عنوان الموضوع : حب يلمنا ياقبر يضمنااا اول رواياتي غند الفهد
مقدم من طرف منتديات نساء الجزائر

حب يلمنا ياقبر يضمنااا اول رواياتي غند الفهد






§حب يلمنا يا قبر يضمنا§



أوووف شغل بشغل والوظيفه جندي والراتب ضعفه

هذا الي قاله فهد وسعود لخالد وماجد بالشقه
فهدوسعودوخالد وماجد أربع شباب يعيشون في سكن عزابيه في المدينه العسكريه بحفر الباطن شمال المملكه
كانو ٤ شباب من دراسة الإبتدائه الى تخرجهم من الثانوي بنسبه تغم الوجه
والي نعرف ان الي مايجيب نسبه تدخله كليه أو جامعه مايضفه إلا واحد من هالثنين يالحرس وتكون امه داعيتله يالجيش وبتكون داعيه عليه وأخوانا بالله
ماضفهم الا الجيش برتبة جندي المهم توضفوا الشباب بعد سنه من تخرجهم وسبحان الله ان المحبه في الله ماتنقطع لان الله جمعهم بنفس المدينه ونفس
الكتيبه العسكريه كانو هذول الشباب يعيشون في أحد قرى القصيم وكل واحد منهم بقريه وتعرفو على بعض بقرية فهد الي الشباب مسمينها مانشستر
لأنها تجمع الإبتدائي والمتوسط والثانوي والقرى الثانيه ما فيها مدارس يعني بداية معرفتهم بالمدرسه وبعدها كانو مثل الإخوان الله لايفرقهم بعد ٦ شهور
من توظيفهم قررو إن مايطلعون لقريتهم ونوو يجمعون رواتبهم ويسافرون زي الشباب
(سعوديين ومعهم فلوس )
فهد:ياشباب وين نسافر هالسنه فالينها الله لا يعوقنا بشر
سعود:نبي نروح جده علمي فيها ونا رابع ابتدائي رحنا مكه ومريناها
خالد:خلاص جده جده ام الرخى والشده
ماجد:هي هي وانا مالي راي وإلا ماني من عزبتكم
خالد:أفا ومن قال على أبو حور كذا أنت دلتنا
سعودوفهد:هاها لا البراد واحنا الفناجيل
ماجد:أولا أنا أبو حور وثانيا أنا العزبه كامله وأنتو الملحقات
خالد:تصدق انك ثقيل طينه
ماجد:أدري ومن زمان لأني اخترتكم رفقا سو لوني ماطاوعتكم ومارفظت البعثه كان ألحين بشوارع كندا
الشباب:أخص عليك تراك أردانا نسبه خل العب يقعد عنا
خالد:حنا نوينا جده أصلا هي مصر الا شئ بسيط وأخبرك بتقول مصر ماقصرت فيك يسرا
ماجد:ومن قال أبي مصر
الشباب:أنت ماتبي مصر لايكون اهتديت وتبي مكه
ماجد:تصدقون انكم مهبل الناس تطلع القمر وأنتو بالكرتون ياخواني نبي تركيا
الشباب:هاه تركيا وليه
ماجد:ايه تركيا وش معجبكم بجده جوها زفت الذبيه"المحافظه الي ساكنين فيها" أحسن من جوها
خالد:نسيت انك موظف عسكري ولازم إجازه خارجيه وهذي لوتبطي عظم ماعطوها واحد مثلك
ماجد:هذا بلى ابوك يعقاب
فهد:سبحان الله تركيا جو حلو وجه حسن تصدق يا أبو حور انك دخلت الفكره براسي
ماجد:ايه عليك نور حور مو خالد يقول ماجده مادرى لو أموت ماسمي ماجده شف كيف يصير اسمها عاد ماجده ماجد عبد االمجيد __..__.__.._؟
الشباب:هاهاها
خالد:الله يقطع سوالفك ياماجد ما أدري لولاك الشقه مالها طعم
(ماجد خفيف دم مرح لو يغيب ثانه الشباب يفقدونه ويحب يسوي مقالب فيهم صح بعضها يزعل بس يسامحونه لان مايقدرون يتحملون الدنيا بدونه)
ماجد:احم احم
فهدوسعود:تراك نفخته شوي ويطير
خالد:قلت الصدق
ماجد:تسلم ياخوي والله انكم اخوان ونعم صح أنا وحيد بين ٣بنات الا اني بعد ماعرفتكم صرتو اخواني الي ماجابتهم امي
فهد:حتى أنا والله بعد وفاة نايف الله يرحمه صرت ماشوف الدنيا دنيا الا بعد ماعرفتكم
(ماجد وخالد وسعود أصدقاء من أولي ابتدائي أما فهد انظم لشله بعد وفاة صديقه نايف يعني من خامس ابتدائي تقريبا)
وغنى ماجد بصوته العذب
عسانا من تفارق يوم
عسى دايم نكون أحباب
وبدو الشباب دق ورقص
_وبكذا يكون خلصنا البارت الأول_
البارت الثاني
لمحه عن الشباب الأربع أعمارهم كلهم ٢١ سنه أغلبهم طوال كلهم مملوحين مافيهم شين بس أجملهم ماجد وسيم وطويل وأبيض يعني حرام يكون جندي
حقه مدير شركه وإلا ع الأقل مدرس بس الأخ بليد صدق هو جميل حتى الجيش والدوره العسكريه ماغيروا من جماله شئ ألي يشوفه يقول فزاع
إلا اذا تكلم بلهجته القصيميه يعرفون انه سعودي صميم

