بنااااات السعوووديه بسرررعه تعالو شوفو اخواني واخوانكم وعلقوو -ضحك
عنوان الموضوع : بنااااات السعوووديه بسرررعه تعالو شوفو اخواني واخوانكم وعلقوو -ضحك
مقدم من طرف منتديات نساء الجزائر
بنااااات السعوووديه بسرررعه تعالو شوفو اخواني واخوانكم وعلقوو
تعريف بشباب السعودية
اول شي
اللي بيزحل ويسوي نفسه حساااس وياااي لا يدخل هـــا
اللهم بلغت اللهم فأشهد << يااقوووي
: )
أهلا وسهلا بكم في هذه الجولة السياحية في ربوع شباب السعودية
شباب مكة
معروفين بالمشاكل والمضاربات ...
ومن شروط المضاربه لديهم أنه يكون لديك ساطور أو سكين ..
وياويلك اذا دخلت حارة وعملت مشكله مع اي واحد منهم ..
صدقني وقتها راح ينزل لك منتخب كامل زي منتخب نيجيريا ..
بس للأمانة فهم شباب دمهم خفيف مبسوطين دائماً ..
ما يعترفو بكلمة ما اقدر.. يعني لو قلت لاي واحد منهم هيا بنا نمرح ...
يقولك : "اوف كوررس" وفي رواية "قدام" ويسمى الشاب منهم مكاوي
وجمع المذكر السالم "مكاويين"
ومن العبارات الشائعة لديهم مثل .....
"ودين صلاة امي"
"ياواد سيب الهيامه"
"استنا شويه "
"دحينا اهرجوووو"
"مكة حقنا"
ويا حبهم للفلسفه ..
في كل شي عارفين .. وما فيه احد تسآله ويقولك ما اعرف
إهتمامات البعض منهم منصبه على كرة القدم مع انه
ماادري فين يلعبوها كل الدنيا عندهم جبال .. الترفيع بدباب
شباب الطائف
سهل التعرف عليهم بدون الحاجه إلى معامل مخبرية او تشريح .. راح تعرفهم من طريقة لبسهم للطاقيه ...
من شروط اختيار الطاقية المناسبة : أن يكون إرتفاعها 150سنتيمتر وعرضها 5 سنتيمتر لما تمشي
بينهم تحس انك ماشي بين ناطحات سحاب مو بشر ... ويرتدون طواقي مشاء الله عليهم ...
دائماً تجد فيهم النشاط والحيويه لدرجة انهم مايناموا في الليل وعندهم منطقة مشهوره
على نطاق دول الخليج الا وهي "الحوية" << رجه ولا عنونك وش هذي؟؟
ويتصف شباب الطائف بأنه البعض منهم عدواني..
واذا مثلاً صادف انه عينك جات في عينه
.. راح يتمدد صدره ويشمر عن ساعديه ويقولك :
خير !! ايش فيك تطالع ؟؟ << أشك انها صفة والا بلاش لايزعل مني
احلام البعض منهم : التخرج من الثانوية العامة بتقدير جيد
ويشتري دباب اربع كفرات ويشتغل عليه
او يشتري قراندي موديل 88 ويسدح خشمها بالارض وهاتك تلميع
في الكفرات والصدام بزيت فرامل ومن ثم التوجه الى "منتزه الردف"
ويجب أن يكون بحوزته شريط لمزعل فرحان او فهد بن سعيد
نصيحة: إذا كنت مدرس في الطائف فخليك أخلاق
واعطي درجات والا والله تنجلد في الصرفه
شباب جــدة
اهلا وسهلاً باحلى ناس
ذول عاد ماعليهم غبار منتشر بين البعض منهم الكذب بصورة كبيرة ومخيفه ..
حدثني احد الزملاء قائلاً "اسكت يافلان امس رقمت خمسة بنات ورا بعض"
ويجيد شباب جدة فن التعامل بلغة الأصابع و التخاطب بالإشارات وخاصةً
عند إشارات المرور والترقيم بالمعاريض
ومن الضروريات في حياتهم ؛ لازم تكون مشبك بنات وتلعب
بلوت والا راح تعتبر شاب متخلف وعقليتك لا تتواكب وتتماشى مع متطلبات العصر
وينتشر بينهم الخدم في كل بقعه في كل شبر في كل حفرة في كل
شارع في كل شاليه ..
وفيه بعض الشباب حاط على صدره 10 كيلو سلاسل على باله راح يطلع صدام جيمس ...
وبعضهم يلبس اقمصه عليها شعارات واحرف غريبه وهوا والله مو داري ايش معناها ...
وبعضهم مشيته زي امينيم
اما اهتماماتهم : الفشخره الكذابه
الطفش .. كل مااجلس مع احد منهم قال طفشان
تشجيع الاتحاد ..
سرقة الايميلات المصلحه ...
يعني اذا ماكان معاك فلوس .. والا ما عندك شقة خاصة فيك
والا منته مستأجر كبينه فمحد راح يعطيك وجه ..
