.°*”˜


1- الصلاه :-
الفرائض : -

للرجال : فى المسجد صف اول جماعه اولى .
للنساء : فى البيت فى أول الوقت ( و ان صلت فى المسجد فلا بأس ) .

السنن و النوافل :-
- ركعتين قبل الفجر .
- أربع ركعات قبل الظهر و أربعه بعده .
- اربع ركعات قبل العصر .
- ركعتين بعد المغرب .
- ركعتين بعد العشاء.
ثمان ركعات ضحى ( من بعد الشروق بثلث ساعه حتى قبل الظهر بربع أو نصف
ساعه ) .


- 13 (ركعه قيام ليل ( 10 + 3 وتر .
كده يبقى 17 ركعه فرض و 39 ركعه سنه يبقى 56 ركعه فى اليوم يعنى تسجد 112 سجده لله تعالى فى اليوم
و كل سجده تُرفع بها درجه و تُمحى بها خطيئه .


2-الصيام :-
اٍن شاء الله هنصوم كل يوم اثنين و خميس , و الأيام البيض ( 13 , 14 , 15 ) .
و طبعا اجر الصيام لا يحصيه اٍلا الله " فاٍنه لى و انا اجزى به " .

3- القرآن :-
اٍن شاء الله هنقرا فى اليوم 3 أجزاء من القرآن و ده مش كتير , الجزء بياخد نصف ساعه قراءه يعنى جزئين فى ساعه و نخلى الجزء الثالث نقوم به الليل , يعنى هو كتير على الله ساعه واحده فى اليوم كله !


4- الذكر :-
يا من تحب النبى صلى الله عليه و سلم فهو القائل " احق الناس بى يوم القيامه
اكثركم عليه صلاهً "
" ألا أدلكم على خير اعمالكم و أزكاها عند مليككم و ارفعها فى درجاتكم و خير

لكم من اٍنفاق الذهب و الفضه و خير لكم من أن تلقوا عدوكم فتضربوا اعناقهم و

يضربوا اعناقكم ؟ قيل : ما يا رسول الله ؟ قال : ذكر الله تعالى "

- 1000 صلاه على النبى صلى الله عليه و سلم ( لأ طبعاً مش كتير ده عشر

مرات بالسبحه يعنى 15 دقيقه و طبعا هنقسمها ع اليوم )
- 1000 سبحان الله .

- 100 سبحان الله و بحمده , سبحان الله العظيم .

- 100 سبحان الله و الحمد لله و لا اله الا الله و الله اكبر .

- 100 لا اله الا الله .
- 100 لا اله الا انت سبحانك انى كنت من الظالمين . ( دعاء سيدنا يونس عليه السلام فى بطن الحوت ) .
2017

استغفار
استغفار بأى صيغه ( استغفر الله الذى لا اله الا هو الحى القيوم و اتوب اليه ) ( استغفر الله العظيم و اتوب اليه ) ( استغرك ربى و اتوب اليك من ذنوب احصيتها و نسيتها )........................................


- اذكار الصباح و المساء .
- اذكار النوم .
- أذكار بعد الصلاه .


- الصدقه :-

ياريت يا جماعه نعاهد ربنا اننا كل يوم نطلع صدقه و لو شق تمره
لا تحقرن من المعروف شيئاً , فاٍن الجبال من الحصى .



آه اهم حاجه بقى و هى الأخلاق و المعاملات " انما الدين المعامله " .
1- بر الوالدين .
2- صله الرحم .
3- قضاء حوائج المسلمين .
4- الاجتهاد فى العمل و اٍتقانه .
5- التعامل الحسن مع جميع الخلق و الألفاظ الطيبه .
و ما شابه ذلك من أخلاق مثل عدم الكذب وعدم الغش و الأمانه ..............................................
و ياريت نحاول نبعد عن الحاجات اللى بتضييع الوقت او حتى نقللها .
طبعا الشيطان مش هيسيبنا كده , هيقول لنا ده كتير اوى و احنا لسه صغيرين , بس ان شاء الله احنا جدعان و هنفتكر حواره مع الله " قال فبما أغويتنى لأقعدن لهم صراطك المستقيم " و هنفتكر اللى عمله النبى صلى الله عليه و سلم عشانا .

