عنوان الموضوع : طريقة سهلة لحفظ الكلمات الانجليزية -انجليزي
مقدم من طرف منتديات نساء الجزائر

طريقة سهلة لحفظ الكلمات الانجليزية



السلام عليكم

كيفكم بنات انشالله تكونون بخير
صراحة هاذي اول مشاركة لي في المنتدى و انشالله يعجبكم موضوعي
دايما كنت احاول اتعلم اللغة الانجليزية بس اللي معقد الموضوع هو اني ما اقدر احفظ الكلمات الانجليزية و كل ما احفظ كلمة بعد فترة انسى الاسبيلينغ حقه لييين ما ساعدني اخوي و لقالي هذي الطريقة و انا جربتها و صرت احفظ الكلمات اكثر يوم ورى يوم

ما اطول عليكم هذي هي الطريقة:
1_ اول شي تجيبين دفتر كبير مثل ريكود و تقسمينها صفحات كل صفحتين يكون له عنوان محدد مثل: صفحة للافعال الماضية او صفحة اسماء الحيوانات او الاماكن وهكذا

2_لما تقسمين الدفتر تبدأ تكتبين فيها الكلمات على حسب عنوان الصفحة مثلا: صفحة الافعال تكتبين فيها الافعال و هكذا

3_كل يوم تأخذين خمس كلمات من الدفتر و تحفظينها , تحفظين الاسبيلنغ حقها و نطق الكلمة و تتدربين عليها و تستخدمينها في حياتك اليومية او تكتبين جمل تحتوي على الكلمات اللي حفظتيها

4_لازم يكون معك دفتر نوتات صغير و قلم يكون معك في الشنطة في كل مكان و تكتبين فيه اي كلمة انجليزية تخطر على بالك او تسمعينها او تقرأينها

5_اكتبي جمل بالانجليزية و تدربي عليها في اوقات فراغك و حاولي تتفرجين على برامج انجليزية او اخبار.....




و هاذي طريقتي انشالله تعجبكم و تفيدكم
انتظر ردودكم


>>>>> ردود الأعضـــــــــــــــــــاء على الموضوع <<<<<
==================================


يسلموووووو


__________________________________________________ __________

ان شاء الله سويها

فيني اعمل اي شيء عشان اكون شاطرة فيها مثل الفرنسية حتى لو اني اعرف لها مو كتير


__________________________________________________ __________

هههههه يعطيك العافية طيب واللي أم وعيالها في المدارس وتبي تتعلم من دون ما أحد يدري يعني يكون سرها الخاص كيف تسوي
اللي زهقت من الاتجليزي المكسر وضجك الجميع عليها وتريد تفاجيء الكل ياالله همتك دوري لها حل


__________________________________________________ __________

المشاركة الأصلية كتبت بواسطة الحمامة المطوقة
هههههه يعطيك العافية طيب واللي أم وعيالها في المدارس وتبي تتعلم من دون ما أحد يدري يعني يكون سرها الخاص كيف تسوي
اللي زهقت من الاتجليزي المكسر وضجك الجميع عليها وتريد تفاجيء الكل ياالله همتك دوري لها حل

الله يعافيك حياتي


الام دايما مشغولة و ممكن ماعندها وقت عشان كذا تقدرين تحفظين اي وقت انتي فاضية فيه لما العيال في المدرسة او بعد الغذا و خلي اي احد يساعدك في الحفظ و يسمعك
لا تخلينها سرك الخاص عشان ما تتعبين في الحفظ و اكيد رح تكون مفاجأة اذا شافوك تتكلمين انجليزي زييين و يعطيك العافية يا رب


__________________________________________________ __________

المشاركة الأصلية كتبت بواسطة همسة الوداع
ان شاء الله سويها

فيني اعمل اي شيء عشان اكون شاطرة فيها مثل الفرنسية حتى لو اني اعرف لها مو كتير

حاولي تجربين هذي الطريقة او اي طريقة ثانية للغة الفرنسية و انشالله تكونيين اشطر وحدة في الفرنسية