(( مطاردة البنات ))
اما ذي النقطة فهم مبدعين فيها.... عمى في شكلهم
يشموا ريحة البنت مع السواق من على بعد 40 كيلومتر
بس ترى هذولي الشباب اما البنات عاد فما عليهم كلام
احلى بنات الكون ذيك العباية المخصرة وطاقة اللثمة ولا مسوية
ملكي ولا حاطة طرحة شفاف وفاتحه العباية من تحت تستعرض بالجنز ..
وهاتك الشباب يجرون وراهم
شباب بحره
<< وين تقع هذي بالضبط؟؟؟
كل الترفية .. كل الإثارة .. كل الأكشن .. كل الأسلحة لدى شباب بحره
<< طيب ياشوتايم >>
البعض منهم اذا طفش مره قام بعملية قنص لعيال الحارة بالرشاش ....
وإذا كان مزكم ومريض يتسلا مع اهله بالشوزن في البيت ولاحظت
في الاونة الاخيرة انحراف بدرجة 360 حسب مقياس (روح اختار)
في تصرف بعض الشباب اللي صاروا يستمعوا لاغاني مايكل ...
"أبك ...ياويلي علاااااك يا ميكل بن جكسون" ... الله يرحم ايام عيسى
الاحسائي وحجاب
حتى كبار السن عندهم مصرقعين وخبلان راب وفانكي
عاد تخيل شايب يرقص فانكي عز الله راح فيها من اول هزه
شباب المدينة
مدري ليه شايفين نفسهم ..
يتكلم شويه وبعدين يقول .. انا من المديييييييييييييينة
على عيني وراسي من المدينة بس اعصابك
وعندهم قهوة مشهوره اسمها ابو ....
والله نسيت .. المهم انها ابو حاجه
لو ضربتك فيها لنسدحت صريعا ولكن صدقني راح تحب المدينة بغض
النظر عن شبابها لانها مدينة الرسول صلى الله عليه وسلم
شباب ينبع
بصراحه تخاف منهم ..
فعندهم ثقافة شباب الطائف ومكة وجدة بالاضافة الى ثقافتهم الخاصة
والتي تعتبر غريبه .. فإذا كنت ماشي على رجلك في ينبع
(ينبع كلها تلفها في خمسة دقائق) فراح تجد انه الكل يضرب لك
بوري ويقولك هاه مشوار .....
نصيحة : انته مهدد بالطفش والأنحراف لو زرتهم ..
واحسن حاجه اشتري بلاي ستيشن واجلس في البيت .. ولاتفكر تطلع مره
شباب الرياض
رأس مالهم الشماغ والعقال .. دائماً لابسينها ...
مشاء الله عليهم مشخصين في كل وقت وفي كل مكان.. تجدهم مشخصين عند الأكل ..
عند النوم .. عند الحلاق ..عند الاشارة... عند الشات
وبعضهم اذا شال الشماغ عن راسه راح تشوف جزر اندونيسيا في راسه
<<< بالله بغينا تذكره ذهاب وعوده >>>
واصحاب مصانع الاشمغة مستغلين مدى تعلق الشباب بالاشمغه وحبهم
لها .. وكل شهر نازل شكل جديد .. مساكين الواحد ما يلحق يتهنى ويفرح
بالشماغ اللي اشتراه
وعندهم قمة الترفيه والترويح عن النفس أنه يطلع القهوة مع اصحابه
ويجلس يتفرج على الدش .. والمكيف شغال وابن امه اللي يفتح فمه
انته قول السعوديه فازت ... وتعال شوف الجنان .....
والا قم بتمرير عبايه مخصره من عندهم
اهتماماتهم : مشاهدة افلام التفحيط
دخول الشات ثم كتابة عبارات غريبه .. زي : لؤؤؤؤؤؤؤؤؤؤؤل<< لازم اكبرهــا لووولز
انا ودي اعرف ماهو موقع الهمزة من الاعراب في الكلمة السابقة
<<< سؤال عليه درجتين >>>
ومن الإهتمامات : التسجيل في المنتديات بأسماء معبره مثل :
ضفدع مضيع نظارته ,, ضب اطخم ,, دولاب المطبخ
ومن أرقى الإهتمامات : الترقيم وتطفيش البنات ومطاردة الضبان وتعذيبها
شباب القصيم
قميص نوم وفوقه طاقيه ..
والمشكله يطلع فيها ويروح كل محل .. المسجد السوق , الملاهي , الماسنجر
وفيه بعضهم مرررره ماتقدر تاخذ وتعطي معاهم شايفين انفسهم القصيم :
بسهوله راح تجدهم وتتعرف عليهم من ملابسهم .. ومره لاغين المنطقة الغربيه
من قاموسهم .... حجازي وجع فجعتن
وتقول العرب قديماً قصمنجي .. على وزن افرنجي .. وكذلك قصمنجيه....
على وزن ملوخيه آسف كنت اقصد افرنجيه ...