يوم الأربعاء الموافق 6/20كانو
الشباب نايمين ولما دقت الساعه ٦ صباحا قام سعود وراح يقوم الشباب عشان الشغل وكان نظام الغرفه سعود وخالد بغرفه وماجد وفهد بغرفه راح سعود
وضى وصلى صلاة الفجر وبعدها راح يقوم الشباب
راح لغرفته يقوم خالد
سعود-خلدون قوم صل والحق الدوام تأخرنا
خالد_ أقول ابعد لايجيك مني شئ مايرضيك
"قامت بين خالد وسعود حرب داحس والغبراء وانسحب سعود بخساره"

راح سعود لفهد
سعود_ فهد تأخرنا والله ياالضابط انه متوعد فيك قم
فهد _ورى ماتاكل تبن وتذلف
انسحب سعود بعد ماقامت حرب البسوس وخسر بعد

وبعدها راح يقوم ماجد وما أدراك ما ماجد
سعود_ ماجد السياره خربانه يالله تأخرنا يادوب نوصل
ماجد _بلا سخافتك يالثور رح لايجيك بكس يطير نظاراتك يالأحو ل قامت الحرب العالميه الثالثه وانسحب سعود حقنانا لدما المسلمين

وبكذا الشباب تأخروا عن العمل ويمكن تطير منهم الإجازه
الشباب راحوا الشغل ومن حسن حظهم ان الشارع كان زحمه بسبب التفتيش الي صاير
وصار هذا عذرهم قدام الضابط والإجازه أبشركم ماطارت وأخذوا إجازة شهر يعني شهر ٧ كامل وبيقضون نصه بديارهم ونصه بيتمشون به في ربوع السعوديه
"ياحرام ماجد حلمان بتركيا يالله جده وتخب"

ماجد_ياشباب خلصو نبي نرجع الشقه بضف قشي
خالد _أوف هذا الي مايبي جده وألحين أنت أول واحد فينا طاير من الفرحه
ماجد_جده تركيا إن شاء الله باكستان المهم نفتك من الذبيه والجيش ودرع الجزيره بعد
فهد _أقول امحق درع
سعود_هي هي ماينحني راسي وأنا من بني حرب
"الشباب قصمان وحروب ماعدا فهد عتيبي"
فهد _والنعم بحرب وأهل حرب قول وفعل
سعود_والنعم بحالك يابو نواف
خالد _هي شباب لاتقضونها مجاملات
ماجد _أجل أهديلكم اغنيه خاصه لعيونكم
خالد_هذا وقتك
فهدوسعود -لاوقته ونص وطلبوه وغنى ماجد
كل القبايل بها نفخر
ماجمعو الألف والميه
وغناها كامله واو صوته عذاااااب ويدق ع طاولة المكتب
وطلعوا الشباب من مقر شغلهم الساعه ٢ وتغدو ونامو لأن وراهم سفر

