عنوان الموضوع : موضوع مميز:▀▄▀▄ عروســه خــلف الكواليــس ▀▄▀▄
مقدم من طرف منتديات نساء الجزائر

موضوع مميز:▀▄▀▄ عروســه خــلف الكواليــس ▀▄▀▄






مـــسائكم ورد

وأنتم أحلى من الورد كله

وحــشتوني كثيــر ...

حبيت أعمل موضوع نسولف فيه وننبسط ...
أكيد مليتوا من تحضيرات العرس ... والتجهيزات والزفه .. والكوشه .. والمكياج ... والتسريحه ...
وتعودتوا دائما تطل عليكم العروسه ... زي الملـكه وهي بكامل أناقتها ..

اليــــوم .....
ماراح نشوف العروس الملكه ...... بزفتها
نبغى نتعرف عليها خلف الكواليس ...... ومو بس هي ...... هي وعائلتها بعد ...

................................

خلف الكواليـــــس
تصحى العروسه من النوم الصباح ........... وهذا اذا نامت اصلا ..
مسكينه حااااايسه وقلقانه ومرتبكه
وأهلها كلهم حايسين
اللي ياخذ شور واللي يجهز واللي يعمل سشوار
وزحــمه في زحـمه
ســواء كانوا أهل العروسه أو أهل العريس ....
وفوق ان البيت زحمـه غالبا يتجموع بنات العمات والخالات وتصير زحمه على أصولها

فيه نقاط لازم نتطرق لها :

وهي أشياء ضروريه لاااازم العروسه تنتبه لها وتتأكد منها وتكون مرتبتها على الأقل قبل العرس باسبوع وكمان يوم العرس .

_ لازم العروسه تجهز فستانها وتتأكد انه على مقاسها لأن أحيانا العروسه تشتري الفستان قبل موعد العرس باكثر من شهر
وخلال هالشهر ممكن تنحف وممكن تسمن ... وقد صارت مع وحده أعرفها اشترت فستان قبل العرس بفتره طويله ولما لبست الفستان يوم العرس
صارت تسبح داخل الفستان لانها نحفت كثير فا لازم تنتبهون كثير من النقطه هذي .

_ كمان فيه عروسه اشترت الشوز من محل وجربته بالمحل وطلع المقاس تمام وخلاص رجعت للبيت وحطت الشوز بالدولاب ويوم العرس
اكتشفت ان الشوز كله يمين .

_ لازم تكون كل أغراضك جاهزه قبل الزواج بيومين عل الأقل وتتأكدين منها علشان ماتصير لك مواقف أنت بغنى عنها
لازم تتأكدين من ( المجوهرات اللي بتلبسينها . اكسسوار الشعر أو التاج والشوز والطرحه ........ وكل شي )

_ لازم تشيكين على كل الحجوزات قبل الزواج بيومين ( الكوافير _ محلات الحلويات _ المصوره _ الطقاقه )

الأطفـــال

كواليسهم حاجه ثــانيه
اساسا مين قدهم بذاك اليوم كأنه يوم عيد عندهم ....... كل شي جديد وغريب وفساتين كنهم ألعاب مررررررره يزننون
وكل بنوته تتخيل نفسها عروسه بذاك اليوم ..... تبغى تلبس فستان ابيض وطرحه وتمسك الورد وتصير عروسه صعنونه
ونفس الشي للولد ........ وهذا كله كوم ومواقفهم المضحكه كوم ثاني
مره أهل العروسه محتاسين يدورون على بنتهم الصغيره عمرها 3 سنوات بعدين اكتشفوا انها نايمه ورى كنب العروسه عالكوشه ... لما سألوها ليش نمتي هنا بالتحديد .. قالت علشان اذا جت العروسه اشوفها
خطييييييره ما تبغى يفوتها شي

دائما تصير ربكه وحووووسه بتجهيز الطاولات
لازم تكون العروسه متأكده من الجهه اللي راح تنسق العرس
وتتفق معهم على ساعه معينه لازم ماتجي الساعه هذي الا والترتيبات تكون منتهيه
علشان ما تسوي ربكه .. .

حبيت أنزل الموضوع هذا علشان ننبسط
ونتعرف على كواليسكم بزواجاتكم ...

وش المواقف المضحكه اللي مرت عليكم بيوم الزواج
وش أصعب موقف مر عليكم ........ ومتى تروحون للقاعه لما يكون الزواج يقربلكم مثلا زواج اختك ... أخوك ... خالك ... عمك
وش الاشياء اللي اكتشفتوا يوم الزواج انكم نسيتوا تشترونها
وين تتجهزون للعرس ومع مين
مين جلس يبكي اكثر العروسه والا أمها


أتمنى يكون أعجبكم الموضوع
ننتظـر مواقفكم خلف الكواليس




لكم كل الحب

>>>>> ردود الأعضـــــــــــــــــــاء على الموضوع <<<<<
==================================


مواقف وحكاااااااااااااااايات


بيوم زواجي ياحبوبة

المسكة من الورد الطبيعي

والمفروووض تسلم بيوم الزواج العصر..

طبعا رحنا لقينا المحل مصكر

والله وكيلك
وش صار المشكلة ممصممة بنفس الوان الكوشة يعني ماتلاقيها بسهولة
\
وخليها على ربك ايش الربكة الي حصلت


__________________________________________________ __________

هههههههههههههههه
يعطيكي العافيه اختي
أنا لسه بنوته ماأعرست
بس موقف صار مع أختي بعد
المسكه ورد طبيعي وموصيه عليها من الدمام
وجتها المسكه ولما اختي مشت بالزفه وهي بطريقها للكوشه
ماادري وش صار على المسكه وتفتت وطاح الورد اللي فيها
يمين ويسار وعلى الفستان ((المسكه حجمها كبير))
وتفشلت المسكينه


__________________________________________________ __________

الله يعطيكم العافيه موضوع مررررررررره حلو


__________________________________________________ __________

الله يعطيك العافيه حياتي والله يحيك وسط خواتك لكن موضوعك مكرر انا اسفه

)( ينقل للقسم المناسب له المواضيع المكرره)(


__________________________________________________ __________