قال رسول الله صلى الله عليه و سلم : " من عاش على شىء مات عليه , و من مات على شىء بُعث عليه "

لعل الله يقبضنا على ا عمل من هذه العمال و يتوفانا و هو راضٍ عنا .


الجدول الثانى
˜ .•°*”˜'˜”*°•.°*”˜الصلاه:-
الفرائض هى هى
السنن و النوافل :-
ركعتين قبل الفجر
أربع ركعات قبل الظهر و اثنين بعده
ركعتين بعد المغرب
ركعتين بعد العشاء
أربع ركعات ضحى
احدى عشر ركعه قيام ليل (8 +3 وتر
الصيام:-
ان أمكن أى اثنين و خميس و لو مش قادرين يبقى نخليه 13, 14 ,15

القرآن:-
جزء واحد فى اليوم

الصدقه:-
كل يوم لو حتى نصف تمره أو ربع جنيه

الذكر:-
300 صلاه على النبى صلى الله عليه و سلم
100 سحان الله
100 لا اله الا الله
200 استغفار

و أى عدد سبحان الله و بحمده , سبحان الله العظيم و اى عدد سبحان الله و الحمد لله و لا اله الا الله و الله اكبر

و اى عدد لا اله الا انت سبحانك انى كنت من الظالمين

و أذكار الصباح و المساء
و أذكار بعد الصلاه
و أذكار النوم


الجدول الثالث
*” .•°*”˜'˜”*°•.°*”˜
و ده ان شاء الله هيكون حد ادنى

الصلاه:-
الفرائض فى اوقاتها و فى المسجد للرجال

السنن و النوافل:-

ركعتين قبل الفجر

ركعتين قبل الظهر و اثنين بعده

ركعتين بعد المغرب

ركعتين بعد العشاء
ركعتين ضحى

أربع ركعات قيام ليل و ثلاثه و تر

الصيام
الأيام البيض
و يوم اثنين واحد و يوم خميس واحد فى الشهر كله يعنى 5أيام بس

الصدقه :-
هى هى


الذكر:-
هو هو ان أمكن بس و الله هو مش كتير و حتى جربوا و شوفوا الفرق

القرآن :-
جزء قرآن فى اليوم و ده هياخذ نصف ساعه بس ان شاء الله
و طبعاً الأخلاق و المعاملات مش فيها فصال



اما بالنسبه للعدد فى الأذكار فدى بس على سبيل التشجيع و ليس الابتداع فى

امور الدين

و اللى يحب يزود طبعا يكون افضل

و السبحه ايضا لمجرد العد فقط

و بالنسيه للجدول الأول
ايه رأيكم لو حد يحب يزود و يخليها 5 أجزاء قرآن

و ايه رأيكم لو حد م الشباب يعمل لنا جدول محاسبه نشتغل عليه كل يوم

و ياريت كمان لو يكون فيه حاجات تانيه

يعنى مثلا رياضه نعملها فى اليوم نقوى بها على عباده الله

او ما شابه ذلك
و جزاكم الله خيراً ووفقنا الى ما يحب و يرضى

منقول

>>>>> ردود الأعضـــــــــــــــــــاء على الموضوع <<<<<
==================================


رغوووودة
بارك الله فيكى واللهم عينا جميعا على طاعة الله وحبه


__________________________________________________ __________

منورة حبيببتي نور على تواجدك بصفحتي

يعطيك الصحه يااااااارب


__________________________________________________ __________

اللهم بلغنا رمضان ووفقنالصيامه وقيامه إن شاءالله

جزاكِ الله خيرآ أختي رغووووودة وبارك فيكِ..


__________________________________________________ __________

يسلموووووووا مهاتي على المرووور


__________________________________________________ __________