_البارت الرابع_
ماجد_ول الساعه ١٠بليل ومحد قام من الشباب كل هذا نوم نامو تقريبا ٨ساعات الله يهنيهم
ويخليهم لي أنا بدونهم ما أسوى شى ورفع يده ودعا يارب تجعل يومي قبلهم وراح يقوم الشباب بطريقه مرحه عكس سعود الدفش
راح وباس راس خالد وقال بو خلود تصدق انك حلو وأنت نايم والله شكلك عذاب كأن وجهك يقول لاتقومني بس وأنا اخوك الساعه ١٠وماصليت يالله قوم
وقالها بطريقه خلى خالد يقوم غصب
وبعدها راح لسعود وأخذ يده بين إيديه وقال إن كان حبي لك هو أعظم خطاياي ماقول يانفسي عن حبي لسعود توبي
سعود_ قام ورد عليه أجمل خطاك وآخر احدود دنياك وأصدق معاذيرك وأطهر ذنوبك
ماجد_ماتفوتك يسلملي هالصوت وراعيه ياعلني مانحرم منه
سعود_ تسلم وقام من سريره وراح للحمام _وتو بكرامه_
وبعدها كمل ماجد يقوم
فهد "بس هنا غير بياخذها بمقلب زي عوايده "جاء ماجد ونام جنبه بالسرير وقاله تصدق فهد الإنسان مايضمن عمره وأنا اخوك والإنسان يحس بنفسه اذا بيموت
وأنا يافهد حسيت إن منيتي قربت بس تكفى ياخوي دير بالك على حالك وعلى الشباب وخليكم من بعدي يد وحده وأدري انك تموت على اختي رنا وترى رنا لك
دير بالك عليها حطها بعيونك وكل ماتشوفها تذكر انها اخت الغالي واذا حملت وولدت سمو ولدكم ماجد وبعدها سمع ماجد صوت غريب تحت البطانيه
وفهد ذكي يبغى ماجد يرفع البطانه وفعلا رفع ماجد البطانيه وأخذ ماجد كف على وجهه بحياته ما أخذ مثله بس ما عصب لأن كان فعلا فهد يبكي كلام ماجد خوفه
وبعدين ماجد حب راس فهد أمزح يبو الشباب بس تصدق أتمنى أموت ولا أفقد واحد منكم قال فهد شكل الكف الي جاك مانفع وتبي من يعيده٠
ماجد لا خلاص قسم كفك دار وجهي لو انه ماهو أنت الي معطنيه كان صارت اعلوم
فهد _هذا عشان ماتكررالي قلته أنت وجهك وبعدين من قال اني ابي اختك
ماجد_ علينا يامناحي خلاص ماتبيها ولد عمي مجنني عليها وأنا الي أصرفه عشانك الحين أدق عليه وقول بس تعال اخطب والبنت لولد عمها وما اعتقد ابوي
يرفض ولد آخوه
فهد_ لاخلاص الله يرحم والديك إلا أبيها وأموت عليها بعد
ماجد_ لاخلاص انسى رنا
فهد _أقول والله ماخذ الا هي فاهم انت وأنا هونت أروح معكم جده رايح لديره أخطبها
ماجد_ لاوالله وأنا مو موافق
فهد _وافقت والا ماوفقت الشور شور البنت
ماجد_ ماعندنا بنات ناخذ رايهم
فهد_ لاتعقدها تكفى والله اني أبيها لأنها اخت الغالي
ماجد_ بس
فهد _وميت عليها كفايه انها تربية ام ماجد
ماجد_ ماعليك زود وهي لك بس حبيت أطفرك
فهد_ حب راسه وقال الله يخليلي أبو عبدالمجيد وبعدين ولدي ماني مسميه الا ماجد لي الفخر لا قالو لي أبو ماجد
ماجد_ لا الا أسمي لاتسميه
فهد _هذا طلبك
ماجد_ طلبي لاصرت تحت التراب مو ألحين
فهد_ شكلك مشتاق للكف