<<< ايش اعمل جيعانه >>>
شباب الباحة
ونعم الشباب .. ولكن يلاحظ عليهم كثرة الحسد
ونقل الكلام "سعيد ظهر له كامري جديده وفيها بيجر ياحظه"
<<< يقصد جرس السرعة >>>
واليوم الثاني المسكين سعيد يسوي حادث بالكامري ويصدم في بيته
واذا مثلا ًعطست فالخبر راح ينتشر في كل مكان والله فلان عطس
ويمكن يطلعو عليك اشاعة انك مصاب بحمى الوادي المتفقع
ولا يعرفون كلمة ماشالله ولا مرت على قاموسهم
شباب جيزان
ما ام خبر قماعه ؟؟ يعني مدري كيف ابدا معاكم
لكن دعوني احاول ..
مثلا تلاقي الواحد معاك اخر حلاوه وتطلع معاه وتتعشى معاه احلى عشوه
ولا جيت عند النقطة الحساسة الا وهي الحساب تعال شوف الاعذار ..
والله نسيت ال محفظه !! والله مابش صرف
في بعضهم اعوذ بالله فيه لؤم وخبث ويبيع صاحبه عشان فلوس او
عشان مصالحه وفيه فئه مشوهه صورة شباب جيزان بصورة كبيره
لدرجة انه يسرق فلوس من محفظة صاحبه اللي ساكن معاه
شباب ابها
فهم من أكبر السفاحين في التاريخ ....
واللاته واللاته ان نذبحك اليوم ... يا حبهم للذبح .. ماخلوا شاه على حالها ..
بس هاذي تدل على كرمهم
عدد سكانها اربعة انفار وفي الصيفية اربعة على يمينها اصفار ....
أماكن التمشيات .. ابو خيال .. ابها الجديدة.. الاندلس ...
وكلها تشوفها اذا انت واقف فوق مدرج الامارة ..
ومايجي الساعة تسعة مساء الا وتسمع شخير اهلها
الفاظ الغزل : الله يطعني عليش .. عساني اخذ بالاش .. يا ويلي
شباب الدمام
رهيبين وتحف في نفس الوقت .. بس كرهونا في مطعم الطازج كل مره وعازمينا فيه ..
ياشباب استحو غيرو المطعم
وماعندهم سيره الا سوق الراشد
والله يستر على شارع الحنان اللي كله هنود و3 من الفلبين وواحد سعودي ..
اهتماماتهم : يجيد البعض منهم التحدث باللغة الروسية والاوكرانية والاشتراكية
وجميع دول الاتحاد السوفيتي السابقة بطلاقة ...
هذي والله اخرة التسدح في فنادق البحرين انا مو ذابحني الا حسدهم لشباب جدة ....
بس ودي اعرف عليه ايش تحسدونهم .... على الغجر والا الكورنيش والا الزحمة
والا الحفر بالشوارع والا الخدم اللي عندنهم ....
هم المفروض يحسدونكم على الهدوء على الكورنيش على المطار اللي عندكم ..
يرحم والديكم لاتزعلون مني مجرد مداعبة
>>>>> ردود الأعضـــــــــــــــــــاء على الموضوع <<<<<
==================================
يا اخت جادل برد عليك برد شيخنا عايض القرني
عندما رد على ياسر التويجري
هذا جنوب العز
أقول يا من صاب عقله هبالي
يومك وصفت أهل الجنوب أنت غلطان
رميت رمية مثل رمي الخطالي
وأخطيت بالرمية ولا صبت نيشان
ما تدري أنه عيب شتم الرجالي
اللي على كسب الطويلات شجعان
والله ما يقبل كلامك شمالي
يدري بعادات القبايل والأعيان
ما أدري على ويش الكبر والتعالي
ياشاحذ الأموال من كل سلطان
فقران تشحذ درهمه والريالي
متسول وتقول يا ناس جوعان
ليتك سكت وكنت لاهي وسالي
لكن على نقصك تبي زود نقصان
جنوبنا في كل شي مثالي
دار الشرف والجود من سالف أزمان
وأحنا الجنوبيين عز وجلالي
ترخص دمانا ما نساوم بالأوطان
بالعلم والتدريب طلنا المعالي
فالهندسة والطب والجيش مليان
والشعر فينا له حضور ومجالي
عرضة و ردية و طاروق و ألحان
أبدى من الطايف و أشد الرحالي
من باحة الأبطال غامد و زهران
والجو في سبت العلاية صفا لي
بأهل الشيم بلقرن و خثعم و شمران
و أحلى المناظر بالنماص الخيالي
موطن رجال الحجر لابة و شيخان
وعند أهل بيشة جود من تمر حالي
أكلب و بلحارث و صبيان شهران
و ابها تباهت بأهلها والجمالي
عسير و أصحاب النواميس قحطان
و الفزعة اللي كم تشد أنذهالي
فزعات يام أهل الشهامة بنجران
و أحسب و لا أنسى لو يطول أنشغالي
أهل القضا والفقه أشراف جازان
هذا جنوب العز ماضي و تالي
لو تحقره يا اللاش عالي و لا هان
و الختم أبي تقرا و تفهم مقالي
إن كنت للمعنى نبيه وفهمان
خل المهأيط و الكبر و التعالي
و أحذر تسب أهل المراجل بنقصان
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