ماجد_ قلت الصدق اسمي ملكي لين أسلم الروح لخالقها
بكى فهد بصوت عالي لدرجة ان الشباب من قوة صوت البكى
جو ركض للغرفه ومايدرون اش الي صاير فهد يبكي وحاط ايده على وجهه وماجد واقف مذهول
خالد _ماجد اش فيه ليه يبكي صاير لأهله شئ
سعود_ تكلم ماجد فيه شئ
فهد _لا مافيني شئ بس حلمت حلم مو زين ويوم جاء ماجد يقومني قمت فجأه وهذا الي صار
سعودوخالد_ جمدت الدم بعروقنا قم وض وصل هذا ابليس تعوذ منه
ماجد_ يمسح دموع فهد ويقوله آسف ياخوي ومشكور خلصتني منهم
مشى فهد وترك ماجد وهذا أصلا الي بيصير من فهد
المهم الشباب قامو كلهم وكل واحد منهم أخذله ركن يعتكف فيه ويصلون الصلوات الفايته
الساعه ١١ ونص وهم ماتعشو ولا راحو السوق يشترون
خالد _وين تبونا نتعشى
سعود نبي كبسة دجاج على الفحم نبي نضرب بالخمس لين تقول العميا"المعده"بس
خالد وماجد هاهاها كبسه كبسه
التفت خالد على فهد وشاف الحزن بوجهه
خالد فهيد ها وش قلت كبسه ولا كبسه اختر وحده من الثنتين
فهد- لا مو مشتهي روحو أنتو أنا بجلس ماني طالع
ماجد- خلاص نجيب العشى هينا
فهد- صرخ وقال قلت مابي غصب الدعوه
ماجد حس بفهد لأن فهد حس بفقدان الحبيب والصديق الي هو نايف صديقه وخايف الحين يفقد ماجد الله يهديني أنا ليه سويت كذا
قالو الشباب خلاص هونا مانبي نروح أصلا كلها ساعات ومسافرين ناكل بالطريق والسوق من زين أسواق الحفر نشري من بريده وتفرقوا الشباب
سعود على التلفزيون يشوف المصارعه *وخالد راح يجيب ملابس من المغسله* وفهد راح للغرفه وهموم الدنيا فوق راسه*
وماجد يعض أصابع الندم ع الي سواه بصديقه ولحق فهد للغرفه وشاف فهد يكلم أهله وفوق ماهو تعبان الا انه معصب من المكالمه وسمع ماجد الكلام
الي صار بين فهد واخته
فهد-يانوف والله ماتاخذينه مادامني حي
نوف -أناخايفه
فهد- ياحبيبتي لا تخافين أنا جاي بكره وأتفاهم معه
نوف- بس هو وابوه وعمتي خطبو رسمي
فهد -ليه هو متى خطب
نوف- اليوم العصر
فهد- اليوم وابوي موافق
نوف -ولد اخته ليه مايوافق
فهد- هونيها وتهون يالغاليه مادامني فهد وأخو نوف ماتاخذين الا الي يسعدك
نوف- الله يخليك لي
فهد- طيب أرتحتي ألحين
نوف -أكيد مدام أنت معي فهد
فهد- وش عندك ياحلوه بتقولين شئ
نوف- إيه رنا تسلم عليك
فهد -رنا تسلم علي إحلفي
نوف- والله العظيم
فهد- أجل اذا كلمتيها سلمي عليها كثير
(رنا وفهد بينهم علاقة أيام كانو صغار وكان يجي فهد يلعب عند ماجد بحجة انة يشوف رنا وكان ماجد داري بس ساكت بمزاجه
ونوف كانت الوسيط بين فهد ورنا لتبادل المشاعر)
نوف- من عيوني فهد دريت انها راح تنخطب
فهد- ايه قالي الغالي ان ولد عمها يبيها بس أنا قررت لاجيت أخطبها
نوف- صدق تستاهلها
فهد -إي والله كفايه انها أحسن من مها إخت يوسف هذي رنا أخت ماجد
نوف -والنعم فيها نسبهم يشرف
فهد -والنعم فيك وفيها
الله يخلصك من يوسف ويخلصني من مها
نوف- آمين اش جاب لجاب رنا دانه قدام مها الا بسألك شخبار الشباب
فهد -كلهم تمام
نوف -شخبار ماجد
فهد-ليش تأسلين عن ماجد
نوف -رنا تقول انه تعبان
فهد- لا هو طيب وزي الحصان بس عشانه أبيض تأثر فيه شمس الذبيه وتحسس شوي والله يانوف لاشفته يتألم باليل ويتقلب ع السرير
اني ادعي تكون فيني ولا فيه
نوف-اسم الله عليك
فهد-لاتسمين علي هذا اخوي كيف ماتبين أشاركه وجعه
نوف -الله يخليكم حق بعض
فهد-آمين نوف بسألك الإنسان يحس بنفسه اذا بيموت
نوف -وليه هالسؤال ياخوي
فهد -ما أدري اليوم قالي ماجد كلام زعلني منه ويقول انه حاس نفسه بيموت
نوف -ياخوي الموت لاجا يجي بغته ولايهمك كلام ماجد تلقاه مقلب من مقالبه
فهد -طمنتيني أتمنى يكون مقلب
أجل باي وديري بالك ع حالك وسلمي ع أمي أبوي واخوانك زين
نوف -بس
فهد -وعليك يالسوسه بعد
نوف -بس
فهد -وعلى رنا بعد أرتحتي
نوف -أبشريالله باي
فهد -بايات
وكمل فهد ترتيب شنطته وماجد بعد ماسمع المكالمه دخل على فهد وقاله كيفك يابو ماجد
فهد مارد
ماجد -شوف فهد زعلان من حقك تزعل بس لاتطنشني كذا
فهد ساكت
ماجد -فهد أنا جوعان نبي نتعشى أنت أحرمتنا العشى يالله نبي نطلع نتعشى وبعدها طنشني يوم كامل
فهد -بس يوم بطنشك شهر كامل
"ماجد بينه وبين نفسه أنت رح معنا وبتشوف الي يسرك"
ماجد -على راحتك بس ماراح تقدر
فهد -أقدر
ماجد -بضحك انشوف
فهد-واثق والله
ماجد-اكيد
راح ماجد لسعود وخالد الي تو داخل قال ياشباب ع المطعم
سعودوخالد -وفهد
ماجد -أصلا هو الي عزمنا
وطلعو الشباب الأربع بالفورد حقتهم
"الفورد لماجد شراها له ابوه موديل قديم بس تأدي الغرض والبقيه راح يشتروا سياره بعد تحسن وضعهم المادي"
ماجد وخالد قدام وسعود وفهد ورى وضحك وسوالف وأغاني لين وصلو المطعم
المطعم جلسات خارجيه على ثيل كان فهد وماجد قبال بعض والزعل مبين على فهد
ماجد -سعود بما انك جوعان رح اطلب الي يعجبك
سعود -أبشر تخاويني ماجد
ماجد -لا رجلي نايمه رح مع خالد
خالد -يالله أجل ترى نبي نطلب الي نبي
ماجد -خذ راحتك مو قلنا الحساب ع فهد
فهد -اطلب لو تطلب المطعم كله
خالد -تسلم يالغالي وراحوخالد وسعود
جا ماجد جنب فهد بحجة انه يبي يتراكا ع المركه وأخذ جواله ودق على رنا ذكي وخلى المكالمه ع السبكر
ماجد -هلا برنوش
رنا -هلابك يامجودي شخبارك
ماجد -تعبان وأنا اخوك
رنا -اسم الله عليك اش متعبك يابو فهد
"فهد يسمع الصوت ومو مصدق ويوم سمع اسمه بغى ينجلط"
ماجد -هو فيه غيره
رنا -مين
ماجد -فهد
رنا -ليه فهد صاير له شئ
ماجد -زعلان علي
رنا -أشوى طمنتني على بالي صاير له شئ
ماجد -ليه خفتي
رنا -اذا ماخفت على صديق الغالي وأخو نوف الغاليه من أخاف عليه
ماجد -تسلمين
رنا-ليه انت مزعل فهد
ماجد -ايه لعبت عليه مقلب وزعل
رنا -ياماجد متى تبطل مقالب تراها بدهورك
ماجد -خلاص ببطل الا أقولك فيه أحد اليوم خطبك مني وأنا وافقت
رنا -اذا ماوفق عليه ماجد أنا موافقه
فهد -ماسألتيني مين
رنا -مين
ماجد -عبدالرحمن ولد عمي
رنا -لا الا هذا مستحيل
ماجد -ليه رجال والنعم به وظيفته زينه
رنا -ماجد تكفى ترى تكفى تهز الرياجيل هذا بذات ما أبيه
ماجد -ليه
رنا -رفضي مو لشخصه أنا ما أطيق امه وخواته هذا هو السبب
ماجد -هو صح خطبك مني وقلت له انك فايته لغيره وتقبل الموضوع عادي
رنا -تسلم وأحسن تصريفه بعد
ماجد -بس صدق مو تصريفه أنتي لواحد عندي هنا وماراح تاخذين الا هو فاهمه
رنا -حلوه هذي غصب الدعوه
ماجد -قولي مين وأبغى أسمع ردك ألحين
رنا -مين
ماجد -فهد النواف ها اش قلتي
رنا
ماجد -ألحين انبلع لسانك تكلمي
رنا
ماجد -شوفي أختاري واحد من الثنين عبدالرحمن ولا فهد
رنا
ماجد -تكلمي لا والله بكف يعدل وجهك
رنا الي تشوفه
ماجد -اف وش دراك انه عندي وأشوفه لاتكونين تكلميني فديو
رنا -استحت وسكرت التلفون
وبكذا ظم ماجد فهد وقال مبروك عليك رنا يابو ماجد
رد فهد الله يبارك فيك وعقبال عندك
ماجد -والله ودي بس مدري عن اخوها يوافق والا يرفضني
فهد -ماعاش الي يرفض ابو فهد
ماجد -أنا اطلب يد اختك نوف ع سنة الله ورسوله
فهد -من الفرحه ظم ماجد وقال مبروك عليك نوف يابوفهد وظحكو وناقزو من الفرحه
جو سعودوخالد بعد ماطلبو العشاء تعشو وما أمداهم يرحو السوق
راحو الشقه الساعه ٣ الفجر ونامو وماقامو الا ١١راح خالد وجاب نواشف من البقاله الي جنبهم وعلى الفطور قال ماجد ياشباب بقولكم خبر زين
سعود -قول يابو الأخبار
ماجد -فهد خطب اختي وأنا وافقت بشرط يعطيني اخته
سعود -ع البركه وعطاك اخته
فهد -وليه ما اعطيه اختي وين بتلقى أحسن من ماجد
خالد -مبروك ياشباب وعقبال فرحتنا بزواجكم
فهدوماجد -الله يبارك فيك وعقبالك أنت وسعود
خالد -آمين
سعود -يعني هالإجازه بتملكون
فهد -ياليت
"نسيت أقول ان ام ماجد حامل وبشهر التاسع ويتمونون ولد"
دق تلفون ماجد وطلع الي داق ابوه
أبوماجد -السلام عليكم
ماجد -هلا والله ببوماجد
أبو ماجد -هلافيك شخبارك
ماجد -تمام شخبار أمي وخواتي
أبو ماجد -بخير وأبشرك أمك جابت ولد امس بالليل
ماجد -قام وقال الله يبشرك بالخير وأمي طيبه
أبو ماجد-ايه ماعليها الا قلنا اش تبي نسميه
طالع ماجد بفهد وقال سموه نايف
أبو ماجد -أبشر وأنا ابوك نايف حلو ألحين أنا أبو ماجد ونايف
ماجد -عساك ذخر يارب
أبو ماجد -يالله تعال عشان تشوف اخوك
ماجد -أنا بمشي بعد ماصلي الظهر
أبو ماجد -يالله مع السلامه وسلم ع الشباب
ماجد -أبشر
فهد -ألف مبروك ياخو نايف
ماجد -الله يبارك فيك وسميته نايف عشان تعرف قدرك يابو ماجد
سعود -مبروك وزين ماخترت عساه ياخذ منك جمالك وياخذ من نايف أخلاقه الله يرحمه يارب
ماجد -أمين
خالد -مبروك وليه ماسميته خالد اسمي حلو
ماجد -مايحلي الاسم الا راعيه كان نفسي اسمي ع واحد منكم بس مايجون اخوان نفس الاسم وأنتو اخواني والا كلامي غلط
خالد -الا كلامك جد الجد الله لايخليني منك
ماجد -تسلم
فهد -أقولكم من ألحين تمايمه علي
سعودوخالد -قل علينا كلنا هذا نايف اخو ماجد الغالي
ماجد -افلوسكم لكم نسيتو سفرتنا ابو ي ماراح يرضى
الشباب -الله يخليه لكم ويتربي بعزكم
ماجد -تسلمون بدق ع رنوش
فهد -ليه
ماجد -بخليها ترسل صورت نايف
فهد -خله ع سبكر
خالد وسعود -انهبلت
فهد -إيه انهبلت وغنى اغنية راشد
غلاها ياكبر عندي غلاها
عشقها القلب والخاطر بغاها
تولعت برنوش دون ما اأدري
وباع الناس قلبي واشتراها
راح ماجد ودق ع رنا وسمعها فهد وهو يغني
سعود -بهمس ماجد اختك ع الخط
ماجد -ايه خلي العشقان يعبر عن مشاعره
فهد كرر الإغنيه مرتين وبعده قالها رنوش أموت عليك يا خت ماجد ونايف
ماجد -طولتها عاد
فهد -أقول رنوي اش رايك بصوتي
ماجد -هي هي أنا موجود ألحين استحى شوي
خالد -ماجد خله ع راحته
فهد -تسلم والله يابو خلود
ماجد -عدل عن السبكر وقال رنو مبروك الافي
رنا -ويبارك فيك
ماجد -أرسلي صورته
رنا -أبشر نسختك بس أنت أحلى
ماجد -ايه أدري أصلا مافيه مني اثنين
رنا -مغرور
فهد -يحقلي أكون مغرور وحط عسبكر رنا اش رايك بفهد وصوته
رنا -يسلم والله صوته رايق
ماجد- هي استحي يابنت
رنا- قلت الصدق
ماجد- الخبل موأنت الخبل الي متصلبك
رنا -محشوم ياخوي وسلم ع الشباب
ماجد -أبشري تبين أخص أحد بالسلام
رنا -أخاف تزعل
ماجد -لا عادي
قالت فهد وسكرت الجوال
إلا فهد تشقق من الفرحه وراح باس راس ماجد وقال يارب أكون عند حسن ظنك وأسعدها ياخوي
ماجد -حطها بعيونك
فهد -بعيوني بس هي هنا وأشر ع قلبه متربعه فيه هي وأخوها
سعودوخالد -واحنا وين
فهد -أنتو بصميم القلب
ماجد -الله يسعدك ياخوي
فهد -ويسعدك وتأكد اني أنا سواقك بيوم زواجك العروس اختي
فهدوخالد -واحنا أول سياره ماشيه ورى موكب زواجك لين نوصلك الفندق وترك تعشينا بعد

>>>>> ردود الأعضـــــــــــــــــــاء على الموضوع <<<<<
==================================


وين ردوووودكم كل هذا 16 وما عجبتكم روايتي وربي تحطييييييييييييم


__________________________________________________ __________


__________________________________________________ __________


__________________________________________________ __________


__________________________________________________ __________